[غشمشم]

السلام عليكم"
هالحين بريده على قدمها وكبرها وتطورها مافيها عيادة وحده للطب النفسي ..

لاتقولون فيه( مستشفى الطب النفسي) لأن هذا خرطي ووجوده مثل عدمه..

كل مارحت بقريبتي له حسب الموعد نلقى طبيب او طبيبة شكل ..يعني المريض لايتواصل او يستمر مع طبيب واحد ..

واول ماندخل عليه يفتح الملف ويقرأ اللي فيه ويقول : خلاص استمروا على هذا العلاج وتعالوا بعد شهر ..
وعلى هالحال ..


وكم فرحنا واستبشرنا خير لما قريت في جريدة الوسيلة انه يوجد طبيب نفسي في ( مجمع الصفوة الطبي ) فاتصلت مباشرة عليهم ابغى احجز عندهم فقالوا: اللي عندنا طبيب نفسي من الرياض يجي كل (احد) بس .. ولكن ليس اكيد حضوره كل اسبوع ..

فقلت : احجزوا لي الاحد. فحجزوا .. ولما اتصلت عليهم صبح الاحد .. قالوا: اتصل العصر الساعة خمس اذا جاء تعال والا ماهو جاي


يعني لازم نضرب مشوار للرياض او جده علشان ( طبيب نفسي)؟؟؟؟؟؟؟؟؟

[Borne2Die]

شر البلية ما يضحك :D
مين قال يا غشمشم أن بريدة فيها مجانين علشان يحطون لك طبيب نفسي ...خخخخخ:D
ما شاء الله أهل بريدة كلهم يعني 200% من العقلاء و المثقفين ...عاد ما في داعي للنفسية !!!

[غشمشم]

اقتباس المشاركة الأساسية كتبها Borne2Die شر البلية ما يضحك :D مين قال يا غشمشم أن بريدة فيها مجانين علشان يحطون لك طبيب نفسي ...خخخخخ:D ما شاء الله أهل بريدة كلهم يعني 200% من العقلاء و المثقفين ...عاد ما في داعي للنفسية !!!

الله يهديك
ومن قال ان العيادات النفسية للمجانين بس
يااخوي الامراض النفسية بهاالوقت تفوقت على الامراض العضويه .. انت ماسمعت عن الاكتئاب والقلق والوسواس القهري والرهاب الاجتماعي وغيره وغيره
والا انت ماانت على الدنيا .. يااخوي هالحين لو تتصل على اي عيادة نفسية بالرياض مثلا مايعطيك حجز الا بعد شهرين من كثرة المرضى اللي حاجزين عندهم.

[حبر الألم]

والله إنك صادق


والمشكلة إن الناس يعتقدون إلى ألحين إن العيادة النفسية للمجانين فقط

[غشمشم]

اقتباس المشاركة الأساسية كتبها المملوح والله إنك صادق والمشكلة إن الناس يعتقدون إلى ألحين إن العيادة النفسية للمجانين فقط

الى هالحين ماعند اغلب الناس وعي بدور واهمية الطبيب النفسي .. وهالحين بس عذرت قريبتي لما طلبت ان تكون زيارتها للطبيب النفسي سرا بيني وبينها لأنها كانت تقول لن نظرة المجتمع خاطئة لهذا النوع من الطب ؟؟

[راحل]

السلام عليكم /

اخي غشمشم كلامك صحيح كثيرون الذي يشتكون من المستشفى وبريدة بحاجة عياده نفسيه ..

وأما أنت يا (Borne2Die )من قالك ان الي يراجع العياده النفسيه مجنون راجع معلوماتك واسأل من الي يروحون ومنهم الي يراجعونه وأنا متأكد إن بعض الي يراجعون العيادات النفسيه يمكن أعقل منك
الله يجعلك ماتطبه إن شاء الله ,,

راحل ...

[غشمشم]

اقتباس المشاركة الأساسية كتبها راحل السلام عليكم / اخي غشمشم كلامك صحيح كثيرون الذي يشتكون من المستشفى وبريدة بحاجة عياده نفسيه .. وأما أنت يا (Borne2Die )من قالك ان الي يراجع العياده النفسيه مجنون راجع معلوماتك واسأل من الي يروحون ومنهم الي يراجعونه وأنا متأكد إن بعض الي يراجعون العيادات النفسيه يمكن أعقل منك الله يجعلك ماتطبه إن شاء الله ,, راحل ...

الله يكفينا واياك شر المرض النفسي والعضوي
شكرا لردك

[ولد خيخي]

يارجال مانقصنا ألا طبيب نفسي
والله ياباقي أشياء أهم لا صارن
يبقى أشياء كثرهن أقل أهميه
واهم من الطبيب النفسي ولا صارن
الأشياء الي أقل أهميه يبقى أشياء أقل أهميه من الي أقل أهميه
أهم من الطبيب النفسي
تحداك تفهم واذا فهمت فانت مخ
أجل الشارع التجاري جايزلك ماحاس سياراتنا الآهم
مافيه حماية مستهلك ولاعندنا شيئ زين مثلهم
والبيض غلي
وتذكرون الكوسه
وسمعتوا عن الحادث الي يداااااااااااااااااااااافع البلى بغى يصير بس فكهم الله
وشكرا لحسن إحسانكم
ومع السلام عليكم بإذن الله تعالى فقط








أقول فقط خلاص وشوله تقرا أنت يالملقوف كود أحط قوس )




















































فقط أفهموووووووووووووووو يالذهانه الله العالم كود جدار على وزن كود أندس

[غشمشم]

اقتباس المشاركة الأساسية كتبها ولد خيخي يارجال مانقصنا ألا طبيب نفسي والله ياباقي أشياء أهم لا صارن يبقى أشياء كثرهن أقل أهميه واهم من الطبيب النفسي ولا صارن الأشياء الي أقل أهميه يبقى أشياء أقل أهميه من الي أقل أهميه أهم من الطبيب النفسي تحداك تفهم واذا فهمت فانت مخ أجل الشارع التجاري جايزلك ماحاس سياراتنا الآهم مافيه حماية مستهلك ولاعندنا شيئ زين مثلهم والبيض غلي وتذكرون الكوسه وسمعتوا عن الحادث الي يداااااااااااااااااااااافع البلى بغى يصير بس فكهم الله وشكرا لحسن إحسانكم ومع السلام عليكم بإذن الله تعالى فقط أقول فقط خلاص وشوله تقرا أنت يالملقوف كود أحط قوس ) فقط أفهموووووووووووووووو يالذهانه الله العالم كود جدار على وزن كود أندس

بس انا اشوف ان وجود عيادات للطب النفسي ايضا مهمة بل ومهمة جدا جدا ..فلا يكاد يخلو بيت الا من رحم الله من وجود من يعاني نفسيا ولكن لايعرف اين يذهب او يتعذر عليه الذهاب للرياض او جده

[اخو دريحم]

مادام ان الشيخ 0(.صالح العبيد.) يقراء على المرضى مايحتاج طبيب نفسي.
الحمد على العافيه.

[غشمشم]

اقتباس المشاركة الأساسية كتبها اخو دريحم مادام ان الشيخ 0(.صالح العبيد.) يقراء على المرضى مايحتاج طبيب نفسي. الحمد على العافيه.

وماالذي يمنع من الجمع بين الرقية الشرعية والعلاج النفسي؟؟؟

[سعفة]

ياحبيلك يا غشمشم ،،،، قسم بالله انك دخلت قلبي يا بعد هالدنيا
يااااااااااااا بعدهم كلهم ياخي هرجك اقتنعت به <<- قل مشكلة عاد

بس تدري وش المشكلة
لو عندي ربع مشكلة وأروح لهالي بالجامعيين ذا
أن تسان صارت مشاكل

والله يا مكانه شين ومدخله تقل ابتدائية باليمن

بعد لو يحطون مبنى شمال بريدة يحبه قلبكـ ،، مثل مبنى البريد
ويوضفونن عندهم <<<=== ترى هذا الشاهد

ويجيبون أطلق طبيب قسم بالله ضرووووري

تفاول خير يا ألبي

[غشمشم]

اقتباس المشاركة الأساسية كتبها سعفة ياحبيلك يا غشمشم ،،،، قسم بالله انك دخلت قلبي يا بعد هالدنيا يااااااااااااا بعدهم كلهم ياخي هرجك اقتنعت به <<- قل مشكلة عاد بس تدري وش المشكلة لو عندي ربع مشكلة وأروح لهالي بالجامعيين ذا أن تسان صارت مشاكل والله يا مكانه شين ومدخله تقل ابتدائية باليمن بعد لو يحطون مبنى شمال بريدة يحبه قلبكـ ،، مثل مبنى البريد ويوضفونن عندهم <<<=== ترى هذا الشاهد ويجيبون أطلق طبيب قسم بالله ضرووووري تفاول خير يا ألبي

ماشاء الله عليك :D
عيني عليك بارده
انا اتكلم بموضوع جاد وانت تنكت

[الوسيــــــم]

وعليكم السلام ورحمة الله وبركاته ..
من قال إن بريدة مايوجد فيها عيادة طب نفسي
إلا موجود ..

{ مجمع الصفوة الطبي , طريق عمر بن الخطاب بعد المخازن الكبرى }

الاخصائي د / كمال السيد
الاستشاري د / عبدالحميد اليحيى يوم الاحد ( حجز موعد )
رقم العيادات / 3837777

والله يشفيكم و مرضى المسلمين ..