 |
|
|
|
|
|
|
19-04-2007, 04:23 PM
|
#1 |
|
عـضـو
تاريخ التسجيل: Jun 2006
البلد: [ قصيمية الكلمات والصمت .. بريداوية الميلاد والموت ]
المشاركات: 1,474
|
نجاسه + قذاره = فراااااااااعين
[glow=3399CC]السلام عليكم ورحمة الله وبركاته[/glow]
هااه إحتنيتون؟؟ 8 8 8 ترا ذا المصطلح حق خكاريا أصلهم عربجي هذا واحد توه متمدن جا لربعه قال : هااااه أحتــــ...... <<< أمر يفطن إنه تمدن وشبك معه ...ـــــنيـتون؟؟ وبالأصل هيـ(إحتريتون؟ + إستنيتون؟ ) = إحتنيتون؟<< للإستفهام.... إحتنّوني <<< للأمر ... إحتنووووون وقضوا <<<<للماضي ............. المهم يابعد معاليز قلبي هذا تراو مب موضوعي بس تقدرون تقولون مقبلات بدون حمص:D مـــــــوضــــوعيــــــــــ ...**...(نجاسه + قذاره =فراااااااااعين  )...**...النجاسه والقذاره فطره ببني آدم <<<أحلى يالفيلسوفه <<<عشّون عيل؟  وخاااااااصه بعيال السعوديه وبالتحديد بنو أهل القصيم  والله ياعليهم شرررررررررر عيالين منوّل وبنيهم مايقصرن.. عاد مب منول قوه ! لا.. يعني على وقتنا حنا مب امهاتنا والله حتا بزارين هالوقت بهم حقهم بس مايجون نصنا  ..هــو على حسب الحاره .. يعني كان الحي هادين ولايجسون عتبت الشارع فهو ياسعد اللي بيمر من عندهم بيطلع سليم.. أمَّـــــــــا إذا مر من عند حارة كل عيالهم وبنيهم بالشارع يمكن بعد تلقى الأم قاعده تقهوي الأبوي بالعتبه(الدرجه) ....... هذا ياويــــــــــــــــــــله هذا لازم يتشهد أول بعدين يدش  خااااصه إذا كان زلمه  <<<<ياعوووومري هم يرحمووون  .... أنا وأعوذ بالله من كلمت أنا أذكر مواقف لي ولأخواني وقراباتي بقول بعضهن <<<لاحظو بعضهن لأني ماأقدر أفصح عن الكل أخاف أطيح من عيونكن وبضيف مواقف سمعتهن من زميلاتي ..إحم بسم الله.............. مره رحنا لبيت عمي وكان لي بنت عم كبر أختي الكبيره .. البنت ناااااااااعمه لو تعطسين بوجهه تشنجت.. يوم صار مره جت تسولف على أختي : قالت: وه ياربيه بوووه واحد كل مارح للبقاله القاو بالرااحه يقهرن يبدا يتطنز بي ويستهبل وانا أخااااف منه.. لا وأخوي (...) يقعد يضحك مايهوشه هالدب دايم اعلم عليه ابوي ويهوشه بس مايتوب.. قالت أختي: عساااووو للمرض وينوه ورين اياو والله لأجلده<<<راعية فزعات _-_:تراو كبيــــــــر وطويــــــــــل ودب يخووووووووووف؟؟!! _ إيـــــــــــه همن عاد قوه قوه بس أوريتس بوه وديــــــرم ديـــــرم درم درم درم درم دريــــــــــم دراريم <<<دقه بانك بانثر(أبو ذنيب:D ) ويوم وصل للبراحه <<<ترا كنا نسميه الحوطه :D بس تغيرت المصطلحات :D المهم ويطلع بوجيههن هالدب وتشهق بنت عمي وتغبا ورا أختي.. عاااااد جته أم لسانين بدت تلوسن عليه وهو ماغير يكركر.. مستهين به ..شافه عص يابس مابه غير لسان يلشط اللي قدامه.. مادرى ان تحت السواهي دواهي... يوم ملت من الهواش وشافت انه جدار والله ماهزه ريح.. وتلف على بنت عمي قالت قوووه امشي بس ومشن.. هو بدا يضحك .. واااحنييينه يهرجووون بعد و..و..و..و ماصحى الا بحصاته صاكته مع جبهته <<<<خخخخخ ياحبيله اختي فلقته عاشت ايامه «®°·.¸.•°°·.¸¸.•°°·.¸.•°®»..............«®°·.¸.•°° ·.¸¸.•°°·.¸.•°®» كنا ببيت بين قراباتي وكان من حظ اخوي لأنه كلهم عندهم على ولدين ثلاث كبره وماغير يطامر من بيت ذا الى بيت ذا.. واختي ماكان كبره احد كلهم عيال وانا تشوفن بزر مامليت عينه  .......اتفقو العيال يشرون سياكل ويدوجون بالشارع (يدورون على المسجد).. المهم عاد مره فتح أخوي باب البايكه بيطلع وش يشوف واثر أختي وراو بسيكله مجلعده تبعه.. _ هيييييييي  وين وين ؟؟_ وش دخلك بروح معكم  _ طسي اولااه بذاك وين تروحي مع عيال؟ _ أقول دن بذا منهم عاد العيال الدب والمسواك والأثله و..و..و.. <<<معايرهم _لاء مافيه روحي يالله ويدخله ويسكر الباب  ويهجون هو وصدقاو يوم التفتو على ورى واثره شاعثتهم «®°·.¸.•°°·.¸¸.•°°·.¸.•°®»................«®°·.¸.• °°·.¸¸.•°°·.¸.•°®» صديقتي اخوه الكبير على قولته شررررررررر فرااااااااااعين + وصخ قذر تقول يوم كنا صغارين كان يتحكم يعنني البكر وإذا عيينا ياويلنا يجينا عقاب غيـــــــــــــــــــر تبون اقولكم العقاب؟؟ أبقوله يمسكهن ويدخلهن بثوبه ويطلق عليهن صوريخ وأصوات <<مهب لعبه بيت الوحوش.. لاء.. هذي الاصوات له رائحه كريهه <<<< وععععععععع أأأووووووع أأووووع الله يحوم تسبده.. لو هي انا اللي بمكانه تسان الحين انا بغيبوبه «®°·.¸.•°°·.¸¸.•°°·.¸.•°®».............«®°·.¸.•°°· .¸¸.•°°·.¸.•°®» تقول : مره دخل غرفة أخوي صارور( صرصور وععع يااااااااااااي  )تقول ونطير لأخوي هي هي ترا دخل بغرفتك صارور وشلون تنام؟؟ ويناظرهن ببلاده قال: دخل بغرفتي _ إيـــــــــــــــــــــه _إيه هو الخسران ودخل بغرفته وسكر الباب قلنا الحين اكيد بيضربه.. تقول مانسمع تكميخ نسمع تشششششششششش تششششششششش .. امر يطلع الصارور من تحت الباب سكراااااااااااااااااااااااان نصه اصفر ونصه ذهبي....... خخخخخخخخخخخ الله يغربله باخٍ عليه بخاخااات «®°·.¸.•°°·.¸¸.•°°·.¸.•°®»..............«®°·.¸.•°° ·.¸¸.•°°·.¸.•°®» كانت بيتنا اللي بين قراباتي قدامه شارع عرييييييييييض وبوسطه مسجد.. المهم كنا انا والبنات شلتي اللي كبري نطلع العصر ونلعب بالشارع<<< ماتسن لنا حوشه بالبيوت؟؟  ونتسابق ندور على المسجد <<<<< الصراحه تراو مسااااافه تعب لأنه كبير وبعيد شوي ... همن عاد يشوفنا خالي ولاشافنا خلااااااااااص جاك الموت ياتارك الصلاة.. اعرف مصيري للجلد المبرح همن من بكرا نطلع ونتسابق ماتسنه صار شي امس وكل يوم نلقا العقاب المعتاد.. «®°·.¸.•°°·.¸¸.•°°·.¸.•°®»............«®°·.¸.•°°·. ¸¸.•°°·.¸.•°®» يوم إني صغيره كنت انا القائده واللي أتحكم وش نلعب ووش مانلعب.. ومنهو اللي بيلعب معنا ومن اللي مب لاعب.... <<<إحم وكانت وحده من البنات أصغر من بسنتين شرررررر وعنيده تبي تتحكم مثلي همن عااد انا أطرده.... ومن الفراعين اللي به تجي وتخرب علينا لعبنا ..... وأطلع لمه ونبدا معركه جلد وجليــــد <<< حشى عيااال <<< أردى وبما إني أكبر منه فأكيد إني بقواه.. تحسبونه تسكت لاء تروح تنادي أخوه أكبر من ويجي وهو أفرع من فرااعينه. ويضربن........ وانا ولله الحمد والمنه كان وجهي مغسول بمرق(كـــــــــــان ) أشن الحرب ضده ويالله خذ جلد وصطر و..و...و.. <<<عاد فنون القتال معروفه  مايفكن غير الحريم.. انا ام شرين قعره ما أسكت وهو ولد وش خليتوا؟؟ «®°·.¸.•°°·.¸¸.•°°·.¸.•°®»............«®°·.¸.•°°·. ¸¸.•°°·.¸.•°®» كانو أهلي (عماني) ببيت واحد جميع بواحد من الأحياء الغرشوبه :D وكانو جيراننا أمريكان والله إنهم حبيبين بس عاد أتعس ايام حياتهم يوم سكنو بجنبنا.. دايم نشوف عيالهم يلعبون بالسكوتر والزلاجات والسياكل وكل الألعاب الجديده وحنا عيوننا تبز أصلا ماكانت هالألعاب ذي موجوده مادري منين جايبينهن.. جت بنت عمي <<<القائده هي والشله نطن على بيتهم وهم كانوا طالعين وقعدن يدورن العابهم يوم لقنهن قعدن يلعبن بهن لميـــــــــــــن ملن <<< لا والله بهن دين ماشاء الله ماسرقنهن بس بيلعبن ويرجعنهن لمكانهن.. والله من الدبره. «®°·.¸.•°°·.¸¸.•°°·.¸.•°®».................«®°·.¸. •°°·.¸¸.•°°·.¸.•°®» وياااااااااااااااكثر المواقف ايام البزرره( البزوره :D ) أحس إن عيال هالوقت أخف منا تقل بهم غرور ودلع البنات بلحال والعيال بلحال محدٍ له دخل بالثاني مب مثلنا منول خليطي .. هذا جزء من المواقف اللي عندي بس عاااد مليت نسعد بإضافاتكم :D تحياتي هوجـــــــــاااس <<<< والبال محتاااس
__________________
 |
|
|
|
19-04-2007, 10:09 PM
|
#2 |
|
عـضـو
تاريخ التسجيل: Nov 2006
البلد: ديرتي القصيم
المشاركات: 374
|
ماعندي مواقف مثل هذي
×× إلتزمي الأدب تحياتي آخر من قام بالتعديل شهد العسل; بتاريخ 21-04-2007 الساعة 07:35 PM. |
|
|
|
|
20-04-2007, 12:21 AM
|
#3 | |||||||||||||||||||
|
عـضـو
تاريخ التسجيل: Jun 2006
البلد: [ قصيمية الكلمات والصمت .. بريداوية الميلاد والموت ]
المشاركات: 1,474
|
مرورك يسعدني ثانكيووووووووووو[/color]
__________________
آخر من قام بالتعديل شهد العسل; بتاريخ 21-04-2007 الساعة 07:36 PM. السبب: حذف الإقتباس |
|||||||||||||||||||
|
|
|
|
20-04-2007, 07:42 PM
|
#4 |
|
وقع مختلف
تاريخ التسجيل: Dec 2005
البلد: الجنـة .. أنا بهــا إن شاء الله !
المشاركات: 4,569
|
ههههههههههههههههههههههههههه أبتل وأحمص وأصير كشري .. وأنا أقول هالبنت مهبوله .. :D تنسيم يوم كنت صغينونيه .. كنت أبو النجاسه فيني لأن المجتمع من حولي يساعدني .. ومن شب على شي شاب عليه .. :D كنا شلة جميلة .. لاتخلو من الروح الإبداعية والطفولة المسلوبه .. << إيه هين شلتنا مكونه من أربع أشخاص .. ولدين وبنيتين مثل الورد في شكلهن ومثل البطة في مشيهن .. أنا وأخوي .. عمي وعمتي .. ! مع بعض المساعدين .. أو تقدرين تقولين الأرشيف بتاعنا .. :D لاكن مايعتبرون .. من الأساس ؟ .. كنا بالقصيم .. وشعارنا هناك .. [ ما فيه مجال للنوم ] بالليل ملاحق بساسه .. وبالنهار مع الدجاج أو الحمام أو مع عمال مزرعة الجيران ..  تواعدنا .. عند النخلة الفلانية الساعه ثمان الصباح .. كالعادة وكل واحد يقوم الثاني .. أجتمعت الشلة .. مع زيادة من الأرشيف وكانت بنت الجارة .. جارة جدتي سار بنا زعيمنا .. اللي هي عمتي لأنه هي الأكبر .. لمزرعة الجيران .. وكنا كل واحد عارف شغله .. لأننا يومياً على هالحاله دوام رسمي .. الشغل : اللي يوخر الخلاقين عن الساقي .. واللي يقطع الزرع .. واللي يحفر التراب والعيال يجلودن أبوهنود هالمرة زاد الشغل .. قلنا بندخل غرفة الهندي ونحوس مرير ومصارين وكرعان الغرفة دخلناااااااااااااااا .. وياليتنا مادخلنا بنت الجارة ما أمداها تدخل .. وش سوت .. بعد شوي تدرون أبو هنود قام سكر النور .. وقم ياجلد ودرررررررردب بالخيزرانه أنا تغبيت بزاويه .. وصرت أحبي إلمن وصلت للباب وأفتحه وأطلق سيقان سلوى .. وأمشي 120 << متأثره بالوالد .. :D وألتفت .. ومشاء الله الشلة كلها وراي .. شلون طلعوا مدري ! ونتناقز مع الأثلة ونطب على مزرعتنا .. الآن آمان ! بنت الجارة .. من القهر اللي تحس فيه راحت تقول لأمها .. يماه ترى فلان وفلان وفلانه وشهد سكر عليهم هندي الجيران بغرفته عاد أنتم تعرفون تفكير الحريم .. دائماً يروح بعيد جت الجارة وأتصلت على أهلنا وقالت لهم .. الله يجزاه خير ماقصرت .. خايفة علينا بس .. ! دخلنا .. البيت وإستقبال من نوع آخر .. إستقبال مطرز برائحة الغاز إستقبلنا الوالد بلي الغاز وجلد بحياتي ماشفت مثله .. الجذعان سلموا من هيك دبغ أما حنا .. ضعيفات دابات سليمات .. مالنا ولا علينا بعد ماخلص جالدنا .. قررنا الإنتقام من هالجارة  وترقبناها إلمن راحت لأهلها .. يالها من فرصة إستثماريه فرصة طلعنا فيه إبادعنا الكبوت وحركاتنا البهلوانيه دخلنا المستودع حقها .. بطريقتنا السرية . . . [ بدكم أكمل .. أحسكم مليتوا من قرق ماله داعي ولا دجاجي ..  ]
__________________
وقُلتُ يا أمَلي في كلِّ نائبة .. ومَن عليه لكشف الضُّر أعتمد [ اللهم اشف بنت عمتي أنت الشافي لا شفاء إلا شفاؤك شفاء لا يغادر سقماً ] . |
|
|
|
|
21-04-2007, 03:08 PM
|
#5 | |||||||||||||||||||||||||||||||||||||||||||||||||||||||||
|
عـضـو
تاريخ التسجيل: Jun 2006
البلد: [ قصيمية الكلمات والصمت .. بريداوية الميلاد والموت ]
المشاركات: 1,474
|
هلا والله بشهوووده
يقولون إني أشبهتس :D
يؤ يؤ وش يدخلكم غرفة الهندي ؟  <<<<تفكير حريمكم
ياحبيلتس إلاّ كملي يابعد قلبي أنتي  
__________________
|
|||||||||||||||||||||||||||||||||||||||||||||||||||||||||
|
|
|
|
21-04-2007, 07:47 PM
|
#6 |
|
وقع مختلف
تاريخ التسجيل: Dec 2005
البلد: الجنـة .. أنا بهــا إن شاء الله !
المشاركات: 4,569
|
بعد أن دخلنا المستودع حقها .. بطريقتنا السرية طبعاً البيت آمان نحرنا البيض .. وززززززطع بالجدران وبالسقف وبكل جخر إلمن خلصنا ثلاث أطباق .. ونروح للفريزرات والثلاجات وفصلناهن وماخلينا شي بوسطهن .. إلا يمكن الثلج بس .. :D كل شي خرب .. اللحم والدجاج طماط قضينا من المبردات .. نحرنا البزات والشبوك .. وششششششش بالارض بصل . بطاطس . ثوم . صلصه . مواعين . حنا . .... إلخ والله العظيم ماتشوفون الأرض .. رأس على عقب لابعد ريضات بس سمعنا صوت وهجينا .. طلعنا .. ورحنا لبيتنا .. بكل براءة الطفولة يوم جت الجارة وش تشوف وش تخلي .. الباب عجزنا نسكره من الحوسه يالله يالله شيول يضف لها الخرابه ومن بكرا .. الظهر كالعادة .. طوووووط طوووووط تعالوا شوفوا وش مصلحين بزارينكم .. ودررررررررررررررررررررررردب درددددددددددب .. موب صاحي المشكلة الجلد قبل مايشوفون .. !! أنا جان جلد واحد .. بس عمتي جلدت من قبل أبوي ومن قبل عمتي الكبيره .. حظي .. :D ويالله يمشينا قدامه .. ومع كل مشيه ركلة مع الخلف تجعلك تكره الحياة ومن فيها .. ويعطينا مكانس وأدوات تنظيف .. نروح ننظف لها المكان بس والله يالجارة عليها طيبة قلب .. بس براءة الطفولة ماراعتها حلفت عليهم مانلمس شي .. ورحنا وكنا نردد : خليهم يجلدونا .. أهم شي بردنا تسبودنا ومن بكرا .. طبعاً حرمنا نمر من الأثلة اللي فيها الشبك حق الجيران .. وييييين مهابيل حنا ! أتجهت الشلة إلى وين إلى حوش الدجاج وكان فيه شبك حمام كبير لعمي .. دخلت الشلة بدون الإرشيف لأننا متزاعلين ..  ودوران ورا الحمام .. وخذ ياتفقيش بالبيض من النجاسة نمسكها مع الراس ونخلي المنقار يكسر البيضه .. :D دخل علينا عمي .. ومايشوف إلا غبره قال : إييييييييييييه وأقول وراه كل يوم ميتن لي ثلاث أربع حمامات .. ؟ ويحجرنا عندهن يوم كامل .. وخلا عندنا حارس ياويل اللي يجلس .. ياويل اللي يتكلم ..  ويوم طلعنا .. درررررررررررررررردب مدري ليه مايتعاملون إلا بالضرب .. ماعندهم أحاسيس مرهفه ولا مشاعر رقيقه .. أف < < أقول طسي .. :D من الظهر إلمن بعد المغرب وحنا عند الدود .. تدرون عاد .. صاروا إذا ضربونا نضحك لأننا تعودنا .. كأنهم يدغدغونا .. وراح اليوم .. بسلام .. :D لي عودة مع أنواع الهبال ..  هوجاس .. والله إني أحبتس ..  .
__________________
وقُلتُ يا أمَلي في كلِّ نائبة .. ومَن عليه لكشف الضُّر أعتمد [ اللهم اشف بنت عمتي أنت الشافي لا شفاء إلا شفاؤك شفاء لا يغادر سقماً ] . |
|
|
|
|
21-04-2007, 11:39 PM
|
#7 | |||||||||||||||||||
|
عـضـو
تاريخ التسجيل: Nov 2006
البلد: في بطون الكتب..!!
المشاركات: 864
|
!!!!!!!!!!!!!!!!!!!!!!!!!!!!!!!!!!! أعوذ بالله وش الاجرام هذا :D هوجاس : موضوع جميل... لي عوده بإذن الله بالتوفيق
__________________
أشـتــقـت لـــــكـــــــم:bad |
|||||||||||||||||||
|
|
|
|
22-04-2007, 09:42 PM
|
#8 | ||||||||||||||||||||||||||||||||||||||||||||||||||||||||||||||||||||||||||||
|
عـضـو
تاريخ التسجيل: Jun 2006
البلد: [ قصيمية الكلمات والصمت .. بريداوية الميلاد والموت ]
المشاركات: 1,474
|
إيــــــه صدق ليه أهلكم كذا جفشين مايعرفووون النعومه.. ذولا أطفال<<< ياااااااااااااي أقول إسكتي بس من اللي يهرج أولااه أجل منينلتس الصعارير والفلقات ذولي اللي يشوفتس يقول ذي متدربيه مع جبال الهملايا اسكتي بس اصرفلتس ولا تخلينن أطلع الفضايح<<<< سم
وااااويل تسبدتس ياهوووووجاااااااااس يابعد الدنيا أجل أخذتولكم عطر جفنشي عالطاير؟؟ خخخخخخخ وعععععع زاد أنا كل ما أقبلت على قسم بنت بريده أشم ريحة شينه وأقول يمكن حدا هالعيال توه جاي من سوق البعارين<<< وش دخله؟؟ ومسير على قسمنا... اممممم هالحين عرفت مصدر الريحه ..وععع أأأأأووووووع أأأووووع <<<<
إيه أكيد تمولست جلودكم بس تمردغون بين هالخيزرانات يلشطونكم وانتم تحسبونهم يحكون ظهوركم §¤°~®~°¤§...........§¤°~®~°¤§ ياااحبيلكم انتم وحركتاااتكم.. والله انكم فله ويني عنتس ذيك الأيام... شكلي مابعد ولدت <<<:D §¤~¤§¤~¤§............§¤~¤§¤~¤§ عاد حنا مؤدبين مب مثلكم ما أذكر إننا نسوي مثل مغامراتكم.. حنا الدعوه كله لعب بلعب مليحق.. مغبا...<<<والله يانا أخاف منه إلى الحين مدري ليش.. بي عقده كل ماتغبيت وجا وقت الحمااس أصيـــر .....(فراغ)....  <<< افهميه:D غنم<<< ياعووومري حنا يحطوننا غنم وهم الرعيه يهكون علينا بس وش نسوي الرجال قوامون على النساء دوووور<<<عاد ذي اللعبه فله خلااااااااااص نعيش جو ياإقالنا بغابه بمزرعة خالتي نحطلنا عشه ونزرع ونحطب ونطبخ والعيال يروحون يصيدون<<طبعا ذا كله تمثيل يجيبون لنا قشاش إيقاله طيور:D إيـــــــــه ذكريات زماااااااااااان 
شهد العسل أحبكـِ الله الذي أحببتني به:D وانا اهبس بهد:D تحياتووووووووووووو
__________________
|
||||||||||||||||||||||||||||||||||||||||||||||||||||||||||||||||||||||||||||
|
|
|
|
22-04-2007, 10:17 PM
|
#9 | |||||||||||||||||||
|
وقع مختلف
تاريخ التسجيل: Dec 2005
البلد: الجنـة .. أنا بهــا إن شاء الله !
المشاركات: 4,569
|
يالله .. يا أنا صبخت راسي يوم قلتي [ غنم ] حسيت إنك قديييييييييمة .. بالنسبة للدور .. هذي اللعبه والله يحنا نسوي فيها فضايح بس خلينا سكوت .. أحسن :D [ موقف ثاني ] تنتقل المحطة إلى الرياض .. :D كان بيتنا بالدور الثاني .. و دريشة مجلس الرجال تطل على وسط حوش الجيران وشكل الدريشة .. شباك فتحاتة كبيره بعدين تجيك حفره .. اللي يقالهم يحطون فيها ورد وحركتات .. << حنا حاطين أثله .. العرق المهم .. يعني نقدر نطب بهالحفرة .. بس الدببه مايقدرون ×× عشان خشيشتس مسحته .. وإلا مو عشانتس ×× :D في يوم من الأيام .. خرجت أم الجيران وأمي مشغوله وزيادة كان المجلس بعيد شوي ! أتفقنا أنا والملازم بتاعي [ أخوي ] وكنت تقريباً في ثاني إبتدائي وبنات الجيران .. ثنتين : يجيبون كل مفارش بيتهم .. كل أبوهن ويحطونها تحت الدريشة .. ونبدأ نتطبب سبرنق مجاناً .. المسافة بين الدريشة والأرض كبيرة .. بس تعرفون قصمان وأجتمعوا .. ! تخيلوا .. نرقى لم بيتنا همن نطب بوسط الحفرة همن نطب على الحوش .. بعدين نرقى من جديد والله ياحنا مشوااااااااااار ! لا ياحبيلنا بعد .. كل مامرت سيارة سلمنا عليهم شعارنا :السلام سنة .. والرد عليه واجب بس مدري ليه ما أحد يرد علينا .. :D ومن زين الوجه .. بالنهار المهم جت أم الجيران .. ودبغت بناته وحنا ماجانا شي ولله الحمد .. أبوي موش فيه وإلا كان دررررررردب ياحبيله ..
لا ياشيخة .. طعره وش كبرتس 
__________________
وقُلتُ يا أمَلي في كلِّ نائبة .. ومَن عليه لكشف الضُّر أعتمد [ اللهم اشف بنت عمتي أنت الشافي لا شفاء إلا شفاؤك شفاء لا يغادر سقماً ] . آخر من قام بالتعديل شهد العسل; بتاريخ 22-04-2007 الساعة 11:00 PM. السبب: بس كـــــــذا .. ! |
|||||||||||||||||||
|
|
|
|
22-04-2007, 10:03 PM
|
#10 | ||||||||||||||||||||||||||||||||||||||||||||||||||||||||||||||||||||||||||||
|
عـضـو
تاريخ التسجيل: Jun 2006
البلد: [ قصيمية الكلمات والصمت .. بريداوية الميلاد والموت ]
المشاركات: 1,474
|
أنوار المنتدى
أنتي الأقمل واللهِ دنتي ورده بالقنينه دنتي تفاحه عالشقره دنتي موزه متدودله دنتي نور المنتدى ده كلووووه
أحتنّــا عودتس بفارغ الصبر والمرغ والجرع<<<مصطلحات هوجاسيه (ملاحظه: من يريد الإطلاع على معانيها يراسلني بالبريــد )
الله يوفزنا ويـــاتس
__________________
|
||||||||||||||||||||||||||||||||||||||||||||||||||||||||||||||||||||||||||||
|
|
|
|
22-04-2007, 10:54 PM
|
#11 | ||||||||||||||||||||||||||||||||||||||||||||||||||||||||||||||||||||||||||||
|
عـضـو
تاريخ التسجيل: Jun 2006
البلد: [ قصيمية الكلمات والصمت .. بريداوية الميلاد والموت ]
المشاركات: 1,474
|
لا والله؟
وش قصدتس؟؟ ماينهرج عليتس يعني... ممنوع تطليع الأسرار الماسنجريه فاهمه <<<< ياحليلكم أنتم وطبطبتكم... مجازفات والله.. ذكرتين بلعبه كنّا نلعبه مع أختي الكبيره(قائدتنا بالبيت) تذكرين مسابقة الحصن اللي كانت تجي بقناة السعوديه ؟؟ كنا نلعبه بالبيت ونلبس من الفرى( جمع فروه:D ) وندبتس وننطط ...****... ولا مسابقة المجوهره(الكريستال) بعد بقناة السعوديه.. اللي به ذاك أبو صلعه تلمـــــــــــــــــــــــع أذكر أختي تدبتس بنا وحنا بساقته أنا ,اختي الأصغر وكانت بقطه بلشنابه تعجز تنط فوق الفريزر كود أرقيه قبلي ولا تسان تنفجر علينا عااد وش يسد ريعه؟؟ ونطب مع الدريشه اللي فوق الفريزر.. ونرووح للسيب وكله قراشيع.. عاد هالعجوز الله لاينقصنا تتدعوس بنا بينهن والله من الغبار والحشرات والبعارصا همن نوصل لغرفه.. ونختار منهي اللي بتلعب وندخله ونويز عليه مع الدريشه.. يـــس يــــس نوووو نوووو ذير ذير كوكلي<<<والله مانفهم وشن بس هم يقولون هالهرج بلعبهم:D ولا خلصنا لاعبين نروح عاد للكريستاله.. نحط أونو على المروحه وتشغله أختي ويتطايرن علينا ونبدا نجمع عاد كلن عدد ماجمع يكسب لا بعد أذكر خالي توهم شارين مكتبه وكانت عراوي بيبانه كريستالات فككناهن ونبدا نلعبهن:D ......
مب أطعر منتس بعدين اللي أكبر منك بيوم أعلم منك بخمس سنين  ................. يابعد الدنيا أنتي ياحبيلتس أنتي وهبالك يختي مهنا زين الذكريات أولاااه من رجع صغير بعد يقولون لتس(راسٍ مابه غوى موته وحياته سوى )سي يو يابعدهم
__________________
آخر من قام بالتعديل شهد العسل; بتاريخ 22-04-2007 الساعة 11:01 PM. السبب: يالذكية أنتي فضحتي برويحتس .. هع |
||||||||||||||||||||||||||||||||||||||||||||||||||||||||||||||||||||||||||||
|
|
|
|
23-04-2007, 02:04 AM
|
#12 |
|
وقع مختلف
تاريخ التسجيل: Feb 2006
البلد: الرِيَاضْ ❤ ,
المشاركات: 5,788
|
اعووووووووذ باللهـ والله يانتن مجرمأإأآت ..! وأثإآريــن بريــئهـ عندكن ..وهـ اشوى انــي مإأ أعرفكــن يومـ انا صغنونهـ  ..!...... شوفوا برائتـي ..<<هيــن ..!:D 1 يوم أنــا صغنونهـ ..ناديت ولد عمــي وهو اصغــر مني .. المهمـ كان معي زراديهـ قلت لهـ حط اصبعكـ هنــا يعني وسط الزراديهـ عاد هو هالذكـي حطهـ وأصكككـ الزراديهـ على ايدهـ !! وصرإأآإأآخ .! يومـ جو أهلهـ يهوشونن قلت هوالغبــي وشولهـ يطيعـن ..!<<بريئهـ ..! :D .............. 2 مرهـ اهلــي همـ وخوالي لزوإأآج ..! المهمـ بصفتــي اسنع البنات ..<<يصير خيــر ..! المهمـ حطوا كل البزارين عندي طبعا كنت صغيرهـ المهم البزران ماإأآش ازعجون ..<مشكلهـ .! المهم طفح الكيل معـي تدرون وش سويت ..؟ كانت كنباتنا زي الكراسي ..واروح اجيب شراشف طواإأآل واجلس البزارين النجسبن واربطهم .. رإأآح الوقــت وجو اهلنــا وشافوا وراعينهم ..! امــر اقول اهمـ شيء راحتي <وخ بث ..! ........ 3 مب لي لأختـي .. اول مرهت جتنــا بنت خإأآلــي مع ولدهـ وكان نجــس وحركهـ اللهـ يركدهـ ..! المهمـ اختي من الحقد .. يومـ جــت بتطلع بنت خالي .. عطت ولدهـ ورقهـ قالت عطهـ امكـ ..! يومـ شفنا الورقهـ اثاري كابهـ بهـ ..! 1- ولدتس عاذن اختي مراين 2- نجس وينطط فوق السرير 3- كبكب العصير وملانــا ومن هيكـ فضــإأآيح ..! واخــتي الثانيهـ يوم جاء ولد الجيران كبرهـ صغيركان اول ما شافتهـ قإأآلت كمـ رقمكـ <من اللحيـن !! الله يستر بس :D هإأآذ اللي جاء بعد ما رعصت مخـي شفتوا اني بريئهـ .. عإأآد رحت سألت امــي قلت ابي موقف نجــس لي يوم انا صغيرهـ قالت ماكنتي نجسهـ بالعكس ..! إأآإأآميــر اخجل ومإأآشإأآء اللهـ ...!!!! :D
__________________
|
|
|
|
|
23-04-2007, 04:47 AM
|
#13 |
|
حرف راقي
تاريخ التسجيل: Jun 2006
البلد: اَلَرَيِـآضْ !
المشاركات: 4,213
|
هلا الغااااالية...
باحبيل قلبتس انتي وموضوووووووعتس ... صراااحهـ خيال ياأمر <<<<<قمر  أنا يوم انا صغيرهـ <<<معااااااادلهـ كنت مؤدبهـ مو مثل شهدهد مرررررررررهـ كسلانهـ ...لي عودة يالغلا ... أبملى موضوعتس نجااااااااسهـ ...... كل الود ...
__________________
. |
|
|
|
|
23-04-2007, 07:47 PM
|
#14 |
|
عـضـو
تاريخ التسجيل: Apr 2007
المشاركات: 25
|
والله انكن تضحكن اخ منكن يالحرميات كل ذي شقاوه شكرا"على الموضوع هوجاااس 
__________________
ابتسمي..ابتسمي:) ابدئي الناس بالسلام.. وحييهم بالبسمه واعيريهم الاهتمام.. لتكوني حبيبه الى قلوبهم قريبه منهم ...: 12 |
|
|
|
 |
| الإشارات المرجعية |
|
|
النمط المتشعب
