[ملك الفقر]

للتعليق ولمشاهدة الموضوع بشكل افضل : http://www.abunawaf.com/post-5575.html

SalaM

دايما لين قبل فتره قريبه وانا ماعرف انام الا اذا جلست اتخيل ان بيت الجيران يحترق وان ابوهم مثل العاده فاخت للمغرب وماعندهم اخوان .. واكون انا توي راجع للبيت والقى الأم تصارخ بالحوش تقول انقذووووونا بنتي لحالها بالبيت .. واقوم انا أعلق ثوبي على نخلتهم وارفع سروال السنه لين رقبتي واتلطم و ادخل البيت واشيلها وهي تقول شكرا ياهيروو ربنا يخليك يافندم ويخليك للولاد و امهم (( جيرانا مصاريا مالكم شغل )) واطلع بها بالحوش واسدحها على البلاط واسويلها تنفس صناعي ماركة عادل امام ويسرا .. لكن ينتهي الحلم وهي تلفعني بالزنوبه وتشوتني هي وامها لين باب الشارع وهي تقول ليتني محترقه ولا تنقذني يا قليل الأدب .. بس اشوا ابشركم دايم انام اذا وصلت جزء التنفس الصناعي قبل ما ترجفني مع الباب

ولا هذاك اليوم في بنده لقطت لي عربيه واظف من هالخضروات .. الا على طاري الخضروات ابقولكم نصيحه للي يتقضون .. اذا جاكم في ورقة المقاضي بقدونس خس جرجير كزبره كراث حشيش .. وتوهقت ولاعرفت تفرق بينها فانصحك تظف كل ماهو لونه اخضر بالعربيه خبركم حكمتنا يالسعوديين الزود ولا النقص .. المهم واجي سلمكم الله يوم خلصت وامر من عند قسم مستحظرات التجميل والصابون والذي منو والي ماظنتي سعودي يعرفها هههههههههه والقى عندها ذاك الغزال الي يقول وين الصياد بس قلت مابدهاش هذي فرصتك لتحقيق حلمك .. وامشي شوي شوي من وراها بالعربيه علشان أدقزها بعدين اقولها عفوا يا آنسه واجلس امسك رجلها واسويلها علاج طبيعي واشيلها واركبها سيارتي وان بغت تعشينا وسهرنا سوا لزوم التهيئه النفسيه مايخالف .. لكن الظاهر اني زودت الجرعه شوي ودخلتها في جدار السوبر ماركت ودخل في جبهتها مسمار .. وآخر ما اذكره ان فيه ناس يسحبوني ويركبوني جمس وبعدها مدري وش صار

عاد بعد هالموقف بديت اتشره على اهلي و على مدارسنا وكل ابو الناس .. وراه مايعلمونا اساليب المغازل زي الناس ؟ بدال ما ادخل جبهة البنت بالجدار ؟ مهب المفروض يخصصون حصص من التمهيدي لين الثانوي تعلم الآداب العامه للغـزل و التعامل مع الجنس اللطيف وتفهمه ؟ ولا لين متى بيتركون الشوارع تعلمنا كيف نتعامل مع البنات ؟ ترا والله مهيب حاله يا عيال (( وجه واحد يجمع القطه بالاستراحه )) ولا وش رايكم ؟

أنقذونا من هالرقم المرعب



-----------------------------------

-: مايستفاد من الموضوع

كل ما هو أخضر سعره ريالين و الخضار سموها خضار لان لونها اخضر -
لا تنقذ بنت جيرانكم اذا احترق بيتهم -
اذا صدمت احد حط رجلك ولا يوقفكم الا بيتكم -

الأعمى يدري ان أسباب الطلاق في المملكة ترجع لعدم تفاهم الزوجين وعدم تفهمهم لمسؤولياتهم وواجباتهم كأزواج وتهيئة الشباب للزواج أهم من مشاكل البلد كلها لكن للأسف كل جهة ترمي هالمسؤوليه على الثانيه .. وشيل من هالطلاق و الضياع

زمان كلمة مطلق او مطلقة مفجعه .. لكن هالايام مثلها مثل خبر وفاة عراقي .. تمشي الخبر وانت مغمض .. مثل ما المسؤولين عن الطلاق وأسبابه مغمضين

مواصل

للتعليق على الموضوع او مشاهدة التعليقات الاخرى : http://www.abunawaf.com/post-5575.html

[تالي حياتي موووت !]

يـــــمــهــ معقـــــــــــولــــهــ 60 % الطـــــــلا ق عندنــــا ....!!

أحـــــس انـــهــ مبـــــالغــهــ ....!!

............

شوف اخوي انا أعرف ولد تزوج .... وهو ماشاء الله كل شي فيه زين .....

يعني دين ودنيا ومال وجمال ... المهم انه كان شرطه الوحيد حلووووه ولا حصل له

وأخذ وحده عـــــــاديــــهـ بس أنها أخلاااااااق وأول شي فكر يطلقها ما بغاها أبد ...

لكن بعد فتره ومع المعامله تحول الرجال مو للحب هذي مستحيله لا بدا يحترمها

ويقول مايصير هذي بأخلاقها أطلقها ومشوا حياتهم واللحين عندهم 2 ولدين ....

الله يتمم عليهم .... يعني اهم شي المعامله وبـــس ..

مشكوووور اخوووووي .....

[صفراوي]

النقاط الاخيره جيده

ولكن



ملاحظة :

انتهى الموضوع ولم تنتقد العلاقه الغير شرعية او كما ذكرت "المغازل " ! ! ! !

[تغاريد نجد]

اقتباس زمان كلمة مطلق او مطلقة مفجعه .. لكن هالايام مثلها مثل خبر وفاة عراقي .. تمشي الخبر وانت مغمض .. مثل ما المسؤولين عن الطلاق وأسبابه مغمضين

من قل الدين