[ツحـبـر شـفـافツ]

السلااام عليكم .. كيف الحال والأحوال؟

ياجماااااااااااااااعه بالنسبه لحبيباتنا العجاايز ..<< أمهاتنا وخالاتنا وعماتنا

بصراااحه العجز هالوقت مسببات زحمه .. << على أني أحب العجايز

بس أشووف هالايام طالت وشمخت وصارن يدبرن ويعبرن بالخلق ..

إذا شفت عجووز في إجتمااع يضيق صدري وامسك اقرب باب أبعد عن عينه .

لان لو بتشوفنا تستلمنا بالأسئله والنقد..

وراه لبسك كذا ! وراه شعرك كذا ! معرسه ! وراه ماأعرستي ! مطلقه ! وراه طلقتي ! تدرسين !؟! << اللهم طولك يارووووح


وظيفة العجز في الاجتماعات هي مراقبة البنات اللي ماتزوجن ..

صابغه >> والله ماخطبك لولدي وش هالشعر << من زين هالولد عاد

لابسه لبس ماأعجبه >> تجيك تألف قصه وتقول أنا ثلااااااثه قايلين لي دوري لنا بس والله ماأذكرك انتي ولبسك
(( هذا عشان تخلي البنت تندم ولا تعود له هههههه ))

وعلى هالمنوال ..

وأزيدكم من الشعر بيت تدرون ليه الزواج صار شبه مستحيل ..

لانكم ترسلون أمهاتكم يخطبن .. في حالة إذا كانت أمك كبيره بالسن .. << والا أتركوا اللي أمهاتهم مدرسات كلاسيكيات

لان الكبيره تبي لولده بنت هاااااامه << يعني جداااااار

حتى لو قال شروطه تضرب بها عرض الحايط تختار اللي يعجبها بس ..

ترى كذا مو معقووله شوفوا صرفه معهن << انا عائلتي مافيها عجايز والا ماأقصر في تقديم النصائح

إذكر وحده من الزميلات إذا صرنا في أجتماع تلفت أنتباه العجايز لان شعرها طويل ..

عاد أشغلنه يقولن انتي مملوحه بس لو تسمنين هههههههههههههههه << لامفر من النقد :D

ولو يشوفن سمينه قالن أنتي مملوحه بس لو شعرك طويل .. << حالة محتاله تقول بتزوجهن هن

فعصبت الأخت مره وقالت لا أنا مملوحه بس لو الله يفكن منكن كان أنا بخير ..

ترى من جد العدو اللدود للبنات هن العجز .. << لانهن بالعربي قطاعات أرزااق الله يهديهن ويخليهن لأهلهن :D قصدي عيالهن .

صح فيه كبار تفكيرهن راقي بس الاغلب تفكيرهن مال أول ..

المـــهـــم أنقذوا المجتمع من هالمشكله

وبـــــــــــس أنتهى ماعندي ..

بباي

وللــتــخــلــف عــنـــوان آخــــر!

,,

سورررررري تم التعديل نزل بالخطأ :D

[ميمون]

تحمليهن لأنه يبي يجي يوم وتصيرين مثلهن .. خلي الناس يتحملونك وقتها ..
أيضاً الشيبان .. بعضهم يرفع الضغط .. بس وش يسوي الواحد إلا إنه يدعي الله إنه يحسن خاتمته ..

من سواليف الشيبان اللي ترفع الضغط .. كنا بمجلس كلاسيكي (كراسي) فالشايب ماعنده سالفة .. قال لي الكراسي هذي ما شاء الله ممتازة وساع وزينات (يعني اللي جالس عليه واللي بجنبه) .. مهب مثل اللي عندك (أنا في الجهة المقابلة) .. هذوليك صغار أعوذ بالله ما ترتاح بهن ..
قلت : الله يسلمك هذولي طقم واحد يعني مقاساتهن وحدة .. قال : أصلا أنت دبشة والا وش عرفك عيونك بهن بلا .. ما تشوف ذوليك صغار .. !!!!!!!!!!!!!! << يالله عاد من يقنعه ؟؟

الله يخليهم لنا .. فيهم الخير والبركة .. حتى لو ان بعضهم يرفع الضغط ..

تحياتي ..

[ツحـبـر شـفـافツ]

اقتباس المشاركة الأساسية كتبها ميمون تحمليهن لأنه يبي يجي يوم وتصيرين مثلهن .. خلي الناس يتحملونك وقتها .. أيضاً الشيبان .. بعضهم يرفع الضغط .. بس وش يسوي الواحد إلا إنه يدعي الله إنه يحسن خاتمته .. من سواليف الشيبان اللي ترفع الضغط .. كنا بمجلس كلاسيكي (كراسي) فالشايب ماعنده سالفة .. قال لي الكراسي هذي ما شاء الله ممتازة وساع وزينات (يعني اللي جالس عليه واللي بجنبه) .. مهب مثل اللي عندك (أنا في الجهة المقابلة) .. هذوليك صغار أعوذ بالله ما ترتاح بهن .. قلت : الله يسلمك هذولي طقم واحد يعني مقاساتهن وحدة .. قال : أصلا أنت دبشة والا وش عرفك عيونك بهن بلا .. ما تشوف ذوليك صغار .. !!!!!!!!!!!!!! << يالله عاد من يقنعه ؟؟ الله يخليهم لنا .. فيهم الخير والبركة .. حتى لو ان بعضهم يرفع الضغط .. تحياتي ..

على راسي من فووق بس الحق حق ... هن الله يخليهن عليهن حركات نص كم ..

الله يعظم اجرك المره الثانيه خل له الأارض .. :D

أسعدنا مرورك

[حبر الألم]

اقتباس المشاركة الأساسية كتبها ميمون من سواليف الشيبان اللي ترفع الضغط .. كنا بمجلس كلاسيكي (كراسي) فالشايب ماعنده سالفة .. قال لي الكراسي هذي ما شاء الله ممتازة وساع وزينات (يعني اللي جالس عليه واللي بجنبه) .. مهب مثل اللي عندك (أنا في الجهة المقابلة) .. هذوليك صغار أعوذ بالله ما ترتاح بهن .. قلت : الله يسلمك هذولي طقم واحد يعني مقاساتهن وحدة .. قال : أصلا أنت دبشة والا وش عرفك عيونك بهن بلا .. ما تشوف ذوليك صغار .. !!!!!!!!!!!!!! << يالله عاد من يقنعه ؟؟ ..

هههههههههههههههههاي


ما قالك ( بس ولـو أنـا أبخـص )


ولو تقوله إنه أنا اللي شاريه وقايسه قبل لا يدخل البيت كلهن زي بعض قال


( بـــــــــس ولــــــــــــو هذا أكبر من هذا ) >>>> عاد هنا شلق بصل

[تالي حياتي موووت !]

اقتباس المشاركة الأساسية كتبها ميمون من سواليف الشيبان اللي ترفع الضغط .. كنا بمجلس كلاسيكي (كراسي) فالشايب ماعنده سالفة .. قال لي الكراسي هذي ما شاء الله ممتازة وساع وزينات (يعني اللي جالس عليه واللي بجنبه) .. مهب مثل اللي عندك (أنا في الجهة المقابلة) .. هذوليك صغار أعوذ بالله ما ترتاح بهن .. قلت : الله يسلمك هذولي طقم واحد يعني مقاساتهن وحدة .. قال : أصلا أنت دبشة والا وش عرفك عيونك بهن بلا .. ما تشوف ذوليك صغار .. !!!!!!!!!!!!!! << يالله عاد من يقنعه ؟؟ الله يخليهم لنا .. فيهم الخير والبركة .. حتى لو ان بعضهم يرفع الضغط .. تحياتي ..

ههههههههههههههههههههههههههه

هههههههههههههههههه

هههههههه

ههههههههههههههههه

ههههههههههههههههههههههههه

أجــــــــل دبـشــه ..

وااااااوووك لو انا كان انفجر بالبكاااااااااء عشاان يكون عنده ردة فعل ولا يعود لها ..

___________
______
__

أذكر مره يوم انا مراهقه قصيت شعري بوي بالغلط .. وكنت بأجتماع ناظرتني عجوز قريبه لي

وقالت :: قاصه شعرتس ..؟ قلت :: ايه خاله من زمان <..<.. انا ابي افهمها انه خلاص فات مات

لكنها انقلبت علي راسي .. قالت :: ومن زمان بعد ..! اجل منول وش كان طوله ..؟؟

<..<.. بلششششت بالعربي :D

اعوووذ بالله يابنات هالوقت ماتخافن الله والله يالنار بتمتلي منكن ومن سوايكن ماتخافين ربتس

اجل هذا شعر .. والله ان ولدي خالد اطول منتس شعر <..<.. للمعلوميه خالد ماله شعر ..:D

عيييييييييب والحديث يقول لعن الله الصابغات والمتصيبغات والقاصا شعورهن <..<.. الفت من عندها حديث تحاول اقناعي ..:D

انا اكتفيت بالصد وذهبت عنها لاني صغيره ومب فاضيه لهوش قدام الخلق ..

تدرون الى الحين وانا ماطب عليهم ..

________
____
_

وفيه منهن يجننننننننننننن خالتي رقيه انا اسميها راااااااااقيه مب رقيه

لأنها عصريه بمعنى الكلمه ..

اذا تلقيت انتقاد من العجز وكانت موجوده ..

تقول لي :: يابنيتي لايهمتس .. أكشخي والبسي اللي تبين .. ترا حنا فاتت علينا وانتن استانسن

بس لاتسون شي يغضب الله <..<.. يــــــاطعمـهـــــــــا يـانــاس .. والله يطـــــــــــول بعمـــــرهــا

عمر خالتي راقيه حوالي 96 تصدقون وشوفوا تفكيرها .. تبارك الله ..


حبرررر يسلمــــــــوا ألـبـــــــــوا عـ الطـــــــــــرح ..

وانا اموووووت بالعجز الحبوبااااات لانهن طعماااات <..<.. سجع:D


تحياتي ..

[ماركة مسجلة]

السلام عليكم
مررررررررررررراااااحب

هناك شيئ مشترك عند كبارالسن شيبان والا عجز وهو لو تفحط تفحيط من الإجتهاد والشغل لا زم يقولون((بس ولو))
الله يحسن لنا ولهم الخاتمة آآآآآآآمين

[ツحـبـر شـفـافツ]

اقتباس المشاركة الأساسية كتبها ماركة مسجلة السلام عليكم مررررررررررررراااااحب هناك شيئ مشترك عند كبارالسن شيبان والا عجز وهو لو تفحط تفحيط من الإجتهاد والشغل لا زم يقولون((بس ولو)) الله يحسن لنا ولهم الخاتمة آآآآآآآمين

بس ولو :D << هذي كلمتي

اسعدنا مرورك

اقتباس بس ولــــــــــــــــــــــــــــــو :D

صح

شرفتي غلاااي

اقتباس بس ولو هن ملح المجتمع

صح ملح وسكر بس المشكله اذا صارن مره :D

اسعدنا مرورك

[أنوار المنتدى]

بس ولــــــــــــــــــــــــــــــو:D

[أكحل]

اقتباس المشاركة الأساسية كتبها أنوار المنتدى بس ولــــــــــــــــــــــــــــــو:D

بس ولو هن ملح المجتمع

[ابومحمد605]

عاد أنت لا تظلم كل العجز فيهن وفيهن بس على الغالب إما بدافع الغيرة أو عن طيبة قلب

[اخو دريحم]

هذي القصيده لام شاله والده ((حمدان)) وحطه بالرعايه ((دار العجزه))
ومشى وخلاه
حسبنا الله ونعم الوكيل

اسمع الى ماقالته الام :



وين انت يا حمدان امـك تناديـك .. وراك مـا تسمـع شكايـا وندايـا
يا مسندي قلبي على الدوم يطريـك .. ما غبت عن عيني وطيفك سمايـا
هذي ثلاث سنين والعيـن تبكيـك .. ما شفت زولك زايـر يـا ضنايـا
تذكر حياتي يـوم اشيلـك واداريك . . والاعبـك دايـم وتمشـي ورايـا
ترقد على صوتي وحضني يدفيـك .. ما غيرك احدٍ ساكن فـي حشايـا
واليا مرضت اسهر بقربك واداريك .. ما ذوق طعم النوم صبـح ومسايـا
ياما عطيتك من حنانـي وبعطيـك .. تكبـر وتكبـر بالأمـل يـا منايـا
لكن خساره بعتني اليـوم وشفيـك .. واخلصت للزوجه وانا لي شقايـا
انا ادري انها قاسيـه مـا تخليـك .. قالت عجـوزك مـا ابيهـا معايـا
خليتني وسط المصحه وانا ارجيك .. هذا جزا المعروف وهـذا جزايـا
يـا ليتنـي خدامـة بيـن اياديـك .. من شان اشوفك كل يوم برضايـا
مشكور يا ولدي وتشكر مساعيـك .. وادعـي لـك الله دايـم بالهدايـا
حمدان يا حمـدان امـك توصيـك .. اخاف من تلحق تشـوف الوصايـا
اوصيت دكتور المصحه بيعطيـك .. رسالتـي واحروفهـا مـن بكايـا
وان مت لا تبخل علـي بدعاويـك .. واطلب لي الغفران وهـذا رجايـا
وامطر تراب القبر بدموع عينيـك .. ما عـاد ينفعـك النـدم والنعايـا

وسلامتكم وانتم سالمين

[ツحـبـر شـفـافツ]

اقتباس عاد أنت لا تظلم كل العجز فيهن وفيهن بس على الغالب إما بدافع الغيرة أو عن طيبة قلب

هو فيه حبوبات بالحيييل ويهبلن بس الأغلب الله يهديهن حاطات دوبهن دوبنا..

أسعدنا مرورك

اقتباس المشاركة الأساسية كتبها اخو دريحم هذي القصيده لام شاله والده ((حمدان)) وحطه بالرعايه ((دار العجزه)) ومشى وخلاه حسبنا الله ونعم الوكيل وسلامتكم وانتم سالمين

أخوي الفاضل لاتفهم موضوعي بالخطأ أنا ماقلت ارموهن لا أعوذ بالله وش هالكلاام
بلييييييييييز قصدي وااضح ليه قلبتوها أخواني ..

اسعدنا مرورك

[ريفـــــــــــــان]

. . .

أكبر منك بيوم أعلم منك بسنة

هل ستكونين أعلم وأحكم من أمك . . أو جدتك

هل تقارنين . . عقول طائشة بعقول . . كالرواسي

توقير الكبار . . من آداب ديننا الحنيف







.

. . .

[ツحـبـر شـفـافツ]

ياأخوان الموضوع أختلط ابو أبووه صار فيه مشكله وتم حلها لذلك فيه ردود متأخره تقدمت قبل الردود الأولى ..

لي عوووده