 |
|
|
|
|
|
|
06-10-2007, 10:02 AM
|
#1 |
|
عـضـو
تاريخ التسجيل: Sep 2003
المشاركات: 204
|
[ بـــــُـــــــــــــــه دربـــــــــ ؟!! ]
حياكن الله ..
السالفة ومافيها إننا رحنا لمكة بداية رمضان الله يتقبل منا ومنكم صالح الأعمال .. وحنا راجعين من مكة للرياض وقفنا عند مسجد نصلي العصر صليت أنا قبل الكل وطلعت عند باب المصلى .. وبينما أنا على هذه الحال جاء ناس "على جمس" ووقفوا ونزلوا نزل الي يسوق بهم وشافني مادريت الا يناظرني ويقول بأعلى صوته " بُــــــــــــــــه دربـــــــ ؟!!" أنا حطيت عمري ماسمعته وسكت .. بصراحه مدري وشو يقول؟!!!  وحتى لو دريت منيب راده عليه !!وجلس يكرر هالكلمة أكثر من خمس مرات وأنا ماعندك أحد !! أختي كانت وراي ماسكة بطنها من الضحك تقولي قولي ايه وفكي عمرك !! سكت وماتكلمت ... وتجمعوا كل الرجال الي معه بالسيارة عنده وجلسوا يناظروني ويقولون " به درب ؟!!" ثم يناظرون الحريم الي معهم بالسيارة !!! نزلوا الحريم من السيارة بنتين وأمهم الله يحفظها ويخليها لهم ويخليهم لها .. ماشاء الله عليهم مبين عليهم مهتمين بأمهم مرررره .. الله يجزاهم خييير .. المهم قالت لي وحده منهن .. فيه دورة مياة ؟ " وأنتم بكرامة " قلت : ايه وأشرت لهم ع دورة المياة " الله يكرمكم " أبي أعرف " بـــــه درب ؟! معناها " فيه دورة مياه والا ايش" ؟؟ بصراحه أحب القصيم وأهله ولهجتهم خصوصا بريدة لكن ماتوقعت عندهم كلمات غريبة مثل هذي !! وأيضا " كلاك " و " الله يغربله " و " مهنا ذرابة " ؟!!! الي تعرف معناهن تعلمني الله يجزاها الجنة ... ** عندي احساس ان البنتين يكتبن بمنتدى بريدة .. تكفووووون إذا هي وحده منكن تقولي ودي أحقق أمنيتي أشوف لو وحده من بنات المنتدى .. والله اني حبيتهن هن وأمهن الله يخليهم لبعض >> يقولون الحب من أول نظرة !!  وسلامتكن .. "حايلية لاتحذفين الموضوع وتقولين مابه فايده .. إذا جاوبوا عالأسئلة خوذي راحتك بالحذف " ياحبيلك .. |
|
|
|
06-10-2007, 10:11 AM
|
#2 | |||||||||||||||||||
|
وقع مختلف
تاريخ التسجيل: Feb 2006
البلد: الرِيَاضْ ❤ ,
المشاركات: 5,788
|
بالعكـس ليه أحذفه ..؟ ترا هذي تسمـى ثقافـة أنتس تعرفين لهجـة غير لهجــتس !! مثل تعلم اللغات تسمى ثقافــة ..! معاني ماسبــق .., بـه درب :أول أحسـبه زي ياولد !! يعني درب درب ! بس من كلامتس طلع شي ثاني !! كلاك :كــذاب الله يغربلـه :دعــاء قصيمي يعني الله يجعله يمشي بدرب الغرابيل يعني درب موش كويس <يقاله ترجمــت  مهنـا ذرابه :يعني مافيه سنع ولا حسن تعامل ولا لطـف وممكــن يكون الموضوع تعلم كلمـات قصيميه ماتعرفين معناهـا..! .
__________________
|
|||||||||||||||||||
|
|
|
|
06-10-2007, 08:44 PM
|
#3 | |||||||||||||||||||
|
عـضـو
تاريخ التسجيل: Mar 2007
البلد: الــ Q ـــ S ــــ e ــــ e ــــ M
المشاركات: 1,413
|
حياتس الله .. الصراحة ما أعرفه .. بس توقعت يقصد يا ولد .. مثل اللي قبلي ..:D
أفا .. وكل ذولي مقيولات .. فشلونا .. ولا وحدة به مدح .. إسدحي أي شيء وحنا جاهزين للترجمة ..  .
__________________
سبحانك اللهم وبحمدك أشهد أن لا إله إلا أنت أستغفرك وأتوب إليك |
|||||||||||||||||||
|
|
|
|
06-10-2007, 09:36 PM
|
#4 |
|
عـضـو
تاريخ التسجيل: Aug 2007
البلد: جسمي هنا غير أن الروح عندهم
المشاركات: 1,774
|
به درب معناه فيه طريق ؟؟؟
وباللفظ الصريح يقصدون ابعدي نبغى نمر من هذا المكان بس الظاهر انك سااده عليهم هههه يسلمو
__________________
[POEM="font="Arabic Transparent,5,deeppink,normal,normal" bkcolor="transparent" bkimage="images/backgrounds/.gif" border="none,5,gray" type=0 line=0 align=center use=ex num="0,black""]أحبّاءنا والدهرُ فَرّقَ بينَنَا= يعزّ عَلَينَا من بعِيدٍ نوَدّعُ بعثتُ لكم والشمسَ مني تحيّةً= لتنشرَها فوقَ الحمى حين تطلعُ وها أنا أقضي الليلَ أرقبُ رجعها= فهل لي سلامٌ منكمُ حين ترجعُ ويا أيها البرقُ المحلّقُ في الفضَا= يطلّ على أطلالهم وَيُلَعلِعُ بِعيشِك قل لي هل ديار أحبّتي= بها القوم صرعى وهيَ قفرٌ وبلقَعُ فإن كان ما أنبَأتَ حقّاً فسر إذن= إِلى خالقِ الأكوان إنّك أسرَعُ[/POEM] |
|
|
|
|
06-10-2007, 09:47 PM
|
#5 | |||||||||||||||||||
|
وقع مختلف
تاريخ التسجيل: Dec 2005
البلد: الجنـة .. أنا بهــا إن شاء الله !
المشاركات: 4,569
|
عمرة مقبولة .. إن شاء الله ! بالنسبة للموقف .. أصلاً المفروض مو الرجال اللي يسألك على الأقل تسألك حدا ابنات اللي معه .. ! ولو إني بمكانك .. سويت مثلك .. :D ! أتاجهله وكأني ماسمعته .. وإذا صار ملزم مرة أقوله [ مدري ] ! أول ماقلتي الكلمة .. حسبته يقصد فيه طريق .. !
بصراحة .. أول مرة أسمعها ! وأول ماقريتها هنا بالمنتدى .. توقعت القصد منها [ مهنا ذراية .. حقت البر .. ] لاكن مغلوط في حرف الباء والياء .. !الله يغربل : يعني الله يحوسه !
__________________
وقُلتُ يا أمَلي في كلِّ نائبة .. ومَن عليه لكشف الضُّر أعتمد [ اللهم اشف بنت عمتي أنت الشافي لا شفاء إلا شفاؤك شفاء لا يغادر سقماً ] . |
|||||||||||||||||||
|
|
|
|
07-10-2007, 01:44 AM
|
#6 |
|
عـضـو
تاريخ التسجيل: Sep 2003
المشاركات: 204
|
هلا والله بعييييون قلبي ح ـــايلية ..
ياحبيلك أشوى انك ماحذفتي الموضوع بس باقي شهدهد أخاف تجي وتحذفه !! هالحين أنتي ياحايلية حايلية والا قصيمية والا قصيمية بالتجنيس ؟؟ أفاااااااااااااااا كلاك معناها كذاب !!! ومن الصبح صديق أخوي يقوله كلااااااااااك وهو فرحان يحسبها مدح !!أثره سب !! الله يغربله هذي دايم تقوله جارتنا قديما قصيميه عن زوجها إذا جابت سيرته عند الحريم !! ويقولون معناه جعلك تجي مثل الغراب >>كلام ناس غير مختصين باللهجة !! مهنا ذرابة <<< هذي قاريته بشريط المجد وبغيت أعرف معناها .. تشكرااااااااات ليكي قلبووو أنتي وطبخك <<< ماله دخل !! :::::::::::::::: هلا بــ "بزبزك" << على قولة حايلية !! هم ماقالوا لي الكلمات الباقية !! والا كان أنواع التحطيييييييييم !!! شكرا على تشريفك وردك .. ::::::::::::::: أراسيل سلمان أنا بالشرق والطريق الي يوصل لمصلى الرجال غررررررب يعني ماعندي طريييييييييق يروحون معه !!وبعدين راحوا للمصلى بدون مايمرون من عندي وهم يعرفون طريق المصلى !! أنا متأكده أنه لها معنى ثاني غير "طريق".. س : وش معنى "يدربي دميجته " ، "يتقوووطررن">>هذي تنقال كثيييييييير في منتدى مطبخك وجمالك !! ، " يابعد معاليزي "..!!!! (يقولون فيه أمريكية في مستشفى في الرياض تتكلم قمنجي بحت وكأنها قصمنجية مية بالمية )!!! ودي أعرف شلون تعلمتها !! |
|
|
|
|
07-10-2007, 02:06 AM
|
#7 |
|
وقع مختلف
تاريخ التسجيل: Feb 2006
البلد: الرِيَاضْ ❤ ,
المشاركات: 5,788
|
إمتــنان ياحوبي لتـس أخجــل  إيــه حايلــية هووو بس عندي خبرة والعفو ع الطبخــات وقولي لأخوتس أي كلمة تنقال له يجهـز كــف الإحتياط واجب يدربي دميجته :يعني يحرك راسه بمعنى انه مايفهم ! يتقوطرن :ههههههههههههههههه يعني تتقاطر اللعاب <يقالي مؤدبـة يعني من لذة الأكل تتقاطر السعابيل يابعد معاليزي :هذي أخترعـه المشرف مدحـت شوقي بريدة والمعنـى في بطن الشاعر .. لكـن هي زي يابعد تســبدي والمعاليز يعني المعاليق وهي الرئتين والكبد الخ وهيك يعني يابعد أقصــى مابي ,, نحتري الكلمات الجديدة عشان نترجم ..
__________________
|
|
|
|
|
07-10-2007, 02:38 AM
|
#8 |
|
عـضـو
تاريخ التسجيل: Sep 2007
البلد: ما دآمك ( عنزي ) لا تهاب .. حدك أقوى الأنساب .. اقيم ببيت رجال كواسر حماهم الله من عين الحساد..! [ أقيم حـاآآليــا في بريــدة ] .. [ وأتمنى أن أقضي باقي عمري في الـشـرقـيـهـ ] "و الهوى شرقاآآوي" !
المشاركات: 737
|
ياهملالي
ماذا أرى؟؟ الموضوع سؤال ثم تشقلب و صار علافيج قصيمية عاد خلي عندتس قاعدة ان القصمان يعربدون علافيج حتسي على كيف دمايجهم.. مثل يالخبقى مرتن سمعته همن سمعته من وحدتن ثانية و معناها يالرفلى او ياللي ماعندتس سنع >> خلي احد يترجم لتس حتسيي
__________________
::  |
|
|
|
|
07-10-2007, 06:00 AM
|
#9 |
|
وقع مختلف
تاريخ التسجيل: Feb 2006
البلد: الرِيَاضْ ❤ ,
المشاركات: 5,788
|
^^ اتحــدى امتنــان تفهم
__________________
|
|
|
|
|
07-10-2007, 06:35 AM
|
#10 |
|
عـضـو
تاريخ التسجيل: Jun 2007
البلد: *تاج القصيم*
المشاركات: 829
|
ههههههههههههههههههه
احس اللهجه القصيميه ماتبي ترجمه وانا تعلمت الكلمات من هالمنتدى مع اني قصيميه بس بعض الكلمات بهالمنتدى مانقوله  اللي تضبط اللهجه ماودتس تصدين عنه اتصرود عليه<<عاد افهمي اتصرود:D اتصرود او يتصرود اقوله انا بمعنى ادوووخ مادري ان كان له معنى ثاني
__________________
 |
|
|
|
|
07-10-2007, 07:00 AM
|
#11 |
|
عـضـو
تاريخ التسجيل: Sep 2003
المشاركات: 204
|
هلا شهوووده
الله يقبل منا ومنك صالح الأعمال .. شاااااااااطرة .. هذي الحرمه والا بلاش .. ياحبي لك والله ح ــايلية يابعد كل الدنيا .. ورى ماتألفون موسوعة اللهجة القصمنجية ؟ عندنا دختورة مصرية ماتدري وين ربها حاطها !! تقول :بناتي ساعدوني علشان أعمل مئارنة بين اللهجة القصيمية واللهجة المصرية !!! << يعني أوجه التشابه بينهن !!<< الله يخلف على أميمتس الي جابتس !! ماتعطينها رقمتس ياحايلية تعاونينها ؟!!والله يعينتس عليها ..يابعد معاليزي أنتي .. ::::::::: هلا بالخيالة ياحبيلتس ترى مافهمت من كلامتس شي ..!! لكن مشكوووووووورة ..!!! :::::::: تدرون بنات قبل شوي ع السحور قلت لأبوي سالفة "بــــه درب؟" لكن ماتوقعت أبوي عنده خبره باللهجة أكثر منكن !!"يعسكر عندكم بالطرفية بوقت الربيع ".. يقول إنه لما شافك "أنا" واقفة عند باب المصلى ظن انه مافيه مصلى أو دورة مياه فهو سألك "به درب ؟" يعني الباب الي جنبك فيه مصلى للحريم والا لا ؟؟ علشان ان كان مافيه يروح يدور مسجد ثاني يكون فيه مصلى ودورة مياة نسائية "الله يكرمكم"!! ولما سألتك وحده من الي معه وتأكد انه فيه مصلى للحريم راح هو وربعه لمصلى الرجال .. تصدقون اقتنعت بكلام أبوي ! قلت طيب أنا قلت السالفة لقصيميات ومافسروها لي مثلك ؟ << مكبره السالفة مررررره !! قال : عندك ذكاء خااااارق!! هن كانن معنا وشافوا كيف شكل المكان ومكان وقفتك علشان يعرفون مقصده ؟!!!!كيف بيعطونك معناه وليس لديهن إلمام كامل حول طبيعة الموقف والمكان !!>>> خخخخ .. لا يهمكن ترى أبوي يحب الفلسفة شوي .. مأثره الماجستير على عقليته !!! وأبشركن تراي أعرف كلمات قصيمية مثل: حاول نوبة أخرى = حاول مرة أخرى شراااااااافة = لقافة أو فضول وسلامتكن ... |
|
|
|
|
07-10-2007, 07:05 AM
|
#12 |
|
عـضـو
تاريخ التسجيل: Sep 2003
المشاركات: 204
|
ياحليلك ياحلوا
خابرتني اني منب فاهمه ياربي وش هالكلام الي تقوله خيالة وحنين الأندلس ؟ والله مافهمت شي منهن !! وتقول حنين بعد ماأحس اللهجة تحتاج لترجمة !! أجل اتصرود !!!<<<ياربيييي من وين جايبينها ذي !! |
|
|
|
|
07-10-2007, 07:06 AM
|
#13 |
|
عـضـو
تاريخ التسجيل: Nov 2006
البلد: في بطون الكتب..!!
المشاركات: 864
|
.
. . يـــــــــــــــــــــــــاحــــــــــــــــــــــ ـافـــــــــــظ...... والله لو حنـــــــــــا نهرج أنقليزي...........أنا أذكر مرة من المراير أقراء قصة قطرية بحححححححححححت وعندهم كلمات ماأدري وش يقالبه...لكن أفهم الكلمات بالرغم أني أول مره اسمعبهن من مواقعهن بالكلام يعني باختصار شديد..بغض النظر عن الكلمات اللي قلتيهن .......كلمه(كلاااااااااااااك)معروفه وواضحه خخخخخخخخ على العموم الرجل اللي قالك:به درب>>>يقصد ربما هل المسجد مزدحم يعني لنا مكان هناك او هل فيه طريق من عندس نبي نمرق...ثم يوم ماجاوبتي وعطتية الخامس(مع اني اخالفك بهذا) أنزلن المرأتين وجابن سيرة ثانية >>يعني هن من حينهن يبن الحمام آآآآآآآآآآآآآآندر ستاند:D وشيكرن
__________________
أشـتــقـت لـــــكـــــــم:bad |
|
|
|
|
07-10-2007, 07:18 AM
|
#14 |
|
عـضـو
تاريخ التسجيل: Sep 2003
المشاركات: 204
|
هلا والله بأنوارنا
ياحبيبتي والله مادرينا انه فيه ناس تسمي الكذاب غير كلمة كذاب !! خابرين الكذاب يسمى كذاب بكل اللهجات العربية !!والله غريبة كلاك !! يمكن أنتي عندك عادية لأنك دايم تسمعينها .. شوكرن ليكي |
|
|
|
 |
| الإشارات المرجعية |
|
|
النمط المتشعب
