[أم تالا]

السلام عليكم ورحة الله وبركاته

ملاحظة قبل أن أبدا
أرجوا من المشرفين عدم نقل الموضوع ولولا حاجتي الشديدة للمشورة لما أتيت لهذا القسم وشكرا ً جزيلا ًاخوتي وأخواتي انا ضيفة من الرس أطلب المساعدة من أهل الطيب أهل بريدة

انا على وشك النقل لمنزل جديد ان شاء الله والدور على المطبخ بالتفصيل ..

كنت مخططة أفصل عند شيخ المطابخ بسبب الأشكال الرائعة الموجودة عنده وبعد ماسويت بحث بقوقل انبهرت من كثر العالم اللي يسبونه في كل فرع من فروعه وتقريبا ً شكلي خيرت عنه

ياليت تساعدوني بأسماء محلات مطابخ عااااااالية الجودة مع أشكال جميلة وغير تقليدية مهما كانت قيمة المطبخ لا يهمني .. والأهم سرعة التركيب وحسن التعامل
والأكثر أهمية ان المحل موجود بالقصيم عاد ببريدة بعنيزة بالرس ماتفرق مالي بالسفرات والمشاوير

وياليت اذا ببريدة محلات تفصيل غرف نوم أطفال خشب عالي الجودة وموديلات حديثة برضو لو كانت غالية ماعندي مشكلة ولله الحمد ..

طلب أخير لو ممكن اسم الشارع اللي فيه المحلات لأن والله مادل ببريدة وابي توفير الوقت وجزاكم الله كل خير ..

[محب المجد]

بالنسبة للمطابخ فيه محل مقابل النخيل بلازا وبجانب تسجيلات أحد وإسم المحل " المطابخ الألمانية " على ما أذكر .
مطابخ راقية لكن الأسعار مرتفعة .

[آلحرفـ آلعنيـد]

فيه مصانع النجيدي على طريق عنيزه عند اسواق الماشيه

[اخو دريحم]

مطبخ الخليفة طبخه ممتاز وقمة في الامانه

[أم تالا]

الشكر موصول لجميع الأخوة ..

ومازلت أنتظر آراءكم ..

[‏!تميميه فله!]

المطابخ والله ماعرف بس غرف النوم اتوقع البناء والعماره أحسن شي و على ماعتقد اسم الشارع شارع المدينه

[غليص]

والله يا اختي انا اعرف محل مطابخ بس ما اعرف اسمه؟؟. وبالنسبه للموقع : بجانب ميد وهرفي اللي بالمنتزه

[عبدالله الصالح]

حتما ستجدين من يدلك على الزين..

أما انا فإني أحب أن أذكرك بدعاء نزول المنزل ولا تلهيك تكميلاته عن الورد الذي جاء به الصادق المصدوق صلى الله وسلم وبارك عليه...

وأقول لك مبارك عليكم المنزل وكفاكم الله شر عيون خلقه وجعله منزلاً سعيدا وأعاشكم على طاعته عمراً مديدا..آآمين.

[العفالقي]

محلات الباحوث فيه بشارع الصناعة وفيه بشارع الملك عبدالعزيزبحي المنتزه-------وبالتوفيق

[زخآت مطر ,,]

العليان للمطابخ على طريق المدينه لا تعدينه يجنن مرهـ



**الأثاث والغرف ما أعرف عن التفصيل شيء
أما الجاهز فلو تبين الموديلات الكلاسكية اللي توفر لك بالمساحه عند هوم بلازا في العثيم مول
- طريق عثمان بن عفان -
مره حلوه ونعووومه
**و الموديلات اللي تكون خشنة لكنه فخمه تحصلينه عند البصيلي للأثاث - طريق عمر بن الخطاب - لكن ما تلقين عنده غرف أطفال حلوه



الله يوفقكـ

[%*%الحلوة%*%]

والله يا اختي بالنسبه للغرف النوم أنصحك عن تجربه العبد اللطيف والباحوث والعمر اللي

بشارع الملك عبد العزيز بحي المنتزة بس ما تأكدت من اسم الشارع

على فكرة كل ذاك الشارع محلات مطابخ واثاث

وفيه العزيزيه لغرف النوم اللي بشارع الشاحنات على ما اظن ان اسمه كذا اللي بالشارع مكتبة العبيكان

ارجو ان اكون افدتك

[الوزير الفدرالي]

وشوله ضرب المشاوير ..

روحي لعماير الراجحي اللي جنب فندق موفنبيك وهناااك تحصلين كل شي ..

اثاث ومطابخ وغرف نوم وكل شي ..

والله يجعله سكن مبارك ولاتنسون دعاء المنزل الجديد

[أم تالا]

جزاكم الله خير جميعا ً وانا دونت المعلومات كلها وراح أمر اللي قلتوا قريبا ً باذن الله ..

ألف شكر مجددا ً للجميع ماقصرتوا والله وهذا عشمي فيكم ..

[سوآلف حرف]

لا شيخ المطابخ حلو وعلى ضمانتي

حنا مفصليين عنده جنااااااااااااااااااان

واذا بغينا شي يوفرونه لنا

لا يهمك كلام الناااااااااااس