[جمراوي]

تعرّف على المعلومات الصحيحة



أحد الزملاء رجع من ألمانيا ، فكنت أتكلم معاه عن السيارات الألمانية هناك وطرق القيادة في السيارات ، فقال لي كلام استغربت فعلا منه ، وهو ان الألمانيين ما يحمون سياراتهم في البرد ، ويقول خويي ، إني أشوف الكثير منهم يشيل الثلج من السيارة ثم يشغلها لمدة لا تزيد عن دقيقة ويدعس؟؟؟؟؟؟ ويكمل زميلي كلامه ويقول أنا سيارتي الأكورد مطلعها من الوكالة عام 2003 وإذا حميتها أتركها 30 فقط حتى اضمن دورة الزيت في المكينة ثم أعشق وأمشي؟؟؟؟
كلام خويي لعب في راسي شوي ، قمت قوقلت الموضوع في المواقع الأجنبية ، لقيت الكثير منهم يقولون إن تحمية السيارة يفترض أن لا تتعدى 30 ثانية ، ويقولون إنك اذا طول المدة اللي تحمي فيها موترك فإنك تستهلك مكينة سيارتك؟؟؟
وأنا أنقل لكم هناك بعض الكلام اللي قريته ونبي نتناقش فيه شوي ...

موقع حديث السيارات الشهير cartalk.com قرأت فيه التالي وهذا إقتباس من حوار Click and Click:


TOM: Actually, what you've been told is correct, Carolee. Modern cars don't need to be warmed up at all. Nor do older cars.

توم : ما سمعت عنه صحيح ، لا تحتاج إلى تسخين على الإطلاق .

RAY: If your car starts and doesn't stall when you put it in gear, it's ready to go. In fact, the best way to warm it up is by driving it.

راي : إذا اشتغلت السيارة ولم تدقر أو تجيم عند تعشيق الجير ، فهي إذا جاهزة للقيادة ، فأفضل طريقة لتسخين السيارة هي بقيادتها .

TOM: It's best to drive it gently for the first three to five minutes, to allow the oil to fully warm up and thin out. So, you don't want to pull out of the parking lot and immediately floor it on a highway ramp. But driving it gently is an ideal way to warm it up.

توم : من الأفضل قيادة السيارة بهدوء لثلاث إلى خمس دقائق الأولى ، حتى تسمح بتسخين الزيت ، لذا فليس عليك الإنظلاق من الموقع مسرعا إلى الطريق السريع ، لكن القيادة بهدوء هي الطريقة المثالية لتسخين السيارة .



وفي موقع آخر وقعت على شخص يسأل عن المدة المثالية لتسخين السيارة ، فكانت الإجابة الأفضل (حسب تقييم الموقع )



Start, run for 15-20 seconds, put it in gear and go. Drive like an old woman until the temp needle starts to move.

شغل السيارة من 15 إلى 20 ثانية ، وعشق الجير وانطلق ، وسر على الطريق كأنك إمراءة عجوز حتى يصل مؤشر الحرارة إلى الدرجة الطبيعية ثم تحرك بحرية ...



وهذا مقال طويل عن تسخين السيارات في البرد / ويقول بأن السيارات لا تحتاج إلى تسخين أكثر من 30 ثانية باستثناء السيارات القديمة ...

كود :

http://www.motorpoint.com.au/warm-up-the-car.asp



عموما لا شك أن عندنا في دول الخليج تسخين السيارة يعتبر من الأساسيات في أسلوب المحافظة التقليدي على السيارة ، ولكن الغرب معروف ان عمر سيارتهم أطول بكثير والبرودة عندهم لا تقارن بالرودة عندنا ، ومع ذلك يتعاملون مع سيارتهم بهذه الطريقة ....
أنا شخصيا احمي سيارتي من نص دقيقه الى دقيقه

لكني في المستقبل سأقود سيارتي في الخمس دقائق الأولى كامرأة عجوز .....

ا

[هايين]

ّّّّّّّّّّّّّّّّّّ!!!!!!!!!!
حنا نرسل البزر يحمي السياره قبل نطلع بوقت
منها يفرح ومنها نحمي السياره
اكيد ابنقل الخبر
شكرا لك

[بلف الكاتم]

الحقيقة هذا الموضوع حلو .... و ياليت بدل هالفسططة اللي بعض الناس مزعجيننا في ها المنتدى ولا سيما الموضوع اللي يتعلق بالبنات و المغازل ... وهالخربط اللي ما ينفك منها هالمنتدى حتى بالأزمات ... عموما .. بعد كل هالمدح أنا ضد فكرتك هذه ... ومن واقع تجربة قبل مدة ليست بالقصيرة سمعت مثل هذا الكلام ... ومن ثم بدأت أطبق هذه الفكرة يعني على طول دقيقة بالكثير ثم أمشي ... بعد مدة طلع في السيارة صوت .. بالمكينة ..... و صدقني تكرر هذا الحدث في ثلاث سيارات اشتريتها ... ونفس الصوت ... وسألت أكثر من واحد ... وش بلاي... ثلاث سيارات ونفس الصوت .... و قالوا لي : هل تحمي السيارة ؟ قلت : لا قالوا : بس ؟؟؟؟؟؟؟

[~{ الوسـامـ ..]

بارك الله فيك ..

[جمراوي]

اقتباس المشاركة الأساسية كتبها بلف الكاتم الحقيقة هذا الموضوع حلو .... و ياليت بدل هالفسططة اللي بعض الناس مزعجيننا في ها المنتدى ولا سيما الموضوع اللي يتعلق بالبنات و المغازل ... وهالخربط اللي ما ينفك منها هالمنتدى حتى بالأزمات ... عموما .. بعد كل هالمدح أنا ضد فكرتك هذه ... ومن واقع تجربة قبل مدة ليست بالقصيرة سمعت مثل هذا الكلام ... ومن ثم بدأت أطبق هذه الفكرة يعني على طول دقيقة بالكثير ثم أمشي ... بعد مدة طلع في السيارة صوت .. بالمكينة ..... و صدقني تكرر هذا الحدث في ثلاث سيارات اشتريتها ... ونفس الصوت ... وسألت أكثر من واحد ... وش بلاي... ثلاث سيارات ونفس الصوت .... و قالوا لي : هل تحمي السيارة ؟ قلت : لا قالوا : بس ؟؟؟؟؟؟؟

شغل السيارة من 15 إلى 20 ثانية ، وعشق الجير وانطلق ، وسر على الطريق كأنك إمراءة عجوز حتى يصل مؤشر الحرارة إلى الدرجة الطبيعية ثم تحرك بحرية ...
يعني امش بشويش حتى ترتفع الحراره التسخين بهذه الطريقه ليس للمكينه فقط للجير والدفرنش ورمان العجلات والمقصات

[مدحت شوقي بريده]

هلا بالبي جمراااااااااااوي ..


يابعدي انت .. حنا اذا قمنا من النوم يبي لنا من يحمينا نص ساعة ..
كود تلفز روحك تحت الدفاية .. الين اتفلت ايدك من اباطك ..
ورجليك المتسفطات من البارح يحترن شوي شوي ..
حتى رقبك تعجز تلفه من قوة البرد .. تغدي رقبك تقول ماصورة 6 بوصة ..
واللي نايم وهو ملتفت .. يقوم ورقبته ملتفته ومشصبه تقول كوع ريحه ..


وشلون عاااااااااااد السيارات .. اللي بالشارع بالبرد ..


يالبي تدري وش المشكلة اذا جيت تحمي السيارة ..
إنك اول ماتشغل احياناً تسمع .. ززززخخخخخخخخخخخ .. نيووووووووو ..
صوت ( بسه ) مندعسة جنب المكينة تدور الدفا ..

همن اذا شغلت الصبح ودارت المروحة .. طلعت البسة بدون شعر .. محلقته هالمروحة ..

لذلك الواحد قبل لايشغل السيارة بهالشتاء .. يطق الكبوت ..
علشان اذا بوه ( بسه ) يالله يمديه تقوم وتلبس نعاله ورتوح لأهله ..


وشكراً يالبي ياجمراوي ..


سي يو ..

[بايعه بقرش]

أعرف كل الي رااااح من زمان بس عجزت أطبقه ....

مااااش قلبي ما يطيعن.


لكن مسألة إني أبشغل و أمشي شوي شوي و الله ياهي صعبة علطول ادعس على البنص ..

[معصقل بس قوي]

اغدين احطه بالمكرويف خخخ
بارك الله فيك ..

[ضايق الصدر]

من ناحيتي اول ماقوم احط الفوطه على راسي وجسمي واشغل السياره , وادخل اتجهز

تعودت على كذا . يعني تجلس عشر دقايق ربع ساعه السياره تشتغل ,

تسلم ومشكور,

[روسان]

أنا أعرف واحد ميكانيكي وصاحب خبرة طويله بالسيارات

الفجر يشغل وعلى طول يمشي وأنا

أما أنا فمن الضروري عندي التحمات

[ليمتد]

اخي وحبيبي جمراوي شاكر لك على الموضوع الشيق

لكن لي وجهة نظر ان البرد في المانيا واوربا عموما ليس بحاف ( جاف ) بل فيه رطوبه بسبب قرب المدن من البحار والمياه عموما وشف جده اقرب مثال او الشرقيه

اما عندنا الله يغفر لك فالاوادم والحيوانات ماتت والحديد العام بسبب البرد جّّيم واكثر المكاين في المزارع ومكاين السيارات خبطت لان الزيت ثالج

فتحمية السياره ضروريه بالشتاء علشان السبايك ماتروح عليك

واعذرن على التطويل

[شواطى هونولولو]

والله ياجماعة أنا مع ليمتد لأن الواقع خير برهان ولا يهمونكم هالغربيين لأنهم مهب مزينين سياراتكم لامنهن خربن

[الوساااام]

بردهم رطب .. وزيت سيارتهم اصلي 100% وتختلف بأختلاف السيارة ..!!

السيارات الألمانيه عادةً لاتحتاج لتحميه كبيره كما يحتاجه الامريكي .. وهكذا ..؟

على حسب الصناعه ... وبرودة الجو لديهم يصنعون السياره ..

[ايام زمان]

اخوي جمراوي العرض هذا يشمل السيارات الديزل
أناسيارتي ديزل

والله أنا متعذب من تحميت السيارة تكفى شفلي الطلب

وإن كان يحتاج واسطه دبرناه الشباب مايقصرون