[حفيدة الخنساء]

رجال داخل مجمع البنات بالبشر وقت الدوام

أنا أحد طالبات مجمع الأمير سلطان للبنات بالبشر بالقسم المتوسط ومجمعنا يتكون من ثلاثة أدوار الدور الأرضي والأول لمدرستنا القسم المتوسط والدور الثاني لإدارة النشاط وفناء المبنى مقسم لقسمين علشان الدرج ، القسم اللي على الشارع الرئيسي للقسم المتوسط والقسم الخلفي للمبنى لإدارة النشاط ، وبأحد الأيام يوم طلعت المعلمة من الفصل لحقناه كالعادة وتعرفون اللي بالدور الأول والثاني يقدرون يشفون الدور الأرضي طبعاً نظام المبنى الشبك اللي يطل على الدور الأرضي المهم شفنا بالحوش الخاص بقسم النشاط و الإرشاد به عمال يشتغلون يزرعون ورد لو يرفع رأسه شاف اللي بالدور الأول و الثاني كلهم وبعد واحد منهم رافع رأسه (وأنا شايفتن هذا بعيني واللي ما صدق يسأل بنات المجمع ) ، ودخلونا على طول المعلمات ، وتدرون أن الأمير سلطان تبرع للمجمع للطالبات بس ما أدري وش جايب قسم النشاط و الإرشاد لنا وغير انهم ضيوف علينا مضيقين علينا حتى معمل الحاسب ما عندنا اللي مستعدين ندفع الرسوم بس الشكوى لله مضيقين علينا النشاط والإرشاد و الدعم الفني يا ليتنا عندنا نصف اللي عند مجمع الأمير سلطان للعيال أنواع الدورات والحركات ، وبعد نسيت أقول لكم أن قسم الدعم الفني المسئولات عن الكمبيوترات اللي يصلحون كمبيوترات المدارس محتلين المكان اللي المفروض يصير روضة أطفال بس أشوى مخلين الروجحانه نلعبه .
وش رأيكم بالموضوع ، وش الحل ؟

[العاصف]

المديرة ما عنك احد ؟؟؟

واللي أغبى منه الفراش !!

واللي اهدر بقووووه المسؤول اللي جاب العمال ؟؟

[حفيدة الخنساء]

من ناحية ضيق المبنى
المشكله موب من المديرة ولا إدارة المدرسة ما بيدهم سيء ، المشكلة من المسئولين في إدارة التعليم كم مرة نقول لهم يقولون أحمدو ربكم المدارس الثانية ما عندهم اللي عندكم أنتم من أكبر المباني بالقصيم ، اتمنى أن أولياء الأمور يتفقون ويرفعون للإدارة هم اللي يقدرون يسوون شيء ، والفراش ماله دخل لأن العمال أقولك يدخلون من الباب الخلفي حق النشاط والإرشاد مال دخل بمدرستناز

[المشاكس]

تأكدت من مصادري الخاصة من داخل قسم النشاط ..

واكتشفت الكلام أعلاه لايمت للحقيقه بصلة ..

وإنما إدارة النشاط على غير وفاق مع إدارة المدرسة ويوجد معلمتين في المدرسة حملتا على عاتقهما لواء إخراج إدارة النشاط ويبدو أن هذا المقال أحد وسائلهما الغير ناجعه ..

[حفيدة الخنساء]

أخي المشاكس .. حفظه الله
ولكني أقول لك أني رأيت ذلك بعيني ، وأرجو أن تتأكد من الخبر من أي طالبه تدرس المجمع وخصوصاً الطالبات التي فصولهن بالدور الثاني بالمدرسة .
وبالتأكيد فإن إدارة النشاط ستنكر ذلك لأنه ليس في مصلحتها ، وحتى مديرة المدرسة قد تنكر لأنها سوف تساءل بسببه تفريطها أيضاً .
أما عن قولك أنه يوجد مدرستين قد حملتا على عاتقيهما لواء اخراج إدارة النشاط ، فهذا ممكن لأن المدرسات متضايقات من إدارة النشاط .
شكراً .

[مدحت شوقي بريده]

ممكن ادودل سطلي ...

انا اقول الحريم والتوهم ... وووووووووووووووووووووووووواك ..
................

هيله .. شفتي الرجال اللي حدر ..
مزنه .. وينه ..
هيله شوفيه اللي ورى الباب .. هالحين يتبين ..
هيله .. شوفيه شوفيه ..
مزنه .. اي والله ..
هيله ..بنااااااااااااااااااات تعالن شوفن بوه رجال حدر .. والله اني شايفته بالعين المجرده <<< اجل مهوب حشره
مزنه .. هي صازه بعد انا شفته تعالن اوريكنه .. شوفنه هاك اللي ورى الباب ..
باقي البنات .. اي والله .. لا مهوب رجال .. هاه الا خل ابرق بوه .. الا رجال ..

وبالأخير يطلع تنورة المديره معلقته ورى الباب منكب عليه الشاهي .. تبيه تنشف ..
سي يو ..

هذولي الحريم والتوهم ..

(((( اللي نعرف ,,, انه ممنوع دخول الصيانه في وقت الدوام الرسمي .. فما بالك بالكماليات ))))
مو تكذيب للأخت الفاضله .. ولكن نجزم انه توهم ...


(((( الله من مره ومره رجعنا من البر بسبب توهمهن .. يتوحشن همن يتوهمن وحنا الضحيه ))))


سي يو ..

[الكايد]

هههههههههههههههههههههههههههههههههههههههههههههههههه

برميل ذا مهب سطل


سي يو .

[حفيدة الخنساء]

مدحت شوقي بريدة ..
أتمنى أنني كنت واهمه ، ولكن ما حدث غير ما ذكرت في مداعبتك ، وأرجو أن تأخذ الموضوع بشيء من الجدية بارك الله فيك ، فلم أطرح الموضوع من باب الطرفه والتسلية ، وإنما لأخذ رأي رواد المنتديات و لم أختر طرح الموضوع بهذا المنتدى إلى بعد مشاورة لمن لهم خبرة بهذه المنتديات حيث ذكروا أن هذا المنتدى أفضل المنتديات ويقوم عليها أناس ملتزمين ، أما قولك أنه يمنع دخول عما الصيانة وقت الدوام الرسمي فأتوقع أن كلامك صحيح ولكن الذي حصل خلاف ذلك .. لا تعليق ..
وشكرا

[المنخرش]

وراه مهب سز تراه الدنيا توحش للدرجه واكثر

مجمع سلطين


الله يسلمه

لكن الشكوى لله

[عاشق بريده]

ما قالته الاخت حفيدة الخنساء صحيح 100% واحب ان ازيد على ما ذكر ان هناك كارثه اذا لم يستدرك الوضع لا قدر لله وذلك لاستقطاع الدرج الاساسي لدور الثالث بحواجز حديديه والابقاء على الدرج الصغير والمخصص لطوارىء لصعود الطالبات رغم كثرتهن فامل ان نهتم قبل الكارثه وليس بعدها اللهم فشهد والله ولي التوفيق

[2222]

.

[سراج الخير]

طيب الإدارة وين؟