اربع بنات تائهات في الصحراء....." ام ارقيبة " .......

التنين الصيني · 18-01-2010, 08:23 PM

يقول راوي القصـه :

في ربيع هالسنه 1431هـ أتفق الشباب في الاستراحة على طلعت بر .. وقالو لي ياسعدون معنا فيها ؟ قلت والله ياجماعة الخير أشتريكم وأشتري مخاواكم بس عندي
شرطين ولا تضحكون علي .. قالوا هات ما عندك يا بو ثامر قلت الأول أم أعيالي
أبشاورها .. والثانية أبروح في سيارتي ولا أبي أحد معي ... قالو أفأ ليه ؟ قلت
من غير ليه .. قالوا أبشر والوعد بكرة في أم رقيبة الساعة 12 الظهر عشان
ندخل الصمان بدري قبل تظلم العين ...... شاورت أم العيال ولا مانعت ... حملت
كل شي أشوفه في وجهي من عزبة وعدة وحطب .. صليت الفجر ومشيت وصلت أم أرقيبة
قبلهم صليت الظهر والحمد لله مافيه أحد تخلف من العيال .. دخلنا الصمان ويازين
الصمان أرض خضر اء ودفى ووناسه .. جلسنا في أم أقرين ومشينا فيه الين مناخ
.... قضينا في الصمان خمس أيام راحة كنها ليلة .. أنا أنشغل بالي مع أم العيال
والعيال وأمي .. قلت للربع أنا بمشي للديرة .. قالوا أن مشيت مشينا .. قلت
هذا المقصد يوم أجيب سيارتي معي .... أنتم وسعوا الصدر وأنا أبقطع النفود ثم
أتوجه يم الديرة .. قالو ما نقول شي خذ راحتك بس خل الكنود شغال وبرمج المكان
على القارمن والله يوفقك .. توادعت معهم ومشيت الظهر منهم ودخلت النفود مع
العصر كل شي ماشي تمام إلا أن ريشة الكنود تعطلت .... قلت يالله دام القارمن
شغال الله الموفق مافيه غيره .. من دخلت النفود والسماء تمطر ديم .. قلت في
نفسي مافيه وقفة ولا نوم الا في السيارة أن أضطريت لها ,, قطعت النفود والحمد
لله قبل نصف الليل بشوي .. بانت علي أنوار القاعية وكلش تمام بس أنا أبي تمير
أو أم أرجوم ومنها إلي التنهات عشان أختصر المسافة .. بس الأمور ماجت على
الكيف .. السماء مطر والأرض تمشي سيل .. قلت الأمر بيد الله .. وصلت الأعصل
وادي شرق تمير عرفته من الطلح يوم كنا نصيد فيه ..
الوادي يمشي مشي ضعيف والمطر وقف قلت هذي ساعتك يابوثامر شب النار واضبط الدله
.. الساعة قاربت الواحدة والنصف صباحا .. واليوم هذا هو يوم الخميس .. شبيت
النار وبهرت الدلة وأشوف القبلة علي مغيب النجوم برق حقوق قلت الله العالم هذا
رزق ساقه الله على هالديرة ..
الله يعطيهم خيره ويكفيهم شره وشر البرد اللي فيه .. الدنيا سكون وأنا جالس
أشرب القهوة فاضت قريحتي علي الشعر وقلت هالأبيات ....

غاب القمر يا ناس والراس محتــــــاس -- في وسط وادي كل أرضه حصاني
لا جيت أنا أبمشي فيه والموتر الشاص -- قـام يتمايــل فوق رمــــث حدانـــي
شبيت ناري واعتــلآ النار محـــــــاس -- لعل ضيـــفي شــم نـاري وجانــي
هبـــت جـنوب فوقها الـبـرق رقــاص -- بــــرق حـقـــوق أرتـفع لـي وبانـي

وأنا أنشد هالقصيد وأتحرى الخير من مطر وأرجي الله أنه يرزقنا من خيره .. سمعت
سيارة تحن وهي في مكانها وأسمع صوت صياح وكنه صياح بنت أو ولد صغير قلت يمكن
هذا بدو أو كشاته

..
بس الصياح كنه أرتفع وأرتفع معه أزعاق وكن أحد يحاول يسكته بالقوة
الساعة قربت علي الثلاث الصبح .. وصوت السيارة ما أنقطع من الحنين .. جمعت
العزبة وقلت يا ولد أروح أشوف وش القصة .. لأني خفت يكون أحد متعطل والبرق
قرب علينا .. مشيت مع الوادي يم الحيرة آخر وادي الأعصل .. رفعت النور وأشوف
سيارة يوكن حمراء وسط الوادي غاطس في الطين .. يوم شافني قربت منه طفى النور
وجلس في السيارة بدون أي طلب مساعدة .. السيارة مظللة .. ضربت بوري وأشرت
بالنور مافيه فايدة وكنه ما يبيني أساعده .. قلت في نفسي على هواك .. تركته
ومشيت مطلع شمس يم التنهات .. بس قلبي ما طاوعني لأني أشوف البرق قرب وبرقه
حقوق .. خفت أن صاب السحاب هالوادي أن تروح هالسيارة بما فيها من ناس .. رجعت
يمه ونزلت وأصيح عليه يالغشيم أنزل نسحب السيارة قبل السيل .. أنا بيني وبينه
قرابت العشرين متر ... بس الظاهر ما سمعني .. أشرت بيدي يم السماء وكنه فهم بس
ما يبي ينزل من السيارة .. فتح الدريشة شوي وقلت له يابن الناس السيل في
الطريق أما أنزل نسحب السيارة أو أبعد عنها لا تروح معها .... أنا قلت هالكلمة
ولا الصياح يوم طلع من السيارة .. فتح الباب ولا وش أشوف أربع بنات في عمر
أقل من 25 سنه ولا رجال معهم ولا سواق .. يوم شفتهن قلت أجلسن في السيارة ..
يا حيلة الله حضي وجابني للغربلة .. سحبت السلسلة من صندوق الموتر وأخذت واير
الونش معي وطبيت في الطين الين وصلت سيارتهم ربطت السلسلة في اليوكن والونش
وقلت لها أسمعني سيارتكم مافيها دبل وتماتيك يعني أذا سحبتك لا تلفين يمين ولا
يسار .. قالت أبشر .. سحبتها وانقطع الواير ورجع على سيارتي وكسر قزازة الموتر
القدامية ودخل علي وسط الغمارة بس فكني الله منه .. نزلت وهن أنزلن وطبن في
الطين خايفات علي من السلسلة والواير .. قلت سلامات ما صار الا الخير .. شبيت
النار وقلت لهن أجلسن حولها ولا عليكم من شي الا شي واحد أنكم تسكتون هالي
تصيح لأني ما أقدر أسوي شي وفيه أحد عندي يون أو يصيح .. قالن ما عليك تامر
أمر .... وأنا أحاول أركب البكرة في موترهم الا والسواقة طابة معي في الطين
قلت يا بنت الناس استريحي ما عليك من شي إذا أحتجتك ناديتك قالت عيب علينا حنا
بنات رجال ... أنت ما قصرت أتعبناك ودمرنا سيارتك .. قلت أبد ما عليك الغريب
للغريب نسيب ..
وأنا أحاول اربط السيارة والسواقة بعيدة عني شوي قلت هالقصيدة بيني وبين نفسي
..

أوا هني اللي علي النـفد نايـم ... أمجاور(ن) نار الدفا من غضاها
قناص أو كشـات فوقـه عـزايم ..... ربعـه يدلـونه الي هو نـواها
تركت أنا الصمان والجوغـايم ..... قاصـد أبي الديرة وقلبي نواها
لقيت أنا المزيون والقلب صايم ... عن الحرام اللي أبعد هواهـا

ربطنا السيارة وقلت لها هالمرة لا تركبين في السيارة لأني أخاف الواير
ينقطع عكس .. بس خلي الموتر فاضي وثبتي الدرقسون واتركيه .. أنا الحين مركب
البكرة والبكرة تزود القوة .. السماء أمطرت والبرق فوق الرأس وأنا أتوكل على
الله وأسحبه والحمد لله طلع ومن يوم طلع وركبن في موترهن والبرد يطيح علينا ..
وأنا صرت في حوسة .. القزازة مكسورة والبرد دخل علي في الغمارة .. بس الحمد
لله أن السحاب عنا جنوب شوي ولا طول المطر .. كل أجهزتي راحت من ماجلان وكنود
وغيرة من المطر والطين بس الحمد لله أن الجماعة أطلعوا .. قلتلهن الحين طلعتوا
وقولولي القصة قالن حنا كاشتين مع أهلنا في شعيب الشوكي ورحنا نتمشى
بالسيارة نحسب الدعوى تمشي وضعنا ولا درينا الا وحنا في هالشعيب من عصر أمس
..
قلت ورطنا .. قالت السواقة ليه .. قلت الله يستر ما يكون الشوكي ماشي بقوة من
ها لسحابة .. لكن مافي اليد حيلة مشينا .. قلت أنتم وين من الشوكي .. قالن ما
ندري حنا في الشوكي وبس .. قلت حولكم شي غريب شي يلفت البال قالت اللي تصيح
أيه حولن غار عليه باب مفكوك قلت بس عرفته مشينا .. المسافة ماهي بعيدة
لكن المصيبة طين وسيل والسواقة عليمية والموتر تماتيك .. وصلنا الشوكي على
طلعة الشمس والحمد لله يمشي ومشيه ردي يعني الواحد يقدر يمشي فيه .. يوم قربت
من أهلهم قلت لهم أهلكم باقي عليهم قرابة 500 متر الله يوفقكم .. أنا بروح مع
درب ثاني سبحان الله الواحد يخاف من الظن لا قدر الله ..
قالت السواقة ما قصرت الله يعافيك بس أبي رقم جوالك قلت لية قالت بس .. وأقوم
وأعطيها أياه ونتفارق .. أنا من التعب والجوع وقفت في وحدة من الشعيبات وجلست
أشب علي فطوري مع طلعت الشمس .. ما دريت الا والجيوب والصوالين اللي جاية يمي
.. وقفو ونزلوا خمسة شباب وقالو لي أنت من طلع اليوكن قلت نعم .. قالو أمش
معنا قلت وين قالو هناك تعرف .. ركبوني معهم .. وفيه وأحد منهم جمع أغراضي
وساق سيارتي الين وصلنا .. نزلوني ثم دخلوني في وحدة من الخيام فيها شايب عليه
أثار الخوف .. قال يا ولدي أنت من طلع بناتي وبنت أخوي قلت نعم .. قال وين قلت
في المكان الفلاني .. قال يعني هن صادقات قلت نعم .. قال وأنت موترك أندمر من
السحب والبرد قلت نعم .. قال وش تبي المكافأة قلت أبي سلامتك بس .. قال لا ..
أنت مثلك في هالديرة قليل .. قلت لا ، بل كثير .. قال: تقولي لا ؟؟ من أنت
علشان تقولي لا ؟ .. مسك الدلة وضربني علي راسي

وأنا أقوم من النوم وأتعوذ من الشيطان وأنقلب علي جنبي الثاني وأنام ........

الملكه... · 18-01-2010, 08:44 PM

هههههههههاي وانا متحمسه مع القصه الله يخويك
صراحه حلوه ومحمسه...

شكرآ اخي الكريم,,,

غريب احساس · 18-01-2010, 09:43 PM

والله تصدق عاد تحمست صدق مع القصه وقلت هذا رجال ما شاءالله عليه لو اشوفه احب راسه بس طلع المشكله حلم ,,,, يقطع ابليسك بس متشكر مرة ولا تتعودها مرة تانيه

فجــــر · 18-01-2010, 09:50 PM

والله العضيم الجليل الكريم الفرد الصمد
اني اول مابديت حسيت انه اراااااااااانب مجمعه،،،

نومااااااهنيئئئئئئا مع الدله وشبت النار،،،

لاتعووودها ياشااااااطر...

التنين الصيني · 18-01-2010, 10:03 PM

اقتباس

المشاركة الأساسية كتبها الملكه...


	هههههههههاي وانا متحمسه مع القصه الله يخويك صراحه حلوه ومحمسه... شكرآ اخي الكريم,,,

اهلا وسهلا ................

اقتباس

المشاركة الأساسية كتبها غريب احساس


	والله تصدق عاد تحمست صدق مع القصه وقلت هذا رجال ما شاءالله عليه لو اشوفه احب راسه بس طلع المشكله حلم ,,,, يقطع ابليسك بس متشكر مرة ولا تتعودها مرة تانيه

يا مرحبا ...............

اقتباس

المشاركة الأساسية كتبها فجــــر


	والله العضيم الجليل الكريم الفرد الصمد اني اول مابديت حسيت انه اراااااااااانب مجمعه،،، نومااااااهنيئئئئئئا مع الدله وشبت النار،،، لاتعووودها ياشااااااطر...

انا آسف اذا جرحت شعورك..............

بعدين العظيم تكتب تسذا ......

شكرا لك

فجــــر · 18-01-2010, 10:21 PM

اقتباس

المشاركة الأساسية كتبها التنين الصيني


	اهلا وسهلا ................ يا مرحبا ............... انا آسف اذا جرحت شعورك.............. بعدين العظيم تكتب تسذا ...... شكرا لك

شكراااا يا استاذي.

التنين الصيني · 19-01-2010, 01:34 AM

اقتباس

المشاركة الأساسية كتبها فجــــر


	شكراااا يا استاذي.

اني تايم ................

آפـآسيس™ «●• · 19-01-2010, 06:52 PM

ههههههههههههههه
اجل حلـــم عقبـــال يكون حلم واقع

ألوان وتناتيف · 19-01-2010, 07:03 PM

ونعم برجالنا مراجلهم واصله حتى للحلم ..

قلم جريء · 19-01-2010, 07:54 PM

الصراحه أنا قعدت أفكر قلت ماشاءالله وش هالشقردي اللي مابه بالديره مثله

أثرك طلعت طير بر حلوم

خخخخخخخخخخخخخخ
الصراحه أشكرك موضوع متألق

التنين الصيني · 19-01-2010, 08:02 PM

شرفني مروركم جميعا ................

وتعيشون وتاكلون غيرها ...............

لبى قلبهم · 25-01-2010, 07:06 PM

هههههههههههههههههه

ياخـــــــــي لـــــــي سااااااعه متحمسه اخرتها كــــــــذا الله يسامحك

عـ العمووووووووم مشكوووووووووور..

مخفي · 25-01-2010, 07:18 PM

أشوا أني شفت آخره قبل ما أقراه

التنين الصيني · 25-01-2010, 07:21 PM

اقتباس

المشاركة الأساسية كتبها لبى قلبهم


	هههههههههههههههههه ياخـــــــــي لـــــــي سااااااعه متحمسه اخرتها كــــــــذا الله يسامحك عـ العمووووووووم مشكوووووووووور..

شكلك تخيلتي نفسك بالقصة ..........." بطلة ".....

اقتباس

المشاركة الأساسية كتبها مخفي


	أشوا أني شفت آخره قبل ما أقراه

والله من قل الصبر .............. شكلك حححاااااارررر ..................

18-01-2010, 08:23 PM	#1
التنين الصيني Guest تاريخ التسجيل: Nov 2009 البلد: بريدة المشاركات: 272	اربع بنات تائهات في الصحراء....." ام ارقيبة " ....... يقول راوي القصـه : في ربيع هالسنه 1431هـ أتفق الشباب في الاستراحة على طلعت بر .. وقالو لي ياسعدون معنا فيها ؟ قلت والله ياجماعة الخير أشتريكم وأشتري مخاواكم بس عندي شرطين ولا تضحكون علي .. قالوا هات ما عندك يا بو ثامر قلت الأول أم أعيالي أبشاورها .. والثانية أبروح في سيارتي ولا أبي أحد معي ... قالو أفأ ليه ؟ قلت من غير ليه .. قالوا أبشر والوعد بكرة في أم رقيبة الساعة 12 الظهر عشان ندخل الصمان بدري قبل تظلم العين ...... شاورت أم العيال ولا مانعت ... حملت كل شي أشوفه في وجهي من عزبة وعدة وحطب .. صليت الفجر ومشيت وصلت أم أرقيبة قبلهم صليت الظهر والحمد لله مافيه أحد تخلف من العيال .. دخلنا الصمان ويازين الصمان أرض خضر اء ودفى ووناسه .. جلسنا في أم أقرين ومشينا فيه الين مناخ .... قضينا في الصمان خمس أيام راحة كنها ليلة .. أنا أنشغل بالي مع أم العيال والعيال وأمي .. قلت للربع أنا بمشي للديرة .. قالوا أن مشيت مشينا .. قلت هذا المقصد يوم أجيب سيارتي معي .... أنتم وسعوا الصدر وأنا أبقطع النفود ثم أتوجه يم الديرة .. قالو ما نقول شي خذ راحتك بس خل الكنود شغال وبرمج المكان على القارمن والله يوفقك .. توادعت معهم ومشيت الظهر منهم ودخلت النفود مع العصر كل شي ماشي تمام إلا أن ريشة الكنود تعطلت .... قلت يالله دام القارمن شغال الله الموفق مافيه غيره .. من دخلت النفود والسماء تمطر ديم .. قلت في نفسي مافيه وقفة ولا نوم الا في السيارة أن أضطريت لها ,, قطعت النفود والحمد لله قبل نصف الليل بشوي .. بانت علي أنوار القاعية وكلش تمام بس أنا أبي تمير أو أم أرجوم ومنها إلي التنهات عشان أختصر المسافة .. بس الأمور ماجت على الكيف .. السماء مطر والأرض تمشي سيل .. قلت الأمر بيد الله .. وصلت الأعصل وادي شرق تمير عرفته من الطلح يوم كنا نصيد فيه .. الوادي يمشي مشي ضعيف والمطر وقف قلت هذي ساعتك يابوثامر شب النار واضبط الدله .. الساعة قاربت الواحدة والنصف صباحا .. واليوم هذا هو يوم الخميس .. شبيت النار وبهرت الدلة وأشوف القبلة علي مغيب النجوم برق حقوق قلت الله العالم هذا رزق ساقه الله على هالديرة .. الله يعطيهم خيره ويكفيهم شره وشر البرد اللي فيه .. الدنيا سكون وأنا جالس أشرب القهوة فاضت قريحتي علي الشعر وقلت هالأبيات .... غاب القمر يا ناس والراس محتــــــاس -- في وسط وادي كل أرضه حصاني لا جيت أنا أبمشي فيه والموتر الشاص -- قـام يتمايــل فوق رمــــث حدانـــي شبيت ناري واعتــلآ النار محـــــــاس -- لعل ضيـــفي شــم نـاري وجانــي هبـــت جـنوب فوقها الـبـرق رقــاص -- بــــرق حـقـــوق أرتـفع لـي وبانـي وأنا أنشد هالقصيد وأتحرى الخير من مطر وأرجي الله أنه يرزقنا من خيره .. سمعت سيارة تحن وهي في مكانها وأسمع صوت صياح وكنه صياح بنت أو ولد صغير قلت يمكن هذا بدو أو كشاته .. بس الصياح كنه أرتفع وأرتفع معه أزعاق وكن أحد يحاول يسكته بالقوة الساعة قربت علي الثلاث الصبح .. وصوت السيارة ما أنقطع من الحنين .. جمعت العزبة وقلت يا ولد أروح أشوف وش القصة .. لأني خفت يكون أحد متعطل والبرق قرب علينا .. مشيت مع الوادي يم الحيرة آخر وادي الأعصل .. رفعت النور وأشوف سيارة يوكن حمراء وسط الوادي غاطس في الطين .. يوم شافني قربت منه طفى النور وجلس في السيارة بدون أي طلب مساعدة .. السيارة مظللة .. ضربت بوري وأشرت بالنور مافيه فايدة وكنه ما يبيني أساعده .. قلت في نفسي على هواك .. تركته ومشيت مطلع شمس يم التنهات .. بس قلبي ما طاوعني لأني أشوف البرق قرب وبرقه حقوق .. خفت أن صاب السحاب هالوادي أن تروح هالسيارة بما فيها من ناس .. رجعت يمه ونزلت وأصيح عليه يالغشيم أنزل نسحب السيارة قبل السيل .. أنا بيني وبينه قرابت العشرين متر ... بس الظاهر ما سمعني .. أشرت بيدي يم السماء وكنه فهم بس ما يبي ينزل من السيارة .. فتح الدريشة شوي وقلت له يابن الناس السيل في الطريق أما أنزل نسحب السيارة أو أبعد عنها لا تروح معها .... أنا قلت هالكلمة ولا الصياح يوم طلع من السيارة .. فتح الباب ولا وش أشوف أربع بنات في عمر أقل من 25 سنه ولا رجال معهم ولا سواق .. يوم شفتهن قلت أجلسن في السيارة .. يا حيلة الله حضي وجابني للغربلة .. سحبت السلسلة من صندوق الموتر وأخذت واير الونش معي وطبيت في الطين الين وصلت سيارتهم ربطت السلسلة في اليوكن والونش وقلت لها أسمعني سيارتكم مافيها دبل وتماتيك يعني أذا سحبتك لا تلفين يمين ولا يسار .. قالت أبشر .. سحبتها وانقطع الواير ورجع على سيارتي وكسر قزازة الموتر القدامية ودخل علي وسط الغمارة بس فكني الله منه .. نزلت وهن أنزلن وطبن في الطين خايفات علي من السلسلة والواير .. قلت سلامات ما صار الا الخير .. شبيت النار وقلت لهن أجلسن حولها ولا عليكم من شي الا شي واحد أنكم تسكتون هالي تصيح لأني ما أقدر أسوي شي وفيه أحد عندي يون أو يصيح .. قالن ما عليك تامر أمر .... وأنا أحاول أركب البكرة في موترهم الا والسواقة طابة معي في الطين قلت يا بنت الناس استريحي ما عليك من شي إذا أحتجتك ناديتك قالت عيب علينا حنا بنات رجال ... أنت ما قصرت أتعبناك ودمرنا سيارتك .. قلت أبد ما عليك الغريب للغريب نسيب .. وأنا أحاول اربط السيارة والسواقة بعيدة عني شوي قلت هالقصيدة بيني وبين نفسي .. أوا هني اللي علي النـفد نايـم ... أمجاور(ن) نار الدفا من غضاها قناص أو كشـات فوقـه عـزايم ..... ربعـه يدلـونه الي هو نـواها تركت أنا الصمان والجوغـايم ..... قاصـد أبي الديرة وقلبي نواها لقيت أنا المزيون والقلب صايم ... عن الحرام اللي أبعد هواهـا ربطنا السيارة وقلت لها هالمرة لا تركبين في السيارة لأني أخاف الواير ينقطع عكس .. بس خلي الموتر فاضي وثبتي الدرقسون واتركيه .. أنا الحين مركب البكرة والبكرة تزود القوة .. السماء أمطرت والبرق فوق الرأس وأنا أتوكل على الله وأسحبه والحمد لله طلع ومن يوم طلع وركبن في موترهن والبرد يطيح علينا .. وأنا صرت في حوسة .. القزازة مكسورة والبرد دخل علي في الغمارة .. بس الحمد لله أن السحاب عنا جنوب شوي ولا طول المطر .. كل أجهزتي راحت من ماجلان وكنود وغيرة من المطر والطين بس الحمد لله أن الجماعة أطلعوا .. قلتلهن الحين طلعتوا وقولولي القصة قالن حنا كاشتين مع أهلنا في شعيب الشوكي ورحنا نتمشى بالسيارة نحسب الدعوى تمشي وضعنا ولا درينا الا وحنا في هالشعيب من عصر أمس .. قلت ورطنا .. قالت السواقة ليه .. قلت الله يستر ما يكون الشوكي ماشي بقوة من ها لسحابة .. لكن مافي اليد حيلة مشينا .. قلت أنتم وين من الشوكي .. قالن ما ندري حنا في الشوكي وبس .. قلت حولكم شي غريب شي يلفت البال قالت اللي تصيح أيه حولن غار عليه باب مفكوك قلت بس عرفته مشينا .. المسافة ماهي بعيدة لكن المصيبة طين وسيل والسواقة عليمية والموتر تماتيك .. وصلنا الشوكي على طلعة الشمس والحمد لله يمشي ومشيه ردي يعني الواحد يقدر يمشي فيه .. يوم قربت من أهلهم قلت لهم أهلكم باقي عليهم قرابة 500 متر الله يوفقكم .. أنا بروح مع درب ثاني سبحان الله الواحد يخاف من الظن لا قدر الله .. قالت السواقة ما قصرت الله يعافيك بس أبي رقم جوالك قلت لية قالت بس .. وأقوم وأعطيها أياه ونتفارق .. أنا من التعب والجوع وقفت في وحدة من الشعيبات وجلست أشب علي فطوري مع طلعت الشمس .. ما دريت الا والجيوب والصوالين اللي جاية يمي .. وقفو ونزلوا خمسة شباب وقالو لي أنت من طلع اليوكن قلت نعم .. قالو أمش معنا قلت وين قالو هناك تعرف .. ركبوني معهم .. وفيه وأحد منهم جمع أغراضي وساق سيارتي الين وصلنا .. نزلوني ثم دخلوني في وحدة من الخيام فيها شايب عليه أثار الخوف .. قال يا ولدي أنت من طلع بناتي وبنت أخوي قلت نعم .. قال وين قلت في المكان الفلاني .. قال يعني هن صادقات قلت نعم .. قال وأنت موترك أندمر من السحب والبرد قلت نعم .. قال وش تبي المكافأة قلت أبي سلامتك بس .. قال لا .. أنت مثلك في هالديرة قليل .. قلت لا ، بل كثير .. قال: تقولي لا ؟؟ من أنت علشان تقولي لا ؟ .. مسك الدلة وضربني علي راسي وأنا أقوم من النوم وأتعوذ من الشيطان وأنقلب علي جنبي الثاني وأنام ........

18-01-2010, 08:44 PM	#2
الملكه... عـضـو تاريخ التسجيل: Jan 2010 البلد: بريده المشاركات: 106	هههههههههاي وانا متحمسه مع القصه الله يخويك صراحه حلوه ومحمسه... شكرآ اخي الكريم,,, __________________ فكـر رآقي ،، وكلمه هادفة ،، تمييز يملىء الآفاآق ،، أســــره متميــزة بقيـــــادة الأستاذة المبدعة أ/ مهـــــا البصيـــر طالبـــات الثـــانوية الخامسة عشر ببريدة (( نجتمع لنكون الإبـــداع ))

19-01-2010, 06:52 PM	#8
آפـآسيس™ «●• عـضـو تاريخ التسجيل: Oct 2009 البلد: آلريـآض َ™ «●• المشاركات: 582	ههههههههههههههه اجل حلـــم عقبـــال يكون حلم واقع __________________ . . !

25-01-2010, 07:18 PM	#13
مخفي عـضـو تاريخ التسجيل: Feb 2008 البلد: ببلاد الحرمين المشاركات: 1,719	أشوا أني شفت آخره قبل ما أقراه __________________ عدد زوار مواضيعي وردودي كانت البدية من 19/5/1430 هـ لا تمْد كفّـــــكْ للكفوْف الرديّه ولا تسوق رجلكْ للذي ما يدانيك وخَلّك خُـوِيٍّ ما يخلّي خويّه , وافزعْ لمنهو جاكْ بالضّيقْ ناخيك , وخلّكْ كريمٍ وافيٍ بالعطيّه , والطّيبْ والاحسانْ آول مبآديك

أدوات الموضوع
عرض نسخة قابلة للطّباعة ارسال هذه الصفحة لصديق
طريقة العرض
النمط المتتابع التحول إلى النمط المتشعب التحول إلى النمط الأحادي

18-01-2010, 09:43 PM	#3
غريب احساس Registered User تاريخ التسجيل: Feb 2008 البلد: alriyadh + buraydah المشاركات: 3,889	والله تصدق عاد تحمست صدق مع القصه وقلت هذا رجال ما شاءالله عليه لو اشوفه احب راسه بس طلع المشكله حلم ,,,, يقطع ابليسك بس متشكر مرة ولا تتعودها مرة تانيه

18-01-2010, 09:50 PM	#4
فجــــر Registered User تاريخ التسجيل: Nov 2009 البلد: ببريده المشاركات: 412	والله العضيم الجليل الكريم الفرد الصمد اني اول مابديت حسيت انه اراااااااااانب مجمعه،،، نومااااااهنيئئئئئئا مع الدله وشبت النار،،، لاتعووودها ياشااااااطر...

19-01-2010, 07:03 PM	#9
ألوان وتناتيف عـضـو تاريخ التسجيل: Mar 2009 المشاركات: 751	ونعم برجالنا مراجلهم واصله حتى للحلم ..

19-01-2010, 07:54 PM	#10
قلم جريء عـضـو تاريخ التسجيل: Dec 2009 البلد: [][][]جزر الكناري[][][] البشره:[][][] حـنـطـي[] [][] المشاركات: 1,977	الصراحه أنا قعدت أفكر قلت ماشاءالله وش هالشقردي اللي مابه بالديره مثله أثرك طلعت طير بر حلوم خخخخخخخخخخخخخخ الصراحه أشكرك موضوع متألق

19-01-2010, 08:02 PM	#11
التنين الصيني Guest تاريخ التسجيل: Nov 2009 البلد: بريدة المشاركات: 272	شرفني مروركم جميعا ................ وتعيشون وتاكلون غيرها ...............

25-01-2010, 07:06 PM	#12
لبى قلبهم عـضـو تاريخ التسجيل: Jan 2010 البلد: بــــــــــريــــــــدهـ المشاركات: 51	هههههههههههههههههه ياخـــــــــي لـــــــي سااااااعه متحمسه اخرتها كــــــــذا الله يسامحك عـ العمووووووووم مشكوووووووووور..