[بريداوي غيورر]

اتمنى من الجميع مشاهده كيفيه سفلتة شارع الستين وبالتحديد امام مستشفى الصحه النفسيه وكيفيه طريقه السفلته التي والله ما هي الا سرقه مشروع وسفلته اي كلام وعيني عينك واتمنى من اي شخص يستطيع أضافه الصور ان لا يتردد وفضح هذه المسخره

[Naief]

الشكوى لله


لكن ماتقهرن الا اللوحات الي تقول اسف للازعاج لهم سنتين والله لو هم ينقبون عن بترول

[Hi Saudi]

وووين الصور يا اعضاء ...؟

[الوساااام]

إذا اجتمعت شركة الرواف + عدم الرقابة + لاحسيب ولارقيب = فشل ذريع ..!!

[AZo0oZ]

..



والله انا اشواف ان المشرووع ماشي على اكمل وجه


مادري ليه دااايم تنتقدون ... انا ودي ادري بس وش اللي يرضيكم



..

[Leader.20]

اقتباس المشاركة الأساسية كتبها AZo0oZ .. والله انا اشواف ان المشرووع ماشي على اكمل وجه مادري ليه دااايم تنتقدون ... انا ودي ادري بس وش اللي يرضيكم ..

كيف الحال؟ خلك واقعي اولاه. الشق اوسع من الرقعه ......

[فيلق 9]

إذا اجتمعت شركة الرواف + عدم الرقابة + لاحسيب ولارقيب = فشل ذريع ..!!


تاييد 0000تاييد


شركة الرواف المدعومه من قبل ؟؟؟شر مستطير قام بسحب مشاريع المنطقه ومن السيء الي الاسوء

اللهما لاشماته 0 انتهى دور الشركات بالمنطقه فلا احد الا الرواف وانتظرو انا معكم من المخذولين

[الشمالي]

شارع الستين من اكبر الشواهد التاريخيه على سرقه اموال الدوله من قبل الامانه والشركات وياتي هو بالترتيب بعد طريق الملك فهد وطريق حي مشعل

قبل مالايزيد عن الثلاث سنوات تم عمل تجديد للشارع من قبل شركه الرواف وللاسف لم تجدد بل زادات الشارع سواء ولو تم تصوير الشارع لتوضح كبير مساحه الشارع ولكن لم تستغل وفقط تم رصف الشارع واعاده الزفلته والارصفه فيه ليست بمستوى مستقيم بل على شكل زوايا خطيره جدا على السيارات لو لاقدر الله !!
والان تم ترسيه مشروع اكمال الشارع من جه الشمال بعد الصحه النفسيه وللاسف تم وضع الاليات وتسكير الشارع من 6 شهور وحتى اللحظه لم نشاهد الاليات ..

[Hi Saudi]

اقتباس المشاركة الأساسية كتبها azo0oz .. والله انا اشواف ان المشرووع ماشي على اكمل وجه مادري ليه دااايم تنتقدون ... انا ودي ادري بس وش اللي يرضيكم ..

اتمنى ان تشوف المشروع على ارض الواقع .. راح تتغير نظرتك للشركة المنفذة

[الطرس ممدوح]

الشكوى لله

[Total ransom eyes]

الشارع اللي عند النفسيه مااشوف فيه شي
احسن من شوارع الرياض اللي بالبديعه كل ابوها زفت بزفت
احمدو ربكم
ان الشارع اللي عند النفسيه مثل هالشارع ترا ناس تتمنا شارع مثل هذا
قول لي وانت رايح للاتصالات اللي بالصفراء
هذا الشارع اللي كل ابوه يبي له تغيــر
( اذا انت تقصد الشارع اللي ورا النفسيه انا معك بالشي هذا ) اما تقول اللي قدام باب النفسيه انا مو معك بالشي هذا لان الشارع مااشوف فيه شي
مشكور اخوي

[الوساااام]

اقتباس المشاركة الأساسية كتبها فيلق 9 إذا اجتمعت شركة الرواف + عدم الرقابة + لاحسيب ولارقيب = فشل ذريع ..!! تاييد 0000تاييد شركة الرواف المدعومه من قبل ؟؟؟شر مستطير قام بسحب مشاريع المنطقه ومن السيء الي الاسوء اللهما لاشماته 0 انتهى دور الشركات بالمنطقه فلا احد الا الرواف وانتظرو انا معكم من المخذولين

ربك يعين ,,,

[تميمي وكلي فخر]

لا ياحبيبي هذي ليست سوء سفلت الله يسفلت روسهم من أولهم لأخرهم

هذي خدمه المساج وأنت تقود سيارتك

رجونا الله يرجهم الواحد ياصل البيت مضيع ما يعرف اخوه من ولد جيرانهم هذا إذا عرف يدل بيتهم من هالشوارع الخايسه مطبات وحفر و..و..و..

يقول العالم الشهير حمقاوتييش

خلها بالقلب تحرق ما بقى

[ابوحسنين]

اقتباس المشاركة الأساسية كتبها AZo0oZ .. والله انا اشواف ان المشرووع ماشي على اكمل وجه مادري ليه دااايم تنتقدون ... انا ودي ادري بس وش اللي يرضيكم ..

شكلك تمشي على سيكل