[صدى الذكرى]

تخيلو الكون بلا قصمان يييييع قرف

.. ولا طرتلهم قالووو قصمان ..










●••● sosổ ●••●



ومااغير يسبوون القصمان تعاالو شوفو القصمان وش فعلو احمد ربي اني قصمنجيه لبى القصمان والله

..لأحد يلومني أذا قلت أموت بالقصـــمـــــــــــــــــــــــــــــــــــــــان











وش أنتم بلا قصمآن !!










يكفي كلام الأمير سلطان لنا يقول :القصمان هم من أسسو المملكه العربيه السعوديه وهم قلب المملكة النابض







*****



1- من يصيحكم بختمة الحرم غير السديس


2- من يجهل فتاوى ابن عثيمين رحمه الله.. ولا يهونون اللحيدان والفوزان وبن جبرين وغيرهم


3-من ركبكم مرسدسات بنوز وفياقرات وبنوراما الا الجفالي


4- من يجمع قروشكم غير الراجحي

5- من يوفر الكليجا الحلوه غير القصيم

6- وين تلقون افخر التمور الا في ارضنا الطيبه


7- كيف تبردون الا بمكيفات الزامل


8-من يفتى لكم بالاسهم غير الشبيلي


9-وين تعالجون غير عند مستشفى الحبيب


10-من مستشاركم النفسي الا طارق الحبيب


11-وين تكشتون الا بنفود عنيزه و بريده

12-وين تلقون بحيره بالبر الا بالعوشزيه بعنيزه


13-من وين تشترون مقاضيكم الا من التميمي والعثيم

14 -من وين خيامكم لا بغيتو تكشتون غير خيام القاضي


15- من ينافس العربيه للعود للجاســر و الدخيل


16-من ربط طريق الرياض بمكه الا العويضه


17-من وين تشترون ماركات الا من القرعاوي غاليري


18-من كشخ مطابخكم ومواعينكم وفناجيلكم غير الســــــــيف غاليري

19- من طفى حرايقكم غير العطيشـان للسلامه

20 -من وين تشترون لزوم الرحلات البريه ألا من السنيـــدي

21- من فتح لكم ايكيا الا السليمـــــان


22-من ربط طريق الرياض للقصيم الا الفــــهــد

23-من يخفف كروشكم الا دايت سنتر المنجم

24-وين تلعبون عيالكم الا بالحكير

25-ما روق مزاج السعوديين. إلا العذل. دانكن دونات



26- ومن كبر شدوق عيالكم الا حلويات العليان




وش نكتب وش نخلي .. هالاشياء نقطة في بحر



**


هذا هو التمـــــــــــيز !!!

[صوت البحر]

والله موضوع على مستوى ابداع في ابداع في مسابقة تكرار الكلمة خمس مرات وهي خمس قصمان لبسين قمصان يكلون قرصان اتحدكم تكررونها اهديها لكل القصمان القصيم وبس

[غنج انثى]

صاااااااااااادقة ......وصح لسانك
فديت القصمان انا

[صدى الذكرى]

اقتباس المشاركة الأساسية كتبها صوت البحر والله موضوع على مستوى ابداع في ابداع في مسابقة تكرار الكلمة خمس مرات وهي خمس قصمان لبسين قمصان يكلون قرصان اتحدكم تكررونها اهديها لكل القصمان القصيم وبس

تسلم أخـــــــوي على مرورك الرائع .. والكلمة كرروها يالله ..

اقتباس المشاركة الأساسية كتبها غنج انثى صاااااااااااادقة ......وصح لسانك فديت القصمان انا

تشرفـــــــــــــــــــــــــــت بمرورك يا قلبي و فديتك أنتي ..

[الخيال الصامت]

هههههههاي

ياحـــــــبيلنا واثـــــــرنا مهـــــــمين
وه بس يالبى قـــــــلوب القصمـــــــان

ســـــــوســـــــو شكـــــــريات الـــــــك

[صوت انسان]

والله وربي مع إني ماني من القصيم ولاأمد لها بأي صله إلا إني
أموت فيها وبأهلها وبكلامهم
أقول بس لايهمونك إللي يسبون القصيم
فديت القصيم وأهلها

[سحابة عابرة]

وخـــــ فديت القصيم واهله .. الله لا يخلينا ..



شكريااااااااااااااااات سوسو على التوقيع ..>> اخجلتيني ..

[الوساااام]

اقتباس يكفي كلام الأمير سلطان لنا يقول :القصمان هم من أسسو المملكه العربيه السعوديه وهم قلب المملكة النابض

ونعم بالقصمان ..
بس انتبهِ لم يذكر أن من أسس المملكة هما القصمان ..!

اقتباس 1- من يصيحكم بختمة الحرم غير السديس

السديس من المجمعة ..

اقتباس 2- من يجهل فتاوى ابن عثيمين رحمه الله.. ولا يهونون اللحيدان والفوزان وبن جبرين وغيرهم

رحم الله العلامة شيخنا وحبيبنا ابن اعثيمين وإبن باز .
. لكن لا نقلل من وجود بعض المشائخ الكبار مثل سفر الحوالي وعايض القرني وغيرهم الكثير ..
الجميع فيهم الخير والبركة ..

اقتباس 3-من ركبكم مرسدسات بنوز وفياقرات وبنوراما الا الجفالي

فيه ابوجميل ركبنا احسن من هالسيارات ..!

اقتباس 4- من يجمع قروشكم غير الراجحي

انا ما اعرف الراجحي ..غير الفرنسي وسامبا ما اعرف ..
على فكرة الراجحي اكبر حرامي ..
هو المصرف الوحيد بالمملكة بل بالعالم الذي يأخذ 5 ريال على خدمة البطاقة و2.50 رصيد متدني ..!!
يعني الرصيد إذا قل عن 1000 ريال يلهط من كل عميل 7.50 .. !!
والله هذهِ العملية بقمة السرقة .. ولا نتشرف به ..!

اقتباس 5- من يوفر الكليجا الحلوه غير القصيم

بنسبه لي الأندومي بنكة الدجاج أفضل منها ..!
الكليجاء كان أفضل مأكول بهذا البلد ..
لكن مع مطرسة الشغالات والبنغاليه وكل من هب ودم رمي وساخته هلى هذا المنتج ..
سقط من عيني وعين غيري ..!

اقتباس 6- وين تلقون افخر التمور الا في ارضنا الطيبه

فيه الحساء ..
على فكرة الحساء أول مدينة تنتج التمور بالمملكة وكانت تمد أرجاء المملكة والخليج بأفخر التمور ..

اقتباس 7- كيف تبردون الا بمكيفات الزامل

فيه مستوبيشي أفضل منه وارخص ولا صوت ولا شي .. ويابني الصنع ..
ابو زامل غالي ومكيفاته كل صوت ورجه ..!

اقتباس 8-من يفتى لكم بالاسهم غير الشبيلي

فيه العصيمي أفضل منه .. بس مادري منين ..!

اقتباس 9-وين تعالجون غير عند مستشفى الحبيب

فيه المستشفى الالماني أفضل منه بكثير ..!

اقتباس 10-من مستشاركم النفسي الا طارق الحبيب

فيه ميسره أفضل منه ..

اقتباس 11-وين تكشتون الا بنفود عنيزه و بريده

النفود بكل مكان ..
حتى تبوك فيها نفد على الجبال ^_^

اقتباس 12-وين تلقون بحيره بالبر الا بالعوشزيه بعنيزه

إيش بحيرة الله يصلحك ..
كلها مخلفات مجاري +ملح + بعوض + ورائحة عفن ..!

اقتباس 13-من وين تشترون مقاضيكم الا من التميمي والعثيم

وحبيبت قلبي وسيدة الأسواق بنده وين راحت ..؟؟!

اقتباس 14 -من وين خيامكم لا بغيتو تكشتون غير خيام القاضي

أقول الله يخليلنا الباكستاني ام غاطين وخلك من القاضي وغيره ..!

اقتباس 15- من ينافس العربيه للعود للجاســر و الدخيل

هذا اعتراف ان العربية للعود أفضل من الجاسر والدخيل ..
شكراً لك ..

اقتباس 16-من ربط طريق الرياض بمكه الا العويضه

ياليت خدم ديرته وجعل الطريق من بريدة إلى مكة ..!
كان فعلاً نفتخر به ..!!
خيره لغيره ..!

اقتباس 17-من وين تشترون ماركات الا من القرعاوي غاليري

الله يخليلنا ستي ماكس وبربي وجفنشي .. وغيرها خرطي ..

اقتباس 18-من كشخ مطابخكم ومواعينكم وفناجيلكم غير الســــــــيف غاليري

وبادريق وين راح ..؟؟!!

اقتباس 19- من طفى حرايقكم غير العطيشـان للسلامه

فيه الدفاع المدني ..

اقتباس 20 -من وين تشترون لزوم الرحلات البريه ألا من السنيـــدي

والسنيدي من وين بضاعته ..؟؟ كلها من الصين ..

الله يخليلنا الفنس ^^

اقتباس 21- من فتح لكم ايكيا الا السليمـــــان

ما اشوف إيكيا بالقصيم ..

اقتباس 22-من ربط طريق الرياض للقصيم الا الفــــهــد

قصدك رجل الاعمال ::. عبدالله الاسود ..!

اقتباس 23-من يخفف كروشكم الا دايت سنتر المنجم

الدايت تراه يسمن لا يضحكمون عليكم ..
الله يخليلنا المضامير ^_^

اقتباس 24-وين تلعبون عيالكم الا بالحكير

الله يخليلنا ملاهي الشلال بجدة وملاهي الخيمة وجوان بالرياض وهبي لاند والدلافين بالشرقية ..

اقتباس 25-ما روق مزاج السعوديين. إلا العذل. دانكن دونات

مافيه احسن من بايسون ^^

اقتباس 26- ومن كبر شدوق عيالكم الا حلويات العليان

هذا الي يسوي عروضات كلها منتهية ورائحتها خايسه ..!
الله يخليلنا حلاو البقر البولندي ^^ و روز ..

اقتباس وش نكتب وش نخلي .. هالاشياء نقطة في بحر

أقول لا تعوديلها مره ثانية ..
والله ياحنا القصمان شايفين بأنفسنا شوفه ..
صحيح ونعم فينا ..
ولنا فضل كبير على أرجاء المملكة ..
لكن يجب الا نكتب كل شي ونفتخر به امام الجميع ..

لو لموضوع هذا قرائه جيزاني او حساوي او اي شخص من خارج القصيم ..
راح يحقد اكثر لأنهم من خلال الموضوع يرى تفاخر وتعالي عليهم ..!!

جميع المملكة من شمالها الي جنوبها
ومن شرقها الى غربها نقول لا إله إلا الله محمداً عبده ورسوله ..
فلنكن كذلك .. أخوة متحابين لا يفرقنا صناعة ولا تجارة ولا غيرها ..

اللهم أجمع بين قلوب المسملين بكل مكان والف بين قلوبهم ..

[{*القنـ ميموــاصه*}]

أقول لايكثر بس..ترى (مداح نفسه كذاب)تقعدون تهايطون علينا القصيم والقصيم....

ترى حايل أطلق منه مليون طعش مره يكفي (كرمهم)<وهـ بس لبى

وأوما عن النفود ...نفوود(حايل)معروف والرالي اللي كل سنه وحايل مطفحه من النااس.. كلهم يجوون يبونه

يعني لاتقعدون تغثوننا كل يوم مطلعين لنا سالفه القصمان سوو وسوو آوف..

أوجعتنا تسبودنا بسبابكم ..

هيااط على قلة سنع(الهياط يطيح الوجه)<<خلوها قاعدتكم

[سحابة عابرة]

^
^
موب لازم ترد بعدين هذا ما يسمى غرور بنا
هذا ثقه بنفسنا ومو عيب الواحد يمدح نفسهـ
وبعدين السديس من الرس وليس من المجمعه >> اسئل الي انت تبي لا تقعد تولف من روحكـ
ورجائن اذا ما ودك ترد موب لازم ترى ..

[سحابة عابرة]

اقتباس المشاركة الأساسية كتبها {*القنـ ميموــاصه*} أقول لايكثر بس..ترى (مداح نفسه كذاب)تقعدون تهايطون علينا القصيم والقصيم.... ترى حايل أطلق منه مليون طعش مره يكفي (كرمهم)<وهـ بس لبى وأوما عن النفود ...نفوود(حايل)معروف والرالي اللي كل سنه وحايل مطفحه من النااس.. كلهم يجوون يبونه يعني لاتقعدون تغثوننا كل يوم مطلعين لنا سالفه القصمان سوو وسوو آوف.. أوجعتنا تسبودنا بسبابكم .. هيااط على قلة سنع(الهياط يطيح الوجه)<<خلوها قاعدتكم

وش مدخلكـ ذا المنتدى روحي ادخلي حق حايل >> اكيد بنمدح انفسنا بمكاننا ما قلنا لك غصب سجلي هنا وشوفي ..

[الوساااام]

اقتباس المشاركة الأساسية كتبها سحابة عابرة ^ ^ موب لازم ترد بعدين هذا ما يسمى غرور بنا هذا ثقه بنفسنا ومو عيب الواحد يمدح نفسهـ وبعدين السديس من الرس وليس من المجمعه >> اسئل الي انت تبي لا تقعد تولف من روحكـ ورجائن اذا ما ودك ترد موب لازم ترى ..

ليه معصبه ..؟؟
لا يكون هذا موضوعك والا ببيت ابوك ..
اقول الخلا بس ..

[MEHWAR]

انا السراحة اذا افتخرت اني قصيمي

ما افتخر بللي قلتوهن

يكفي اننا من القصيم وبس

ماشاء الله شكل القصيم ارض مباركه

صدز سبحان الله ما كثر الله الا القصمان بكل مكان الله لا يضرهم

عادي تلقاء حارة قصمان باوربا


عادي تلقى لوحة بالقطب اجنوبي او الشمالي مكتوب عيها

(بريدة ) ولا ( القصيم )

هههههههههههههههـ صدز لحظتو ذك القصمان في كل ارض متناثرين

الحين اكثر من نص الرياض من القصيم

مير الله يينفع بنا قول امين

[ابتسامة تواضع]

الـــوســااام احـــذف ردكـ قبل لايشــوفــه ابــوي

يمكن يــدخل عليــك من الصــوره الـرمزيــه
من ردكـ>>لان كذا تبي تقهــر ه
فاارجوكـ لاتقهر بابا >>


القصمــــــــــان تاج روســكم كلكــم



على قولهم
من لا يخاوي في هذا الزمن >قصمان <في ذمتي ماذاق طعــم المخاواة<<