[فجوووره]

اقتباس المشاركة الأساسية كتبها طايرة بالعجة الله يهديك ياخي ماعندك الا هالخيارات اللي تحمي الكبد طيب حط خيار يقول 4 او تعيشين انتي وياه تهاوشون وتراضون طول العمر العرس مانبيه والموت بسم الله عليه والطلاق بعد الله لا يقدر شر عاد انا قايلتله عساك بحرج لاتعرس ثانية وان شاالله مهب قاطعن احرجي واذا مت بكيفك خذ اربع بس يقول اخاف تبطين ماتموتين

والله انك ساحبه سيفووون

[الله يهديني]

اقتباس المشاركة الأساسية كتبها سامي بريدة الله كل يسعده ويرزقه من فضله الزوج ترى غيرته بعقله وليست بعاطفته مثل بعض ناس وعلى طاري هذا يقولون فيه وحدة قالت لزوجها إذا مت بعد كم يوم تتزوج يا حبيبي ؟ قال إذا نشف ( جف ) قبرك إن شاء الله عاد هالحبيبة وش سوّت وصّت أخوها إنك إذا مت أبيك ترش قبري يوم بعد يوم ! صار الزوج يجي كل يوم ينتظر القبر ينشف وما نشف فبعد سنة جاء الزوج يوم ولقى أخو زوجته يرش قبر اخته ويجيك تطلع عيونه قال وش تسوي هنا قال له أنفذ وصيت أخيتي الله يرحمها قال وش الوصية قال طلبت مني أن أرش قبرها حتى لا ينشف فقال الرجل حتى وانت مايتة وبقبرك تغارين إن كيدكن عظيم فــ وراح وأعرس .

حلووووه اخوي سامي
صدق سمعته من قبل القصه بس لاتلمون الحريم على هاالشغل
المفروض تثيبون الحريم على هاالشغل ماسوت هالشي هذا الا من حبه له وياليت بهالوقت الرجال يعدلون
اختي عنده قناعه ان الزوج يتزوج هذا حقه بس اول ماتزوجت وجابت طفل قالت اذا عندك نيه زواج الحين تزوج مو اذا عجزت تروح تطق علي مره
كذا والله حرام
هذي انتليت بزارين وهذي مامعه الا طوطو واحد
ومنزرقه قهر الصراحه
واحد من خوالي الله يذكره بالخير
بعد ماكبرت ام عياله وقف ضناه راح وطق عليها بنت
بهاالحاله مابه عدل
شكررا ع الموضوع

[سحابة عابرة]

احم احم ..
السلام عليكم ..
اولا ..>> المرأة بطبعه اصلا الغيرهـ حتى زوجات الرسول كانن يغارن من بعض >> شعاد حنا بهذا الزمن <<
وهو الرسول اللهم صلي وسلم عليه >> نبي وحبيب الله << موب رجال مثلكم عااااااااادي .. >> لو انا بزمانهن واخذ الرسول اللهم صلي عليه كان لو يحط فوقي عشر عادي لكن رجال مثلكم هههههه << وحده مأمله ..

ثانيا >> تخيل ان التعدد محلل للحريم وتشوف مرتكـ مع رجال ثاني غيركـ يشاركـ فيها >> وش شعوركـ <<
اعرف واحد كان يبي يتزوج على زوجته ويوم علم زوجته انه يبي يتزوج ضاق صدرهـ وبدت تدعي بلي فيه خير >> ويوم نام هذا الرجل شاف بالمنام ان زوجته عطته البزران ومسكت ايد رجل ثاني وراحت معه وخلت البزران معه وهو احتتتتتتتتتتتتتتترق قلبه من الغيرهـ ليه تروح زوجته مع رجل ثاني ولا بعد تاركه البزران معه وازعجوه بدو يبكون >> الرجال قام من النوم وقال لزوجته اني خلاص مانب متزوج لاني حسيت بالي انتي تحسين فيه من قههههههر قالت اني كنت ادعي بالليل ان ربي يدبر الصالح والي فيه خير ..
شوفو هذا وهو حلم يالرجاجيل وش عاد لو هو حقيقه وش تبي تسوون ..


ووحده مره تسولف علي تقول انه قاله زوجه ودي اتزوج تقول بديت اصيح وضاق صدري واسكت ويوم صار مره قلت له فلان >> وش رايك لو الحريم هن الي محلل لهن التعدد وش تبي تسوي لو تزوجت رجال ثاني غيرك >> تدرون وش سوى >> تقول بدى يلعن ويسبن تقول انه قال والله لو انتم الي تتزوجون كان طلقتك واخذت غيرك >> ناظرو شعورهـ وهو الموضوع كله انه مستحيل يصير وش عاد لو صار صدق ..

فالزواج او التعدد اذا كان الرجال كفؤ .. ويبي يعدل فهذا الي يحق له العرس ولا بهذا الزمن الرجال الحمد لله والشكر ما يعرفون العدل تلقاه يتزوج ويطير بالصغيرهـ .. الرجال الي صدق يبي يتزوج لا ياخذ وحده صغيره ما عمره تزوجت ياخذ مطلقه ارمله عانس >> ذولي الي بهن الاجر اما الصغيره تلقى من ياخذه ..

انا بصراحه راح اقعد معه الشكوى لله اذا اخذ وحده صدق انا راحمته بعد مثل عانس - مطلقه - ارمله و اذا عدل طبعا نار زوجي ولا جنت اهلي >> وبتقل غلاته عندي وراح اكرهه بس اخليه زوجي بالاسم .. او اطلب الطلاق اذا اخذ بنت صغيره ما كد تزوجت .. لان الرجال الي ما قدرني ما راح اقدره ..

اما اني ادعي عليه بالموت فهذا اصلا وشرعا ما يجوز اني ادعي على مسلم بالموت ..اتطلق والحمد لله ربي بيعوضني باحسن منه او اقعد اربي عيالي اصرف لي ..

وعسى ربي ما يقوله انه يعرس علي ويخليه لي ولعين ترجيه يــــــــــــــارب ..

[على طريق الأمل]

اقتباس المشاركة الأساسية كتبها طايرة بالعجة الله يهديك ياخي ماعندك الا هالخيارات اللي تحمي الكبد طيب حط خيار يقول 4 او تعيشين انتي وياه تهاوشون وتراضون طول العمر ي

وش قالوا لتس روايه؟؟؟؟؟

[سامي بريدة]

اقتباس المشاركة الأساسية كتبها مايرا انتن تقول الكلام لانكن بناااااااااااااات ماتزوجتن وانشاءالله تزوجتن ويتزوجون رجالكم عليكن علشان تعرفين تردين هالرد يافسفوريه

كلامك هذا دليل على أن الأخت أجابة بعقل

لأنها خارج دائرة المشكلة وفكرت وهي مرتاحة البال والأعصاب

وهي الإجابة التي من المفترض أن تكون لو لا طغيان العاطفة على البعض

علما أن إجابتها قد تتغير لو كانت داخل دائرة المسماة بالمشكلة

ولكن على الأقل يكون لها هنا توطين النفس لتقبل ما قد يطرأ مستقبلا إن شاء الله

[سامي بريدة]

اقتباس المشاركة الأساسية كتبها loquacious~~ ^^ بما إنك مجربة , " يعني متزوجة " يهمنا رأيك .. ؟

الجميع يهمنا رأبه وقد يكون بالتصويت .

اقتباس المشاركة الأساسية كتبها .total ransom eyes مالوم البنت لو تطلب المووت لزوجها اذا يبي يتزوج عليها انت ياشخص لو زوجتك خانتك بواحد ثاني وش راح تكون ردت فعلك ؟ راح تشيل الدينا فوق وتحت ويمكن تصير فيها قتل او انك تاخذ وحده ثانيه وتعدل مابينهم وانت ياشخص تخلي مابينهم محبه ...

أنا ألومك على هذا القياس الباطل عقلا وشرعا

ولو كان حلالا لم نلم أحدا مطلقا

إذ كيف نلوم على حق من الحقوق

العدل واجب وحق من حقوق المرأة إذا لا حياة بدونه

فالمرأة العاقلة هي التي تتصرف بحكمة مع زوجها إذا عدّد

بل قد تنجح في استمالته إليها بدون ظلم للأخرى بطرقها الخاصة

ولكن تركب رأسها وتعين الشيطان على نفسها

فيصير همها كيف تتخلص من جارتها

فلو أنها صرفت ذلك التفكير لما يصلح شأنها لأفلحت وارتاحت وأزالت الهم

اللهم أصلح أحوال زوجاتنا وأرضهنّ بالتعدد وما يكتب لهنّ فما يدرى أين تكون الخيرة .

[ولدالديره]

اقتباس المشاركة الأساسية كتبها سامي بريدة والله نتمنى ذلك لكن مع الأسف لو رفعت رأسك ورأيت التصويت لعرفت أن هناك من تقول من قلبها هذا وهن رايقات والأمر ما صار بعد لكن الحمد لله إن فيهن مجموعة كبيرة قابلات بزواجه مع عدله وهذا والله قمة العقل والحكمة فجزاهن الله خيرا وسيعوضن خيرا مما فقدنه إن شاء الله .

خذ العلم <<< معاك واحد متزوج مرتين يعني تزوجت وطلقت
والوالده سلمتني شهاده الدكتوراه في التعامل مع الحريم لين نبت براسي نخلتين

[أمتي الى أين]

الخيار الاول اهونهن
بس المشكله مهوب بين اثنتين
الرجال في هالوقت اذا حب وحده حبه هي وإعياله
والثاني تركه هي واعياله وش ذنب العيال تفرق بينهم عشان امهاتهم
والواقع يشهد على ذلك
وهذا الي يخوف

[سامي بريدة]

اقتباس المشاركة الأساسية كتبها مدحت شوقي بريده تقول رقية السليمان .. همهم بالقبور ,, بالدور .. يعني يموت ونرتاح من همه بالدار .. تصدق يالبي ان الحريم عندهن دعم لوجستي عجيب اذا جاء طاري التعدد .. هالدعم يشتغل توماتيك من اول مايسمعن ان فلااااااااان اعرس على فلااااااااانه .. حتى لو كانن مايواطننه .. ويكرهونه وودهم انه تموت .. بس اذا سمعن ان رجله اعرس عليه .. ايـــه ياويلي اعرس عليه .. الله لايوفقهم هالرجال .. سااااااامي .. لاتصير ناوي على الثانية .. سي يو ..

هلا والله بالغالي أبي إبراهيم مدحتنا

بصراحة أكثر ما شدني بردك كلمة (( دعم لوجستي )) <<< بصراحة رهييييييييبة جدا

أما الثانية ما أفكر فيها أبدا <<< لأني أفكر . . .

[الجمان]

شوف اخوي سامي
اولا .. من قال ان الزواج حاصل حاصل فيه رجال كثييير ماتزوجوا وقدموا مصلحة بيوتهم وعيالهم على شهواتهم
ثانيا .. لاتفكر انك تقنع الحريم بقبول زواج رجالهن
هذا مستحييييل
وترا اللي مختارات الخيار الأول ماتزوجن ومايدرن وش الدنيا عليه
فلاتوجع راسك بشي مخلوص منه ومافيه فايده من نقاشه
اقترح عليك تفتح موضوع ثاني وتطرح فيه الخيارات التالية
اذا كنت تريد الزواج وتعرف ان زوجتك مستحيلة تتقبل زواجك وربما طلبت الطلاق فأيهما تختار
1ـ تترك الزواج من اجل مصلحة بيتك وابنائك
2ـ تحاول وتسوي المستحيل عشان تقنع زوجتك بقبول زواجك
3ـ تتزوج ولاعليك من احد واللي يصير يصير
يبدو لي ان اقناع الرجل بالعدول عن الزواج اسهل الف مره من اقناع المرأة بقبوله ...

,,
تقبل مروري,,,

[عبير الحنان]

[size="5"][/size
]
انا معك ضد هذه العقليه المجوفه
لأن مبداي فن التغافل واعيش حياتي
كيف اتضايق واكدر خلقي وادعي عشان ايش رجل تزوج
بالحاله هاذي انصحها بالحقراااان
الي باعك بيعيه بكلب سرق اهله

[سامي بريدة]

اقتباس المشاركة الأساسية كتبها فسفوريه ههههههههههههههههه مايرا اتقي الله بي .. انا ماحطيت نفسي مكان اللي معرس عليه رجله بس حطيت نفسي ان الرجل قريب لي والفرق بينا اني فكرت بعقلي وانتي فكرتي بعاطفتك واتوقع اني ماأخطيت الرجل لوه اهل يبوونوه وعيال بيفقدونه..قولي امين ياميرا عسى رجلتس مايعرس عليتس وتسانوه معرس وقاضي ان الله يسخروه لتس تسخير العبد لسيده..>القلب رضاوه

شكرا لك على هذا الرد العقلي المنطقي الغير متعصب

ولو كل وحدة بهالطريقة كان صرنا بخير

[الجمان]

^^^
اي رد عقلي
هي قالت لك انه ماحطت نفسها مكان اللي متزوج عليها زوجها
يعني لو حطت نفسها مكان اللي متزوج عليها زوجها كان تغير رايها 180 درجة
وكلنا لو نحط المتزوجين مكان اخواننا وحريمهم يتمنن يموتون كان يتغير راينا
على اية حال تمني موت الزوج بسبب زواجه فقط تطرف غير معقول
وقبول زواجه واعتباره امر عادي تطرف مضاد ....

,,
تقبل مروري ولقافتي ,,,

[مطرق الريحان]

نرى ماهيب مشكله لو اذا اعر س الرجل يعدل كان كل شى عادي بس اشوف انه يطير بالثانيه ويخلى ام العيال اعرف لك واحد تقول زوجته الاولى قبل يتزوج اوقات ودي باكل من المطعم ويقول يمرضكم يوم تزوج صا ر كل يوم با المطاعم وهي المسكينه يمرضه يا المرض اعدلو همن شاوروا الحريم