[Đяєαм]

ماصار نقل مباشر

كل شهر منزل صووره

[الـدعساوي]

هو صآدز سوآق كلشن ابروح له

[أبو شهـــــد]

السلام عليكم ..

أول شيء .. معشييييش ساحبن عليكم ..
وذلك لـ
1- قضت الأختبارات .. يعني قضاء المناغر .. هههه
2- النت بدى يسوي لي حركات سامجة ..
3- درء للعين .. <-- باب ماجاء في تكثير الأسباب .. هههههههه

بحول الله لمني رجعت للرياض لي عودة مع ردود هذا الموضوع + التقرير الأصلي

وفيه صور حلوه لوادي لجب .. يالله .. شيء شيء .. !

بااااااااااي

[مدغشقر]

متابعين ومنتظرين

[الجادي المدوف]

^
وعليكم السلام ،
زين إلى اللحين انت حي

[أبو شهـــــد]

اقتباس أمس نتكلم عن وآدي لجب , وقآل وآحد من الشبآب انه ممنوع تروح يمه من عقب سآالفة الحوثيين , هو صدز ولا سوآليف القآيلة احتري الرد يآقلبي , الاربعاء الجآي بذآك ولا زم نخطط له

لا موب صحيح ..
أنا أمس رايح لمه وأحلى شيء .. حتى الهيئة كان لهم حضور ..

نصائح سريعه ..
لااااااااااااااازم كنادر .. أقول لازم من هنا لما الرياض .. <-- الرياض تبعد 1000 كيلو عن مكان كتابة الرد
لأنه الأرض حصى ولو مشيت حافي عادي لكن يبي ياخذ عليك وقت كثير أنت بحاجته ..
لا تقول خبوبي مافيه مشكلة معنا خبوبين على بالي أقوى أحد ولا أخرنا إلا هم ..

الشيء الثاني يستحسن أنكم الليلة اللي قبل روحتكم لمه تنامون بـ الدرب ( ديرة أسمه الدرب ) أو بيش عشان توفر عليكم المسافة
يعني حنا مشينا من أبها مع مع الشمس ولا دخلنا الوادي إلا 11 .. مع العلم أنه كان فترة فطور ساعه بس تقريباً
الشيء الثالث .. كان معكم كنود ولا شسمه .. ترى به تفتيش زقققق .. يفتش قشك كللله .. عادي ينثر قشكم كله ..
فلذالك كان عندكم شقة بأبها جدع به كلش
الشيء الرابع أنتبه تسول لك نفسك تقترح على ربعك تروحون لم فرساان .. لأن ربعن لنا طلعنا حنا وياهم من الوادي هم راحو لجيزان على اساس أنهم بكرى يروحون لم فرسان
واليوم وقفت بهم الباخرة بوسط البحر جاهم عجاج وعلى كلامهم يقولون رطوبة ولا تنفع ولا بريـال ..

ولو رحتو للوادي ..
الظاهر هو 8 مراحل ..
الأولى : حبل تشعمط بوه وترقى حصاة ..
الثاني : مشي بالماء ..
الثالث : سباحة <-- الوقت الحالي تقدر تقطعه مشي .. لأن الماء شوي
الرابع : تدخل كهف به حبل تشعمط بالحبل لما تطلع من فوق .. <--- ترى الحبل على جرييف .. يبي ينقطع .. كان تبي تحسنون وتربطون جديد
همن عقب هالحصاة يجيك شلااال .. يرد الرووووح ..
شلااااااال .. شلااااااال .. قسم بالله فضييع .. ماء بااااااارد وحاااالي ..
شيء قسم بالله يرد الروح .. مير لمنك أنسدحت عليه .. كلااااااااام ثاااني .. تبدأ تشوف دجاج مصر .. <-- قات موب شلال
شرط أن تنسى طريق بريدة ..

ذي صورة له من النت





وعلى طاري الصورة ..
لو تخبر كميرة حقت الماء .. أو كان معكم كميرة حليلة عادي لو خربت .. لأن يبي يصير به مناظر تحسف أنك ماصورته .. وبه ناس مدخلين كميرة .. رابطينه بكيس وجايبين جيك ماء أبو خمسة وقاصينوه .. ولمنه صار بالماء حطو الكيس بالجيك وخلوه يطفح ..

المرحلة الخامسة : ترقى على جذع شجره وتبدأ تطل على الشلال من فوق ..
أنا هذا آخر ماوصلت ..
وعلى كلام العيال اللي كملو يقولون به فوق بحيرة سباحة ومطب للبحيرة حلو ..
وبه بعد غطس تحت الماء همن تمر تحت حصاة .. وهلم جرى .. <-- مارحت ولا كان أتبيثر عليك



وصف وادي لجب ..
مثلث الدرب يسار بأتجاه جيزان
أمش لين تجيك ( بيش )
إذا تعديته تجيك لوحة ( الحقو ) يسار
تديور مع أقرب مديور وتلف يمين مع المفرق حق ( الحقو )

همن سيد لما يجيك على اليسار ..
طبعاً تجيك عقبة صعبببه .. وطريق ( ودر ) العقبه يبي له ساعه أقل شيء ..



وانتم بالطريق .. تبي تجيكم بحيرة كبيييييييييرة على اليسار .. ميب على الخط علطول .. لكن أتوقع تنتبهون له .. حنى مارحنا له لأننا متأخرين بس أتوقع به صيد <== وخخرررر عنه راعي الصيد بس صزز اتوقع به بط


التفتيش اللي أقولك عنه بديرة يقاله ( الريث ) وأتوقع يوقفكم جندي يقاله محمد الريثي

وأن أحتجت أي شيء .. لا يردك إلا الخاص .. مع أن النت دمار .. لكن متى مافتحته أبرد عليك ..


اللهم ياكريم أني أستودعك هذا الرد فأوصله للموضوع سالماً معافى ..
<--- الأتصال رافع خشم البندق ..

[ْْْXXXراكب بورشXXX]

لا تو ماقضى المناغر باقي يومين يالله نزل الحلقه الثانيه علشان توهم مايموتون قهر

[طالب طب]

اقتباس ترى به تفتيش زقققق

ههههههههههههههههههههههههههه
الله يقلع ابليسك أبو شهد
حسّيت الكلمة طالعة من قلب

تروحون وترجعون بالسلامي ذذ

[أبو رزان]

إيه أشوى يوم إنك سالم

[أبو شهـــــد]

طالب طب .. الحمد لله حنا بس أخذ الأثباتات وفتح الصندوق وقعد يحربش وفتح سحابات الشد ولا صكهن وطاحت ليفة المواعين وبس .. لكن العام جايه واحد من الشباب ومفتشهم شخصياً .. ابو رزان ..
محمد أنا قسم بالله ..

[أبو رزان]

^^
لأ أقصد محمد سالم

[الـدعساوي]

ماقصرت على هالمعلومات

[ابو رقب M]

ول ول ول ابوك الوناااسه

[[ لــمّــآح ]]

الرد هو وصف هو تأسف هو تقرير هو تقسيم الرحلة لـ مرآحل ..
لكن ترجع بالسلامة يا قلبي أنت والي معك ..