[نسمه غلا]

اقتباس المشاركة الأساسية كتبها خنفشاريه الثقافي يجيب المرض يعني يروح الوقت سواليف وضحك تعرفين أحد جاد وأحد مستهتر جاي علشان يأخذ بالنهاية شهادة نصيحة لا تروحين لهم أما نيوهورايزون ممتاز بنفس الوقت مادي يعني تمشين المستوى الثالث ثم بمستوى الرابع يسقطون عيدي الإختبار بقيمة تمتحنين ينجحون المستوى الخامس تغرزين تمتحنين مرتين بقيمة ثانيه كل إعادة إمتحان بقيمة مادي بس الشكوى لله وش نسوي بالنسبة للزي ( الله المستعان يضيق الصدر )أذكر درستنا روسيه تعجزين تطالعينه وهي تشرح . أتمنى إني أفدتك وأي إستفسار أنا مستعده .

هااي يالغلا
بليييييز اشرحيلي اكثر
مابقى منتدى من منتديات بريده الا وكتبت ومحد عطاني وجه
انا من برا القصيم وجايين انشاالله للقصيم شهر وكم يوم
وبهالفتره بس هي اللي بس بدرسها بالمعهد
وبسالك نيوهورايزن هو نفسه دايركت انقلش ولا لا ؟
ومدرساتهم شنو جنسياتهم؟
وليش الزي حقهم شنو فيه ؟ لا يكون محدد؟

بليز سااعديني
الله يعطيك العاافيه :

[خنفشارية]

إلا دايركت
سوريات وهذي الي أقول روسيه للمحادثة
لالا مو محدد الزي مفتوح على مصراعية
يعيدون الإمتحان 150 ريال

[تـهاني]

اهلين بضيفتنا في بريدة
اولا توكلي على الله ورحي لنيوهو رايزن اذا نفسك تدخلين معهد اتوقع هو احسن شي
ثاني شي فيه مواقع روووعة لاتقان الانقلش
من ريدنق ورايتنق ولسنينق
اتوقع تغنيك عن المعاهد لان معاهدنا بالسعودية يجيبون عرب يدرسونك وهذي مشكلة كيف بنتقن نطق الكلمات والي يدرسنا مثل حالنا؟؟؟؟؟؟؟
وفيه مواقع تشتركين بفلوس عن طريق الانتر نت يعطونك تمارين تحلينها وترسلينها لهم ويصححونها لك
اذا تبين انزل لك روابط ابشري من عيوني
ان شاالله تستفيدين منها

[نــواف]

الخليج الأفضل تقريبا
حسب أحد أخذ دورات عنده
فيه بوسنية تتكلم انجليزي تمام
لكن المستويات الاولى مدربات سوريات

[نسمه غلا]

يعطيكم العافيه , كل اللي ردو علي وعطوني وجه


يعني آخذ برايكم وآخذ نيوهورايزن ؟؟

[Abu hmid]

اقتباس المشاركة الأساسية كتبها نسمه غلا يعطيكم العافيه , كل اللي ردو علي وعطوني وجه يعني آخذ برايكم وآخذ نيوهورايزن ؟؟

ما انصحك بنيوهورايزن لانهم يهتمون بالفلوس أكثر لما ياخذو الفلوس أنواع التعقيد

[miss-broo]

السلآم عليكم
الصراحه انا كمان مثلها
ابي ادخل ومدري شو الزين
اتوقعت نيوهرايزون حلوو بس مدري
ليه ترددت من كلامكم
عموما لعى وعسى حد يجي ويقول رايه
وربي يوفقه وينصره ويسعده

[نسمه غلا]

صرااااحه حيرتوني
مدري شنو المعهد اللي ممتاز عندكم ببريده !!!!!!

ياااربي شســــــــــــــــوي!!!!!!!!!

[Abu hmid]

أختي أسئلي وابحثي خصوصا بقوقل والاعلانات مثل الوسيلة وعيون وتحصلي الحل أن شاء الله

[نسمه غلا]

وربي سألت لين طفشت , شكلي من كثر مااحترت بكنسل الفكره اني أخذ دوره عندكم

[راقي الفكر]

الأخت نسمة غلا

أولاً أنتي سألتينا بالله نرد على موضوعك ( يعني غصب عنا ههه)

ثانياً أنا مثلك من برا القصيم يعني ما أعرف عن المعاهد اللي ببريدة

ثالثاً أتذكر أخوياي درسوا في معهد نيوهورايزون ولا أحد نجح من الدفعه

رابعاً أطرح فكرة سريعة عن معهد عندنا بمنطقتنا ما أدري فيه مثله بالقصيم كله ولا لا

... المعهد اسمه: وول استريت ...
المعلمين: بريطانيين وأمريكان
المستويات: دبلوم ودبلوم عالي وبكالوريوس وماجستير
تقريبا الدبلوم ياخذ سنه
كل شهر مستوى
كل مستوى بألف ريال
أول ماتروحي لهم يسوون لك اختبار مجاني يحدد فيه مستواك
الدراسه: أي وقت تكوني فاضيه فيه تروحين للإستقبال وتطلبي المعلم وينزل لك
الدراسه اليوميه: (يدرس معاك طالبتين أوثلاث فقط) لكي يتم التركيز أكثر
طريقة الدراسه: (أولاً قاعه كل الجدران فيها زجاج يعني المعلم يشرح على أي ناحيه أو أي جدار كنوع من التغيير
وطاوله واحدة دائريه للمعلم وطلابه)
(ثانياً تتجهون لقاعة معملية كلها أجهزة حاسوبية ويتم المحادثات بينكم وبين الأجهزة بإشراف المعلم)
(ثالثاً تتجهون لقاعة طاولات رباعية للمحادثة الشخصية والكتابة وتمارين حركية ولغوية)
من مميزات المعهد بالاضافة للمميزات السابقة:
1- تتجاوز كل مستوى بإختبار لا يخرج عن الدراسه
2- اذا كنتي مسجله لديهم وجبتي أحدى صديقاتك يصبح المستوى اللذي يليه مجاناً لك
وكل ما تأتي صديقة لك يضاف لك مستوى مجاناً
3- خصم خاص للدفع الكاش
4- يتحدى المعهد اذا تجاوزت 6 أشهر(مستويات) ولم تتحدث الانجليزي ويرجع المعهد لك فلوسك كلها
5- بعد 6 اشهر يخرج المعلم مع طلابه للمطاعم (ماكدونالدز وهيرفي وغيرها) كتمرين لتحدث معاهم
6- بعد الدبلوم يخرج المعلم مع طلابه إلى منتزهات وفنادق راقية ليتخاطب الطلاب معاهم
7- عندما تنتهي من دراسة البكالوريوس لديهم يمنحك المعهد دراسة الماجستير في معاهدهم في بريطانيا مجاناً

صراحه المعهد قوي جداً جداً جداً
أحد الزملاء له 6 اشهر فيه يتحدث الانجليزي تقريباً 85%

بس لو كان المعهد في القصيم أنا أول واحد يسجل فيه

على العموم نأسف للإطاله الغير مفيده للجميع

مع خالص تحياتي