[مدحت شوقي بريده]

ياوليدي من حضرة لصلاة العيد .. والخطبه حقت مطوعنا .. هي هي .. ماتغيرت ..
حفظته وأنا امك .. لو تبين اقوله لك كله قلته ..
أني ياوليدي اردد معه .. <<<<(((((== والله لو هي سامري
حتى ادري متى يبي يعطس او يكح .. ماعمره غيره ..

طيب وش تسوين اجل وقت الخطبه ..,..
ماغير ابحلق عيوني بهاللي يروحن ويجن من هالحريم ..
واشوف اللي هن لابسات ..
واذا قال ((( الزلازل والمحن ))) عرفت ان الخطبه تبي تقضي ..
أقوم واتنفض علشان نروح لدارنا ..

×××××××××××××××××××

وتكرير الخطبه .. دائماً تكون من الأئمه كبار السن ( الشياب ) او في القرى والهجر ..

×××××××××××××××××××


عااااااااااااااااااااد العام الماضي بجنبي واحــد هــدر ..
يسمع الامام ببداية الخطبه يقول .. الله اكبر الله اكبر .. الله اكبر الله اكبر ..
يوم شافه طول قال لي .. متى يقول ( اشهد ان لااله الا الله ) <<<<(((== يحسبه آذان ..



سي يو ..

[ban]

والله و هذه الحقيقه وللاسف الشديد


اللهم نور قلوب ائمتنا واعطهم اللسان الناطق بالحق والخير والصلاح للامة الاسلاميه

[المنخرش]

اقتباس المشاركة الأصليّة كتبت بواسطة مدحت شوقي بريده .. واذا قال ((( الزلازل والمحن ))) عرفت ان الخطبه

الله يخسك يالمصري أثرة حافظته

ماحد الله

أقول (تقل بالمدرسة إذا جاء يرن الدرس بخمس ثواني يتقدم بعض الطلاب - يعني اني ادري متى يرن الجرس- وهذي جدك الله يخلية لك ولبو محمد النجدي قل آمين):D :D

[راجي الله]

بسم الله الرحمن الرحيم
الأخوة الكرام
[align=justify]أما ما اشرتم إليه من عدم التجديد لبعض الأئمة فهذا أمر حاصل بالفعل ولكن هذا لا يعني الالتزام في التجديد فالقصد من الخطبة الوعض والارشاد في امور ديننا الحنيف وديننا لن يتجدد منذ بعثة محمد صلى الله عليه وسلم الى يوم القيامة .
أما ان كان القصد في تجدد الأسلوب والأطروحات الهادفة وخاصة ما يقوم به الشباب في هذه الأيام فهذا لا يعني بالأمر ان يصل الى الترهات والاستهزاء كما جاء بقول الأخ ( جدتي).[/CENTER]
[align=justify[align=justify][align=justify][align=justify]]علما أن لوقام الخطيب في قراءة القران الكريم فقط كسورة (ق) لم ينكر عليه وان كان صاحب العجوز _ اسأل الله ان يعجز( يطول عمره ) في الدنيا بحسن عمل - يقول ان جدته حافظة فمن باب أولى ان تكون ايضا حافظة للقران فأين مبدأء الانكار .
اشكر الأخوة على التفهم السليم وحسن الظن وارجوا منهم العزوف من مثل هذه الى باب النصيحة للأمة ان كان ذلك نابع من قلب صدوق اما ما يزج في الانترنت في مثل هذه المواقع التي نحسبها منبرا من منابر الدعوة الى الله .[/CENTER][/CENTER][/CENTER][/CENTER]

[مدحت شوقي بريده]

ban

شكراً لك اخوي على مرورك الكريم ..
وكل عام وانت بخير ..




أبو محمد النجدي ..
يسلموا يالبي .. وكل عااااااااااااااام وانت بخير ..
كل ماشاء الله لاتقعد تنحته بعد .. همن تفقد الذاكره فرقعين جدتي ..

سي يو ..






المنخرش ..
كل عاااااااااااام وانت بخري يالبي ..,..
شكلك انت أول واحد ياقف .. بس آخر واحد يطلع ..
لأنهم يتدعسون بين عصاقيلك ويطلعون ..

سي يو ..




راجي الله ..
شكراً على مرورك الكريم ..
المطلوب هو اضافة الجديد ..
خذ مثال على ذلك :
انكار مايحدث من مهرجانات او الذهاب اليه بسبب الاختلاط وغيره من مايفقد المروءه ..
وكذلك الدعاء لأخواننا في الفلوجه والتطرق الى محنتهم ..

وغيرها من احداث الساعه .. كلها تضاف الى خطبته الأصليه ..

وكل عام وانت بخير .,.

[=> قناص بريدة <=]

ملاحظ وواضح :: وياليت قومي يعلمون

[الغدة الدرقية]

قلة يقولتس غدودي كل عام وانتي بخير>>>>>>>(غدودي!!)>>>وش عنده هالرومنسي
.@.




سلملم

[المهموم]

أولاً كل عام وأنت بخير
أخوي مدحت أنت وجميع الاعضاء الطيبين
والله يتقبل منا ومنكم صيامنا وقيامنا أنه سميع مجيب
وصدقت في ماقلت هذا حال الخطباء
الخطبه تردد كل عام بدون تغيير

[مدحت شوقي بريده]

قناص بريده ..
كل عااااااااااااااااام وانت بخير ..
وشكراً لك على مرووك الكريم ..

سي يو ..


الغده الدرقيه ..
انت يوم تسجل .. كنت تذاكر علووووم ..
يسلموا يالبي على مرورك الكريم
وكل عاااااااااااام وانت بخير ..

[مدحت شوقي بريده]

المهموم ..

كل عااااااااااااااااام وانت بخير ..
وشكراً لك على مرورك الكريم يالبي ..,..

سي يو ..

[السيد دكتـور]

صلوا معي بمسجدي ورايح تشوفون وشلون الخطب
أما العجز يبي يسانسن

[مدحت شوقي بريده]

السيد الدكتور ..
هلابك يالبي ..

وين نصلي معك فيه ..
بالمستشفى والا بالعياده .. <<<<<((((== العياده والا الجنيدلي .. <<< ايقالهم مهوب عيال عماته ..
الجن .. يدلي .. والا الأنس ... يقول ..
الأنس .. والا الفرح ..
هذه الفرحه بالعيد يالبي ..
سي يو ..