::: من اللي بيودينا اليوم للسوق :::( البنات و السوق )

**الـصـمـصـام** · 03-01-2011, 06:42 PM

السوق و البنت ..
شيء مقدس و مبدأ لا يُمكن التنازل عنه ،

و الله يعين اللي له خوات أو بنات أو زوجة أو حتى ( أم ) مولعة بالأسواق ..
يعني الوضع مجرد تمشية و لزوم هالدوام بالسوق و التمشي فيه ..

يعني الوضع صار واجب عليك وجوبًا يا أيها ( الولد )
إنك توديهم للسوق حبة صباح حبة مساء ..

و إذا ما وديتهم تراك ما تنفع و لا عمرك نفعت أصلاً ..

و إذا كان فيه أكثر من أخ ، يحطن جدول ..
حتى لو فيه السواق .. لازم الأخوان يدخلون ضمن الجدول ..!

واحد مرة من المرات خطب من بعض العوائل ( المحترمة )
و عطاهم كلام و أنه يبي بنيتهم على سنة الله و رسوله ،
و جاه رد بعد اسبوع أنهم موافقين .. الحمد لله موافقة ..
بس مع التأكيد أن البنت تراه من النوع اللي يطلع للسوق
<=== يعني هذا هو الشرط المقدس ،
و الشيء اللي مضيق صدر البنت
و بناء عليه تشوف الرجال يصلح ولالا ..!

و الله يعين اللي ساكنين بجدة ولا بالرياض ،
و يا حظ اللي ساكنين بالمدن الصغيرة ..
يعني أهل القريات ناسين حاجه اسمها سوق .. ههه

و بدون فلسفة زايدة و كلام كثير ..
هم ماعندهم إلا سوقين ( سوق الحريم - سوق الرجال ) ههه
ياسلام .. أحلى حاجة ..

ليت بعض اللي البنات يشغلن أخوانهن يسكنن القريات عشان يتأدبن

يعني مرة بالأسبوع ..
و تصير ظهر الخميس ..
و يحصل معها غداء و تغيير جو ..
كذا مافيه مشكلة ..

لكن سبحان الله بعض البنات تروح بتشري حاجة ..
فتخلي اليوم الأول مجرد تمشية تشوف السوق و تحوس أم أمه ..
و اليوم الثاني تروح عشان تشري ..
لكن للأسف تشري كل شيء إلا هاللي جايتن عشانه ..
و اليوم الثالث تغير السوق .. و بعد الضغوطات تشري اللي هي كانت تبيه من الأصل ..
و اليوم الرابع .. تطلع القطعة مهب زينة .. فملزوم تروح للسوق ترجعه ..

و نبتل ..!

إيش القرف ذا ..

و تضيع أعمارنا .. بالغاليري و حياة مول و غرناطة و العثيم
يازين سوق حجاب و الشرقي و المجد بس مافيه أمل يقتنعون بهن ..
و هكذا يضيع عمر الزوج أو الابن .. بالتودية و الجيبة و المكوث بالأسواق ..

أو الله سـ حالة ..

يابنات خفن من الأسواق ..
و كفاية امتصاص و تبديد لطاقات الأهل ..
خصوصًا الطاقة المادية ..

أخوكم / عبدالله

**روقــآن** · 03-01-2011, 06:50 PM

أنا ماعندي مشكلة بالروحه لـ السوق بس البلا بالترجيع

متشكر أوي حبيبي عبودي

ماشي وين؟؟ · 03-01-2011, 07:12 PM

طرح جاء بوقته
الاسواق اصبحت ملتقى لتجمعات بين النساء وليس بغرض الشراء
فقط للتسليه
اصبحت فتنه عظيمه بهذا الزمن
الله المستعان
اعتقد العلاج هو الرقابه على الاهل والخروج للحاجه فقط
بوركت

نالا · 03-01-2011, 07:18 PM

فيه بنات مايحبوون السوق
وش فيه السوق اذا مااشتريت في بعض البنات يروحون للسوق تمشيه وعشاء فقط
انا وخواتي مانطلع للسوق إلا مرتين او ثلاث بالصيف وكذا بالشتاء
وانا اتوقع اللي عندهم زيادة بالعيال يبدون يتطلبون عليهم خواتهم ويسوون لهم جدول مثل ماذكرت

ربي يوفق ويعين

المحاميه ماريا · 03-01-2011, 07:18 PM

وععععععععععع من زين االسوق
عساي اروح اشري حاجتي موب عاد اتمشى
صراحه السوق يوجع الراس ودوخه
حتى بعض الامهات ماتحب تروح بس من يشري لبزرانه
واذا راحت احيانا ماتلقى واذا لقت يبي ترجيع
فتظطر تطلع اكثر من مره
بس موب مبسوطه انه كل يوم طالعه
وفيه اناس لا اعوذ بالله مفتونين بالسوق اربع وعشرين ساعه مايدرون انه اماكن الشياطين
الله يهدي الجميع

ٳثمڍ فرζ · 03-01-2011, 07:47 PM

مو كل البنات مدمنات أسواق ...

فيه بعضهن حتى ماتطيق أسمهـ ..

بالنسبهـ لنا فـــ مانطلع السوق الا مرهـ بالشهر ..

والترجيع الشهر الثاني هذا اذا حصل تروح علي القطعه هباء منثورا لأنه مافي أحد فاضي لنا يودي

ويجيب

..

**الـصـمـصـام** · 03-01-2011, 07:49 PM

اقتباس

المشاركة الأساسية كتبها روقــآن


	أنا ماعندي مشكلة بالروحه لـ السوق بس البلا بالترجيع متشكر أوي حبيبي عبودي

ههه أنا ماعندي مشكلة أودي و ارجع ..
لكن تصير حلى كل شوي .. لا ..
الله يعين .. شكراً لك أنت ووجهك ..

**الـصـمـصـام** · 03-01-2011, 07:50 PM

اقتباس

المشاركة الأساسية كتبها ماشي وين؟؟


	طرح جاء بوقته الاسواق اصبحت ملتقى لتجمعات بين النساء وليس بغرض الشراء فقط للتسليه اصبحت فتنه عظيمه بهذا الزمن الله المستعان اعتقد العلاج هو الرقابه على الاهل والخروج للحاجه فقط بوركت

الحل أن يكون هناك موازنة حسب المتوفر ..
لكن والله بعض البنات يحللن أخوانهن من ناحية السوق ..
و بعضهن تحقد على أخوها إذا رفض يوديها للسوق ..

**الـصـمـصـام** · 03-01-2011, 07:53 PM

اقتباس

المشاركة الأساسية كتبها نالا


	فيه بنات مايحبوون السوق وش فيه السوق اذا مااشتريت في بعض البنات يروحون للسوق تمشيه وعشاء فقط انا وخواتي مانطلع للسوق إلا مرتين او ثلاث بالصيف وكذا بالشتاء وانا اتوقع اللي عندهم زيادة بالعيال يبدون يتطلبون عليهم خواتهم ويسوون لهم جدول مثل ماذكرت ربي يوفق ويعين

لا والله .. فيه ناس ماعندهم إلا ولد و كارفينه كرف ..
توقعك في غير محله .. و ليت البنات مضبوطات مثلكم ..
الله يوفقكم للخير ..

**الـصـمـصـام** · 03-01-2011, 07:55 PM

اقتباس

المشاركة الأساسية كتبها المحاميه ماريا


	وععععععععععع من زين االسوق عساي اروح اشري حاجتي موب عاد اتمشى صراحه السوق يوجع الراس ودوخه حتى بعض الامهات ماتحب تروح بس من يشري لبزرانه واذا راحت احيانا ماتلقى واذا لقت يبي ترجيع فتظطر تطلع اكثر من مره بس موب مبسوطه انه كل يوم طالعه وفيه اناس لا اعوذ بالله مفتونين بالسوق اربع وعشرين ساعه مايدرون انه اماكن الشياطين الله يهدي الجميع

ماشاء الله ..
نموذج رائع .. موفقه لكل خير إن شاء الله ..

جيهان · 03-01-2011, 07:56 PM

انا صراحه مااحب شي اسمه سوق ولااروح له0

اقتباس


	يعني الوضع مجرد تمشية و لزوم هالدوام بالسوق و التمشي فيه ..

مااتوقع ان فيه احد يروح يتمشى ابدا مالقيت الاالسوق عاد نتمشى فيه

وشف بعض العوايل يرحمون يعني ماعندهم لاطلعات ولاشي فا يروحون للسوق0

وبعدين ترا من جد اللحين انتم الرجال ماتجلسون باالبيت ولاربع ساعه دايم برا وراه بس على الحريم المساكين يحول0

**الـصـمـصـام** · 03-01-2011, 07:59 PM

اقتباس

المشاركة الأساسية كتبها انكسار الم


	مو كل البنات مدمنات أسواق ... فيه بعضهن حتى ماتطيق أسمهـ .. بالنسبهـ لنا فـــ مانطلع السوق الا مرهـ بالشهر .. والترجيع الشهر الثاني هذا اذا حصل تروح علي القطعه هباء منثورا لأنه مافي أحد فاضي لنا يودي ويجيب ..

ياسلام .. ما مثل البنت إذا كانت تكره السوق ..
بس أحس ذي نوعية نادرة ..
لكن فيهن الخير و البركة ..

**الـصـمـصـام** · 03-01-2011, 08:03 PM

اقتباس

المشاركة الأساسية كتبها كنافه


	انا صراحه مااحب شي اسمه سوق ولااروح له0 مااتوقع ان فيه احد يروح يتمشى ابدا مالقيت الاالسوق عاد نتمشى فيه وشف بعض العوايل يرحمون يعني ماعندهم لاطلعات ولاشي فا يروحون للسوق0 وبعدين ترا من جد اللحين انتم الرجال ماتجلسون باالبيت ولاربع ساعه دايم برا وراه بس على الحريم المساكين يحول0

وين عايشة أختي ..؟ إلا ياكثر اللي أعرفهن من هواة التمشي بالسوق ..
هذا و أنا منب من النوع اللي ينبش .. لكن تجين العلوم ..

و بعدين حنا ما قلنا أنه ممنوع الخروج أبد ..
لكن فيه شيء معقول .. و فيه شيء يتعدى المعقول ..

و بالنسبة للرجال .. من الخطا بعد أنه 24 ساعة برا ..
خصوصًا اللي متزوج ..
و كذلك المفترض يوم بالأسبوع الرجال هو من نفسه يبادر و يطلع بأهله ..
لو ما طلبوا منه .. لكن كلامنا هنا على الطلعات للأسواق اللي تجاوز حد المعقول ..

لماذاهذا · 03-01-2011, 08:21 PM

أعانك الله في نقاش هذا الموضوع

اقتباس


	أن يكون هناك موازنة حسب المتوفر

اقتباس


	لكن تصير حلى كل شوي

اقتباس


	أن يكون هناك موازنة حسب المتوفر ..

اقتباس


	فيه شيء معقول .. و فيه شيء يتعدى المعقول

لابد مثل ماذكرت موازنة وحدود و لايصير الاسواق للتنزه أنما للحاجة

ولاأظن ...السوق يصلح للتمشيه ابداً أنما هو وجع راس...الله المستعان أما للي تقول عنه

اقتباس


	كارفينه كرف

جواباً لك

اقتباس


	بس أحس ذي نوعية نادرة ..

03-01-2011, 06:42 PM	#1
الـصـمـصـام عبدالله تاريخ التسجيل: Jun 2004 البلد: . المشاركات: 9,705	::: من اللي بيودينا اليوم للسوق :::( البنات و السوق ) السوق و البنت .. شيء مقدس و مبدأ لا يُمكن التنازل عنه ، و الله يعين اللي له خوات أو بنات أو زوجة أو حتى ( أم ) مولعة بالأسواق .. يعني الوضع مجرد تمشية و لزوم هالدوام بالسوق و التمشي فيه .. يعني الوضع صار واجب عليك وجوبًا يا أيها ( الولد ) إنك توديهم للسوق حبة صباح حبة مساء .. و إذا ما وديتهم تراك ما تنفع و لا عمرك نفعت أصلاً .. و إذا كان فيه أكثر من أخ ، يحطن جدول .. حتى لو فيه السواق .. لازم الأخوان يدخلون ضمن الجدول ..! واحد مرة من المرات خطب من بعض العوائل ( المحترمة ) و عطاهم كلام و أنه يبي بنيتهم على سنة الله و رسوله ، و جاه رد بعد اسبوع أنهم موافقين .. الحمد لله موافقة .. بس مع التأكيد أن البنت تراه من النوع اللي يطلع للسوق <=== يعني هذا هو الشرط المقدس ، و الشيء اللي مضيق صدر البنت و بناء عليه تشوف الرجال يصلح ولالا ..! و الله يعين اللي ساكنين بجدة ولا بالرياض ، و يا حظ اللي ساكنين بالمدن الصغيرة .. يعني أهل القريات ناسين حاجه اسمها سوق .. ههه و بدون فلسفة زايدة و كلام كثير .. هم ماعندهم إلا سوقين ( سوق الحريم - سوق الرجال ) ههه ياسلام .. أحلى حاجة .. ليت بعض اللي البنات يشغلن أخوانهن يسكنن القريات عشان يتأدبن يعني مرة بالأسبوع .. و تصير ظهر الخميس .. و يحصل معها غداء و تغيير جو .. كذا مافيه مشكلة .. لكن سبحان الله بعض البنات تروح بتشري حاجة .. فتخلي اليوم الأول مجرد تمشية تشوف السوق و تحوس أم أمه .. و اليوم الثاني تروح عشان تشري .. لكن للأسف تشري كل شيء إلا هاللي جايتن عشانه .. و اليوم الثالث تغير السوق .. و بعد الضغوطات تشري اللي هي كانت تبيه من الأصل .. و اليوم الرابع .. تطلع القطعة مهب زينة .. فملزوم تروح للسوق ترجعه .. و نبتل ..! إيش القرف ذا .. و تضيع أعمارنا .. بالغاليري و حياة مول و غرناطة و العثيم يازين سوق حجاب و الشرقي و المجد بس مافيه أمل يقتنعون بهن .. و هكذا يضيع عمر الزوج أو الابن .. بالتودية و الجيبة و المكوث بالأسواق .. أو الله سـ حالة .. يابنات خفن من الأسواق .. و كفاية امتصاص و تبديد لطاقات الأهل .. خصوصًا الطاقة المادية .. أخوكم / عبدالله __________________ ياربي ..افتح على قلبي .. و طمئنه بالإيمان و الثبات و السلوة بقربك .. [عبدالله] من مواضيعي : آية الحجاب من سورة الأحزاب ( أحكام و إشراقات ) ::: كيف نقاوم التشويه ضد الإسلام و ضد بلادنا:::(مداخلتي في ساعة حوار مكتوبة و مشاهدة) آخر من قام بالتعديل الـصـمـصـام; بتاريخ 03-01-2011 الساعة 06:49 PM.

03-01-2011, 06:50 PM	#2
روقــآن إلى اللقاء ، سأشتآق تاريخ التسجيل: Aug 2008 البلد: حيث وجدت لنفسي راحة ~ المشاركات: 3,756	أنا ماعندي مشكلة بالروحه لـ السوق بس البلا بالترجيع متشكر أوي حبيبي عبودي __________________ تويتر ، انستقرام s_196

03-01-2011, 07:12 PM	#3
ماشي وين؟؟ عـضـو تاريخ التسجيل: Nov 2009 البلد: ............. !!! جعـل ال ع ـيون آللي تبي"فرقـآآڪ"تفقد م ـع آلأيآم ..نـ ع ـمة بصرهآإ.. المشاركات: 1,483	طرح جاء بوقته الاسواق اصبحت ملتقى لتجمعات بين النساء وليس بغرض الشراء فقط للتسليه اصبحت فتنه عظيمه بهذا الزمن الله المستعان اعتقد العلاج هو الرقابه على الاهل والخروج للحاجه فقط بوركت __________________ لآتحُآولً اْن تٍعيدُ حسٌآآب الآمسْ ومآخــًسْرتُ فـيهُ فالعمُر حٌيًنُ تـَسقـًطُ ارْواْقهُ ( لــــــن ) تـعٌوُدً مٌرةْ اخــُــرْىٌ ( ولكــــٌـن ) معٌ كلُ ربيٌُع ًجدٌيدٌ ســــــــوْف تنْبُتُ اورآقُ اورآقٌ آخرىٌ فُانظًرُ الىْ تلٌكُ الاوْرآق التٌيُ تغًُطُي وجهٌ السٌمــُـــآء وُدْعـُــُـكٍ مًمًآ سًقٌطً علٌىُ الآُرضُ فقٌدً اًصُبح ُجزًءُ مْــــنهآُ [FLASH="http://dc03.arabsh.com/i/01649/wi7mt4l9db2l.swf"]width=400 height=350 t=0[/FLASH] مرًرُ المًـآوْسُ آآهــداء لآحـبًتي

03-01-2011, 07:18 PM	#4
نالا مـمـيـّـزة تاريخ التسجيل: Jul 2010 البلد: سبحان من خلى هوى القلب حايل** دار المروه والكرم والحمايل المشاركات: 4,624	فيه بنات مايحبوون السوق وش فيه السوق اذا مااشتريت في بعض البنات يروحون للسوق تمشيه وعشاء فقط انا وخواتي مانطلع للسوق إلا مرتين او ثلاث بالصيف وكذا بالشتاء وانا اتوقع اللي عندهم زيادة بالعيال يبدون يتطلبون عليهم خواتهم ويسوون لهم جدول مثل ماذكرت ربي يوفق ويعين __________________

03-01-2011, 07:47 PM	#6
ٳثمڍ فرζ عـضـو تاريخ التسجيل: Sep 2010 البلد: بين الأمس واليوم ! المشاركات: 1,878	مو كل البنات مدمنات أسواق ... فيه بعضهن حتى ماتطيق أسمهـ .. بالنسبهـ لنا فـــ مانطلع السوق الا مرهـ بالشهر .. والترجيع الشهر الثاني هذا اذا حصل تروح علي القطعه هباء منثورا لأنه مافي أحد فاضي لنا يودي ويجيب .. __________________ ربي () واجعل صباحات الغد مطمئنة على أهل شامك ربي وبسمائهم غداً أشرق عليهم بشمس الفرج والنصر !

03-01-2011, 07:18 PM	#5
المحاميه ماريا عـضـو تاريخ التسجيل: Nov 2010 البلد: الريــــــــــــــــــاض المشاركات: 392	وععععععععععع من زين االسوق عساي اروح اشري حاجتي موب عاد اتمشى صراحه السوق يوجع الراس ودوخه حتى بعض الامهات ماتحب تروح بس من يشري لبزرانه واذا راحت احيانا ماتلقى واذا لقت يبي ترجيع فتظطر تطلع اكثر من مره بس موب مبسوطه انه كل يوم طالعه وفيه اناس لا اعوذ بالله مفتونين بالسوق اربع وعشرين ساعه مايدرون انه اماكن الشياطين الله يهدي الجميع

أدوات الموضوع
عرض نسخة قابلة للطّباعة ارسال هذه الصفحة لصديق
طريقة العرض
النمط المتتابع التحول إلى النمط المتشعب التحول إلى النمط الأحادي