[لا أله الأ الله]

آلسلآم عليكمً ورحمهَ الله وبركاتهَ

الله يسعدكم ساعدوني

كل بنات بريدة اللي يعرفون يجون الله لايحرمكم الآجر إن شاء الله


انا رحت لعيادة انفنتي اللي ببريدة ورحت للدكتورة أبتسام فاروق عاشور
قالت لي لآزم نسوي لبشرتك تقشير وقبل التقشير لازم نسوي ثلاث او جلستين كربون
انا طبعاَ قلت لآزم استفسر وهل الدكتورة تمام ولا لا ..لأن بعض التقشير لاسمح الله تنقلب النتيجه عكسيه
وأنا مشكلتي تصبغات بجزء من وجهي وقالت لي كريمات استخدمها
ياريت اللي عندها زي حالتي ماتبخل علي برد ..وبكل أمانه هل الدكتورة شآطره أول لا

الله يسعدكم دنيا وآخره ويرضى عليكم ويوفقكم ويريحكم ويشفي مرضآكم ويخلي لكم عيالكم
موعدي قريب ...أتمنى ماتبخلون بالردود
ومارآح انسآكم من الدعوآت الصآدقه من قلبيً

[صاحبة الامتياز]

والله ماادري ان شاء الله يفيدونك بقية الأعضــاء وبالتوفيق لك

[زهور بريدة]

اهلين اختي انا كان عندي تصبغات زيك لكن الحمد لله الحين اتحسنت مره وصار لي الحين 3شهور سويت تقشير عند الدكتور (سامي ) سعودي في عيادات القصيم الطبيه فقط اسمه تقشيراورنجي مره ممتاز ونتيجته واضحه لكن لازم يكون احد متمرس فيه علشان يسويلك الطبقه المناسبه لبشرتك انصحك تروحين له ماله اي داعي تلعبين في بشرتك اما جلسات الاوكسجين بس فلوس على الفاضي اما بالنسبه للدكتوره ماسمعت عنها الله يوفقك ادعيلي

[لا أله الأ الله]

مشكورين جميعاً


الله يجـزآك خيـر .[زهور بريدة]

ودعوآتكم ليً .../

[شاطرة]

ابتسسسام فاروق .. اهم شي تقحش فلوس

وإذا ماطلعت النتيجه مطلوبه قالت يبي لك زياده

وهلما جرا

[لا أله الأ الله]

والله احترت قولو بصصراحه وبكل أمانه

أسالكم بالله وش رأيكم فيها هل هي تأخذ فلوس أو شغلها تمام

[قصيمية دلع]

اهلين
الصراحة انا مجربتها بالليزر دكتورة شاطرة وفاهمة شغلها زحمة عليها دايما ما شاء الله واسعار التجميل معروف مو رخيصة ويبيله فلوس .

[tota24]

ابتسام بانفنتى ممتازة وافضل دكتورة جلدية ببريدة عن تجربة وعيادتهم متطورة وعندهم اجهزة ومتخصصين وما انصحك بالقصيم بغيرها

بالتوفيق

[كلمة صدق]

هلا وغلا

إسمعي ياقمر فيه كثير في القصيم دكتورات

بس أحسن وحده شفت لها سمعه هي الدكتورة ابتسام في مستوصف انفنتى

مواعيدها مره صعبه ...عليها ضغط كبير ماشاءالله ..

[أحبّن بالحييل]

بالتوفيق

[أم سماء]

حياك الله مااقدر افيدك بس اقلك شيء مهم استخيري وتوكلي على الله العلي القدير

والله يوفقك يارب

[ربا الأمل]

اقتباس المشاركة الأساسية كتبها زهور بريدة اهلين اختي انا كان عندي تصبغات زيك لكن الحمد لله الحين اتحسنت مره وصار لي الحين 3شهور سويت تقشير عند الدكتور (سامي ) سعودي في عيادات القصيم الطبيه فقط اسمه تقشيراورنجي مره ممتاز ونتيجته واضحه لكن لازم يكون احد متمرس فيه علشان يسويلك الطبقه المناسبه لبشرتك انصحك تروحين له ماله اي داعي تلعبين في بشرتك اما جلسات الاوكسجين بس فلوس على الفاضي اما بالنسبه للدكتوره ماسمعت عنها الله يوفقك ادعيلي

معليش عزيزتي

ما لفرق بين التقشير الكميائي واللي تقولين عنه اورنجي مع ذكر إجابيات وسلبيات بما إنك مسويته


مشكـــــــــــــــــــــــــــــــورهــ

[زهور بريدة]

اهلين ربا التقشير الكيميائي يسبب حروق ويستخدم للركب والاكواع اما التقشير الاورنجي للبشره الحساسه ولازم تحت اشراف متخصص

[فراشة2011]

اقتباس المشاركة الأساسية كتبها ربا الأمل معليش عزيزتي ما لفرق بين التقشير الكميائي واللي تقولين عنه اورنجي مع ذكر إجابيات وسلبيات بما إنك مسويته مشكـــــــــــــــــــــــــــــــورهــ

اولا السلام عليكم خواتي

ثانيا اللي خلاني أشارك بموضوعك هذي المشاركة إنه فيه فرق بين التقشير الكميائي والتقشير الأورنجي أبقولك إنه كله تقشير يعني المادة وحده بس كل دكتور أو دكتوره تعطي اسم عشان الشهرة والتغيير لكن بالنهاية المادة وحدة.
وبعدين للأمانه أنا رحت لعيادات إنفنتي تحسين إنهم يهتمون بك ولا يبون يخسرونك طبعاً هذا صار معي بس المشكلة عندهم المواعيد والرد على التلفونات يالله يردون بعذرهم من الزحمه ما شاء الله بس صراحة عيادات تجنن
والدكتورة ابتسام والاجهزة الموجودة عندهم روعة وخليك من الكشف عند الأطباء الرجال ما دام عندك طبيبة زينة صح ولا لا.