[هيبة وطن]

بعد السلام والتحيه ولكم الشكر في استقبالي كضيفه جديده
وهذا اول موضوع راح اكتبه واتمنى منكم التفاعل وسخنو وجهي وانا متاكده ان اغلبيتكم مر في هالتجربه اولا سوالي لمتى هالاهمال في مطار القصيم الاقليمي والتسيب
اتمنى حد يجاوبني؟
موضوعي كنا الاربعاء الماضي رايحين عمره من المغرب لساعه 10 واحنا ننتظر الطائره وطبعا كل شوي يعتذرون يقولون راح تتاخر وكانت رحلتنا الساعه 8واحنا ننتظر واخر شي قال واحد من المسافرين انه جاني خبر يقول ماراح تتطيرون الليله وتاجلت رحلتكم لبكره الصبح الساعه 10 وبعد انتظار و لغط المسافرين مع الموظفين راحو المسافرين كلن رجع لداره المهم رجعنا من بكره من الساعه 8 واحنا بالمطار ننتظر رحلتنا صارت الساعه 10 ومحد خبرنا بشي ولا شفنى غبرة الطياره وعلى اعصابنا واخيرا ردو علينا وقالو الرحله تاجلت لساعه 12 الظهر واحتمال تتاجل لبكره بسبب الجو لانه كان فيه غبار بس تسمح الرؤيا يعني مامعهم حق ياخرون ويماطلون فينا المهم صارت الساعه 11ونص ورحنا سالنا الموظف وتكرم ورد علينا وقال يمكن رحلتكم تاجل لبكره لان الجو كل ماله تزيد غبرته الي يقهر بالموضوع انه كانت فيه رحله لجده والساعه 10 وراحو المسافرين لان طيارتهم جت فموعدها الا احنا وقف الحظ علينا يعني لهدرجه خايفين علينا ياجلون رحلتنا مع انه فيه رحله معنا وطارت وعيونا تشوف الا رحلتنا ليييييييييه ماأدري للحين افكر

• وش الموضوع وراح اليوم لا طرنا ولا اعتمرنا
  
  
  سؤالي ليه التسيب في الاستهتار في المواطنين يعني المواطن جالس وحاط رجل على رجل وماوراه غير المطار والطيران يعني ماعنده شغل اذا تاجلت الرحله تعطلت اموره
  وش رايكم يابرداويين ابي بس تفهموني وللمعلوميه والله ماعمري رحت للمطار الا وتتاجل رحلاتهم ما ادري ليش يعني عشان ماعليهم عين ولا فيه مراقبه والله لو يعملون تقييم للمطارات المملكه غير مطارنا ياخذ شهادة اسواء اداره واسوء تصرف وعدم مراقبه مع مرتبة شرف بسوء الادراه
  ابي تعليقاتكم على موضوعي بصراحه
  
  
  ولكم شكري وامتناني....................

[ابو عبداللـه]

وش ترجين منهم .. حسبي الله ونعم الوكيل ..


وادعوك والزوار الكرام لزيارة هذا الموضوع للكاتب خلف الحربي

http://www.buraydahcity.net/vb/showt...53#post3010053

[بالعربي]

اسف لكن وش دخل مطار القصيم العيب في الخطوط السعوديه لانه اذا مافيه طيارة بالمطار كيف تسافرون المشكله في الخطوط السعوديه وحجوزاتها هالايام مشاكل في كل مكان شوف مطار جدة الدولي فضايح وربي
عموما شكرا على الموضوع وهو جاء على الجرح

[البقاء لله]

بالعكس حنا الحمد لله رحنا ورجعنا بسهوله

الحمد لله هذا من تيسير ربي

00

[Leader.20]

*

كل الطيران عندنا يجيب المرض

لا وإذا ركبت يقول شكراً لاختيارك للخطوط السعودية

أصلاً ما فيه غيركم يا نصابين

أفتحوا للطيران القطري والإماراتي وقص رجلي إذا ركبت معكم لابوكم جحلط

تمنّوون علينا بعصيركم الحار عساكم للكانس اللي يكنسكم

*

[تهاني...]

88

وويلي وش هالدعاوي شوي شوي لاتفنقس ............



اووما عصيرهم الحار شكلهم يسوونه بالكاتم ..

[الشاهين22]

الله يكون بالعون

[هيبة وطن]

اشكر كل من عقب ع الموضوع وهذا مو بس موضوعي هذا موضوع
السعوديين وبالاخص القصيم لان ماعمري فرحة بموعد رحله بوقتها
والله نورتو صفحتي بطلتكم الي تشرف واشكر كل عضو فردا فردا
وياLeader.20
والله انك كفو بردة قلبي بردك ودعاءك
فعلا عليهم خدمه مثل ظهر البعير ويمنون عليك بكل شي
انا اقول لو بس يكون هنالك طائرات للطوارئ حتى محد يتعطل كان الشعب طايح من عينهم
يعني ماعندهم احد يسافر حاطين 2و1لمصر وش هالمنه

[عبدالله]

يجب علاج الموضوع بشكل جذري..........................والله المستعان