 |
|
|
|
|
|
||
| ســاحـة مــفــتــوحـــة المواضيع الجادة ، والنقاشات الهادفة -- يمنع المنقول |
 |
|
|
أدوات الموضوع | طريقة العرض |
13-08-2005, 11:20 AM
|
#1 |
|
.. وللشطوب نكهة و نكهة ..
تاريخ التسجيل: Feb 2002
البلد: هناك
المشاركات: 16,085
|
مشاهد من معاناة الحريم بعد مايرجعن من السوق .. ياربيه وين راحن قروشي ونااااااااااااسه
مدحت .. اوقف اوقف .. الله يعدي عنك .. ياتسبديه .. وش انا ناسيه .. الحريم اذا رجعن من السوق .. حالتهن حاااااااله .. بس وناااااااااااااااااااااااااااااااااااااااااااااااا سه .. من تآخذهن من السوق ويركبن السياره .. يبداء الحسااااااااااااااااااب .. هيله انا يوم ادخل للسوق ومعي 1500 ريال .. وهالحين مامعي الا خمسة اريل .. ورااااااااااااااه .. ماشريت الا تيور وبلوزتين وهالسماط جازلي من عند راعي المواعين .. اصبري الين ناصل للبيت ونفل اغراضنا ونحسبهن .. لاياهيله تراي معطيتس 300 عند راعي النعال .. هو .. هماي رديتهن لتس يوم تشترين بريقات العدن .. ياربيه .. انا ما ادري وشلوني .. كود لارحنا للبيت اشوف .. اوووووووع ع ع .. <<((== هذا فرامل السياره .. والله ياهي تبيك هالفرامل بعد .. مدحت .. نزل اغراضنا الله يعدي عنك .. ولاتنسى شي .. تراك دبشة انت .. بتلة نلقى نص اغراضنا بالسياره .. <<<(((== وين راحت الله يعدي عنك .. وراه هونت وخربته .. اوه .. واوك يارجلينيه والله يانا ماأقوى اوقف .. يانوره يانوره .. جيبي لي ماء .. والله ان ريقي ناشف اعوذ بالله .. تعالي ياهيله خلينا نشوف اغراضنا وباقي دراهمنا .. دوتس انتي هيلاهوبات عيالتس .. وش جابهن عندي .. وانتي خوذي سراويل رجلتس حاطتهن معي .. اوف والله ياهاك اليماني انه اعوذ بالله عيا ينزل لي ولا ريال اباخذ منه قماش لعرس اللولو .. اقول خلينا نشوف الحساب هالحين .. اي والله تكفين اولاه .. ماش احس اني ناسيتن شي .. هذولي بلايز اخذتهن بــ300 وهذوي التنوره بــ80 وهذا التيور بـــ 160 وهذولي سراويل ابو عيالي بـــ90 وهالبدله جايبته لسليمان جازتلي بس ما ادري هي مقاسه والا لا .. دربية الله يصلحه ماعمري جبت شي وطلع قده .. تعال ياسليماااااااان البسه ابشوف هي مقاسك والا لا .. وان كانه ضيقه اوقف لاتلبسه تقعد تشقه علينا همن ماريجعه .. اخذته من هاك الشويب بــ70 والله اني لاقيته عند المعرض اللي على الشارع العام بـ120 وهذي شلحة لخالتي موصيتن عليه .. تبيه على لون ركبته .. اخذته بــ40 وطقم هالبرقااااااااااااان اخذتهن من السيف بــ400 وهالزمزميات اخذتهن بــ250 اعوذ بالله تكسفت كل ماطلعنا لاستراحه افشل ماعندي زمزميات زينات .. عندي ثنتين ياخذهن هالدبشة مدحت لأخوياه وينساهن عندهم .. عاد هو دبشة الله يحفظه بتله هو ينام عندهم .. همن يجيبونه اخوياه يتشاقلونه ويجدعونه بالملحق .. وينسى الزمزميات .. شوفي بكم صارن هذولي هالحين .. هذولي يطلعن بــ1405 .. يابنيتي هذا ميلااااااد مدحت .. طيب كم يبقى من الــ1500 .. يبقى 95 ريال .. انا معي هالحين خمسه .. اجل وين راحن التسعين .. تكفين عيدي الحساااااااااااااااااااااااااااب .. <<<(((== عسى مايشتغلن صرافات بالبنك هذولي .. ياربيه وين راحن هالتسعين .. ايه ايه ايه .. اصبري اصبري .. هالحين يوم اشري درزن السراويل لأبو عيالي بتسعين .. اخذت درزنن ثاني .. لأنه بتله يفحج وينشقن الله يخلف علينا .. قلت أبشري درزنيين .. واوك والله ياهي حاله بعد .. .. معاناااااااااااااااااااااااة دائمه .. والله يعين اللي يوديهن للسوق .. وناااااااااااااااااااااااااااااااااااااااااااااااا اااااسه ..
__________________
. . .  .. قلب البحطلة ينبض ..ينبض ينبض ينبض .. . آخر من قام بالتعديل مدحت شوقي بريده; بتاريخ 13-08-2005 الساعة 11:29 AM. |
|
|
13-08-2005, 11:40 AM
|
#2 |
|
عـضـو
تاريخ التسجيل: Mar 2004
البلد: لـــهـــبُ الــشــوق ..
المشاركات: 5,458
|
هههههههههههههههههههه ..
ههههههههههههههههههههههههههههه .. هههههههههههههههههههه .. هههههههههههههههههه .. الله يقطع شيطان أبليس ولد جيرانكم .. أجل تقول لك .. مدحت .. نزل اغراضنا الله يعدي عنك .. ولاتنسى شي .. تراك دبشة انت .. بتلة نلقى نص اغراضنا بالسياره .. هههههههههههههههه .. وراه خربت أنت دبشة .. بصراحة معه حق .. تاخذ زمزياته وتوديهن لخوياك .. لا ومنهم عاااااااد .. أبو حماد وشلته .. أنعم وأكرم .. طيب أبو العيااااااااال وراهن سروايله يتشققن .. ؟ شكله أعوذ بالله وزنه طنين .. إي والله أنك صااااااااااااااااااتز .. الله يعين اللي يوديهن للسوق .. يجرجرنه بكل مكان .. وأعوذ بالله تحسبه تتعب .. الله يهديهن بس .. والله بعض المرااااااااااااات أن عندهن إسراف مهب معقول .. تخيل ثوب بميتين بمية وسبعين .. وين ذابه يا أخوان .. 200 تعبي به مرتين .. ولا يشرن بدلات الصغارين بثمنين بتسعين .. والله العظيم اسعار مهب معقوله .. الله يهديهن بس .. وأهم شيء الثوب حق عرس اللولو .. هههههههههههههه .. معاناااااااااااااااااااااااة دائمه .. والله يعين اللي يوديهن للسوق .. إي والله معاناة .. الله يعينه بس .. وناااااااااااااااااااااااااااااااااااااااااااااااا اااااسه .. |
|
|
|
13-08-2005, 12:51 PM
|
#3 |
|
عـضـو
تاريخ التسجيل: Jun 2005
البلد: أهوى الصلي بالدشكه / والرمي بالشلكه.والضرب بالموخه
المشاركات: 340
|
تسلم على المقال الي يقطع التسبد .......
ومن ناحية الزمزميات والله وماأدراك أني امبهذل الأهل بالنسيبان.......مع الشباب ..... والفرشاااااات...ضروري انساهن !! واما نسيتهن ماأعد روحي كشت!!!!!!...... |
|
|
|
13-08-2005, 01:01 PM
|
#4 |
|
عـضـو
تاريخ التسجيل: Feb 2003
المشاركات: 1,552
|
والله ياانت حبيب مدحت....
ولو يهاوشنك وانت تدهدر دميجك ماتقول شيء... والله سراحة صز الشرهه على اللي يوديهن للسوق...
__________________
قال الفضيل ابن عياض: ( لو أن أهل العلم شحوا على دينهم , وأكرموا العلم وصانوه , وأنزلوه حيث أنزله الله , لخضعت لهم رقاب الجبابرة وانقاد الناس لهم , ولو اشتغلوا بما يعنيهم لعز الإسلام وأهله , لكنهم استذلوا أنفسهم , ولم يبالوا بما نقص من دينهم إذا سلمت لهم دنياهم , وبذلوا علمهم لأبناء الدنيا ليصيبوا مافي أيديهم , فذلوا وهانوا على الناس)
|
|
|
|
13-08-2005, 01:19 PM
|
#5 |
|
عـضـو
تاريخ التسجيل: Sep 2003
المشاركات: 1,670
|
ابو ابراهيم ارفق علينا ...
الله يرحم اللي جابك موتنا ضحك .. اتصدق انك ونستنا انا والواالدة والخوات يوم قريت الموضوع عليهن .. قالت لي انت قاص لهم وش انسوي هههههههه مشكور..
__________________
" لايستطيع أحد أن يذكر قائدا عربيا واحدا كان له في ميدان النصر تاريخ إلا وهو متدين إلى أبعد الحدود , ولقد أحصيت عدد القادة الفاتحين فكانوا 256قائدا عربيا مسلما منهم 216من الصحابة و40 من التابعين عليهم رضوان الله تعالى أجمعين ." (محمود خطاب) |
|
|
|
13-08-2005, 01:28 PM
|
#6 |
|
عـضـو
تاريخ التسجيل: Apr 2005
البلد: على ارض العزه
المشاركات: 255
|
ههههههههههههههههههههههههه
تنسييييييييم مدحت عاشت ايااااااامك.... انا ماتحوم تسبدي الا اذا قالولي ودنا للسوق نبي نمر محل وعلى طول بنرجع ثمن لارحنا تبدى المعاناه .... اتلاحق انا وياهن تقل نلعب غميمه يالله يامره مشينا اصبر نبي نشوف هاك المحل وخذ هوااااااااش ومشاااااااكل .... الشرهه على اللي يوديكن للسوق... ثمن لاجت المره الثانيه يزرن علي يغدن غصه بحلقي نبي السوق ياحبيلك ....... وعلى هالمنوال والمشكله ان هالحريم محرقه دراهم والله ماتنشد عن الرياااااااال ........ الرجال يكد ويتعب والحرمه من هناااااك تطيرهن باتفه شي !! وماتستانس المره الا بالغالي الرخيص ماعليه سوق ان تسان اهنا شي رخيص....... يحتسي علي واحد يشتغل بالقماش يقول جتن هاك المره قالت ابي قماش من نوع **كتان** ومر يطلعله القماش قالت بكم قال بهالقيمه قالت لا مهب هذا الاصلي... يقوووووول خوينا قلتله ايه تبين الاصلي واتشطر عنه شوي.... ثمن رجعت بنفس النوعيه بس رفعت قيمته قللت ياعمه هذا الاصلي بس غالي شوي شافته قالت ايه هذا الاصلي (( ايقاله دبره الله يخلف على رجله)) طبعا حيثنه غالي صار اصلي .... الله يعيننا عليهن ... |
|
|
|
13-08-2005, 11:23 PM
|
#7 |
|
.. وللشطوب نكهة و نكهة ..
تاريخ التسجيل: Feb 2002
البلد: هناك
المشاركات: 16,085
|
قناص الروس .. هلا بالبي .. شف عااااااااااااااااااااد يابعد معاليق ركبتي .. المرأه تعطيه 3000 ريال او تعطيه 20 ريال .. لاتفكر انه تبي ترجع وهن معه .. واذا رجعت وباقي معه 20 ريال او عشرة ,, تلفزهن على اللي وداه للسوق .. لأنه لو ترجع ومعه قرووووووش تمرض .. وناااااااااااااااااااااااااااااااسه .. طريب .. يالبي هالزمزمياااااااااااااات بلشه .. ماغير تنزلهن وتركبهن .. والمشكله اذا جبت بيالات وفناجيل معك .. تقعد تدورهن .. هيه انت هذي بيالااتك .. لاانا بياللاتي السيف .. اجل هذولي حقاتك .. وحالتنا حاله .. وناااااااااااااااااااااااااااااااااااااااااااسه .. ابو المهند .. ميخالف خلهن يهوشن .. بس اذا نزلنا كل وحده تعطيك عشرين ريال .. حق قطة عشاء اسبوع مع الشباب .. وناااااااااااااااااااااااااااااااااااااااااااااااا اااااااااااااسه .. فيتامين .. ايه يالبي .. انت كل البارح وانت تقص معاناتك علينا .. تقول هذي حالتي اذا وديت أهلي للسوق .. حتى مايعطونن ولا موية صحه .. صح والا لا يابريماكس .. ماقال امس هالهرج .. <<((== والله ويتم توهيق المذكور بعاليه .. وللردود بقيه ..
__________________
. . . .. قلب البحطلة ينبض ..ينبض ينبض ينبض .. . آخر من قام بالتعديل مدحت شوقي بريده; بتاريخ 13-08-2005 الساعة 11:27 PM. |
|
|
|
14-08-2005, 12:47 AM
|
#8 | |||||||||||||||||||
|
عـضـو
تاريخ التسجيل: Aug 2002
المشاركات: 1,605
|
مرض أزلي .. صعب الشفاء منه  .
__________________
|
|||||||||||||||||||
|
|
|
14-08-2005, 03:00 AM
|
#9 | |||||||||||||||||||
|
عـضـو
تاريخ التسجيل: Sep 2001
البلد: حولك
المشاركات: 7,887
|
مدخت شوقي <=== المستشار يوم إنه أفغاني
 هههههههههههههههههههههههههههه هههههههههههههههههههههههههههه غربلك الله يا المصري و الله من التنسيم العظيييييييييييييم ..
ههههههههههههههههههههههههههههه هههههههههههههههههههههههههههههه ههههههههههههههههههههههههههه أجل نفس لون الركبة .. أنا أتخيل أني راعي محل و عندي شلاح و تدخل علي وحده و تقول لي .. السلام عليكم : أنت هيه يا ولد عندك شلحة نفس لون ركبة خالتي ؟؟ !! شلق عاااااااااااااااااااااااااااااااااد .. أنا أعرف خالتس .. ههههههههههههههه هههههههههههههههه أبو أبراهيم هذا شكلك و أنت تسوق بالحريم موديهم للسوق غصب .. ههههههههههههههههههههههههههههههههههههههه  و الله من زين النفس المصري ..
__________________
.
 . |
|||||||||||||||||||
|
|
|
14-08-2005, 03:22 PM
|
#10 |
|
عـضـو
تاريخ التسجيل: Aug 2002
المشاركات: 302
|
هههههههههه. احسن مقال قريته لك ياابوابراهيم من وجهة نظري هذا. مقال يحكي واقع حقيقي.
|
|
|
|
14-08-2005, 03:30 PM
|
#11 |
|
عـضـو
تاريخ التسجيل: Sep 2003
البلد: بين دفات الكتب !
المشاركات: 11,880
|
هههههههههههههههههههههههههااااي .. والله من الهبااااااااااااال ..! الحمد لله الذي عافا أمي مما ابتليت به كثير من النساء !! محبكم أبومعـاذ
__________________
[POEM="type=0 color=#000000 font="bold medium 'Simplified Arabic', Arial, Helvetica, sans-serif""]لمتابعتي عبر التويتر أو الانستغرام: @ibradob[/POEM]
|
|
|
|
14-08-2005, 03:48 PM
|
#12 |
|
.. وللشطوب نكهة و نكهة ..
تاريخ التسجيل: Feb 2002
البلد: هناك
المشاركات: 16,085
|
بقايا المجد ..
هلا بالبي .. حلوه غميمة .. ههههههههههههههههههههههههههههههههههههه وبعض الحريم الله يهديهن يطلعن عيونك من المكااااااااااااسر .. وراه بميه .. الله يعدي عنك .. خلوه لنا بأربعين .. طيب بستين .. انا بتلة اجيك عندك ماعمرك يوم نزلت لي .. اذكره بعمرك مرة وحده انك منزل لي ريال واحد .. ياحبيلك يالبي اجل تقول ابدخل محل واحد .. اي هين .. يالبي هي اذا نزلت ان شفته احلق شعر ركبتي .. كود تربط رجلك برجله .. يسلموا يالبي .. رموز .. شكراً على مرورك الكريم .. عاااااااااااد دوتس هالسالفه .. مره واحد ازلي من الجماعه .. <<((== ترى جازتله ازلي بس مايدري وش معناه .. المهم يالبي يقول انه يوم جاااااااااااااااااب امه من السوق .. ووصلوا البيت .. وفتحت الشنطة ولقت معه خمسين ريال .. ( اومير تحرن بالسياره ) يعني رفضت النزول من السياره .. تقول تكفى ياحبيلك ياوليدي مر بي على ابو ريالين اللي براس الشارع معي هالخمسين اباخذ به شي .. صدق انه مرض .. هلا بالبي المستشار .. هذا بعض ماعند سماحتكم يالبي .. وانت يالبي تحسب ركبت الخاله رخيصة .. توك يالبي .. والا خل معاذ وأحمد يعلمونك .. <<<(((== مابقي الا يقول اسم الوالده .. وناااااااااااااااااااااااااااااااااااااااااااااااا ااااااااااااسه .. بعدين منهوا هاللي يسوق .. هذا شكله سواق باص خط البلده .. وللردود بقية ..
__________________
. . . .. قلب البحطلة ينبض ..ينبض ينبض ينبض .. . |
|
|
|
24-08-2005, 05:33 PM
|
#13 | |||||||||||||||||||||||
|
عـضـو
تاريخ التسجيل: Aug 2002
البلد: بريدة
المشاركات: 3,316
|
قناص الروس .. الأسعار التي ذكرتها رخيصة جداً .. مقارنة بأقاربي .. فهم يشترون ثوب البنت الصغيرة لا يتجاوز عمرها 3 سنوات بـ 680 ريال تقريباً .. والطفل الصغير عمره سنة .. بـ 300 أو 400 ريال .. وتنورة فتاة صغيرة وحدها بـ 400 ريال .. أحس ان النخيل بلازا .. حصل مكاسب خيالية .. اسراف ..
__________________
 
|
|||||||||||||||||||||||
|
|
|
25-08-2005, 12:40 AM
|
#14 |
|
عـضـو
تاريخ التسجيل: Feb 2005
المشاركات: 295
|
ههههههههههههههههههههههههه
أضحك الله سِـنك يا ابو ابراهيم...... مقال ولا أروع.. . . . . . سياف |
|
|
|
| الإشارات المرجعية |
| أدوات الموضوع | |
| طريقة العرض | |
|
|
النمط المتتابع
