[كرييم]

مغاسل الرهدن تبارك للمواطنين بالعيد برفع الاسعار مضاعفه 100% تغسل الثوب بدل ثلاث ريال رفعوه الى ستة ريالات اين حماية المستهلك دعووووه لفضحهم ومقاطعتهم

[سعداف]

حتى بالرياض بـ 6
أنا أقول لو تركته أنا وأنت وفلان وفلان كان غسل لك مجاناً
بس عندك ناس همج .. يقول شاري شماغ بـ 200 ريال وعاجز أدفع 6 علشان يظبطه لي !!

[المتلولس]

حماية المستهلك قال ماهمهم احد الرهدن حشي فلوووووس كوي الشمااااغ يقول باربع ريالات فرق كبيرررر

[شرشل]

والله كانه يبي يغسل ثوبي لحاله يستاهل اكثر
لكن يبي يحط معه ملابس الخلق لين يصير لون المويه اسود مخضر
ويجي يقول بـ 6 لا وألف لا
3 وكثيرة عليه بعد

[بيتر2]

وش حادك لهم

أملا لك الطشت وغسل اثيابك

[سمو الحرف]

والله يا فيه بنقالي بمغسله مسوي تخفيظات 50% بشارع الاستيشنات

[حمد الصالح]

الرهدن رفعت سعر غسل الشماغ من قبل رمضان، كل المغاسل بـ ريالين وهم رفعوه إلى 3 ريالات!!
يعني 150% .. المراعي رفع 115% فقط ومع ذلك تمت المقاطعة ..

بالنسبة لي ، مغاسل الرهدن خسرتني كثير بسبب البلاستيك اللي يدبسونه بالغترة، تشوف أكثر الغتر اللي ألبسها متقطعة....

[ابو ديما]

اغلب البيوت ولله الحمد فيهن شغالات واشتر غساله اوتماتيك 2000 ريال ومكواه كبس زي اللي عند المغاسل بس صغيره بــــ300 ريال ونشا بـــ10 ريال وخل امك او اختك او زوجتك تعلم الشغاله مرتين ثلاث لحد ما تفهم الشغله .
انا بالنسبه عن نفسي كنت قبل اتزوج لا صار يوم الجمعه كنت اسميه يوم الغسيل العالمي من بعد صلاة الجمعه وانا بالحمام اغسل ملابسي كلها وبعد ما ينشفن ادخل الملحق مجهزه للكوي ودولاب تعليق الملابس تشوفني تقل اندونيسيه وكان عندنا شغاله بالبيت بس كنت احب انا اصلح كل شي يخصني وبعد الزواج الله يخليلي ام ديما راسها والف سيف اني ما المس شي مو مسألة فلوس يا جماعه انتبهوا والله والله المغاسل قذاره بكل ما تعنيه الكلمه

[أبورامي]

قاطعوهم مثل المراعي مايضر

[إليـن اليـوم..!]

يوجـد الكثـير من المغآسل تغسل وتكوي بنفـس السعـر المعتآد عليه مسبقـاَ

لآ دآعي للرهدن وأمثآله.. فآنت تمتـلك ابسـط الحقوق لحمآية نفســــك منهـم..

[لافندر]

اكرررررررررررررررره شئ بالحياة غسل الملابس البيضاء ..لييش؟
لانهن يعين يتنظفن
واكره من ذلك كوي الشماغ..ليييش؟
يقص الظهر والله تعبنا وهلكنا مدري متى تلبسون بدلة ونفتك

[أمير القوافي]

صآآرحه قهررر

6 ريآآل
...
والمشكله ززحمه عندهم


ووووووووووين العقل!!

[بنت قماشه]

شغل دعدعة انك تروح لمغاسل الرهدن , والا كل المغاسل واحد وش الله حادك تروح هناك ..,’

[المتقطع!!!!!]

اقتباس المشاركة الأساسية كتبها حمد الصالح الرهدن رفعت سعر غسل الشماغ من قبل رمضان، كل المغاسل بـ ريالين وهم رفعوه إلى 3 ريالات!! يعني 150% .. المراعي رفع 115% فقط ومع ذلك تمت المقاطعة .. بالنسبة لي ، مغاسل الرهدن خسرتني كثير بسبب البلاستيك اللي يدبسونه بالغترة، تشوف أكثر الغتر اللي ألبسها متقطعة....

كـــــلامــــــــــــك صــــــحـــــــيح



يـــــالله يــــــــــاشباب نــــــبدأ بالمـــــقاطعه....