[Mesh]

السلام عليكم ورحمة الله وبركاته

اه ياربي شفت شي فضيع الليلة يقطع القلب حسبنا الله ونعم الوكيل على كل من يلعب باعراض الناس وعلى كل بنت تفرط بنفسها علشان شهوة زائلة

الليلة كنت بطوارئ مستشفى الولادة والأطفال بقسم الاطفال وفجأة جو الدفاع المدني والشرطة وصار استنفار ودخلو بطفلة عمرها تقريبا 8 شهور تبكي بشكل يقطع القلب وتناظر لوجيه الناس والممرضات برعب وكانت معاها وحده جزاها الله خير شايلتها وتحاول تسكتها وبعد الاستفسار اكتشفنا ان الطفلة لقوها مرمية نايمه بسرير صغير قدام باب عمارة واهل العمارة تفاجأو بالمنظر وكان معاها شنطه فيها اغراضها ومعاها رساله من امها تعتذر فيها وتقول انها تابت والطفلة صحت على لجة الرجال فوق راسها بهالبرد حسبنا الله ونعم الوكيل
والحرمة اللي شايلتها من سكان العمارة جت معاها الله يجزاها خير والبنت جلست تصيح ثلاث ساعات متواصلة وبس تناظر تدور بالوجيه اااه ياقلبي ماانسى منظرها ابد وهي متمسكة بالحرمة واذا اقبلت عليها وحدة من الممرضات انهبلت من الصياح عاد بعد الكشف والتحاليل والمرمطة نوموها بالمستشفى لحالها مدري وشلون بتصير حالها يارب تلطف بها ياكريم

[مسكين قلبي كم يعاني]

الله يلطف بحاله ياكريم

الله يستر على الجميع

[دودي المميزة]

حسبي الله ونعم الوكيل الله ينتقم من أمه وابوه علشان شهوه يسوون كذا الله‏ لايوفق مو بس اللي يسوي كذا لا كل من فكر يسوي كذا سوا بنت أو ولد الله يفضحهم أمام الناس >>لا بعد كاتبه معاه رساله وتقول أنه تابت ياعله تفقدك وهمن قولي تبت ومن أول مره وراه تخليه لعمر 8 شهور وهمن ترميه بعد ماعرفتك وتعلقت فيك ترمينه الله لايبلانا وربي يحفظنا ويحفظ البنات والشباب العفيفين والطفله ربي يلطف بحاله ويكون بعونه ويحفظه

[مسكين قلبي كم يعاني]

اقتباس المشاركة الأساسية كتبها دودي المميزة حسبي الله ونعم الوكيل الله ينتقم من أمه وابوه علشان شهوه يسوون كذا الله‏ لايوفق مو بس اللي يسوي كذا لا كل من فكر يسوي كذا سوا بنت أو ولد الله يفضحهم أمام الناس >>لا بعد كاتبه معاه رساله وتقول أنه تابت ياعله تفقدك وهمن قولي تبت ومن أول مره وراه تخليه لعمر 8 شهور وهمن ترميه بعد ماعرفتك وتعلقت فيك ترمينه الله لايبلانا وربي يحفظنا ويحفظ البنات والشباب العفيفين والطفله ربي يلطف بحاله ويكون بعونه ويحفظه

الله يهديك يااختي لاتدعين عليهم قول يالله يهديهم ام هم ماودهم بس الشطيان
تارهم اخواننا واخواتنا الله يهديهم ويبعد عنهم الحرام يااااااااااااارب

[torki]

تبون الله ما يخسف بنا بعد وين الي يدعون للبراليه الله ياخذهم أخذ عزيزي مقتدر
وينهم الي يدعون أن تكون المرأة في مقدمة أولوياتهم ( لعنكم الله وأخذكم أخذ عزيز مقتدر )

ويا بنات هذا طريق كل بنت تتبع شهوتها أو تكون من رفيقة بنات المغازل الي كثرو الله لا يكثرهم
حسبي الله ونعم الوكيل وش ذنب هالطفلة اذا كبرت وعرفت حقيقتها المره ؟؟؟؟؟؟؟؟؟؟؟؟؟

[ام الشيخ]

ياعمري هي ليتهم يعطونن اياه اربيها عندي مع بنيتي
حسبي الله ونعم الوكيل على من كان السبب
يااناس ودي اكفل يتيم عندي بالبيت بدون تعقيد من دار الايتام بس كييييف؟؟؟؟

[عمدة الريان]

سؤال هل التوبه تكفي مع اهمال الطفله ـوالله اذرفت عيني وانا اقرا الخبر حسبي الله ونعم الوكيل عليهم الله لا يحللهم

[ابوابراهيم2012]

لاحوووول الله خلاص مادام الانسان سوى مصيبه وأثم في حياته ضروري يسوي شي اجرام طفله او طفل بعد جريمته
نسال الله الستر والعافيه

[ضياء الامل]

الله يحمي هالاطفال اااااااااااااااااااااه بس

[~صــاحب الجـــلآله~]

لا حول ولا قوة الا بالله
جزاك الله خير

[أم خالد]

يانااااااااااس ودي اكفل يتيمه عندي بالبيت بس زوووووجي راااااافض كيف اقنعه؟؟؟؟؟

[شهر اغسطس]

لاحول ولاقوة الا بالله

شهوة دقائق تنتجة ندم طوال العمر

ماااااااااااا ذنبهااااااا ؟

[الكنق 2012]

لاحول ولا قوة إلابالله

[نورالايمان]

اقتباس المشاركة الأساسية كتبها عمدة الريان سؤال هل التوبه تكفي مع اهمال الطفله ـوالله اذرفت عيني وانا اقرا الخبر حسبي الله ونعم الوكيل عليهم الله لا يحللهم

حتى انا حسبي الله عليهم تبتي وش عقبه يوم جبتي بنت حررررام الحين الي بين اهلهن عايشات بظلم وشلون ذي مجدوعه مير ربي ارحم به منا

الله يستر علينا فوق الارض وتحت الارض ويوم العرض