[وليد 5]

اشارة الي خطابكم رقم 6444 وتاريخ 24\2\1433 المتضمنه جوله الميدنيه التي تقوم بها اللجنه والتي تضمنت حي الوسيطاء وجزءمن حي البساتين والنقع
بخصوص افتقار هذا الاحيا للسفلته واعادة التاهيل نفيدكم بانه تم استلام هذا المواقع وسوف يدرج صيانته في هذاالعام

[حربي عابر دربي]

اقتباس المشاركة الأساسية كتبها فكــر ^^ كاأنكم في استراحة وحده وجالسين على بوفيه مفتوح وتسولفون مع بعض ... ولا على بالكم احد ....

ايه ولا على بالنا احد من ثقيلين الدم عسرين الهظم الي يجيبون المر


لكن

ليش زعلت يابوربـــــــــــى

[حربي عابر دربي]

اقتباس المشاركة الأساسية كتبها o x y g e n اثبت على شي هل هو متطور تطور نهائي ولا ينقصه اشياء كثيرة ؟ لأنك إلى هالحين مابعد ثبت على شي ..

ينقصها وجودي بينكم طآل عمرك

شكلي اببيع الغنم الي حاطهن بالشعيب مع الوآيت والحمار ومعهن كلبين آرجاحه واطق لي ارض بينكم يالتجار ............

سير

[فكــر]

اقتباس المشاركة الأساسية كتبها حربي عابر دربي ايه ولا على بالنا احد من ثقيلين الدم عسرين الهظم الي يجيبون المر

انتبه .. شكل البوفيهااتــــ مااتنناسب له
.

[أمين بريدة]

اقتباس المشاركة الأساسية كتبها حربي عابر دربي الميزانيات المليارية يجب ان تقسم على البلد بالتساوي ويستثنى المصلحة العامة انا ارئ ان شمال بريده هو الذي استحوذ على جميع المميزات ولا غرابه لانها احياء يسكنها اثرياء ومسئولين وبالتالي لابد ان يجاملهم المسئولين والا مااستفاد من منصبه جنوب بريده يعتبر بوابة بريدة من القادم من عاصمة المملكة وهي في نظري تحتاج الى مجهود كبير وميزانيه ضخمة حتى يتم تحسينها وتجميلها وترتيبها بشكل لآئق شكرا لك ========================================= الملياردير و ولد النعمه -اوكسجين آفندي - لاتفشلنا بردودك الي ما ادري وش اسميها تراك محسوب علينا

احسنت ياحربي ماسك دربه كلامك عقل ولو للمسؤلين استثمار بالجنوب مالقيته كذا
والعجيب اذا بغو يجددون سفلت من اللي من القرون الوسطى بالجنوب يوكلون المهمة لاخس المقاولين وبأقل المواصفات تعال شفهم بالخليج وبالموطأ وبالناصرية تقول هالاسفلت جاي صدقة!!
ننتظر منك المزيد

[أمين بريدة]

اقتباس المشاركة الأساسية كتبها o x y g e n ^^ هه أما عاد ياشيخ الناس تروح شمال عشان ( مؤامرة التجار ) لايسمعك أحد يضحك بس .. كل شي حاطه مؤامرة ، لو يعلق جهازك قلت هذي مؤامرة من مايكروسفت عشان ترفع الاسعار وتدبس المتصفحين .. أولاً ياعزيزي الاتجاه هذا حكومي ماله دخل التجار وهذا الي يحدده النطاقات العمرانية للمدينة وتوزيع السكان يمكن صدفت اثنين ثلاثة شرو مخططات من قديم خلاص هذولاء المتأمرين .. والدليل شوف عنيزة كيف اتجاهها الحين غرب وشرق وجنوب بحكم أن شمال يحدهم الوادي ، وشرايك بعد التجار يحطون جزر وقوارب بالوادي عشان يتامرون على الناس ويبنون بالجزر ويتنقلون بالقوارب هه .. ومن عهود قديمة والناس تروح شمال بكل مدن العالم بعد مدينة الملك عبدالله الاقتصادية الي بشمال الرياض ليش ماحطوها غرب ولا شرق عشان بعد يمكن التجار محددين موقعه ، وعلى فكرة يوجد من التجار من شراء مخططات جنوب بريدة وغرب وشرق مع ذلك الناس مارغبتها ومن كبار التجار بعد .. ثانياً .. اذا مارحت شمال وين اروح تبيني اسكن جنوب عند الوادي ولا غرب يم المزارع ولا شرق بطريق الربيعية .. من البديهي اني بروح شمال بحكم اتجاه المدينة والناس وتوفر الخدمات .. ثالثاً .. ترى مو لازم الواحد اذا عجز عن حاجة يجلس يتصنع مؤامرات ويسوي ان الي مسوين هالحاجة اغبياء وانهم انخدعو ودجاج .. ويجي يسوي الذهين على روسهم ، وتلقاه ساكن بحوش 4 × 6 وينام بالدكة .. وبعدين لو كلامك صحيح على كذا يالله يا أهالي ( الراشديات والريان والاسكان والأفق و وو ) ترى ملعوب عليكم يقول حربي هه .. أما الارقام الي انت حاطها ومسوي أنك فاهم كل زاوية شمال اسمحلي أقولك أني قريتها ولكن اكتشفت أنها ( قرمبع ) مع شوي تناقضات .. التخطيط شمال بريدة سليم ومدروس دراسة دقيقة ، ومحطوط كل أرض فيه ايش بتكون من سنوات وموزعه الأراضي الحكومية والتجارية الي فيه منذ القدم .. أما بخصوص التناقضات الي ذكرتها مرة تقولي أن شمال تطور ووصل إلى قمة التطور بعدين تقولي بالفقرات ( أن شمال بريدة ينقصه خدمات وتجلس تسردها ) هه .. اثبت على شي هل هو متطور تطور نهائي ولا ينقصه اشياء كثيرة ؟ لأنك إلى هالحين مابعد ثبت على شي .. سلاااااااااااام ..

غريبة ردودك يا اوكسجين اللي يقرا كلامك يقول انك تملك ثلاثة ارباع مخططات الشمال؟!!!
ارفق على نفسك لان المسألة نقاش وتساؤل عن حقوق شوارع الجنوب مقارنة بالشمال والمقصد ني حقوق الجنوب مع بقاء الشمال دون تنقيص لذلك قل خيراً.

انظر الى الارصفة، الاشارات، المطبات الصناعية، وكأنها جبال ودون اشارات تحذي..
مرة بالخليج من قوة المطب ارتفع الباترل بالهوى وشفت اللي بالناصرية يتعشون بحوشهم الحمدلله اللي سلمنا.
بعدين السفلتة بالشمال شركات وتحدد لهم تواريخ انهاء عكس الجنوب ياشركة فاشلة تجلس خمس سنين على شارع كيلو ونصف اوتوكل الى البلدية ويبدون هالبنقالة مع بعض الشيبان يكبون من شحن هالقار ويواسون بهالشيول تقول ماسكين حيضان برسيم.
ارجو تفاعلا ايجابيا

[عرين الشمال]

انها مصيبة كبرى ان تفرق بين عطائك لبلدك وانت المؤتمن عليه .

[أمين بريدة]

اقتباس المشاركة الأساسية كتبها وليد 5 اشارة الي خطابكم رقم 6444 وتاريخ 24\2\1433 المتضمنه جوله الميدنيه التي تقوم بها اللجنه والتي تضمنت حي الوسيطاء وجزءمن حي البساتين والنقع بخصوص افتقار هذا الاحيا للسفلته واعادة التاهيل نفيدكم بانه تم استلام هذا المواقع وسوف يدرج صيانته في هذاالعام

الكلام هل اللي يبي يسوي الصيانة شركات متخصصة او بنقالة البلدية طبعا بالتأكيد حقين البلدية هم اللي يسوون الصيانة ولا عندي تعليق على شغلهم

[إبتدائية مناهل التربية]

الله يعين .,
الامانة تكاد تختفي .!

[محمد ابراهيم الجطيلي]

[























center]لا حول ولا قوة الا بالله العلي العظيم[/center]

[ثانوية أبي ذرالغفاري]

جزاكم الله خير

[أمين بريدة]

اقتباس المشاركة الأساسية كتبها عرين الشمال انها مصيبة كبرى ان تفرق بين عطائك لبلدك وانت المؤتمن عليه .

عفواً هي ليست في نظر غالبيتهم عطاء للبلد وأمانة في الاعناق انما ينظرون اليها بمنظار اخر وحسب اهوائهم دون ضوابط او مسائلة للأسف.!!!

[بر الوالدين]

اقتباس المشاركة الأساسية كتبها o x y g e n هو ماهو تجاهل ولكن بالعقل ، أنت تدور الرخيص هذا الرخيص وهذي خدماته .. والناس دفعت عشان تروح شمال لاجل المميزات الي فيه .. أما مسئلة تبي تحط مميزات الي بالشمال نفس الي بالجنوب ماتجي ، ولا راح تجي وهذي جرت العادة في العالم .. شف الرياض جنوبه يفرق عن شماله ، أي بلد كذا .. فلاتجلس تقارن .. يعني انا ماني مسؤول اجلس اسلك لك أنا اقولك اياها بصراحة .. هذا طبعا لاينكر أحد ان لك بالجنوب حقوق ولكن ليست كمثل حقوق الي بالشمال ، يعني لمبات طافية يسوون لها صيانة شارع تكسر انتهى يعيدون سفلتته ، أما تبي كل شي جديد يعني تبي تعيد بنية تحتية هذي ماتجي .. خيررر ههه لو على كذا كان أول من شراء بالجنوب أنا .. ولا وش مسكنا شمال ماشاء الله هالبحر الي يطل علينا ولا هالغابات الي حوالينا وجالسين نتبرد .. ماسكنا الا عشان الخدمات .. فياليت تبتعدون عن المقارنات هذي لان هذي الحقيقة ، رضيتو أهلا وسهلا مارضيتو أرخو الريال وحياكم ننتظركم ..

أنا قريت كلام الأخ الكاتب ولا شفته يطالب بأي حق له

و إنت جاي و تناقشه في أشياء ترفيهيه كما ذكرت و إنه

يقول ( سوولي حطولي )

لا ياخي الرجال و بإخصتار يقول فيه مشاريع في تلك المناطق قائمه و تم إهمالها ولم يتم إنجازها حتى اليوم اللي هي الشوارع و رصفها و سفلتتها ؟ فقط لاغير ؟
يطالب بإنجاز عمل لجميع المواطنين تم تخصيص مبالغ ماليه و إنتهى موضوعه بس باقي ينتهي العمل على أرض الواقع و الآن له سنوات ما إنتهى ، شي تم حفره ولازال محفور لم يسفلت ولم يرصف حتى الشارع لم ينظف ، تحويلات و صبات حتى الآن ما خلص به الشغل ،، .

فهمت ؟؟

[تراحم القصيم]

الله يعين المواطنين والمتضررين