[مدحت شوقي بريده]

السلاااااام عليكم ورحمة الله وبركااااااااااااااااته ..

من أبو علي الى عموم المشاركين معنا بحملة ابو علي للعمرة ..

اليكم أرقام الجلوس ..

الاستاذه نوف .. وزوجه وليد .. كراسي رقم 1و2
الاستاذه هيله .. وزوجه علي .. كراسي رقم 3و4
الاستاذه نوره .. وزوجه خالد .. كراسي رقم 5و6
الاستاذه موضي .. وزوجه صالح .. كراسي 7و8
الاستاذه عائشة .. وزوجه سليمان .. كراسي 9و10
طبعاً العفش كله فوووووق التنده .. وإذا ربطنا العفش ترى ماراح ننزله الا بالميقاااااات ..




*****



اقول لو سمحتي ياإستاذه نوف
قولي لزوجتس هالرومانسي ترانا رايحين لعمرة مارحنا نتمشى بماليزيا ..
خليه يلبس ثوب وشماغ .. ويفصخ هالجنز .. طالعن تقل بعرصي طايحن بحبر ..
وبعدين وش قاعدن يسوي هنااك .. وراه مايجي يركب العفش معنا ..
مايبي بعد نزمه ونحطه بكرسيه ..






*****



يابن الحلاال تراك ابلشتنا ياثور انت وخشك ..
لاتلعب بالنور تولع وتطفي تراك قضيت البطارية

ياإستاذه هيله ..
فكينا من رجلتس هالشريطي ..
من وقفنا وهو ماغير ينقم فصفص ويدور على السيارة ويصبخ بالكبوت وبالبيبان ..
ويقولي كم سيمت .. وهي للبيع والا لا ..
زاد من يوم شفته داعسن عفشه بتلبيسة مرتبة ورابطه بحزام أمان مقطوع
وأنا غاسلن ايديني منه ..
لايحسبنا نبي نعتمر بمعارض السيارات ..
خليه يرفع عفشه يالله نبي نربط العفش ..
..





*****





ياإستاذه نوره ..

روحي طلعي رجلتس من البقالة ..
ياويلي أبلش راعي البقالة يبي يشوف رخصة المحل .. وليه هالبسكوت منتهية صلاحيته ..
يحسب مافيه الا هو مراقب بالبلديه ..
وآخر شي طلع بكيلوا موز ببلااااش .. والله حرااااام ..

ومن وقفنا وهو .. يناظر بهالبيوت ..
هذا باني ملحق بالسطح .. وهذا فاتحن دريشة على الجيران ..
ويوم ربطنا العفش يقول لازم تفكونه وتعدلونه .. لأنه طالعن على الشارع ..
ترى والله ان ما أسكت اني لاأربطه مع العفش ..





*****



عااشت أيامك ياإستاذه موضي ..
ماشاء الله عليتس منظمه حتى بالسفر ..
من هاللحين ملبسة رجلتس الحرام .. ياإنه هدر .. والا إنه منظم مثلتس ..

بس والله ياهوا رهيب رجلتس صاير كأنه رجل آلي ..
إذا صار يمشي وبغي يلف كود يوقف همن يلف .. ماشاء الله كل هذا نظام ..
وبعدين ليه كل ماقلنا لوه كل معنا قعد يناظر الساعة وقال باقي على وقت الأكل ساعة ونص .. خليه ياكل معنا اتركي النظام بهالسفرة ..
زااد اشوفه عصل صايرن كأنه شفااااااااااط .. من قل الأكل ياويلي ..






*****




وش يسوي هذا .. ماشاء الله يوزع أشرطة ..
ياحبيله رجل الإستاذه عائشة .. نبي نخليه المؤذن حق الحملة ولإمام بعد ..
أنا من يوم شفت الشنطه حقت اليحي للحج والعمرة ..
وساعة العصر والجوال مايسكت من الرسايل من الشباب وأنا عارف انه ملتزم ..
اقول يالبي ياسليمان تراك انت اللي تبي تمسك الشئون الدينيه والثقافية بالبااااااص ..
نبي إنشاء الله مسابقات وجوائز .. نبي نفله ..




*****





يالله ياجمااااااااااعة توكلوا على الله .. يالله مشينا ..



سبحان الذي سخر لنا هذا وماكنا له مقرنيين وإنا الى ربنا لمنقلبون ..
اللهم إنا نسألك في سفرنا هذا .. البر والتقوى .. ومن العمل ماترضى ..
اللهم هون علينا سفرنا هذا .. وإطوي عنا بعده .. اللهl انت الصاحب في السفر والخليفة في الأهل ..
اللهم إنا نعوذ بك من وعثاء السفر وكآبة المنظر وسوء المنقلب .. في المال والأهل والولد ..




يالله بسم الله اركبوا ..




وترقبوا الجزء الرابع ..
باص ابو علي في الطريق الى مكة ..

سي يو ..

هذا مايحصل في باص ابو علي لنقل المعلماااااااااات .. جوق بي جوق ..


( الجزء الثاني ) من بااااااااااااص ابو علي لنقل المعلماااااااات .. جوق بي جوق ..

[عابق الذكرى]

:D
هههههههههههههههههههههههههههه

اقتباس بس والله ياهوا رهيب رجلتس صاير كأنه رجل آلي .. إذا صار يمشي وبغي يلف كود يوقف همن يلف .. ماشاء الله كل هذا نظام .. وبعدين ليه كل ماقلنا لوه كل معنا قعد يناظر الساعة وقال باقي على وقت الأكل ساعة ونص

ياحبيل ميده والله انه رهيب أخاف انه المستشار على هالنحف
او المستشار ظلاله
والله انك مطرطع
وننتظر الرحله على ابرد من الجمر ياخلفهم متحت

انجزز انجز الله لك اعمالك

على فكرة قبل ماتنطلتسون على بركة الله
نصيحه لوجه الله
رجل نوف(وليد)لايروح تراو يشوه سمعت المنخرش
وغيرهم من النحافين :D

[د.قلم]

هههههههههههههههههههههههههههههههههه

كم جلست تفكر يوم انك تكتب هالموضوع !!!!!!!!!!!!!

وراه ماتنزلهن بكتب وثمن عاد تشوف لك احد يبيعهن عند جامع الراجحي ولا غيره

وابد تراي مستعد ابيعهن معك بس النص بالنص .......
جزيت خيرآ

[المنخرش]

ههههههههههههههههههههههههههههههههههههههههه

والله انك بايعة يالدب

واوك يابطنية ياربي رباااه

أقول .. والله هاللي ينقم ويدور على السيارة .. همن يطمبس ومقدم رجل على رجل ويناظر تحت
وكل شوي يتفل من القشور
ههههههههههههههههه
ذكرتن بالبدوا هالشريطية

وعاد كن به علم تحسبه يبي يضرب بالسعر

همن يقول 20 الف
الله ينمك ثلاثين على فياقرا 2005 جديدة

لا ويقول تراه مهب جايبتن لك بعه الحين قبل يدري أحد ههههههههههههههههه


----------

اقتباس طالعن تقل بعرصي طايحن بحبر

----------------

هههههههههههههههههههههههههههههههههههه

والله انك بايعه
منين جبت هالتشبيه
اعوذ بالله

قل امين يامدحت

الله يجعله يلحقك قطار بنفق وانت بك حرق

[برجس]

ههههههههههههههههههههههههه
اوالله رحلة عمره
اوالله ركاب

جازلي الاخ على رجلتس ياهيله
تخيلت شكله وهو يدور على الباص
وياما صبخ باب السواق وياما طمبس يناظر تحت الموتر
يقالك يبخص الامور
ههههههههههههههههههههههه
خل عنك والله ياهو ممتع هالجزء
عاد تصدق وماحلفتن اني ماشفت الاجزاء الاوله !!
ابروح ادورهن واقراهن شكلهن مثل ذا واردى

شكل هالمتخرمات طلعن من ضرب السمبوسه واللقيمات

[مدحت شوقي بريده]

اقتباس المشاركة الأساسية كتبها عابق الذكرى :D هههههههههههههههههههههههههههه ياحبيل ميده والله انه رهيب أخاف انه المستشار على هالنحف او المستشار ظلاله والله انك مطرطع وننتظر الرحله على ابرد من الجمر ياخلفهم متحت انجزز انجز الله لك اعمالك على فكرة قبل ماتنطلتسون على بركة الله نصيحه لوجه الله رجل نوف(وليد)لايروح تراو يشوه سمعت المنخرش وغيرهم من النحافين :D

هلا بالبي عابق الذكرى ..
يابعد تسبدي أنت ..

رجل نوف هالبعرصي بلشة ..
وتصدق يالبي من نعومته مآخذن معه ( كمدينه )

يالبي لاتنسى إن الرحلة براعية معجون طماطم السعودية للأسنان ..
ويسلموا يالبي ..

..

[وحيد الخلان]

الله ياخذ بليسك ياسي مدحت أجل هالشريطي وهاللي دخل البقالة يدور المنتهيات صلاحياتهن ..

أقول المنخرش أشوى اللي مانب مدحت قسم بالله أني توحشت يو قريت دعوك عليه ...

[حمامة بريدة]

هههههههههههـ

و الله رحلة حلووووة

بس غريبة ما معهم بزراين بالعادة الوحدة ما تمشيه إلا و بزره معه

و ما غير يصج ...

طيب مدحت

الحين ذولاء وصلوا و إلا للحين صاكن عليهم بالباص ؟

قصة حلوووة ننتظر التكمله

أو تدري حنا الحين بالعشر الأواخر من رمضان

لا تضيع وقتك بذولي خله عقب العيد ازين

[مدحت شوقي بريده]

اقتباس المشاركة الأساسية كتبها د.قلم هههههههههههههههههههههههههههههههههه كم جلست تفكر يوم انك تكتب هالموضوع !!!!!!!!!!!!! وراه ماتنزلهن بكتب وثمن عاد تشوف لك احد يبيعهن عند جامع الراجحي ولا غيره وابد تراي مستعد ابيعهن معك بس النص بالنص ....... جزيت خيرآ

د.قلم ..
هلا بيك يالبي .. يابعد شقوق مخابيتي ..
يالبي أنت ماقالك أحد ان بالرياض حريقة كبيرة .. ودخانه مغطي الرياض ..
هذا أنا سلمك الله قاعدن أفكر ..


بعدين يالبي .. وش تبيع عند الراجحي ..
لاأخلين ياراغب علااااااامة .. <<((== هجت بوه .. وش دخل راغب علاااامة ..
قصدي لاأخلين ياحمد القاضي ..


وش تبيع يالبي .. اللي يسمعك يقول قصص ليلي والذئب .. <<((== متأثر بالمجد ..
قصدي قصص ليلي وقيس .. أو ابو زيد الهلاااااااااااااالي ..

مير مادريت أن ابو زيد الهلاااااالي غير اسمه ..
صار ابو زيد الاتحاااااااااااادي ..
عقب هزيمة الهلال من الاتحاد امس 9\0 ..
<<((== ماقلتلك ياشينوه اذا هجت بوه ..


سلااااام يالبي سلاااااااااااااااام ..

سي يو ..

[الأسمراني]

ههههههههههههههههههههههههههههههههههه
الله يقطع سواليفك يا مدحت..

انا بإنتظار الحلقة القادمة..عجل..

شكريا..

[مدحت شوقي بريده]

اقتباس المشاركة الأساسية كتبها المنخرش ههههههههههههههههههههههههههههههههههههههههه والله انك بايعة يالدب واوك يابطنية ياربي رباااه أقول .. والله هاللي ينقم ويدور على السيارة .. همن يطمبس ومقدم رجل على رجل ويناظر تحت وكل شوي يتفل من القشور ههههههههههههههههه ذكرتن بالبدوا هالشريطية وعاد كن به علم تحسبه يبي يضرب بالسعر همن يقول 20 الف الله ينمك ثلاثين على فياقرا 2005 جديدة لا ويقول تراه مهب جايبتن لك بعه الحين قبل يدري أحد ههههههههههههههههه ---------- ---------------- هههههههههههههههههههههههههههههههههههه والله انك بايعه منين جبت هالتشبيه اعوذ بالله قل امين يامدحت الله يجعله يلحقك قطار بنفق وانت بك حرق

هلا بالبي عصل قريح ..
احمد ربك يالبي أنه مايجيك حرق .. لأن عصاقيلك مايتشاوفن الا عند النوم ..
وأنا عصاقيلي مايتفارقن الا عند النوم ..



يالبي هالشريطي بلشة هذا ..
تدري ان من حبه للسيارات حاطن غطاء الأديتر .. ميداليته حقت المفاتيح ..
تصدق انه يقول انه مهدي زوجته ليلة العرس .. ( رفرف كابرس ) بدل طقم الذهب ..

يالبي الله يعيننا عليه بهالرحلة ..

وسي يو ..

[<<ابوتركي>>]

هاهاهاهاهاهااااااااااااااااااااااااا

[abo suliman]

هههههههههههههههههههههههههههههههههه

أجل رابط قشه بحزام الأمان هههههههههههههههههههههههههههههههههههههههههههه

ياحبيلك .. ولك مني دعوة .. كما دعا أخينا المنخرش

الله يجعلك للحتسة الي بحلمة ديدك ..

[مدحت شوقي بريده]

اقتباس المشاركة الأساسية كتبها برجس ههههههههههههههههههههههههه اوالله رحلة عمره اوالله ركاب جازلي الاخ على رجلتس ياهيله تخيلت شكله وهو يدور على الباص وياما صبخ باب السواق وياما طمبس يناظر تحت الموتر يقالك يبخص الامور ههههههههههههههههههههههه خل عنك والله ياهو ممتع هالجزء عاد تصدق وماحلفتن اني ماشفت الاجزاء الاوله !! ابروح ادورهن واقراهن شكلهن مثل ذا واردى شكل هالمتخرمات طلعن من ضرب السمبوسه واللقيمات

هلا بالبي برجس ..
الصراااحة ان الموضوع وابو علي والباص .. والبعرصي رجل نوف :D :D :D ..
كلهم مستانسين بوجودك يالبي ..

يالبي أجل ماشفت الهدر مراقب البلدية ..
حاطن باقي ثيابه بأكياس زبالة ..

ياحبيلك يالبي يابرجس ..
السمبوسة واللقيمات انا ماأحبهن يجيبن لي الحموضة بالعمود الفقري ..

ياحبيلك يالبي لاتقطع بنا ..

سي يو ..