[الكابتن]

السلام عليكم ورحمة الله وبركاته


---------
تعلمون حال شبابنا في هذا الوقت يجب انهم هم من يصرف على نفسه لكن كيف يصرف على نفسه وليس عنده مرتب شهري...

ذكر لي احد الإخوه من الكلية التقنيه يقول\
شهر 4وشهر5 لم يصرفوا لنا الرواتب
وزعوا في الشهر الماضي بطاقات مصرفيه لصرف الراتب لكن هل هي ((تسكيت لنا نحن الطلاب))أم ماذا؟؟؟


من المسؤول عن عدم صرف الرواتب؟؟
وانتم تعرفون الآن في إجازات وسفرات ويلزم الشاب ان يكون له مرتب
كيف يريدونه مسؤولي الكليه التقنيه هل يريدونه ان يطلب من والده وهو بهذا العمر؟؟
اين تذهب اموال هذا الشهر ومرتبات الطلاب؟؟
من يأخذها؟؟من يسرقها؟؟
أسئله تدور في اذهان طلاب الكليه التقنيه وهذا منهم.
وسيدخل الآن الشهر الثالث وهم بلا مرتب؟؟
---
أليس من الظلم ترك هؤلاء الشباب بلا مرتبات؟؟

نتمنى من المسؤولين الإسراع في صرف مرتباتهم..
هل يرضى مسؤولي الكليه من دكاتره ومشرفين بأن يتم تأخير مرتباتهم..؟بالكاد انهم لن يرضوا
أليس للطلاب ضمير فهم كذلك لا يرضون

لكن؟


حسبنا الله ونعم الوكيل


والسلام عليكم ورحمة الله وبركاته



منقووول

[عطــر الأمــاكن]

الله يعيننا واياكم ..

[الــمـجــد]

كلام سليم أخوي الكابتن

وانا احد طلاب الكلية التقنية , الكلية ماصرفة لشهرين أو ثلاثه , بالأمس كنا نطالب بأن نستلم المكافأة عن طريق بطاقات الصراف وكم هي الوعود التي نسمعها من مسؤولي الاداره المالية واخذوا بطاقات الاحوال لزملائي قبل ثلاث سنوات او تزيد وماطبق هذا القرار إلا بعد ان خرجت حناجرهم من مكانها طبعا الشباب تخرجوا وماشافوا لا بطاقات صراف ولا يحزنون طبعا سببا طلبهم للبطاقات ان الطلاب ( يتكومون ) بالمطعم لاستلام المكافأة وكأنهم يشحذون منهم , طبعا التكوّم له مشاكله من فوات المحاضرات وتاخير الاعمال الخاصة, وبعد ماخرجت البطاقات وليتها لم تخرج كل يوم وحنا مسنترين عند صرافات بنك الرياض , وش السبب من التأخير ؟ ولماذا لم تطبق البطاقات الفصل القادم بحكم انه بداية سنه جديدة ؟, وهذا الامر احد التخبطات وسوء التخطيط بقرارات الكلية العشوائية , ومساكين الشباب اللي يصرفون على عوائلهم من الـ990 ريال المنتظرة كان الله في عون الطالب الخريج اللي مابقي له إلا 3 اشهر ويتخرج , يوم كان يستلم المكافأة كاش كان ماعنده خلاف يستلمها كل شهر اما يوم جت البطاقات المشؤومه 3 اشهر وهو ينتظر ماأقول إلا الله يرحم الحال .

مشكور على اثارة هذا الموضوع

[ابونايف_999]

موضوع جيد وانا سمعت ان المسول عن المكافات انه كان داخال بالدراهم بالاسهم وخسر
وبد يعوض من قروش الطلاب
الله عينه يبي يسال عن كل شي

[قمردين]

أبشر سمعت من مسؤلين في الكلية سيتم الصرف في أول شهر سبعة جميع رواتب خلال 3 أشهر المجموع (2970) ريال .

[A N A S]

الله يكون معاكم يالطلاب في التقنيه .



مشكور

[الصاعقة]

وأزيدك من الشعر بيت .. أحد الشباب يقول قبل ثلاثة شهور بدل من يعطوننا مكافأة 990 عطونا 923 ريال .. ويقولون سيعيدونها في الشهر اللي بعده .. ولم ترجع إلى يومك ..
معاناة صراحة .. وعدم مبالاة من هذه الكلية الآلية للسقوط !

[الليـــزر555]

وأنا بعد أحد الطلاب المظلومين والمقهورين
من قبل أكثر من شهر وحنا نلاحقهم بهالمكاتب وكل ماجينا قالوا الأسبوع الجاي ((حسبي الله عليهم )) الواحد منهم (مبلبط)تحت المكيف ويقول الاسبوع الجاي يسكتنا بس وهو لو يتأخر راتبه يوم واحد كان قوم الدنيا وقعده.
*****************وبعدين ياشباب ليش مايروح واحد لأحد الجرايد ويكتبهم*******************
ألف شكر لك من القلب أخوي كاتب الموضوع

[ابوناصر222]

اعرف واحد من اعيال مايطلع من البيت من سبب الدجة
ارحمووووووووووهم الله يرحم والديكم

[الصاعقة]

أبشركم جاء الفرج


كلية بريدة التقنية تصرف مكافآت طلابها

أعلنت عمادة الكلية التقنية ببريدة لعموم المتدربين فيها بأنه تقرر صرف مكافآت المتدربين لشهر ربيع الثاني وجمادى الاول لعام 1428هـ والبالغة
(3,742,835) وذلك اعتبارا من من يوم الاثنين 24/6/1428هـ وحتى يوم الاربعاء 4/6/1428هـ
هذا وقد أهابت الكلية بجميع المتدربين الحضور لاستلام المكافآت في الموعد المحدد
يذكر أن صرف المكافآت في اوقات الاجازة يشكل عبئا على الطلاب نظرا لكون الاغلبية منهم لايكون متواجد في المنطقة ذاتها كما ان البعض تمنى صرفها قبل ذلك ليتسنى الاستفادة منها بشكل اكبر .

[الكابتن]

بس حبيبي الصاعقه هم مسوين بطاقات صراف لكل طالب يعني مالهم حجه بالتاخير والزحمه اللي يقولونه,,,,




شكرا لك ..

[وحيد الخلان]

الله يعينكم