[saaaaad]

[c].


....... ....







-القصه:
بدايه الحب كما يقال نغزه او دقه بالكتف في نص الاسواق .... ولكنكم سوف ترون قصه حب عجيبه ليس لها مثيل (منتب صاحي يافرناندو) <=== الا منهو فرناندو ....
كان مشعان يتمشي في الحاره في عز الظهريه هو واخوياه سعيدان ودحيم .... وفجأه شطف ددسن من جنبهم ولمح مشعان بنتن متعلقه في حوض ذاك الددسن .... اعجب مشعان بتلك الفتاه وشجاعتها حتي ان عينيه بدت دور حول بعضها تقول كنها مصاقيل صنع جنوب افريقا .... اخذ مشعان باسؤال دحيم قائلن: ابك ذاك الدقسن حق من يادحيم البرصي؟ .... دحيم: اعتقد والله اعلم انه دقسن جاركم ابو شمه .... مشعان: تهقا انهم طقولهم موترن جديد .... سعيدان وبكل لقافه رد قائلن : نعم لقد طق له دقسن جديد من مبطي .... مشعان وبكل مصاله : يازينك ساكت محد قالك تكلم انثبر لا افقع وجهك
اخذ مشعان بتجميع خيوط او وايرات القضيه حتى عرف متي انولدت وباي بيت ساكنه وباي غرفتن تنام .... ومن حسن حظ مشعان كانت غرفه شمه قبال غرفته
جاء صباح اليوم الثاني .... وصحي مشعان وفتح دريشته ويناظر في غرفه شمه ولكناها لم تكن موجوده في سريرها حزن مشعان حزنن بايخن ومال امه داعي .... فرفع بصره الى صطح بيت شمه فوجد شمه تنشر صراويل اخونها فوق السطح .... استانس مشعان حتي غدا كانه ضبن تصعب السيطره عليه في البر .... ذهب مشعان الى محلات الرمايه لكي ينشد ناظور روسي الصنع .... فا اشترى واحدن بيقمه 500 ريال <=== والله لو انك تصيد صقور ماشريته
ذهب لكي يدربل شمه من فوق صطح بيتهم ولكن سرعان مانقز ابوه فوق الصطح ومسك مشعان مع قلابي ثوبه وقال له : علمن ياصلك ويتعدا مقفاك لو اني اشوفك فوق الصطح مرتن ثانيه بادفك من فوقه والناظور ذا انا باخذه طلعتن للبر وبعدها با اكسره يالدب الاشقر .... فاخذ مشعان يومي(اي يدربي) دمجته وباشاره انه فهم الكلام ....
ذبه والده كانه يرمي قطعه منديل توه منغف فيها الى الارض وتركه يتبحث على الارض كاي تيسن يذبح في عيد الاضحي .... وما ان نزل ابا مشعان اخذ مشعان بالمهايط والمزاعق حتى كاد ان يسمعه من يسكن بالبطحاء .... طلع اباه مرتن اخرى ومسكه مع القلابي حقه واخذ يرزع به ميمنتن وميسرتن وعلقه فوق اريل التلفزيون لكي تصلخه الشمس وكي لا يحترك .... ذهب والده وتركه معلقن فوق الاريل ...
وماهي الا دقيقه او دقيقتين حتى طلعت شمه تنشر الدفعه الثانيه من الغسيل واصبح مشعان في مكان يسهل طريقه القز واختلاس النظر الي صطح الجيران فانقلبت حاله ميه وثمانين درجه حتي طاح به الاريل بسبب الوزن الزايد <=== عاد تعرفون ليه ياشباب
قام مشعان واخذ ينفض ثوبه مستعدن لدخول المنزل فاخذ يهايط ويقول: ماما ماما <=== تحسون انه بزر .... زهبي الغداء على بال ما انزل .... لم ترد امه التى لم تكن موجوده بالبيت اصلن .... فاخذ يستشعر الحركه .... فلم يكن احدن موجودن بالمنزل .... فطلع الى الشارع ولم يجد سيارات الجيران التى صافطه امام المنزل .... ذهب الي التلفون مسرعن ودق على شمه منتهزن الفرصه عدم تواجد اهل شمه بالبيت



مشعان : الوه .... شمه : مين .... مشعان : نسينا ياقشره .... شمه: اقول لايطول هرجك من معي لا اصمخ التلفون بجبهتك .... رد مشعان بكل عفويه : طيب ابو كرش موجود .... شمه : لا يا اقشر غلطان بالرقم .... مشعان بكل معنى الدلاخه : طيب اذا جا خليه يتصل .... شمه : شكلك تحب تستهبل انا احب النوعيه هذي من الشباب .... في هذه الاثناء صفط مشعان على جبهته من هول ماسمع .... مشعان : يعني افهم من كذا انا صرت خويك .... شمه : انت مشكلتك الاستقبال عندك ضعيف ايه ياخي خلاص ....



اخذ مشعان بالمطامر حتى كاد يحب السما من علو مطامرته .... وفجئه طب عليه والده واخذيرفسه كما ترفس الكره في ارض الملعب والتي انتقدته منظمه حقوق الحيوان على اسلوبه في تربيه ابنه .... رقي مشعان الى غرفته وبعد وهله من الزمن اخذ يفكر كيف يشبك خضرا معه لتطلع معه في موعد (ديت يعني)
فاخذا يصقع بدمجته في الجدار حتى طلعت من جبهته اصوات غريبه مثل صوت علبه التونه حينما ترفس بالشارع وهي فاضيه .... فجأه طلع فوق راسه لمبه ولكن الفرامل لدي جبهته مجيمه فصقع راسه بالجدار وانكسرت المبه فضاعت الفكره <=== متأثر با افلام كرتون ونزل الدم من جبهته بسبب القزاز المنتثر



طلع مشعان الي الشارع ليجد دحيم يلعب بالكره مع مجموعه من مبزه الحاره وذهب مشعان ناصين دحيم حتى وصل عنده وقال له تعال ابيك في باسورد <=== يامقطعهم انت يا انقلينزي .... ذهب دحيم كله اذنن صاغيه لهذا الباسورد الغريب .... فقال مشعان : قل قنسب بالله ماتعلم احد .... رد دحيم : قسنب بالله ما اعلم احد ..... مشعان : شفت ذيك البنت الي كانت متعلقه في حوض الدقسن .... دحيم: ايه .... مشعان كلمتها وطلعت تحبني .... دحيم : ومن متى تحبك .... مشعان: مالك دخل


دحيم وهو ناوي ينكب ابو مشعان: قسنب بالله لا افضح سرك انا مالى دخل طيب طيب ادخل نفسي غصب



ذهب دحيم الى بيت سعيدان قال له السالفه من طقطق الى سلام عليكم .... سعيدان : وش تبي مني اسوي الحين .... دحيم من واقع خبره: ابيك تتمنذل عليهم زي ما تمنذلت على سواقكم وشغالت جاركم .... سعيدان: دامها كذا فابشر بها
ذهب سعيدان الى الحاره وكتب عند كل باب العباره التاليه : ام+اش=قيس وليلي <=== قالو لك يبي يفضحهم .... المهم جا اليوم الثاني وكتب عند كل باب تحت الى كتبه الليله الي راحت اش+ام=حب يضوي .... واليوم الثالث كتب تحت العباره هذيك : عان+اتش= حب دريشه مقابل دريشه .... المهم الناس ذولي دلوخ قالو وش الكلام ذا والله عالم فاضيه
من زود نذاله سعيدان كتب تحت الباب حق بيت ابو شمه مشعان وبيت ابو مشعان شمه <=== والله نذاله



المهم هذا الكلام مافهموه اهل الحاره لان عقولهم تنك فاضيه حتى مشعان نفسه مايدرى وش صاير .... المهم قرر مشعان انه يكلمها بالتلفون ويعطيها كاش في وجهها عشان تطلع معه .... فعلن دز لم كبينه تلفون ودق عليها بس رد ابوها .... مشعان : الوه هاى ياقمر .... ابو شمه : قمر يشق وجهك من انت ومن تبي .... مشعان : شوشو مالها داعي تروعيني كذا اهرجي زين .... ابو شمه:جعل عينك تشوش قل امين يابن الكلـــ... مشعان توه يستقبل : اقول ابو صنيتان موجود .... ابو شمه : لا يا الهيس الاجرب الرقم غلط .... مشعان : طيب اذا جا خله يكلمني <=== من زود اللخمه
عدت ساعه كامله ثمن دق مشعان على بيت شمه مرتن اخرى .... وردت شمه



مشعان : الوووه .... شمه : هلا انت مين .... مشعان : نسيتي مشمش .... شمه : مين مشمش ذا يمكن غلطان بالرقم يالهيس الاجرب .... مشعان : انا مشعان .... شمه : يوه معليش الا من مشمش ذا <=== يحتاج لها قرن عشان تتعلم اصول التدليع .... مشعان : ماي نك نيم .... شمه : وشو ماي نك نيم لايكون قصدك شين ثاني .... مشعان: لا لا اقصد اسم الدلع حقي .... شمه : وع عليك مدلع يادب .... مشعان : لاياحياتي بس اخوياي بالمدرسه ينادوني مشمش .... شمه : اها قولى كذا من اول .... مشعان : ياقير حياتي يارفرف ذكرياتى ياكوبس عينيا انا بدونك اروح تشليح <=== شكله مكانيكي .... شمه : الله الله كل ذا لى .... مشعان: كل هذا واكثر فقط قناه الام بي سي <=== فاصل تنسيمي .... شمه:طيب وش تبي انا مشغوله الحين .... مشعان : ابروح السوق بكره فقلت ماودك .... في هذه الاثناء قطعت شمه كلام مشعان قائلتن : تكفي يامشمش ابيك تجيب لنا شويه خضار و2طبق بيض <=== ماكذبت خبر
مشعان وهو مقفله معه:ايش هاذا يا اختى انا ابيك تجين معي بنروح نسير بالبطحا .... شمه : لا والله مواعده واحدن ثانى بكره بنروح لم الفيصليه



في هذه الحاله هستر مشعان واخذ يلعن ابو جدتن جابت شمه .... حبس مشعان نفسه في غرفه بلا دريشه وبلا باب <=== اجل كيف دخل .... واخذ يفكر في حيله (اوكما قيل نذاله) لكي يمنع شمه من مقابله ذلك الرجل الغريب .... وجلس ينغف وينظر الي السماء في نفس الوقت .... وما ان ضهرت المبه حتي صمخت دمجته بلكه وانكسرت لمبه تفكيره .... واخذ يصارخ ولكن لم يابه له احد .... فقرر ان يخبر سعيدان بالسالفه لعله يجد له فكره .... ذهب الي سعيدان واخبره السالفه من طقطق الى السلاسل والجبال .... ولكن سعيدان لم يسمع كلام مشعان وظرب به عرض الجدار .... قام مشعان ينغف وهو ينظر اليه نظره حقد <=== لا ياكين شمروك ....



قام مشعان بوضع كميره مراقبه لقز تحركات شمه ومع من سوف تطلع .... عدى النهار كله ولم تظهر اي حركه تذكر .... فاخذ مشعان بالنعاس وبدت سعابيله تقطر على كتفه .... فصحي من سعبوله صقطت على على رجله <=== لا انتينو بندايراس .... فصحي فاذا بشمه تطلع من المنزل ولابسه عبياتن مخصرتن وشفافتن بعد .... تزغللت عينا مشعان حتي اصبحن حبات لوز مستوي <=== ابوك يالتشبيه .... فخرج مشعان لكي ينكب عفش ابو من جاب شمه وماجاورها



فنقز الى الشارع واسرع الى الباب ونقر على الجرس نقرتن ليست بالهينه .... فقمز ابا شمه لكي يفتح الباب .... واخذ يرازع بمشعان ميمنتن وميسرتن <=== اخلاق سياحيه .... واخذ يعاتبه قائلن : وش تبي ياوجه الشوم .... فرد مشعان : شمه طلعت مع رفيقها بيروحون لم السوق .... ابوشمه : وشو يالهيس الاربد؟ .... مشعان : الى سمعت.



طق عرق ابا شمه واخذ البندقيه وركب الددسن المهربد الذي يشير عداده الى نهايه عمره ومسك بيد مشعان وقال انقز معي ابوك لا ابو الى جابك .... فهم مشعان بالركوب .... وما ان ركب الموتر حتى انطلقت بسرعه الديابلو (لمبرغيني ) .... حتي اشار مشعان باصبعه الى كرسيدا قديمه يكاد صدمها الخلفي يصقط لولا وجود المسمار المصدي الذي يمسكها .... واخذ ابا شمه البندقيه واخذ يقنص الكفر طع بوع بيع كاخ <=== صوت الرصاص ..... ولكن للاسف لم يصبه لان كفر الموتر صخيف .... ويقول ابو شمه لمشعان ادعس واحجر لهم من قدام .... فما على مشعان الا التنفيذ .... ودعس البنزين الى الصاجه



وما ان تعداهم حتي صرخ ابا شمتا قائلن: تل الجلنط لا افقع وجهك تله الحين .... فتل مشعان الجلنط واخذت الددسن بالمطامر حتى صفطت على جنبها .... صحي ابو شمه بعد الحادث على الفور وسحب بندقيته وخلا كل الصيارات توقف .... واخذ يدربل من بداخل الصياره بحجه التفتيش <=== يعني شرطه سريه .... ويلقي الكرسيدا صافطه باخر الصف وذهب اليها مسرعن ومهرولن .... وفتح السائق الدريشه وهو يقول له : ياعم ابو شمه صار لك شي .... ويشوف بنته معه ويستانس




وهو الى يدز لم موتره ويطلع مشعان ويرازع به ميمنتن وميسرتن وهو يقول له : يالدب خدشتا حياء شمه <=== مدري وش معناها لكن احس انها قويتن في ذا .... فرد مشعان : ليه ؟؟؟ .... قال له ابو شمه : الله ياخذك ذي
7
7
7
7
7
7
7
7
7
7
7
7
7
7
7
7
7
7
7
7
7
7
7
شغالتنا السودانيه
طاح وجه مشعان ارضن بقوه ارتطام الطائره في برج التجاره <=== ابوك يالتشبيه .... واخذ يجر اذيال الهزيمه خلفه وامامه وعلى يمينه وعلى يساره .... قيل ان مشعان اعرس على اخت سعيدان النذل وخلف عيال قمه في النذاله والبثاره والتخلف العقلى .... باختصار طلعت كل الامراض فيهم .... من كثر مادعا اهل الحاره على سعيدان واهله





يخليــــــــــــــــــــــــــكم ربي
تحياتي للجميع

saaaaa

ملطووووووووووووووووووش



.[/c]