[عراوي]

السلام عليكم ورحمة الله وبركاته..

ودي أطب بالغويط مباشرة..
وخاصة لما أراه ممن حولي بالرياض..

القصمان وما أدراك مالقصمان..

إنهم شعب الله المختار في نضر المتعصبين لها!!
(استانسوا يالقصمان)


لو تسأل شخص (متشيّخ) عن أهل القصيم لقالك:
إنهم أناس متشددين ، متزمتين ، متنطعين..

لو تسأل شاب من هالشباب الزقرت(الزحيف) عن أهل

القصيم تسان قالك:

بزرنجية ماهمّهم إلا الربع والهايلكس والبزران..
إلكم أحد هذه المواضيع:
http://www.al-hora.com/showthread.php?t=13332

لمذا حكم الأول بذلك؟

ولمذا حكم الثاني بذلك؟


لأن من يتهجم على القصمان خصوصا وعلى الناس عموما ، تجد أنه لا يبحث إلا على الشئ السيئ..


فمن يريد أن يسب الرياض يقول:
الرياض كله حفريات..
الرياض كله زحمات..
الرياض كله دخنه..

ولا ينضر للرياض على أنها:
فيها أغلب الوزارات..
فيها أغلب الجامعات..
فيها أغلب المشايخ وطلبة العلم..

هذا مثالا واحدا لذلك ..



فمن يسب القصيم هل يعلم ما خرج منها من كنوز؟

1- العلماء.

2- الخطباء المفوهين.

3- التجار.

4- طلبة العلم.

5- المناصب العالية بالدولة.
أم أنه يغض الطرف؟



كلمة أخيرة:

من يبحث عن الخير يجده..

ومن يبحث عن الشر يجده..

في أي مكان وفي أي زمان..




تحياتي لكم إذا تفاعلتوا..

[قباصة من القباصات]

وإذا ماتفاعلنا ؟؟!!

[المسفهل]

الحمــد للــه ثقتنــا بــأنفسنــا وبـ [ بقصيمنـــا ] كبيــرة ولا يضــرنــا مـُــريــدي تشــويــه الصــور وقلــب الحقـائـــق وإلبــاسنــا لبــاســـاً لــم نلبســــه ، أو إنتــزاع لبــاسنــا الــذي عـُـرفنــا بـــه

[#..بنت الخوالد ..#]

قـل لرياح اذاهبت غـواديــهــا ..::.. حي القصيم وعانق كل من فيهـا
هذي من شيخنا عائض تكفينـــا عن الكل ..

والله يعطيك العافيه يالغلا

[عراوي]

تسلمون يالغالين..

قباصة:كل واحد حر بنفسه ، واللي يتفاعل له تحيّة..

المسفهل:
فقدناك وينك؟
تسلم يالغالي أكيد الي واثق من نفسه مايضره كلام الناس..

بنت الخوالد:
ما قصرتي..

[صافي النية]

اقتباس المشاركة الأساسية كتبها المسفهل الحمــد للــه ثقتنــا بــأنفسنــا وبـ [ بقصيمنـــا ] كبيــرة ولا يضــرنــا مـُــريــدي تشــويــه الصــور وقلــب الحقـائـــق وإلبــاسنــا لبــاســـاً لــم نلبســــه ، أو إنتــزاع لبــاسنــا الــذي عـُـرفنــا بـــه

كلام جميل
وشكرا لك اخي على الموضوع المهم..

دمت بخير..

[محمد ديارا]

اعزكم الله (دع الكلاب تنبح والقافلة تسير)

[عراوي]

صافي النية..
محمد ديارا..
مشكورين عالمرور،،

ولكم تحياتي..

[زرزور]

كيف الحال

ما يسب القصيم الا جاهل

[mnm]

والله ونعم بالقصمان
عشت أفضل ايام حياتي في القصيم وبالذات بريدة
لاكن بصراحه وبدون زعل
القصمان بشكل عام فيهم كبر وشايفين انفسهم اشوي وفيهم حسد .. أنا ادري هذي الصفات بكل مكان بس أهل الاختصاص انتم
وما نبي تفتح مواضيع ثانية لأسباب امنية..
ايه والله هذي الصراحه أما من ناحية نعم والله والف نعم
............طيب أهل الجنوب وأهل الشمال(حايل)وأهل الرياض وأهل مكه والزقرد الباقين وين راحوا...
واتمنى من الله ألا تشملهم الاية(( يحسبون كل صيحة عليهم )).

[@@ المجاهد @@]

أبي الإسلام لا أب لي غيره **** وإن افتخروا بقيس أو تميم

[@المستاتب@]

ان منب قصيمي ان
7
7
7
7
7
7
7
7
7
7
7
7
7
7
7
7
7
7
7
7
7
7
7
7
7
7
7
7
7
7
7
7
7
7
7
7
7
7
7
7
7
7
7
7
7
7
7
7
7
ان اخبوبي

[جســــــاس]

اللي يسب نقوله : القافلة تسير والحمير تنهق ...

وإليكم القصيدة الرائعة لأبو علي الدخيل ...

قالوا قصيمي قلت ربعي هل الطيب ** نعم قصيمي رافع الراس للعال

ماني من اللي يمسك الحبل للسيب ** أو يرخص الشيمة لأبوا فلان بريال

أنا قصيمي وآل سـعود المعازيب ** وداري القصيم ديرة الجد والخال

ديرة رجال حاشت المجد والطيب ** لعل تسقيها المخاييل همال

دار النشامى ناطحين المواجيب ** اللي مراجلهم للأجيال ميثال

حنا حمينا الدار غصب بلا طيب ** وتاريخنا المشهور باقي ولا زال

ويش قال لك العوني وقوله بنا مصيب ** قال الشرف قال الحقيقة والإكمال

ما هيب هرجات تردد كاذيب ** لمتخلفين الناس تنشر بالأقوال

جماعتي ربعي رفاع المناسيب ** من روس قوم صوتهم جال وجتال

سنايدي إلى جاء للصعب طلاليب ** نطاحة الكايد حسيمين الأفعال

قطاعة البيداء على شمخ النيب ** وعلى القدم داسوا مصاعيب وجبال

ومن ديرة البصرى على الشام تغريب ** مشوه رجليه وهم باشهب اللال

هم ربعي القصمان صقور الشخانيب ** أفخر بسمعتهم مع الناس تنقال

مسمين الصلعان عصم الأشانيب ** رجالهم يسوى ثمانين خيال

أنصار أخو نوره بوقت الصاعيب ** يوم الزمان اللي به السلب وقتال

بأفعالهم نفخر وأعلمك يا ذيب ** أصحى تعذربهم نسميك يا حثال

قلته عقب ما شفت هرج الكراعيب ** وشفت الأمور اللي قصيرات وهزال

من سله كله حثايل زقاليب ** ما يعرف الصالح من الطالح الضال

راسي من الضيقة غدا ابيض من الشيب ** ومن بهم فينا على غير مدلال

كانك تسب الدين فالسب به عيب ** والدين شرع الله وهو عز وكمال

وكأنك تسب الحق وأمرا لمعازيب ** فقلبك مريض وبك عذاريب وخبال

والأمر بالمعروف ما به معاييب ** لا والذي نزل تبارك والأنفال

ما يرتضي بالجور حتى الخراعيب ** وطيش الكلام الشين للنفس غربال

أشكي على أهل العرف حيثه لنا تثيب ** وعلى الرجال اللي يسمون عقال

ودي كلام الحق يلفظ من الجيب ** وراعي الخطا يعدل عن الميل لا مال

أنشد عن القصمان شبان ومشيب ** تلقى رجاجيل لهم وزن وثقال

اللي يعمرون المساجد بترتيب ** وفيها يقرون العقيدة للأطفال

ومنهم قضاة تأخذ الحق وتصيب ** حلالة النشبات في وقت الإشكال

ومنهم مناديب ومنهم مناصيب ** تسلحوا بالعلم في كل منوال

أولاد علي ما بهم شك أو ريب ** تكرم لحاهم عن غلط كل عذال

ستر العذاري الخود بيض الرعابيب ** لاجا نهار فيه عج وزل زال

دونه نبيع الروح بليا مطاليب ** ونارد حياض الموت في كل أبو حال

لا شالوا العصيان شلنا المحاديب *** دون الشرف نزعل ولا نخاف رجال

يا معذربين الناس فيكم عذاريب ** ولو تفهمون العيب ما صرتوا أسفال

لساني له حدود سواة المشاذيب ** وأدرك عسير القول وأبحور الأمثال

مير أستعيب العيب وأدري المناقيب ** والناس ما بيهم يقولون وش قال

يالله يا المعبود يا عالم الغيب ** تدفع شرور الناس عنا والأهوال

وصلاة ربي عد رمل العراقيب ** على نبي للثقلين مرسال
__________________

[Roony1]

اقتباس المشاركة الأساسية كتبها #..بنت الخوالد ..# قـل لرياح اذاهبت غـواديــهــا ..::.. حي القصيم وعانق كل من فيهـا هذي من شيخنا عائض تكفينـــا عن الكل .. والله يعطيك العافيه يالغلا

مشكور يالغالي ..

و والله برد قلبي على كل اللي يتكلمون عــــنا ..


وياليت من هالمواضيع وأكثر وأحسن وننتظر جديدك وجديد الأعضاء ..