[الخفيات]

يا اخوان الطريق الواصل من طريق خضيراء بمجاورة حي الحجاب غير طبيعي بالمطبات الصناعية تحلف ان كل واحد حاطن عند بيته مطب صناعي على شان نشوفه أو المهندس الذي عمل ها المطبات عنده مرض مطبات حاد يا اخوان الظاهر ان الورشات رزقه على الله ثم على ها المطبات ما يمديك تنزل من مطب الا رافعك الثاني وكننا في مزارع عام 1390هـ أو كأن الطرقات اصبحت ملاهي اطفال
والسلام

[ADEEL]

انت شكلك نسيت المطب اللي عند جامع الونيان اول ماحطوه يرفعك ولا ينزلك إلا تكرم بالمجاري

[أبوثامر]

الغريب في مطبات بريدة أنها تنمو بشكل سريع !!
وأنظر لمطبات سلطانة
تحياتي

[لمن الحياة]

لايوجد شارع أو حي إلا يوجد فيه مطبات
المشكله أنهن بعض الايام جبال
شكل اللي يأمر بتنفيذ المطبات ما معه سياره
عشان يشوف الويل"""
وشكرا...








Everby

[المصدر]

تابع المطبات اللي على طريق الأشارة الخماسية بأمتداد طريق الملك فهد(على شارع فندق السلمان)مقابل قصر الضيافة وكأنك بالعصر الحجري
وأن دل هذا فهو يدل على مطالبة أهل بريدة للمطبات بسبب المتهورين من بعض الناس
وأن كانت المطبات مطلوبة في بعض الأماكن فلا بد من وضعها بشكل صحيح ومريح للسائق ولسيارته



تقبلوا مروري ومشاركتي فالمشاركات تعبر عن رأي صاحبها فكل شخص له رايه وتعبيره الخاص به

[بريداوي ونص]

خخخخخ عادي جداً ,, أنا من يوم شفت المطبات الثلاثة اللي على طريق الملك فهد وأنا جي من الشرق , وأنا غاسلن إيدي إن الجماعة اللي عندنا تفهم ,, ماودي أقول إنهم دبش .. لكن فيه أحد يحط مطبات بالحجم ذاك بطريق سريع ؟؟
يعني تخيل أنت تمشي بطريق المدينة السريع 140 وما تنتبه إلا وأنت صادمن مطب , وش بتسوي بعد ما تموت أكيد بتقعد تصيح ويخلف الله على موترك تماماً هذا ما يحدث في ذلك الطريق صحيح في لوحات تنبيه وخلافه , لكن محل المطب غلط × غلط , والدليل شف التحقيرات اللي بالسفلت بعد المطب , في أقل من اسبوع تشوف النفط طالع من كثرهن خخخخ
ويا قلبي لا تحزن لو صدمت ذاك المطب فبدال الحديد حديد , المهم ما تروح في داهية بحدى الشجر الموجود على الجانبين

[سليل العز]

موضة مطبات قال



صارت مرض المطبات من كثرها


ما بقى الا يحطونها بوسط بيوتنا من كثرها


و قسم بالله من كثرها و من كثر ما اعدمت سيارتي اطيح فيها على غفلة


اني صرت اتوقع بالسريع القى مطب


الله يشفيهم بس

دمت بخير

[الـهـواوي]

دام هالمطبات موجودة

عندي لكم مشروع ناجح وهو ياأخوان

( كل واحد يفتحلة ورشة خاصة بالعكوس ، لأن هالجبال أقصد المطبات الموجودة مخصصة للعكوس )

واسْلوا مجرب

أجل ماشفتوا المطبات الي عند مخابز السلمان السلمان

[هماام]

ليتهن مطبات زي الناس يعني ترقاه ولا يظر السيارة

جبال لازم يحك الموتر

[صاحب الجيب]

الصراحة صارت الشوارع لاتطاق من كثرة هالسلاسل الجبليه واشهرها مرتفعات الشرطه الجنوبية
ومرتفعات قصر الضيافة ..ومرتفعات مسجد الرواف الي عند الصانع
الله يكون بعون اصحاب السيارات الصغيرة ... والمستفيد ورش الميكانيكا
(مصائب قوم عند قوم فوائدة )
متى نرى شوارع خالية من المطبات الصناعية .. فشوارعنا مافيها كافيها

[قانون السيطرة]

المطب الصناعي بستم مهب مطب .. فرصة للي يبي يغير زيت السيارة والسوايل .
اليوم أكلت لي مطب من قوته شفت سطوح البيوت ...
بس وش نسوي .. بصراحة أنا مع وضد .
ماهو الحل بنظركم ؟

[رصد الكاميرا]

ولا ننسى مطبات قصر الضيافة الي اذا رقيت الواحد تناظر سطح موفنبيك من كبره

والله تخلف من الامانة .....!!

اقل شي يحطون اشارة ولا مثل ها المطبات عفوا الاجبال ....!!

والله عار على بريدة مدخلها من الشرق مطبات مثل الجبال

بانتظار ازلتها .....!!

[ابوسعود565]

يارجال ماشفت المطب اللي خلف القصور الملكيه من غرب ووواووو مطب فوق مطب (( مدبول )) والله يامره أكلته وطرت وصلت العليا بسرعه

[فاتح القلب]

]
أنا رايي إن البلدية وشوله تلزم على الورش إلا يصيرو ن بالصنا عية

أنه تقوم بتوزيع الورشات الموجوده بالشارع التجاري

بالشوارع الموجود به مطبات كثيرة وخاصة

بالمداخل لمدينه بـــــــــــــــــــــــــــريدة

لأنه الـغريـب على المدينه

لوزوما يبي يحتاج

للورشه