[A N A S]

أهم شئ يقدر يعدل بين زوجاته .


إذا كان يقدر فأنا أقول له تزوج .


تحياتي لكم

[narran]

اقتباس المشاركة الأساسية كتبها مدحت شوقي بريده مطلقة .. بعد اسبوعين .. من قال انه له ذنب .. او به شي ينقصه .. حتي يعرض عنه الشاب .. اللي يعرض بسلاااااامته ماوقفت عليه .. يالبي هذي مافيها شي ناقص .. سواءً كانت بكراً او ثيب .. هذي بحكم اللي اللي ماأعرست .. هالرجال ياشطنهم .. يدورون أي عذروب بالمرأة .. ويبهرونه ويفخمونه علشان تصير لقمة سائغة لهم .. ياخي خله تتمتع بعمرة ..وتفرح وتستانس مثله مثل اللي بنفس عمره .. يجيه شاب مابعد أعرس ويآخذه .. هذي ماهيب ( بايرة ) علشان يدورونه المعرسين .. آخ منكم يالرجال .. يمه منكم .. سي يو ..

حكيم الله يوفقك
قالو ايه نعرف نعدل نسالهم بعدين وين العدل
قل لصاحبك بعد حرام عليك تظره مع الجوار
الجوار مو سهل الله يوفقك
ومو الفلوس والقدره على البيت تخليك تتزوج المطلوب من الزواج الحب والعطف ومو تجميع البزارين
ونثرهم بالشارع ولا عند الخوال ولاصار لهم شي قال خلي اخوانك يروحون فيهم انا مشغول
اقضب ارضك واحترم ام عيالك

[*سـكـر خـشـن*]

هل نتركها نحن المتزوجون بحجة مشاكل التعدد ؟
وهل أعرض الموضوع على زوجتي ؟
كيف أخبرها إذا لم أعرضه عليها ؟
وأخيراً ما ذنبها يُعرض عنها الشاب ؟ و لايتقدم لخطبتها ؟


اسسئلة مؤلـمـه

سااامي

انت طرحت اكثر من مششكلة وكلهاااا تحتاااج لفهم خاااص سسوااء لذاات الشخص وطبيعة العاائلة اوالمجتمع فالآفضل بعيداا عن ردود الآعضااء وكلهااا جميلة ان تتجه الحاالة لشخص معين ويكوون فيه آريحيه بين المعني والمسستشاار

مـجـرد رأي

[sma]

اللي كاتبه الله يبي يصير والمطلقه ما فيها عيب ولاشي خالتي وبنت عمي وبنت خالتي كاهن طلقن وقسم بالله أخذن أحسن الشباب

[التويجري]

يازين قضبة الأرض والركادة ..

وحدة وعسى ..

[قمر بيتنا]

والله ونعم الردود ؟؟؟

تقل الزواج ( لعب دور ) !!!

وش هالكلام وش هالشور العوج ؟؟

اخوي الفاضل :


التعدد ماقلنا فيه شي .. تعدد وخذ لك بدال الوحده اربع .. بس متى ؟؟؟

اذا كانت زوجتك مقصره بشي ..

اما اذا كانت بنت الحلال ماقصرت معك ومأديتن حقها ومرضيتك .. ليش التعدد ؟؟

علشان ترضي فلان وفلنتان ؟؟

تعاقب زوجتك علشان مايزعل ابو االبنت ..؟؟؟؟؟؟؟؟

ياخيي التعدد والزوجه الثانيه مهيب سهله على الحرمه .. يعني فكر لبعدين .. فكر لبعد الزواج .. فكر باام عيالك ..

فكر بعيالك ..

ترى الامور مهيب سهله لهالدرجه ..

( الزجاج لا انكسر مايتصلح)

وزوجتك لامنك كسرتها منتب قادر تصلحها .. واذا ماتم زواجك فاانت الخسران .. خسرت زوجتين مهيب وحده ..

وتذكر ان ابو ابكر وعثمان وعلي .. كلهم ماتعددوا والسبب خوفهم من عدم العدل ( ولن تستطيعوا ان تعدلوا بين النساء ولو حرصتم )..

ولاتقعدون تقولون الرسول اللهم صلي عليه .. لان الرسول تزوج عشر واحل له عشر.. والرسول غفر له ماتقدم من ذنبه وما تاخر ؟؟ والرسلول لم ولن تكونوا مثله ..

اقتباس والله أتوقع بعضهن ينفع بها وبعضهن ممكن تقول طيب ليش تدور غير مادام تشوف هذا بي ثم يقعد بها !!!!!

وهي صادقه ؟؟ اجل وشوله معرس ؟؟؟

اقتباس لو تذكر أسباب الأولين والآخرين ما أقنعتها 0

ماشاء الله عليكم مايجيكم الخير والحنيه وطيبة القلب الا لاجاء العرس !!

[قمر بيتنا]

اقتباس لناس يطيرون اويوقعون نهايتهم يدورون في فلك المصالح مهما تظاهروا بالاخلاق الموضوع ماهو موضوع جمعيات خيريه عندك مشكلة مع زوجتك بسبب برود العواطف فاعلم ان الثانية مثل الاولى لحم حاشي جنب لحم حاشي والذي يريد ان يحسن النسل عليه بتغيير نوع اللحم 0

بعذرك ... شكل من اللحم المستورد !!!!!!

[صدى المنتدى]

اخوي سامي بريدة

اريد ان اوضح لك اشياء لم تصل لك كما اريد

اولا يجب ان اول من يعلم بزواجك زوجتك !!
ثانيا :
طلبت في سؤالك هو كيفية اخباره واجابتي على هذه الصيغة ليس على كيفية اقناعه فلا اعتقد ان زوجة عاقلة طبيعية تقتنع بذلك

دمت بخير

[تباشير المطر ~]

فليـــتزوج على بركــة الله

إن كــان سيعــدل

والأفضــل عـــدم اخبــار زوجته

فتصيــر الأمــور على مايرام بإذن الله

[المستنير]

االله يرزقها رجل ما معه زوجه
هذا تعبير زوجتي

[المستنير]

اقتباس المشاركة الأساسية كتبها نورة 11 فليـــتزوج على بركــة الله إن كــان سيعــدل والأفضــل عـــدم اخبــار زوجته فتصيــر الأمــور على مايرام بإذن الله

تقول زوجتي وشوله الجحاده

[التويجري]

اقتباس المشاركة الأساسية كتبها قمر بيتنا والله ونعم الردود ؟؟؟ تقل الزواج ( لعب دور ) !!! وش هالكلام وش هالشور العوج ؟؟ اخوي الفاضل : التعدد ماقلنا فيه شي .. تعدد وخذ لك بدال الوحده اربع .. بس متى ؟؟؟ اذا كانت زوجتك مقصره بشي .. اما اذا كانت بنت الحلال ماقصرت معك ومأديتن حقها ومرضيتك .. ليش التعدد ؟؟ علشان ترضي فلان وفلنتان ؟؟

الأخت الفاضلة قمر بيتنا ..

أتمنى ألا تقودكِ جبلتكِ الأنثوية وغيرتك إلى أن تسني تشريعاً يصادم شرع ربنا عزوجل ..

قلتي أن الزواج أو التعدد بالأحرى مشروطٌ بوقوع التقصير من الأولى ..

بينما هو مشروط بالقدرة على العدل بينهما فقط ..

هل لديك دليل فيما تذهبين إليه إما من قرآن أو حديث ..؟

أم أنك تشرعين لنفسكِ ولغيركِ ماتهواه نفسك ..؟

تكلمي بدليل وإلا لاتتصدري للفتيا وأنتي أقل منها ..!

[أحمد الصمعاني]

نصيحتي وش لك بوجع الراس

[قمر بيتنا]

اقتباس الأخت الفاضلة قمر بيتنا .. أتمنى ألا تقودكِ جبلتكِ الأنثوية وغيرتك إلى أن تسني تشريعاً يصادم شرع ربنا عزوجل .. قلتي أن الزواج أو التعدد بالأحرى مشروطٌ بوقوع التقصير من الأولى .. بينما هو مشروط بالقدرة على العدل بينهما فقط .. هل لديك دليل فيما تذهبين إليه إما من قرآن أو حديث ..؟ أم أنك تشرعين لنفسكِ ولغيركِ ماتهواه نفسك ..؟ تكلمي بدليل وإلا لاتتصدري للفتيا وأنتي أقل منها ..!

وهل ذكرت في كلامي ان هو ( حرام ) ؟؟؟؟؟؟؟

اعتقد اني ذكرت رأيي فقط ....

اذا كنت تفسرعلى مايروق لك (وعلى مزاجك ) فهذه ليست مشكلتي انما مشكلتك وحدك يافاضل ..