[صقر الجزيرة]

اقتباس عفوا اسال عن مدير المطعم هوالمسول عن النظافه والوجبات المقدمه والمواد المستخدمه في التقديم

ليت الراجحي وضع رقم مجاني يتصل من الجوال كان إتصلت فيه وعلمته
لاحظوا فروج الطازج واضع رقم للملاحظات والشكاوي
ولا حظوا البيك (الله يجيبه ) بعد إنشودة البيك البيك لبريده
وتلاحظون واضعين رقم مجاني لهم لكن :
إلي نكب عفشه الداج .......... قصدي الداجن عمالة بنقالية وفلبينيين وشلتهم ولا حسيب ولا رقيب عليهم
اللهم لك الحمد وهذا وهو للراجحي يعني الشرهه عليه وهل توقعون الراجحي عاجز لا يطور فروع داجن
من جميع الجوانب وياصل به مثل البيك مثلا ؟ ما أعتقد إنه عاجز لكن مشكلته الإدارة فاشلة لو يغير الإدارة
كان تمام ويتغير معه كل شي ..

[h4x0r]

البطاطس المشوي عنده لا يقاوم

[طارق]

انا كذلك شاهدت نوعيه الدجاج ومن زمان لي تقريبا سنتين وكلام الاخ صقر الجزيرة صحيح وبالمناسبه تراهم يستخدون اقل انواع الدجاج وليس دجاج الوطنيه كم يزعمون

[صقر الجزيرة]

شكرا أخ طارق على الشهادة وماكتب والله إلا الحقيقة التي لا تحجب بغربال وأنا أعز الراجحي وأقدره لكن غياب مركب في ظل تواجد الدجاج الأجنبي ومزاحمته للدجاج السعودي وأقول لكم :

وليت يسمعنا وزير العمل غازي القصيبي

وأقول حتى الدجاج عندنا ما فيه سعوده:!!!!!!!!

[((*الساااري*))]

اقول من زين هاالمطعم اللهم لك الحمد بس اصلاً كله على بعضه كل اكله عاااااادي مافي شي جديد وعلى قول الحبيب اللي يقول احسن مافيه الحراق أجل وش يطلع حراق البيك اللي في الغربيه

[بريداوي للصميم]

والله العظيم انه اول ما فتح ببريده رحت مع اهلي لمه وعطانا صامولي مقطن والله العظيم غريبه اول ما فتح ومقطن
والله شهيد

[بريدة العز]

ياشيخ جب لي دجاج اسباني بس اهم شئ رخيص

[الاستشاري]

السلام على اهل بريدة كلهم وجميع الاعضاء
السالفة شكلها غير الي فهمتو السالفة إن داج ( داجن ) غير مقتنعين بطعم دجاجهم علشان كذا استخدموا البرازيلي الي يستخدم اكثر شيء للشورما يعني المسألة ما هي اقل سعر لا المسألة مسألة طعم (( الظاهر إن المسألة كثرت معي ))

[ربيع القصيم]

بالعكس أرى أنه شيء إيجابي عدم استخدام دجاج الوطنية .... !

لأنه وبكل صراحه يعتبر الأسوء في السوق والفرنسي ثم البرازيلي هو الأفضل .

أنسيت عزيزي مشكلة الاسواق الخليجيه مع دجاج الوطنية ؟

[عيودي]

اقتباس المشاركة الأساسية كتبها صقر الجزيرة شكرا للجميع على مرورهم الكلام صحيح 100% وإلي عنده شك يراقب العمال من الساعة 11.30وحتى الواحدة عند طلبات السيارات ويشوف بعينه بإستخدام دجاج برازيلي المشكلة بالترويج لدجاج وطني وآخرته خارجي والعيب كل العيب إنه للراجحي

جزاك الله خير .............. يا صقر الجزيرة

*طيب كلامك صحيح 100% ماقلنا شي........... بس ياليتك مصور في الجوال كان افضل

الحمد لله ماعمري شريت منه

[عبدالمجيد الراشد]

الدجاج البرازيلي المستخدم في المطاعم أفضل بكثير من الوطنية وغيره سواءا دجاج البريلا أو الانواع الثانية مافيه

مقارنه مع الوطنية وسعر البرازيلي أغلى من الوطنية ومن أكثر الوطني ماعدا الفروج الذهبي

[ksa.crash]

أفااااااا هذي آخرته

[اللهذام]

!!!!!!!!!!!!!!!!!!!!!!!

تلقى البنقالي مايدري وش انت تقول ؟؟

خل عنك بس

[النمس انا]

لاتسأل ولا يحزنون
وثق ما تقول بالصور
ولك الشكر