[عزف الجنون]

..



عن نفسي ,, أرد بِـصمت ,,
إذا صوت ( الألو ) ولـد
سكّرتهـا
ولا عاد رديـت
و إن مصّخها بالإزعاج
سميته [ مزعج ] بجوالي عشان ما أفكر أرد
أو أعطي واحد من اخواني يرد و يتفاهم معه ..
إذا صوت ( الألو ) بنت
تكلّمت ~

أما إذا كان يدق و شفته مكالمة فائتة
( أطنش ما أرجع أدق مرة ثانية )

ـ هذي الحركة
ناجحة و أنا ماشية عليها من زمان و مريحتني
و أهلي كلهم فاهمينها
إذا دق رقم غريب
اقول لهم اسكتوا اشوي و أرد بصمت ..
ما أضطر أقوم حتى ~


..

[هـــدوء الكـــون]

عادي ارد واذا يلعب فيه من يأدبه وانتهينا .. يعني ما اصير اخلاق الا اذا مارديت على رقم غريب

[عندليب بريده]

بصراحه ارد
اذا يلعب سكرته بوجهه همن مايعوده

[صافي النية]

هو جميل جداً لو ما ترد الفتاة على الرقم الغريب وذلك درءاً للمشاكل كما تحصل عند الكثير,,
وبعض الشباب هداه الله نفسه طويل يستمر بالاتصلات وربما لا يهمه الأب أو الأخ لان شريحته بدون اسم وهنا تكمن المشكلة,,
أسأل الله أن يحفظ ويستر على زهورنا,,

شكراً لك أخي سامي بريدة,,

[بنوته مشاكسه]

على حسب المكان والزمان
مثلا إن كان وقت اختبارات أكيد أرد
لأنه دايما زميلاتي تكون بطقاتهم مخلصه ويتصلن من جوال أمه أواخته
لاننا ندرس مع بعض
ودايما خواتي يتصلن من جوالات رجالهن
يعني لازم أرد
طبعا ان كنت عند الجوال

[تباشير المطر ~]

موضوع جميل جزاك الله خيرا اخي

إجــابتي تكررت ولكن هي تقريبا نفس اختي [ عزف ] :

اذا تكررت المكالمه اقوم برد بدون كلام

اذا كان صوت [ رجل ] اقفلت الخط

صوت [ إمرأه ] تكلمت

اذا رأيت مكالمات فائته امسح السجل وكأن شيئا لم يكـن ..

والحمد الله

[maynez]

بصرااحه اول دقه لا
ثاني دقه لا
الثالثه ارد واسمع الصوووت اذا كانت وحدة من البناااااااات واذا كان صوت رجال طع بوجهه>>>>>>>>صدق انه يقعد فترة وهو يرجع يتصل بس احطه من الارقاام المحظورة عشان مايرن ويزعجن..........>>>>>>وبالنسبه ليش ماارد لان الي عندي جوالاتهم دايما مقطووووعه ومتعيجزة ترسل رسااااله ......................والحاجه بالغالب تكون لي هع


شكرا لكاتب الموضوع

[pink touch]

بالنسبة لي أرد وكثير يتصلون علي يكونون غلطانين بالرقم والحمدلله ماتتكرر إتصالاتهم.
وكثير أرد عليهم يصيرون صديقاتي أوقريباتي فأرد عشان أقطع الشك باليقين وأرتاح وأعرف من المتصل
وبعض الأحيان يكون المتصل رقم دولي فما أرد عليه ولو تكرر إتصاله >>تعرفون مهمه ههه.

[@صاحبه السمو@]

أرد وإذا كان يلعب على طووووووووووووووووول الحمراء

[برمائية]

أحيانا إيه وأحيانا لا

[ما تَهَاب]

بصراحة اول كنت اذا تكرر الاتصال اخاف انهم صديقاتي وارد بدون مااتكلم واذا صار رجل اسكر واذا دق بعدها اقفل جهازي نهائي ساعة ساعتين يكون مل واذا كررها الله لايخليني من اخواني.. بس حصل لي موقف وبعدها صرت مااااأرد لو ينفجر جوالي والله يستر علينا ويكفينا شر الاشرار..

[سامي بريدة]

اقتباس المشاركة الأساسية كتبها الواقعي 9 لا غريب ولا حاجه يبي يتعرف على ردود الافعال وسيبدي وجهة نظره بعد ذلك ليصحح الخطأ ان وجد @ بالنسبة لي ( ولا انا مالي دخل ) حقيقة استغرب ان البنت ترد على رقم ماهب تعرفه الصحيح من وجهة نظري ان البنت ما ترد على اي رقم حتى لا تتعرض لمضايقات التماسيح @ البعض من الاخوات قد تتحجج وتقول قد يكون احد معارفي ولم يكن معه جواله فكلم من رقم اخر اقول ( فيه شي جديد اسمه رساله خليه يرسل ويقول ردي حصيصه انا سليم ) وانحلت المشكلة اعجبني موقف مر بي مع احد محارمي كلمتها من جوالي الثاني ولم يكن مخزن لديها وقسم بالله انها معطتني الخامس عاد كلمتها من رقمي القديم وردت قلت عسى ماشر قالت ( ما ارعرف الرقم ) قلت مع انها كبيره شوي وام عياااااااال لكن بعض البنات ما شاء الله فطينه وتفكر بالعواقب لكم تحياتي ,,,

جزاك الله خيرا رد وافي وكافي

مايمنع مشاركة الأخوة في إبداء وجهة نظرهم وما تفعله أخواتهم أو زوجاتهم في هذه الحالة
المقصود هو الفائدة...

اقتباس المشاركة الأساسية كتبها سليمان2004 الأخ الفاضل ســـامي بريده ليتك نقلت موضوعك بقسم النساء المفترض انك تركت الموضوع مفتوح حتى للرجال لان الرجال وش موقفهم اذا اتصل بالخطأ لانه قد يسبب بمشاكل زوجية لان بعض الرجال له أعتقادات خاصة ونظرة قاصرة احياناً وشكراً

أشكرك على وجهة النظر في النقل ولكن لو نقل لم ينتفع نه الرجال ولم يأخذوا من ردوده ما يفيد أخواتهم وزوجاتهم التي لا تقرأ هذا الموضوع
لأن أغلب الأعضاء لايدخلون قسم الشباصات وأنا أولهم
وبالنسبة لترك الموضوع مفتوح لا يمنع كما ذكرت في الرد السابق من إبداء جهات نظر الأخوة الأعضاء ....

اقتباس المشاركة الأساسية كتبها الملاك الوردي جوالي حاليا مسرووووووووووق الله يعوضني خير

الله يرده عليك ويعوضك خيرا منه
ولعل في الأمر خيرة وأنت ما تدرين

اقتباس المشاركة الأساسية كتبها السهيل اليماني ينقل لقسم بنت بريده

لو نقل لقسم البنات ما شفنا طلت المباركة علينا .. الله يوفقك

[سامي بريدة]

اقتباس المشاركة الأساسية كتبها ملفعه بنات الحاره والله مب يدق علي الا اميمتي وان طلع لي رقـــم غريب اذا بتل يدق ارفعه وانا منثبره اذا صــوت رجولي عطيته الزلم الوالد تســلم على الموضـــوع

الله يخلي لك اميمتك ويرزقك برها
وشغللك عدل

اقتباس المشاركة الأساسية كتبها _- رزان -_ يــــا حــبــيــــبــاتي اللي تـــردون كوننا ما نرد ما يعني إننا نعتقد إن صوت المرأه عورة أو حرام لأ ! بل إنه كف للشر خصوصاً إن كثير من (الطايشين) يخبط رقم ويتصل عليه وإذا رديتي وعرف إنك بنت أو حتى حرمه لو عجوز ظل يتصل ويزعج وحتى لو تبتلين ما تردين ظل يتصل لأنه عرف إنك بنت بقولكم قصة صارت لوحده من قريباتي أو صديقاتي .: اتصل عليه رقم غريب 3 مرات وماكانت عند الجوال فما ردت بعده بيوم اتصل وردت قال : أهلين قلبي .! - نعم !!!!! وش تبي قال : أنا ودي ندردش سوى - يا قليل الادب وسكرت فوجهه السماعه بعد المكالمة بدقايق اتصل وهي ما ترد ظل يتصل كم مره بعدين أرسل رسالة (( ردي يا ......فلانه...... ، ولا بتشوفين شيء ما يسركـ )) هي ما خافت ولا جابت همه اتصل ولا ترد عليه علمت واحد من اخوانه واتصل عليه اخوه من جواله هي رد الولد : الووو ، هلا يا حلوو ، شفتي إن خليتك تتصلين لو إنكـ ما تبين ، هي أمنية وحده بحققه وخلاص لا عمرك تتصلين ولا تردين **واخوه منصت يسمع هالكلام ** بعدين قال : انت مين يوم انك تتصل على هالرقم ؟؟! تلعثم الولد ثم قال : انت اللي مين ..! قال : أنا فلان واللي بايدك سوه .. وش عندك الولد : يا خبيث ،، يا حقير ،، وش تبي ،، الله يلعنك! أنا أصلاً ناوي أفشلكـ وأنزل راسكـ باختك بس لا تحسبك نجيت والله لا أخليك تحت رجليني ! وبتل يشتمه لين سكر اخو البنت السماعه فوجهه تخيلوا خبثهم حنا بالأصل ليش نعرض أنفسنا لمثل هالمواقف وبعدين لو هي وحده من الزميلات اتصلت كم مره ولا رديتي ترسل رساله وينتهي الأمر <( كلامي هذا لأني أحبكم .. تحياتي للجميع : }

جزاك الله خيرا

اقتباس المشاركة الأساسية كتبها رياضيه دلع على طول راح أرد مااقدر أشوف جوالي يرن ولا أرد فيه قصه صارت لي من مده قصيره........ فيه رقم أزعجني كان كل وقته يدق علي لدرجة انه أتعبني نفسيا وبعد اسبوع تقريبا من الاتصالات والازعاجات أرسل لي رساله يقول فيها اذا تبغيني ماأزعجك ارسلي لي بطاقة شحن موبايلي عاد أنا مارديت عليه بعد يومين أرسل لي رساله ثانيه يترجاني فيها اني أرسل له بطاقة شحن ولا رديت عليه.. وبعدها لا شفت رقمه ولا دق علي تشـــكرااااااات لصـــــاحب الموووووضـــــوع

شكرا رياضية دلع
ولكن فيه تناقض بين أنك تردين وبين من أزعجك
إذ كيف تردين وقد يكون مثل الذي أزعجك هذا ؟

اقتباس المشاركة الأساسية كتبها **بنت منيره** عادي ارد انا ما اسوي شي خطأ...

ستر الله عليك وبنات المسلمين ممن يتصيدونكن
شكرا لك على المشاركة

[ماهنا ذرابة :(]

أرد عليه
خير ياطير
والأصل في المسلم السلامة .

أكره شي عندي الي ماترد على رقم غريب , كأننا عايشين في غابة ,وما ورانا إلا المغازلجية الوحوش والذئاب والسباع
تراكم طفشتونا
صرت والله من كثر كلامكم عن هالأمور أحس الرجال كلهم كتلة جنسية فقط ,