[ابوالشهيد]

كان لي متابعة في جهاز الكنود للأستمع لكلام شباب بريدة عبرهذا الجهاز
فوجدت كلام سخيف ووقح
والله أنها لمهزلة أن يتحدث شباب المسلمين بكلام كله في منتهى الوقاحة ( كلام يستحي منه الشاب الداشر فضلاً عن غيره )
كلام كله عن اللواط من شباب في العشرين من أعمارهم
ألا يعلم هؤلاء أن جميع الملائكة يسجلون ما يتكلامون به من خير وشر
الله المستعان
والله يخلف على الإسلام

[الطرطعانة]

الله يخلف...

فعلا انا سمعت عن مثل هذا الموضوع...

والكنود يعتبر قناع ...مثل النت..

كلام وقح,بذاءة,استهزاء...

[عبدالله الصالح]

طيب وبعدين؟؟؟؟؟؟؟؟؟؟؟؟؟


كلامك ليس حل ولا دواء..........؟؟؟؟؟؟؟؟؟؟؟؟؟؟؟

[ابوالشهيد]

اقتباس المشاركة الأساسية كتبها db2000 طيب وبعدين؟؟؟؟؟؟؟؟؟؟؟؟؟ كلامك ليس حل ولا دواء..........؟؟؟؟؟؟؟؟؟؟؟؟؟؟؟

الحل لو يدخل بعض الشباب الملتزمين ويناصحون هؤلاء الشباب
لتغيرت أحوالهم

[غريب وبين أهله]

والله يابعدي الكنود مثله مثل غيره فيه خير وفيه شر

وكلامي عن تجربه

وللمعلوميه فيه شباب برمضان يقيمون مسابقات كنوديه وفيها جوائز قيمه تكون عن طريق كروت مدفعوه لتسجيلات إسلاميه أو مكتبات

والفائدة الحقيقيه له في البر فقط

لكن في داخل الديره إنما هو للتسليه

وأرجع وأقول إياكم والتعميم فأنا شخصياً أعرف ناس فيه تحب الشعر والقصص والقصايد وهذا موجود

لكن ما ودك الواحد مثل كاتب الموضوع يحكم على الشئ بسرعه

والسلام ختام

[إكسير]

الكنود ... يازينه لامن صرت مضيع ربعكـ . . وهم مايعرفون يوصفون بعد , , ,

وياحليله لامن صرت فاضي وبراس نفود قاعد تسولف مع رجاجيل شرواكمـ , , ,

وصحيح إنه مايخلو من المناهي . . بس أتوقع إنه أغلبه طيب . . . ومثله مثل النت والجوال وووو , , ,

فهو حسب استخدامه . . .

<< للعلمـ : ماعندي كنود ولا قد جربته ولا استخدمته إلا لما أركب مع أخوي يمكن يعدّن بالأصابع <<

بس اللي أسمعه إنه طيب .

[محب المجد]

لقد ذهبت الى مناطق مختلفة من بلادي ومعي الجهاز وما سمعته من خلال الكنود في جميع المناطق دون استثناء سواء في االبر أو في المدن , أقول ماسمعته من الكلام البذيئ لايقل سوءا عما سمعته في بريدة بل انه أشد , فلماذا دائما نخص ديرتنا بالسيئ من الأقوال والأفعال ونتناسى أننا جزء من مجتمع توجد فيع التصرفات الحسنة كما توجد التصرفات السيئة .
وأخيرا أقول كان بإمكانك أن تذكر مساوئ استخدام الكنود دون أن تخص شباب بريدة بذلك ؟
أرجو تقبل وجهة نظري بصدر رحب علما بأنني لا أقصد موضوعك بالذات ,,,,

[المسفهل]

إذا كان القناع محكماً فلا تسل عن الصادر من الكلمات لأن من يتكلـّـم يعرف أنه لن يـُـعرف ولذلك لن يردعه عن قول ما يـُـريد أي شيء ، أما من كان عنده خوف من الله وحياء من نفسه وحياء ممـّـن يـُـخاطب فأبشر بما يسرّك من الكلام المفيد والذي أقل أحواله الإباحه .

[ليمتد]

والله انك صادق

الله يخلف...ويهدي شباب المسلمين

فعلا انا سمعت عن مثل هذا الموضوع...


لاكن يازين الكنود لامن صرت مضيع ربعك و

الكنود مثله مثل غيره فيه خير وفيه شر


تقبل مروري

[ابوالشهيد]

أشكرالجميع على المشاركة وأقدر لكل واحد وجهة نظره
أما قول البعض بأنني عممة على جميع الشباب فأقول قصدي أكثر الشباب مثل قول الناس أهل بريدة مطاوعة هل جميع أهل بريدة مطاوعة ( لا ) ولكن الكثير منهم مطاوعة
ولكم شكري

[عراوي]

أنا أقولكم وبصراحة ،،
في منطقة الرياض ..

يوميا وكل صبحية أفتح الكنود أدوّر من العامّة وفوق ،،
أغلب المحادثات سباب وشتام ، وكلام يترفع عن ذكره العاقل ،،

إلا ما ندر ، << مكتب الدفاع المدني

ألهذه الدرجة وصل بشبابنا الإستهتار ؟

وهو أصلا مخصص لخارج الديرة ،،
فلماذا نجد ربعنا يستخدمونه وسط الديرة ؟

[غريب احساس]

وش تبي بالناس الضايعه

[جهينة]

يازين الكنووود الله مستعان ذكرتن بطفت الناااس فيه ايام اول الا ابسال كم الاصلي سعره
ويقولون ان فيه تجاري ومغشوش افيدوني مشكورين

[Roony1]

اقتباس المشاركة الأساسية كتبها غريب وبين أهله والله يابعدي الكنود مثله مثل غيره فيه خير وفيه شر وكلامي عن تجربه وللمعلوميه فيه شباب برمضان يقيمون مسابقات كنوديه وفيها جوائز قيمه تكون عن طريق كروت مدفعوه لتسجيلات إسلاميه أو مكتبات والفائدة الحقيقيه له في البر فقط لكن في داخل الديره إنما هو للتسليه وأرجع وأقول إياكم والتعميم فأنا شخصياً أعرف ناس فيه تحب الشعر والقصص والقصايد وهذا موجود لكن ما ودك الواحد مثل كاتب الموضوع يحكم على الشئ بسرعه والسلام ختام

اول كان الكنود أحسن شي هو وسلية الاتصال بين الشباب طبعا بالديرة يعني زي الجوال الحين ..


اما بالوقت هذا اغلب اللي تقول عنهم مبزرة .. طبعا موب كل اللي يستخدمون الكنود ..

الحين فسق ..



وأغلب الناس الرجال اللي ما ذكرتهم موجودين واغلبهم ما يستخدمونه الا بالبر