[جناين ورد]

السلام عليكم ورحمة الله وبركاته
انه ليدمي القلب ويحزن العين ماتفعله جامعة القصيم بنا نحن الطالبات(كلية التربيه الادبيه) اللاتي لاحول لنا ولاقوة
كل يوم قرار كل يوم مهزله جديده وكل يوم جدول جديد (وهذا اهم مابالموضوع)بعد مااستقرينا بقاعاتنا وعرفنا الاستاذات ومشينا معهم صح غيروا شعبنا والاستاذات كمان ولا يعيدون المحاضرات اللي طافت عذرهم يقولون انقلوا من البنات(طيب انا مااضمن انقل من احد والله يرحمنا فيه احد مايبي جهده ياخذه احد يبان من عيونهم)ومشرفات أعضاء هيئة التدريس مايعطوننا فرصه للتفاهم انفسهن فوق خشومهن مدري وش عليه (اغلبهن ماتخرجن الا العام وقبل العام)
لاويقولون عدل في التعامل..سهوله في الخدمه..دقة في الانجاز
والله طل ماشفنا اللي يقولون
لكن حسبنا الله ونعم الوكيل اللهم لاتجعلنا في يد من لايخافك فينا ولا يرحمنا
يالله ارجوا التفاعل وعذرا على الاسلوب الخشن والغليظ بس لاني اتكلم من حره فيني..