[ولد_الصفراء]

الشايب والوايت -


> يسولفون عن شايب نوا يشتري له وايت..عشان الحلال،،

> وعزم يجمع له بالدراهم لين صار عنده ثمانين الف ريال،، وتوكل على الله،،

> واقبل ذاك اليوم إلا ذيك الناس المجتمعة في ارض فضا،،

> واثري جمبهم وايت،، وعجب خوينا بهالوايت،،

> قال بس خلني اشوف هالوايت عساه للبيع،،

> يوم وقف واثري هالجماعة سمعهم يحرجون:

> 50 ،، 52 ،، 55 ،،

> قال بس شكلهم يحرجون على هالوايت إن شاء الله انه من نصيبي،،

> ويخش بالحراج... 56 .. ويزود.. ويزودون .. ويزود..

> لين وصلوا 75 .. قام خربها وقال 80 ..

> هو قال ثمانيييييييييين يوم سكتوا..!!! وهجدوا..!!!! والتفتوا عليه،،!!!!

> يناظرونه.. يناظرون بعض.. يوم تغامزوا ونقز له واحد منهم ..

> ويسحبه على جنب.. قال شف يابن الحلال بنعطيك مليون ريال بس امش من هنا ولا

> نشوف وجهك..



> وش اسمك؟؟ عطاه اسمه وكتب له الشيك بمليون ريال وصرّف الرجال..

> هو ما يدري وش السالفة ..



> طيب وش العلم ..!!!!!؟؟!!!!

> اثري هالجماعة يحرجون على المخطط وواقفين بالصدفة جمب الوايت..

> و56 مليون و75 مليون.. وبو الشباب خش معهم..

> ويحسبونه هامور يبي يلطش عليهم المخطط.. قاموا صرفوه بمليون..

> وهو طاير من الفرحة يا سبحان الله..

> قال الله تعالى : (( وفي السماء رزقكم وما توعدون )) صدق الله العلي العظيم

[عاشق الريف]

قصه جميله بس تضحك ههه والشايب الله عطاه قد نيته
>>>> نوا يدور له ناس يحرجون على مخطط وعسى يكون عندهم وايت خخخخ