 |
|
|
|
|
|
||
| ســاحـة مــفــتــوحـــة المواضيع الجادة ، والنقاشات الهادفة -- يمنع المنقول |
 |
|
|
أدوات الموضوع | طريقة العرض |
11-01-2009, 02:24 PM
|
#1 |
|
.. وللشطوب نكهة و نكهة ..
تاريخ التسجيل: Feb 2002
البلد: هناك
المشاركات: 16,085
|
جدتي موضي .. ووكلااااااااااء السيارات .. سي يو ..
السلام عليكم ..
يالله يارب ياكريم انك تنصر اهل غزة وتحفظهم .. يارب انك تحميهم من النار والدمار وتحقن دمائهم .. يالله إنك تعلم انهم ضعفاء فأنصرهم .. وعراة فأكسهم .. وجياع فاـطعمهم وعطشا فأسقهم .. ********** لااله الا الله .. هاللحين ياوليدي ماقلت لي وشي هاللي يقولون .. حملة ( خلوه تصدي ) كل ماجلست مع هالحريم سمعتهن يقولون خلوه تصدي .. ياوليدي وشي هالحملة .. هذي ياجدتي حملة ( خلوها تصدي ) يقصدون السيارات الجديدة .. اللي عند الوكلاء .. واللي بالمعارض .. لأن اسعار السيارات بالعالم كله .. وبالشركات المصنعة نزلت اسعاره .. وحنا عندنا الوكلاااااااااااااء رفضوا ينزلون السعر .. وطلعت هالحملة علشان مايشترون الناس السيارات الين تصدي عندهم .. ايه .. يعني مثل قولة ( خلوه تصنق ) طيب .. بعدين كل هالسنين وهم ماغير ياكلون ويكسبون .. وماكبر كروشهم وخدوهم الا حنا يالمواطنين .. كل بيت بوه اكثر من ثلاث سيارات .. وكل سياره مكسبة كم .. يعني ماشبعوا عساهم ( للمر ) اللي مصنعيين السيارات نزلوا سعرهن .. وحنا وش حزنهم ماينزلون الاسعار .. يعني ماراح يخسرون لأن الشركة المصنعة هي اللي منزلة السعر .. وش هالحسد اعوذ بالله .. حتى لو فرضنا ان الشركة المصنعة مانزلت السعر .. وش يبي يضرهم لو نزلوا السعر من عندهم وتحملوا هالمرة خساير.. ( لاعااااااد ) ان لهم كم سنة وهم ( يزعبون ) من تسبودنا .. هاللحين عندك هذا حق التايوتا .. من حيننا وحنا معاملينه .. ولا نعرف الا سيارااااااااااااااااااااته .. رجلي الاول ابو حمود .. شاري منهم كامري .. وماهنا عاير الا توسده ووقع عليه .. وكل اسبوع وهو ينقل منهم قطع غيار .. رفارف وشمعات .. تصدق يوم انه مات انهم صكوا فرع قطع الغيار اللي بحارتنا .. ورجلي الثاني ابو سليمان .. معه هيلوكس .. اللي خبرك قلبنا بوه يوم عرسنا .. وطلقن بسبته .. يقول هذا اوله ينعاف تاليه .. ورجلي الثالث .. ابو لؤي الشامي .. معه كورلا قديمة بس كله ملح .. احسن من الجديدات .. معلقن به على المراية ( دب ) .. ومعلقن ورى سطل فاكهة تفاح وموز وبردقان .. وريحته وش زينه .. وماعمري ركبت به ولقيت بيالة والا جريدة والا فاتورة .. مالقى الا وردة حمراء والا قارورة عطر .. مير ياسفابوه .. مابطيت معه .. دحا بطني من هالحمص .. زااااااااد اقول وراه شوشهم وشعورهم شقر .. اثره من زرط هالحمص .. وهذا ابونا الله يرحمه معه جيب من التاليات .. شاريه قبل لايموت بسنة .. وكل يوم وهو رايحن لهالوكالة .. مير يوم تعبوا منه .. قالوا لوه انت كل يوم عندنا .. قاموا وعينوه حارس لمركز الصيانة .. انا اقول .. لو ياقفون عيالنا مايشترون منهم .. والله ياهالعبداللطيف جميل انه مايلقى ولاريالين يشري بهن موس يلحط شنبه .. *********** ياتجار ووكلاء السيارات ..
وطنكم ومواطنيه قدموا لكم الكثير .. وجعلو منكم اصحاب رؤوس اموال .. ولولا تيسير الله لكم ومن ثم جيوب المواطنيين .. لم استطعتم تكوين هذة الثروة .. اين رد الجميل .. لهذة البلاااااااااااد ومواطنيها .. لقد خسئتم وسقطتم في اول امتحان لكم في وطنيتكم .. فلقد اصبحت المادة عندكم اهم من الموطن .. وانكشفت اقنعتكم .. والتي تريد الخير ان يصب في مصلحة ( حسابات الشركات المصنعة ) ونكرتم جميل وعرفان .. عملاااااااااااائكم المواطنين .. وكذلك قادة هذة الدولة التي هيئت لكم كل سبل النجاح .. اخيراً .. ياناكرين المعروف.. تذكروا أننا نستحقركم ونزدريكم .. فكروشكم وخدودكم كبرت من قروشنا ..  سي يو ..
__________________
. . .  .. قلب البحطلة ينبض ..ينبض ينبض ينبض .. . |
|
|
11-01-2009, 02:30 PM
|
#2 |
|
أبتاه ، فقدك آلمني ..!
تاريخ التسجيل: Jan 2008
البلد: لا إلى هؤلاء ولا إلى هؤلاء
المشاركات: 5,958
|
هههههههههههههههههههههههههههههههههههه
ياحليل جدتك , والله ياهي بكل شيء فاهمة <<مصدق عاد تصدق انه صادز ماملء بطونهم الا حنا كل بيت ماتقل عن سيارتين واثلاث وهذا رد الجميل لكن خلوووه تصدي ولو تصفي على سيكل ابو ثلاث كفااارات سلام عليك يامدحتووووه<<وش رايك بالدلع 
|
|
|
|
11-01-2009, 02:34 PM
|
#3 |
|
عـضـو
تاريخ التسجيل: Feb 2006
المشاركات: 2,619
|
مع احترامي للعقل الباطني المتمثل بالجدهـ موضي , , ,
ما أعتقد أن هناكـ نجاح في تلكـ المقاطعات السعودية . . فغالب الشعب " نفسي ومالي دخل " , , , عسى الله يوفقنا ويوفقكمـ .
__________________
إكسيــر الحياة ,, رغم انكســـرها |
|
|
|
11-01-2009, 02:36 PM
|
#4 |
|
عضو اللجنة الإعلامية مشرف أخبار بريدة 
تاريخ التسجيل: Nov 2006
البلد: buraydahcity
المشاركات: 9,558
|
.
خلووووووهآآآ تــصدي وموديلهآ يعدي ..  مآدآمهآ ضدي فـخلوهآ تصدي .. مآطآر سعر وآرتفع إلا كمآ طآر وقع .. كفو ياموضي .. مشكور متحت ..
__________________
. لتصوير الزواجات والحفلات / 0569499222 حسابي بالإنستقرام | @Dhoom06 تويتر | http://twitter.com/abdulrahman_06 . ، |
|
|
|
11-01-2009, 02:36 PM
|
#5 |
|
هوية صامتة
تاريخ التسجيل: May 2003
البلد: Buraydah City
المشاركات: 12,458
|
 سلملي على جدتك. الصراحة ياألبي إن تجار السيارات عندنا فيهم جشع شيء عجيب!. ويكفيك إن الواحد منهم مكسبه من السيارة 100%. شفت كيف؟ طمع مابعده طمع!. المشكلة يابن الحلال إن الشركة المصنعة للسيارة تعلن تخفيضات والوكيل عندنا يرفع السعر، وش هالتناقض؟ شيء عجيب جداً. شُكراً مدحت.
__________________
|
|
|
|
11-01-2009, 02:39 PM
|
#6 |
|
عـضـو
تاريخ التسجيل: Sep 2008
البلد: بريدة
المشاركات: 795
|
الله يقطع شيطانك يالفسقان
__________________
سبحان الله وبحمده .. سبحان الله العظيم .. |
|
|
|
11-01-2009, 02:40 PM
|
#7 |
|
.. فُــرٍجَـــتْ ..
تاريخ التسجيل: Nov 2008
البلد: خارج الخدمة مؤقتا-أعتذر
المشاركات: 3,091
|
مشكور متحت...
والله جدتك صادزة...سلملي على جدتك..///مصدق. خلوهــــــا تصدي ..
__________________
سبحان الله وبحمدهـ |
|
|
|
11-01-2009, 03:28 PM
|
#8 |
|
عـضـو
تاريخ التسجيل: May 2008
البلد: المدينه المنوره ~ بريده
المشاركات: 273
|
شكرا مدحت الله يخلي لكم جديدك مصدق
فعلا استغلال الوكالات عندنا بس مارايح يتأثرون بالمقاطعه الابعد التكاتف مع بعض في حملة خلها( تصنق) ولك مني جزيل الشكر |
|
|
|
11-01-2009, 05:04 PM
|
#9 |
|
عـضـو
تاريخ التسجيل: Mar 2007
المشاركات: 1,428
|
حلوه
خلوه تصنق تصدق حلوه ههههههههههههههههههههههههههههههه تسلم على الطرح الجميل |
|
|
|
11-01-2009, 05:31 PM
|
#10 |
|
عـضـو
تاريخ التسجيل: Jan 2007
البلد: الرياض
المشاركات: 1,225
|
الله يطول بعمرها ياااارب
الف الف شكر لها بس ماسمعنا حسها مع احداث غزه وينها والله فقدنا نصايحها ودعواتها ترانا ننتظر منها كلمه عطها خبر لا هنت الف شكر لك
__________________
 
|
|
|
|
11-01-2009, 05:33 PM
|
#11 |
|
عـضـو
تاريخ التسجيل: Feb 2008
البلد: بــــــــــــريــ،،دهــــــــــــ ..
المشاركات: 239
|
ههههههههههههههههه ..
والله انه صازه .. الله يكون بلعون يارب |
|
|
|
11-01-2009, 07:02 PM
|
#12 |
|
.. وللشطوب نكهة و نكهة ..
تاريخ التسجيل: Feb 2002
البلد: هناك
المشاركات: 16,085
|
الدعساوي .. هلا بك يالبي ويابعد معاليق صابونة نملة تسد قرصة جدتي موضي قبل العام .. اقول يالبي .. لو ربعنا ماعاد يشترون من ابو جميل وشلته .. تسان تشوفوهم باسطين عن بيبان الحرم يبيعون شراب .. مارفعهم فوق ولا وصلهم اللي هم به الا قروشنا .. حسبي الله عليهم .. وهاللحين يتنكرون لنا ويصدون بوجيهنا عن نزول اسعار حنا احق به .. مشكور يالبي يالدعساوي .. سي يو ..
__________________
. . . .. قلب البحطلة ينبض ..ينبض ينبض ينبض .. . |
|
|
|
11-01-2009, 07:06 PM
|
#13 |
|
عـضـو
تاريخ التسجيل: Jun 2008
البلد: ܔْށburaydahܔْށ
المشاركات: 3,502
|
تشكر على الموضوع يا عسل
ويخلي لك جدتك
__________________
يحق لك عاشرت غيري وسلآك ،، لآ والله اللي بي نويت القطيعه |
|
|
|
11-01-2009, 08:43 PM
|
#14 |
|
عـضـو
تاريخ التسجيل: Jul 2008
البلد: القصيم -الرياض
المشاركات: 796
|
خلوووووووووووها تصدي
تشكرات من اعماق قلب < هذا قلب ولابحر |
|
|
|
| الإشارات المرجعية |
|
|
النمط المتتابع
