[.:: رائد المعرفة ::.]

بسم الله الرحمن الرحيم

هلا وغلا بكل من طل على موضوعي , وكل من راق مزاجه للدخول << اخلص

الزبــدة ,,.

والله انا شفت الناس يصورون ويبدعون في هذا المجال قلت بصير مصور مثلهم , بس كميرة n95 ما عندك احد , الدقة ولا بريال

المهم قررت اني اشري كميرا , وذكر لي ان اكسترا هو افضل محل تقريباً

فأنا بكرا برووح لمه وابي شوركم , لأني ما ادري وش السالفه

المهم ابي واحد يذكر لي المواصفات الي تصلح لمبتدئ ,, وابي السعر تقريباً من 500 إلى 600

هذا ولله اعلم << وش عنده

[.::[ أبو عزوز ]::.]

يآخلفهم .. تعرف العمار وكيل سوني .. ولا رح لعالم سوني الي عند النخيل

و فيه كمرا بـ 399 .. للمبتدين حلوهـ

8,2 ميغا بكسل .. و الزوم حلو لكن موب جيد ..

هذي افضل كمرهـ ..

بعدين اللي احسن منه .. تطمر الأسعار إلى 900 او 1200 ..

لكن انصحك كمبتداً تشتري اللي بـ 399 .

انا مجربها ويوم صرت محترف بعته و شريت ام 1200 و ان شاء الله الجايه ام 4000 اللي تصير زي حقت المصورين الكبار او بالأصح اللجنة الإعلامية هعهع

وعلى طاري اكسترا .. لا يهموووووونك ..

افضل شئ عالم سوني ولا العمار وكيل سوني ولا مكتبة جرير و غيره احلق عيني اذا حصلت شئ حلو

[hanoo]

اخوي انصحك تشري كانون 400دي

مرررررررررره حلوه

[MEHWAR]

حتى انا اريد ان اشتري كامره

مثل ماقال اخي ابيه من هالاسعار هذي من 500 الى 700 او 600

لاكن نبي وحدتن حليوه شوي مهب تقول ب399 والله انه مهب ثقه

طيب وش اسمه الي ب399

[MEHWAR]

اقتباس المشاركة الأساسية كتبها hanoo اخوي انصحك تشري كانون 400دي مرررررررررره حلوه

يااااااااااه

اعتقد قال بين 500 الى 600

ماقال بين 3000 الى 4000

الله يصلحتس بس

[MEHWAR]

الا ياخواني


معقول مافيه محل متخصص بالكامرات في القصيم

او على الاقل في بريده

اذا كان لا يوجد فهذا غريب جدا جدا

[MEHWAR]

[اهلا اخي

والله لقيت كامرات لاكن بالانتر نت

اسعار حلوه ومصفات اعتقد انه حلوه ( طبعا تراي مثلك ) لم امتلك كامره قط

فل نسال الخبرا عن الكمرتاين

Nikon


1- Nikon CoolPix L19 على قولت واحد انه بـ(550 ) ريال فقط

( زووم بصري 3.6x / دقة 8 ميغا بكسل / ذاكرة داخلية 20 ميقا / شاشة ال سي دي 2.7 بوصة )


صور الكامرا والالون الموجوده




=================

2-Nikon CoolPix L18 وهي ارخص من السابقة لا كن لا اعرف الفرق بينهن

( زووم بصري 3x / دقة 8 ميغا بكسل / ذاكرة داخلية 21 ميقا / شاشة ال سي دي 3 بوصة )






====================


3- Nikon CoolPix s210 وهي اغلا من هنا بحوال 700 ريال

( زووم بصري 3x / دقة 8 ميغا بكسل / ذاكرة داخلية 52 ميقا / شاشة ال سي دي2.5 بوصة )



4- قد تكون غالية لاكن اذا كانت افضل من هذولي بكثير فهي تستاهل

اسمها (Nikon CoolPix s52 ) ب900 ريال


( زووم بصري 3x / دقة 9 ميغا بكسل / ذاكرة داخلية 38 ميقا / شاشة ال سي دي 3 بوصة )



==================

Casio



1- EX-Z150 ذكر لي انه بت600

7.6 سم (3.0 بوصة) TFT شاشة العرض الملونة
 8.1 ميجابيكسل باتفاقية مكافحة التصحر تشيب
28 ملم بزاوية واسعة عدسة
4x زوم بصري
نظام تثبيت الصورة




=========================

هذي مجموعه تنتضر تقيم المحترفين

[MEHWAR]

وين المحترفين الي يوميا يلزخون لنا

صورة مميزه وراهم مايردون

[فارس 7]

تسان ميزانيك كذا ... نصيحة خلك على الجوال تراهن حول بعض ..

[sαяzσσ ()]

السلام ..

انا ..اول مابديت اصور.. يعني ماكنت عندي ..اي خلفيه ..عن التصوير..

لدرجة اني حتى الكام مااعرف أشغلها.. ولا عمري جربت تصوير جوال..


يوم خلاص قررت أشتري.. قلت أبي وحده ع قدي

رحت لجرير..

وإشتريت باناسونيك -لوميكس 10 ..

بصرآآآآآآآآآآآآآحه روووعه..خدمتني اشياء واااااااجد ..

وعلمتني التصوير ..

ودقتها 6 ميقا .. صحيح انه عادي..لكن حلوه وكل مااحد يشوفها تعجبه ودام انك مبتدئ..

وزمها 4 بصري والتقريبي 13 .. لكن التقريبي يصير مهو واضح ..مره ..


شوف معرضي ..

اول شي كله تصويرها يعني أول الصفحات ..

http://www.flickr.com/photos/29594924@N02/page1/


هذا اسمها كامل

DMC-FX10 من شركه باناسونيك

وهذي صورتها

http://farm1.static.flickr.com/222/c...7b40904ff8.jpg

وعاد انت استخير..

واذا ماعجبتك انت حره ض1..


الله يوفقك .. وعقبال الموقع الاحتررافي للتصوير ذذ..

ومعليه ع الاطاله .. !

[ابوخليل ّ]

تبي نصيحتي هذي اللي فوق ^^

اقتباس 4- قد تكون غالية لاكن اذا كانت افضل من هذولي بكثير فهي تستاهل اسمها (Nikon CoolPix s52 ) ب900 ريال ( زووم بصري 3x / دقة 9 ميغا بكسل / ذاكرة داخلية 38 ميقا / شاشة ال سي دي 3 بوصة

خذ هاذي ..

pl50 Samsung
الدقه 10.2 ميغا بكسل / ذاكر خارجيه 4 جيجا .. جربته حلوووه مرهـ بصراحه
السعر . 600 ريال .
صوره للكميرا .

هذي صور من نفس الكميرا من تصويري ..

تباع عند محل في النخيل بجانب جيان على الشارع اسمه احمد عبدالواحد ..
تقبل مروري