[مدحت شوقي بريده]

اقتباس المشاركة الأساسية كتبها اللهذام ههههههههه ياحبيلك أنت وجدك يالدب سلملي عليه تكفى وموضوعكـ حاقه تانيه

اللهذاام ..
ياعليك اسم .. احس انه نوع من انواع ( الجينات )
جينات ..<<((== هذا بزر يقول جيناك ..



واجل تبين اسلم لك على جدتي .. شكلك حبيته صح ..
وش رأيك ازوجك ايااااااااااااه ..
تراه مزيونه وبه غمازات .. بس الغمازات مكان السنون اللي طاحن ..



مشكور يالبي .. حضورك ابهجني ؟


سي يو ..

[وحـيــد الـجـزيـرة]

موضي حبتين

امس شفت تقرير عن عيد الحب في احد القنوات يقول ثاني عيد في كثرة المحتفلين فيه بعد الكرسمس

الحقيقه شيء غريب وين راح الفطر والأضحى

[المواطن]

ياجماعه انتهى الطحن والا باقي اسف قصدي هالعيد ذاااا متى ينتهي الله يكفينا بلاويه

[مدحت شوقي بريده]

اقتباس المشاركة الأساسية كتبها narran الاماتدري البردقوش زيين للغازات ولالا سلام خاص وحار احر من الجمر لجدتك موضي والبردقوش

نااااراااان ..


بردقوش .. تحس انه حلاااااق تركي يهوش عليك ..

الصراااااااحة ان هالبردقوش مابقي الا يقولون انه يدخل الجنة ..



بعدين علاااااج الغاازت سهل .. بس كود بالبر ..



وتراي وصلت السلام لجدتي .. بس قالت يادافع البلى وراه ناران مهيب نارن وحدة ..
قلت له ياميمتي هذا اسموه ( المثنى )

قالت اها بس .. المثنى والا شرحبيل بن حسنة ..
ترى حافظتن هالاسااااااامي لأنهن مدارس عيال خواتي ..


سلااااام ائليكم ..


سي يو ..

[مدحت شوقي بريده]

اقتباس المشاركة الأساسية كتبها الخفاش . ههههههههههههههههه ههههههههههههههههه هلا بيييييكـــ أقول يا بو ابراهيم ما ودكـ نكشت وتجيب جدكـ معكـ يا خي توحفه هالعجيز باركـ الله فيكـ يا عزيزي

الخفااااااش ..
هلا والله بريحة مااااااااااااااااااجد ..



يابعدي معاليق شوشت ابطي .. وش تبي به تكشت معنا ..
يالبي نص عفشنا يبي يصر علااجاااااااااااااات .. ومراهم وفكس ..

بعدين خلااااااااااص جدتي موضي .. ماتحب البر ..
من يوم شافت هالراااااااامي .. وهي ماتبي الا الحدااااااااايق ..

وهاللحين تقول ابيكم تودونن للأحوال ابغير اسمي ..
من موضي لــ(رولا) ..
بعذرة بلااااااااااه ماشافت روحه بالمراية من مبطي ..


ماشافت خدوده هاللي تقول جدار طين ..


سلاااااااام ائليكم ..
مشكور يالبي ..



سي يو ..

[مخاوي الزعل]

هههههههههههه اضحك الله سنك

[تغاريد نجد]

الله يجزاك خير ادخلت علينا السرور

[غنوجة نجد]

خخخخخخخخخخخخخخخخخخخخخ

جزاك الله خير ,, اسلوب يدخل المخ ,,

[شيحاوية ماتهاب]

انت الحين صدق مصري؟؟؟ او بك عرق مصري حد هالثنتين؟؟

[إكسير]

ياحبيلكـ يا مدحت , , ,

عاد تصدق إن هالجدهـ متطورهـ أحسن منا , , ,

أنا والله مادريت متى هالعيد . .

وتسان للجدهـ موضي جوال اشتراكـ . . علمنا نشتركـ . .

[قطعة جالكسي]

والله يا أنت مطرطع وصل سلامي لجدتك موضي وجدك سليمان وامطخ روسهم لي
قل وحده بالمنتدى موصيتن

اشكرك اخوي مدحت على موضوعك

وصلت المعلومة

وجزاك الله خير

[مدحت شوقي بريده]

اقتباس المشاركة الأساسية كتبها ياسمين القصيم هههههههههههههههههه ياحليله امك موضي ودي اشوفها ههههههههه شكر مدحت وكككككككككثرلنا من سوليفا الي توسع الصدور.

ياسمين .. والا يادب ..


اقول جدتي موضي اللي يبي يشوفه يروح للحسون ..
تشوف عجوزن قاعدتن عند الباب .. واي وحدة تطلع تنشده ..
اشووووه ابشوف وش انتي شارية ..


الله يحوم تسبد العدو .. وش هاللون .. عمياء انتي ماتشوفين ..
والله ان بنتي فوزية مآخذتن مثل هاللون لولده صالح .. انه كل شوي تفصخه وتغسله ..
ولده دربية بحطلة .. ماغير يتجدع بهالحوش .. وهاللون يقضب الغبار ..



وانتي اشوف اللي معتس ..
هو وش تبين بهالشرااااااااااب .. شينات هذولي مايلبسهن الا انتي ..
خوذي من شراب العائلة لتس انتي واهلتس كلهم ..

الا انتن خوااااااااااات .. اشوفكن شارياتن نفس اللون ..

وين امكن ماجت معكن ..


يعني تنشب بهالحريم .. ياويلي يالحسون يقول اللي يفكن من هالعجوز اعطيه عشرة الاف ..
قالت لوه انا عطن العشرة الاف والله ماعاد تشوفن ..


سي يو .

.

[مدحت شوقي بريده]

اقتباس المشاركة الأساسية كتبها بريده ديرتي ومحبتي مشكور ابو ابراهيم وانا من اشد المعجبين في كتاباتك الهادفه وخفيفة الظل لا حرمك الله اجرها وسلملي على جدتك كثير السلام

بريده ديرتي ومحبتي ..
هذا اسم والا تعبير ..


والف شكر على ثنائك .. والف شكر على مرورك الكريم ..
عاااااد تخيل اقوله .. ترى ( ديرتي بريده محبتي ) يسلم عليك ..
علشان تقولي .. كل هذولا يسلمون علي ..
ايه مايخالف سلم لي عليهم ..


سي يو ..

[مدحت شوقي بريده]

اقتباس المشاركة الأساسية كتبها كربة النخلة ههههههههههههه، الله يقلع ابليسك يا أبو إبراهيم والله يا أنا بتلت أضحك، يا بعد تسبد الصخل أنت<< على قولت أبو حنشل، مشكور على هيك موضوع، وأشكرك على إيصال الفكرة بأسلوب بسيط ومضحك، وسلم لي على جدك موضي. تشنكرااااتي خيو. وتقبل مروري. * ودمت بود.

كربة النخلة ..



وش السالفة كلكم تقولون سلم لي على جدك موضي ..

تدري يالبي لو اقوله ان كربة النخلة يسلم عليك .. تسان تعلقن مع ديودي بالمروحة ..
لأنه تسد شلق راسه جدي صالح بكربة النخلة .. علشانه تمشي بالصالة .. ووطت رجله ..
وقام عليه ولصه بالكربة مع جبهته وقاله ..
ماتشوفين يامال العمى ..
دبشة انتي ماغير غازتن خشتس فوق .. ناظري حدر اذا بغيتي تمشين ..

واذا قلت له كربة النخلة يسلم عليتس .. تحسبن اعيره ..


بس عاااد علشانك ابجرب يالبي ..


سي يو ..