[الحد]

دجت كل الأماكن والمناطق وما فيه عرب أو أهل بلد الا وتعرفت على بعض أهلها رفقه أو مصلحة...... الخ
يعني بالعربي خالطت أغلب الناس والعربان والحضران وأهل الشمال وأهل الجنوب وأهل الحجاز والشرقية .. ولكن اللي محيرني شيء واحد بس ...

بريدة دائماً عندهم تحت المجهر .. فيها كذا وكذا أهل بريدة فيهم هيك وهيك .. حتى أهل طوالع بريدة أحس فيهم شوي حقد على بريدة وهم المسترزقين منها ! ! ! ! ! !


الســـــــــــــــــــــــــــــــــــــــــــــــ ـــــــــــــــــــــــــــــــــــــــــــــــؤال

لماذا بس القصيم محقود عليها من المناطق الأخرى / ولماذا بريدة بالذات حتى من أبنائها للأسف الذين هجروها وعاشوا في مناطق أخرى يقذفونها بألسن سليطة ؟

شي يجنن ويحير العقل أفيدونا بارك الله فيكم

[الصباخ]

ههههههههههه حلوة أفيدونا بارك الله فيكم..
اللي يقرأ كلامك يقول هذا يبي فتوى ..

[زرزور]

لانه لاترمى الا الشجرة المثمرة


شكل السؤال يبي نور على الدرب

[الشامخ وبس]

لأنه طلعت واللي حوله مازالن على وضعهن

[ملك الرمنسيه]

السلام عليكم ...
صباح الخير .. اولا اشكرك على ما كتبته .. بس لو لاحظت ان اهل بريده دايم كل شي يعرفونه مايخلون شي الا ويعرفونه كلللللللللشي مع اختلاف الثقافات فعلا شي محسوس ولا احد ياكل مهم عيش بذات بالتجاره والبيع الشراء حتى شف رجال الاعمال ( التجار ) تلاحظ تجارتهم اكثر من 70%خارج بريده وما يخلون احد بحاله في كل صغيره وكبيره , صح ان فيه اشياء تحصل بكل مكان بس عندنا بزود والله بزود وما عندنا تخصصات بالعمل يعني عاااادي تشوف مثلا مثلا مدرس يبيع تمر او يشرف على فلل او تشوف مؤذن صارفراش وهو اصلا موظف بعد أو واحد بناء فله وخلاص صار مهندس يعني بختلاف المهن تشوف اللحين لو توقف تبيع اي شي بمكان ما وصار عليك شوي زحمه بعد ساعه تلقى سياره صافطه بجنبك طيب شفلك مكان ثاني ؟ هذي بعض الصور او المشاهد اللي تصير عندنا ..
اسف على الإطاله ويضل رائي شخصي ( اختلاف الرئي لايفسدللود قضية )

[خواش]

حبيبي كل منطقه وبه هالشي

لكن انا وانت من بريده

بس أسلوبك انك تقول الطوالع هاذا انت يطلع منك هالكلام وقاعدن تسب غيرك من المحافظات المجاوره

حبيبي زيّن أسلوبك ماتشوف أحد يسبّك

يعني انت جنيت على نفسك وهاذا لللأسف نبذه من عيالنايكرّهون الناس بنا بسبب عنصريتهم واطلاق اسماء غريبه على المناطق المجاوره


عزيزي بريده ملتقى القصيم فلاتكن مشوّه لغيرك من اللي بالمناطق الأخرى ليس لهم ذنّب

كُن قدوه يحتذى بك انت وغيرك



كي لا تتلقى ماذكرت مسبقاً في موضوعك

ملاحظه/ انت هل أيقنت ان شبابانا ببريده لايسؤون لأحد أو تتكلم انهم كلهم مسالمين!!!

قد يحدث سلوك غير ايجابي يكرّه اغلبهم ببريده لللأسف

مع انه يوجد رجال أبناء رجال في مدينتي بريده


شكراً لك

[جمراوي]

اول يغيضنا اذا سمعناه والان نبتسم لااننا فهمناه دعهم ينبحون وابتسم فانت بالقمه!!!
(بريــــــــــــدة)

[الشيطان]

لايضر السحاب نبح ا لكلاب

[ღ.. متآبع بصمت ..ღ]

اقتباس المشاركة الأساسية كتبها الشيطان لايضر السحاب نبح ا لكلاب

هذا الي بأقوله

[abo-saly]

لايضر بريدة نبح الكلاب..!

[سلفر بريده]

اقتباس المشاركة الأساسية كتبها الشيطان لايضر السحاب نبح ا لكلاب

~


وانأ أتبع آخي !

[اسر قلوب الناس]

عذاااال لحد يهمك

[عزوبي محترف]

سبق ان ناقشت احد الاشخاص من احدى المدن عن هذا الامر وقال لي بالحرف الواحد ان اهل بريدة مايشوفون الناس شي يعني بالعربي اهل بريدة شايفين انفسهم فوق شوي ومايعطونك قيمتك حتى لو انت وزير وهذا عيب اهل بريدة والشي الثاني ان اهل بريدة متميزين بالدين بس انهم يعتبرون غيرهم مقصرين بالدين وهذا اللي خلانا نكره اهل بريدة ...بعد ان بريدة اخذت حقها وافي من كل شي من الطرق والمنشأت وغيرها والدليل مقارنتها بغيرها مثل حائل او الجنوب وغيره
سبحان الله نفس الكلام سمعته من احد ابناء الرس وبالحرف الواحد ان اهل بريدة شايفين انفسهم فوق الناس ويتكلمون معك على انك اقل منهم وهذا اللي خلانا نكره اهل بريدة


انا اقول ان الجميع فيه الخير والبركه وفيه من بريدة من يسيئ الى امه كامله وفيهم من يرفع اسم بريدة فوق السحاب من اخلاقه وهذا ينطبق على كل مدينه بالعالم يعني بريدة تتطور وهذا بفضل الله تعالى ثم بكثافه السكان فسكان مدينه بريدة فقط يعادلون جميع سكان منطقة حائل بكل مدنها ومحافظاتها وقراها رغم ان مساحه حائل اكبر من مساحه القصيم كامله

عموماً الواثق من نفسه مايهمه من يقلل من قيمته

[سراب]

القافلة تسير .. والكلاب تن..
احترامي للمنتدى لايجعلني أكتب الكلمة الاخيرة ..