[توست]

اخي تبي نصيحة اخ لك ,,,(( اذا تبي تعيش بعد توفيق الله طبعاً توكل على الله واخطب

ولاتفكر بالأسئله اللي انت وضعت في الموضوع يعني لاتكون حساس ,لأن مهما

اعطاك الجميع هنا من اجوبه يبقى التوفيق من الله ,, دائماً الحساس والخايف هو

اللي يتغربل والله .. يعني لاتعطي الدنيا والزواج خصوصاً اكبر من حجمه ,,

والطلاق الكثير طلق وتزوج ولله الحمد .. واذا عندك مثل هالأسئله ولابد من معرفة

اشياء اخرى ياليت تسأل مشايخ وناس فاهمين بهالمواضيع ,, لأن مثل هالموضوع

ومن وجهة نظري لايحتاج الى منتدى عام الكل يعلق فيه )) وشكراً تقبل وجهة نظر

توست ....

[عايشة بكيفي]

اقتباس المشاركة الأساسية كتبها •°انكسار الأماني°• والأصيلة أصيلة وإن كانت مطلقة !! مالكم كيف تحكمون !! ؛ أجل يحبون الشرافة ؟! أفهم إنك بتتزوجين رجل على عماك لاسؤال ولايحزنون !! من حق الفتاة السؤال عن أي رجل يتقدم إليها وهذا لايندرج تحت بند "الشرافة" كما تفضلتي بذلك مسبقاً . فكما أن الرجل يطالب بالنظرة الشرعية والتدقيق بكل كبيرة وصغيرة فكذلك المرأة لها نصيب من التدقيق فيه . قليلاً من العدل بينهما بارك الله فيكم ,, ووالله إنها لمشكلة مؤلمة أن تشتم الديرة المسكينة على كل كبيرة وصغيرة . وبقولكِ ذلك تنقدين حالكِ ولاغير إذ أنكِ فرداً من أفراد هذه الديرة المظلومة بأبنائها العاقين . ,,

اخي هذا الواقع الي نحن نعيشة وليس بشتم الى حد قولك لماذا الهروب من الواقع الاعتراف بالحق فضيلة وانامن سكان فقط بريدة؟؟؟؟؟؟؟؟

[قتاله]

اخي المطلق .. اسعد الله اوقاتك سيدي الكريم احب ان ابدد بعض شرود حرفك واجيب على استفهامات اسطرك .. لن يكدر صفحتك كونك خضت تجربة لم تفلح .. فالانثى الناضجه ستدرك انك حريص على عدم تكرار ماسبق! وانك ستعيد صياغة امرك وستحاول فهم الانثى الجديده.. وبالتالي اسعادها .. اخي الكريم بإختيارك الجديد كن سيد الاختيار ولاتتكل على ذوق القريبات حفظهن الله وهذه نصيحه اسوقها مذهبة الاحرف لكل رجل! اختاروا انتم ولاتسمح لاختيارات انثويه عشوائيه بأن تحدد مسااااار حياتك .. اسعدك الله

[الجمان]

نصيحتي لك خذ مطلقة..
ترا البنت تبي تهزبك الصبح وتالي النهار..
وكل ماسويت شي تبي تقولك انت تعتبر بنات الناس لعبة..
وتبي تعتبرك اقل منها لأنها بنت وانت مطلق..
هذا غير انها تبي تتوقع انك تبي تطير بها لأنها بنت وانت مطلق..
ولازم تجي على كيفها..
هذا هو الواقع ..
اما مسألة سبب طلاقك اصلا الناس اللي يسألون الرجل عن سبب طلاقه اغبياء..
أكيد يبي يسألون من وراك..
وممكن يسألون زوجتك الاولى..وهذا اقل شي يبي يسوونه ومن حقهم طبعا..
طبعا بالنسبة لي لايمكن ان ارضى بمطلق..
لأني بنت ومن حقي اتزوج شاب فليش اتنازل..

اقتباس واخذ بنت بس ترى ماهو بسهولة لقها لانه هو يقول قهر رجل عمره بالخمسين وياخذ صغيرة وبنت وانا ياالشاب اخذ مطلقة ..

اولا.. هو مهب شاب هو مطلق..
ثانيا.. فرق كبير بينهم..هذا مطلق اهم شي عنده يستقر..
لأنه ان طلق مرتين يحطون عنده الناس الف علامة استفهام..
اما هالخمسيني المتزوج والمستقر لو يطلق عشر مرات ماراح يضره
لأنه مستقر اصلا ويرجع لزوجته ولاكأن شي صار..

,,
تقبلا مروري,,,

[•°انكسار الأماني°•]

اقتباس واعرف مطلق عمره فوق ال30 على مااسمع اخلاق ودين وموظف تقريبا له مطلق فوق السنتين ومعه ولد وماتزوج الا قبل فترة واخذ بنت بس ترى ماهو بسهولة لقها لانه هو يقول قهر رجل عمره بالخمسين وياخذ صغيرة وبنت وانا ياالشاب اخذ مطلقة ..

أجل قهر ؟!
وهو حضرته وشو ؟؟ مهب مطلق حاله حال هالمطلقة اللي رفع نفسه عنه !!
طيب مهب قهر المطلقة العشرينية تأخذ واحد بالخمسينات !!
أنا ماأشره على الرجال لإنهم لاقين بنات رخيصات بايعات أنفسهن بهلله مايصدقن يخطبن يالله بس نوافق لو هو أسخف خلق الله !!

اقتباس والي يسبب بنااات ديرته استح على وجهك تراك الحين تسب امك واختك ومحارمك كلهم ..

وليه مايسب بنت ديرته ؟ وهي بالأصل حقها السب وزود !
اللي ماحشم نفسه ياطويلة العمر لايرجي من غيره يحشمه !
بنت ديرته رخيصة ماعندها كرامة ولاقدرت نفسها حق قدرها .
بنت ديرته ضعيفة تتشبث بأي رجل لو مايستاهل بس الأهم تتزوج مثل بدرية و فوزية من الناس .
بنت ديرته ساذجة ماتفكر ,, معطلة المخ تبعاً للمجتمع الذي فرض عليها الإهانة وطاوعته وجعل كل همها هالرجال الشيون .
بنت ديرته مهب تستاهل السب إلا ليت من يدفنها تحت التراب لإنها مهب كفو الحياة .
الإنسان اللي يلغي عقله حقه يربط ويحط عنده علف وماء لإنه أصبح بهيمة مع إحترامي لأبو صابر .
قالت بنات ديرة قالت !!! أي بنات ديرة تتكلمين عنهن عساهن ذولي أستغفر الله >> بنات ديرتي تخخ ..
اللهم إني بريئة منهن إلى يوم الدين ,, أكره ماأشوف الأغبياء بصراحة وللأسف إن بناتنا كذا ..
أولاه من خلطهن مع بنات نشميات علشان يحسن بقيمتهن في الحياة ..
اللحين لو تطلق فالحة منهن مالقت من يخطبها إلا شيبان مرضى علشان تراعيهم .
لإن المطلقين لقوا بنات مشافيح يقبلن بهم وهي حقها تغير للشايب الكريم وتوكله وتدور به بالحوش توسع صدره .
إيه هذا قدر المطلقة عند مجتمعنا المحافظ المقدر للمرأة عظيم التقدير والذي يعتبرها جوهرة مصونة ودرة ولاكل الدرر .
هو يرى حفظه الله إنه حرام رجل مطلق عمره 30 ومعه ولد يأخذ مطلقة لكن حلال إمرأة مطلقة عمره 20 تتزوج شايب وتعيش حياته قهر !!
وينك ياهيلاري تشوفين ربعنا والعياذ بالله !! حياة همجية تسير حسب قانون القوي يأكل حق الضعيف .

جمان سلمي لي على أهالي تلك الديار وقولي لهم تقول انكسار // أنتم الغالبون ونحن الخاسرون

عفواً بعض الردود في الموضوع تدل على عقليات غير عادلة أعتذر لنفسي عن ذلك الخلل الإجتماعي .
أستغفر الله أستغفر أستغفر الله اللهم عافهم ولاتبتلينا ..
؛

[رابعة]

يااختي انا صرااحة هالرجل كنت منصدمة من ثقته بنفسه ومره متطلب ..
وهو ماقاال المطلقة تاخذ واحد عمره خمسين و للمعلومية اخته مطلقه وخطبها شاب ومتزوج ورفضتهم كلهم لااسبابها الخاصة ولا قالها شي لانه عارف مثل ماهو يطمح لشي حتى اخته تطمح لشي..

انا معك ان النظرة للمطلق غير النظرة للمطلقة بمجتمعنااا..
ولكن ماحناا مجبورين نلتزم بهالنظرة للحين فيه مطلقاات وبالعكس تتمنى مثل البنت وماقااالت انا فرصتي صعبة بالزوااج بالعكس..
البنت الي تتزوج واحد عمره خمسين احب اقولك اشكري الله لانها في الغالب مجبورة مااحد شاورهااا لان للاسف ولي امرهااا نظرته قااصرة ولابعقلك بنت تتمنى تااخذ واحد بهالعمر حتى لو مطلقه..

موفقين..

[غنوجة نجد]

لا عادي ,, مطلق ,, بس اهم شي تكون صريح مع الزوجه الجديده اذا خطبتها لان ضروري بيسألوا عن سبب طلاقك
الله يوفقك ويسعدك

[&المـحـ M ـتـــار&]

اقول تبي رايئ لاتعيدها وتزوج ترك بتندم
اسال مجرب ولاتسال طبيب

[توست]

شكلك كرهت الزواج من كثر هالردود ههههههههه ,, الله يعينك بس ويوفقك يارب ,,


بس لايفوتك ردي رد دكتور وخبره بالحياة >>خبره وهو ماتزوج خخخ

[tootaa]

توكل على الله وتزوج

وانصحك تزوج مطلقه

فيه بنات كثير مطلقات تزوجو يوم ويومين وهجت تصير ماحبته دور لك وحده كذا احسن من تاخذ بنت

والله يوفقك

[عبدالله الصالح]

خابر لك وحده ما توصف

شوري عليك

راسلني خاص

شكلي بصير خطاب>> يعني أزوج الناس مو أشبه أسم أحد من الرجال الأفذاذ؟؟؟؟؟؟

[المتمردة]

اقتباس المشاركة الأساسية كتبها ●غزآل العآرضية~ لا عآدي بالعكس بس عن الحركات اللي يسوونها بعض الناس وخذ مطلقة مثلك ! مو يصير يحق للـ ( الرجال ) المطلق يآخذ بنوتات والمطلقة مايحق لها تآخذ وآحد يبدأ أول حياته معها !! مع إني ماأدري شلون البنات يرضونها لهم الله يعافيهم ولايبلانا ! والله يوفقك ولاتخاف لأن المطلق بالعكس يكون أكثر تفاهم وأكثر أريحية لأنه مجرب ومايبي يكرر أخطاءه ..

كلام سليم 100%
اذا اخذت مطلقه مثل حالتك راح تقدر سبب طلاقك وتفهمك هذا غير انك راح تفهمها لان كلكم لكم تجربه سابقه والله يكتب لك الخير مع بنت او مطلقه

[أم جمانه]

الله يعينك اذا سئلتك جااوب اذا ما سئلت حظك

[المتمردة]

اقتباس المشاركة الأساسية كتبها •°انكسار الأماني°• الظاهر بأخذ الموضوع صبرة على هالردود تبارك الله أستاذ صطيف ولاأعلم مامعنى ذلك ,, المهم أني سأخبرك بمعلومة جهلتها أو دعني أقول نسيتها . نسيان الماضي ضرورة إن كان سيُخل في المستقبل . وماأعتقده هو بديهية نسيان الماضي المؤلم للرجل و للمرأة على حد سوا وهذا لحفظ كرامة الإنسان , فليس من العقل تعلق الفتاة برجل لايرغب بها >> خلاص بالعربي مايبيك إلا غصب يرتاح معك , كلاً يمضي في طريقه والحياة مليانة رجال و بنات وراح تمشي الأمور ولن تتوقف على حب الأول وإن زعم القلب . كون الماضي محبباً لديهم فلتعلم أن الرجل هو الذي لايتيح لفكره نسيان ماض يحبه وإن إبدله الله خيراً منه . وهذا يرجع لمشاعر اللامبالاة لدى الأغلب من المنتمين لهذا الجنس إذ أن من طباعهم "الدفاشة" والله يخلف . أما الفتاة فهي التي تنسى الماضي المحبب وتحاول نسيانه مراعاة لمشاعر الجديد على حياتها وهذا يرجع لطبيعة تكوينها مشاعرياً فهي عكس شقيقها الرجل . الفتاة تجامل على حسابها ولاترضى بجرح الطرف الآخر وإن رفضت العيش معه فهي تجبر نفسها على تقبل الوضع إن كان الأخر لم يبدي لها غير الخير . ومع كل نماذج التضيحة من فتياتنا وبالنهاية تقولون ماينسن صدق مجتمع .....!! ؛ صفراوي تأكد أن المطلقة تترصد الفرص ولاتحسب للمدة بين طلاقها من الأول وزواجها من الثاني . ومستقبل الواحدة منهن مقدم على الحياء المذموم إذ لاداعي للحياء في ذلك بوجهة نظري ولم أسمع به وأنا من نفس مجتمعك حسب علمي . ماأنكره هو سرعة زواج الأرملة لا المطلقة فماموجبه على الأخيرة بالنسبة لقولك ؟؟ ؛ بنت البشر المطلق مافيه شيء ولكن من الأفضل أن تدعيه للمطلقة وتأخذي من هو مثلك لإن من هو مثلك لن يقبل بالمطلقة . ولعلمك أن شباب هذا المجتمع لن يروكِ شيئاً حال طلاقك فلاتغرقيهم بمشاعرٍ ليسوا بحاجتها منك . الرجل غالب << عبارة كان لابد على الجميع معرفتها ومن ثم الإيمان بها إيماناً راسخ . وبعد ذلك لن يحتاج للتأييد من أحداكن والواجب هو التفكير في مصير المطلقات حيث قد تكوني واحدة منهن في يومٍ ما . بالتوفيق ,,

عيني عليك بارده تبردين الكبد ماشاءالله اله يوفقك
ويوفق كاتب الموضوع