[دنا]

السلام عليكم ورحمة الله وبركاتة:
هذي أول مشاركة لي بالمنتدى وابغى رأيكم الصائب
نبدأ...... بنتي بالصف الخامس عندها مدرسه والعياذ بالله من هذي المدرسة ابغى حل وش أسوي معها
المعلمة سيئة الألفاظ مع بنتي لدرجة تقول لها (نسال الله العافية يا ؟) ثم طلبت من الطالبات ترديد تلك الجملة وايضاً قالت لهاغذا كلمتي صديقتك لأضربك ضرب الحمار ولم تنتهي من ذلك انتي غبية يعني بنتي ساعدوني من غباء التعامل الذي لم يوصي به رسولنا عليه السلام والعجب إنها معلمه أجيال
وانتم على علم بلأثار النفسية لطالبة المستقبل من هذا التعامل ( سبق لي وأن تكلمت معها عن هذا التعامل أريد منكم حل أقوى من ذلك )

[حنان الكون]

وش هالكلام !!
روحي للمديره واشتكي !
وان مافاد غيري المدرسه الي تدرس به البنيه !!
والله يعينتس ويعينها

[دنا]

أنا استغرب مافيه عقوبه للمعلم اللي يخطئ على الطلاب إذا كان خاصة من هذا النوع وأنا ودي بنتي تأخذ حقها من هذه المعلمه ...بعدين تجي الظهر من المدرسة بالباص مافيه سيارة خاصة ليش ماتقولين ممكن تفرض عقوبة للمدرسة بنقلها عن المدرسة أو غياب ثلاث أيام بدون عذر علشان تطلع عيونه من الخصم........................

[هايين]

الكلام اصعب من الضرب
كلمي المديره
او وقفي المعلمه عند حدها
واذا ماعندك الجراه ارسلي وحده من خواتك

الله يصلح الحال

[الرزين الحزين]

المسألة اسهل مما تتصورين

اذهبي لموقع الوزارة يوجد ايميل للوزير اكتب شكواك وارسلها

او دعي أحد اقاربك يكلم المدرسة ويكلم المديرة عن الموضوع وانه بصدد اقامة دعوى في المحكمة ضدها

[بوح الأمل]

شوفي حبيبتي بعض المعلمات ماينفع معها إلا كلام الرجال
قولي لأبوها او خالها او عمها
يكلم المدرسة بلهجة قوية ويهددها :
إذا ما تحسنت في تعاملها مع الطالبة بنقدم شكوى لوزير التربية

وإن مانفع ارفعوا فيها شكوى ترا فيه ناس ماتجي إلا بالعين الحمراء

الله يخلي لك بنيتك وتشوفيها مثل ما تمنين

[بدر بن عبدالله]

بالإمكان أن تكلمي هذه المعلمة وتطلبي منها تغيير تعاملها مع البنت،
فإن لم يجدِ فاتصلي بالمديرة وناقشي الموضوع معها وأخبريها بفعل
هذه المعلمة، فإن لم يتغير الحال فقومي برفع شكوى لوزارة التربية
والتعليم واشرحي فيه الوضع وإن شاء الله يقوموا بحل المشكلة،
فإن لم تستجب وزارة التربية والتعليم، فيفضل نقل البنت إلى مدرسة
أخرى إن أمكن ذلك، حتى لا يكون لكلام المعلمة أثر نفسي على البنت مستقبلاً.

* وشكراً.

[مارينا]

.

الله يكوون بعوونك...

من بااب التعزيه ,,,

بنت اختي حصلهاا مثل او اشد من مااحصلتس حتى انهاا قررت تنقلهاا الى اهليه ...
ولاكن هيئ الله انهاا تنقل للفصل الثااني وبالمووت وطلعة الرووح ,,
كلمة المرشده صاارت ا لمرشده اخووف من الطالباات
كلمة المديره قالت المديره هذي المعلمه ماانقدرهاا كذا نفسيتهاا وش بيديناا ... تخيلي !!!!

فالمستفااد من اعلااه ...

انقليهاا اما الى الفصل الثااني او اهليه الين تعدي السنه ذي .....




.

[فرووسي بريدة]

شوفي اختي روحي للمديرة وقولي لها ابنتي تعقدت من المعلمه ان مانفعت المديرة علمين اكلم مدير التربيه والتعليم

[دنا]

أنا قلت للمديرة ............ورفعت شكوى لإدارة التعليم أخيراً أحيل الموضوع إلى مشرفة المادة هل هذا يعتبر حل قوي أنا ابغى لها تحقيق كيف يكون ذلك ياجماعة خاصة أنت يافرووسي بريدة

[narran]

انصحك ماتسكتي موعشان شي عشان نفسيت بنتك
والله روحي للمديره وقوليله
واطلبي موجهه
وتكلمي مع الموجهه عشان توقفه عند حده

[مؤمنة]

اختي الفاضلة ..
لمعرفتي باسلوب بعض المعلمات ...و المديرة نظاما لاتملك اي صلاحية لتأديب هذا النوع منهن ...
الحل :::
توجهي إلى الاشراف النسائي..
قسم التوجيه والارشاد ..
واطلبي المشرفة المسؤوله لتضع هذه المعلمة عند حدها..

أو كما قال الرزين ايميل الوزارة الرد ياتي سريعا من الوزير....


بالنسبة نقل ابنتك بقية الفصل إلى مدرسة أخرى .. ثم ارجاعها قد يكون سهلا عليك لكنه صعب على بنيتك أن يتغير عليها المجتمع .. البنت صغيرة وعلى بال ما تتأقلم مع المدرسة الجديدة يكون الترم انتهى...

قسم التوجيه والارشاد في الاشراف النسائي سيقوم بالواجب .....
توكلي على الله...
وأعيد المديرة مهما وعدت لاتملك أي صلاحية لتهديد المعلمة ... سوى أن ترفع شكوى عليها مذيلة بتواقيع أولياء الأمور...

[دنا]

لكم جزيل الشكر مني ومن ابنتي على طرح أرائكم السديدة راجية منكم الدعاء لإ بنتي بالتوفيق والسداد في الدنيا والآخرة وأن يمنع عنها كيد هذه المعلمة وللمعلومية اتصدقون المعلمة لها أكثر من عشرين سنه ..وبنتي الأن مبسوطة عندها طالبات الكلية الله يوفقهن يكتبن لها عبارات تشجعية

[فولة]

مرحبا أختي

حيب أضيف مشاركة ..في مرة من المرات ..كان فيه معلمة تشبة هذه المعلمة وتتعامل مع بنت خالي بنفس التعامل لدرجة أن الطفلة كانت تستيقظ من النوم وتصرخ ..وتتذكرها..

وكانت أم الفتاة تلك الفترة في النفاس وذهبت انا إلى المدرسة ومن حسن حظي دخلت للإدارة
ووجت مشرفة من التوجية تجلس في الإدارة ..سلمت والمديرة والمساعدة والمراقبة ..أصبحت وجوههم أشكال ألوان لما قلت للمشرفة أنت المديرة قالت:
لا ..ليه أيش مشكلتك والمديرة موجودة وأنا اعرفها فسحبتني المراقبة قائلة تعالي هنا اهلا اهلا
وخرجت من الادارة وقالت : ما المشكلة؟
قلت :كذا كذا كذا
قالت :اذهبي الآن وانا راح اتصرف مع المعلمة فيما بعد
وإذا بالمشرفة تنادي تعالي يا أخت..ما المشكلة ...قالت بالله لا تقولي شي لها
قلت : هذي مشرفة ..قالت نعم ..قلت والله العظيم أقولها على التسيب عندكم
ودخلت وقلت والله العظيم للمشرفة كل شيء ..
المشرفة قلبت المدرسة رأس على عقب وطلبت المعلمة والاخصائية
وأمام عيني احرجتهم بالأستجواب.... وعينك ما تشوف إلا النور
وأنا مت ضحك عليهم لأني اعرفهم وحدة وحدة وما انسى تلك المراقبة عندما ضربت أختي ونحن في نفس المدرسة والله أصابعها الخمس على خدود أختي من شدة الضرب
والله العظيم تغيرت معاملة تلك المعلمة مع بنت خالي
واليوم الثاني تقول الطفلة اليوم أخذوني عند المديرة أعطوني ألعاب وحلويات ...والخ
واتصلت عليه اليوم الثاني زوجت خالي :
قالت : الله يهديك استعجلتي لما اشتكيتي المعلمة ..طلعت انسانة طيبة مرة
جابت لبنتي اليوم ألعاب وهدايا.!!!!!!!!!!!!
قلت:فعلا انا غلطانة !!!!!!!!!
اش رأيك؟

عموما أختي بنتك...إذا ما نقلتيها من عند هذي المعلمة أو من المدرسة راح تتأثر نفسيتها
ولا شو رأيك تعطيني اسم المعلمة وأنا أتصرف معها؟؟