[الشجاع]

أنا وشارون ......... على الماسنجر!!!

كنت من وانا صغير حاقد على اليهود واسرائيل ووراعين القردة والخنازير......وكانت امنيتي اني ادخل العسكرية واقدر اسوي أي شيء ارجع فيه القدس المغصوبة الى الاسلام والمسلمين واني اجيب راس رئيسهم بأي وسيلة
مرت السنين وخلصت الثانوية وجبت معدل قوي ودور لي ابوي واسطة ودخلت الكلية الامنية وبحسب المواصفات اللي شافوها فيني واعجبتهم حطوا تخصص جديد عشاني وضفوا كم واحد معاي فيه عاد اسم هالتخصص (( دبوس اون لاين))
كان هالتخصص اصعب من حقين الطيران والا البحرية والا أي تخصص ثاني ....... يعني هالتخصص يصك على الموساد الاسرائيلي كل ابوووووووه وحتى رأفت الهجّان ماهوب شيء جمبه.
المهم دخلت هالتخصص ودرسوني اول شيء لمدة شهر كامل (( اللغة العبرية)) لمدة شهرين مركزّة ومضغوطة وكنت من الدوافير في هالدفعة وتعلمت هاللغة بسرعة خيالية اعجبتهم في اتقاني للغة وتطبيقاتي الانترنتية
تخرجت ولله الحمد وعطوني اسبوع اجازة وبعدها ومن اول اسبوع وفي ثاني يوم اللي هو الاحد نادوني في وزارة الداخلية قالوا فيه مهمة سرية وخطيرة نبي نسويها وحنا اخترناك يالشجاع لانك اثبت كفائتك في الكلية ومقدرتك القوية ونبيك تطبق شغلك كله على الواقع
قلت من عيوني وادق للامير نايف تحية واصرخ بأعلى صوتي الله ثم المليك ثم الوطن (( كذا الترتيب اذا مانيب غلطان)) قفلت مع اخو نورة وقال لي تلايط بس وخلك على شحم!!! قلت ابشر طال عمرك!!
قال المهمة في اسرائيل وبنسميها (( خط البلدة ))نبيك تجيب راس شارون التسلب هالملعون اللي ذبح خلاق الله ونهبهم وشردهم ..
وانا تصيبني النفاضة ام الركب وبغيت افك البكوة ولاكني تذكرت هذاك اليوم يوم شفتهم ذبحوا ولد الدرة ولا احد منهم قال شيء تسنه شاتن من عرض الغنم!!
قالوا لي الوعد الاربعاء الجاي تبدأ مهمتك وبنخليك تسافر اول شيء الى الاردن وبعدها الى سوريا ومن هناك بيزبنونك حقين البخشيش وصرّف نفسك في ذاك الوقت!!

- يوم الاثنين -
طول اليوم وانا افكر هذولي من جدهم والا يبون يختبروني؟؟!! ضاقت الدنيا مالقوا الا انا عاد عندهم5000000 دبوس سعودي من اصل 16000000 سعودي !!! راح ليلي كله وانا في تفكير وش السواة وش الخطط اللي لازم اسويها

- يوم الثلاثاء -
نفس الطريقة تفكير في تفكير عيوني صارت حمر تقول واحد مقضم حتى اهلي قلت لهم اني بروح لم الصمان عندي انتداب لمدة شهر!! عشان مايقلبونها مناحة في البيت.جت الساعة 12 نص الليل ولا مرّ علي النوم الا الساعة 3 الفجر قبل المؤذن يأذن ..... حطيت راسي وخمدت النومة الاخيرة قبل المهمة الانتحارية.

دقت الساعة 6 الصبح والاانا في المطار وراكب الطيارة وفي درجة اولى الى الاردن ومنها الا سوريا ..... عاد في سوريا تعرفت فيها على واحد وظبط لي الامور كل ابوووها جاب لي جواز اسرائيلي وغير اسمي من الشجاع إلى باراك ومن هاك السوالف اللي انتوا خابرينها سهرات واقتداحن للبيبسي السوري
علمني الرجال ان شارون يموت في شيء اسمه ماسنجر او شات ودائما يدخل على غرف السوريات والشاميات ككل .. قلت حلو علمني النك حقه اللي هو (( الزير سالم))وكانت غرفته المفضلة اسمها (( بنات الشام هبّلن بي )).
يقول الرجال انه ولا بنت معطيته وجه وكان اول يخش باسمه وكان بازن به مادرى ان الصبايا مسوين الاقنور من اول مايشووفونه حتى فهم الدعوة وصار يغير النك حقه مثل (( مصرقع قلوب الاسرائليات و عاشق سوريا وفرعون ))ودائماً يطيح في ربعنا ويسحبون فيه المخفة ويهبلون به حتى تقوطر سعابيله ولا منه درى عنهم راح الملعون يقصب له فلسطيني!!
دخلت على الغرفة والا القى ابو الشباب ونشتشت انا وياه على خفيف .... وبعد ماكملت اسبوعين معاه وبدت تطيح الميانة دخل هاظاك اليوم وكأنه زعلان قلت وش فيك ياشارون؟
قال: ياخي مانيب فاضي لك انت بعد... قلت: افا وهذا واحنا خويا وكل واحد يمون على الثاني: قال ياخي مانيب اقصد بس اليوم قافلة معاي ولانيب فاضي لا احد قلت: طيب انا بترك اللحين وبعطيك ماسنجري اضفني لان الهاكرز اليهودي لعبوا في حسبة جهاز ولانيب داخلن شات مرة ثانية ..... قال: هههههههههه نسيت اني اقول لهم لاتقربون باراك.... قلت: خلاص انا طالع والقاك على الماسنجر تشاو .... قال : تشاو
ثاني يوم اول مافتحت الماسنجر الا هو مضيفني ومع هالاضافة 9 ايميلات!!! وكان كاتب في النك حقه بالماسنجر(( اسرائيل وبس.... والباقي خس))
لقيته مسوي للخارج يوم لقاني قال لي ياهلا بولدنا المغترب قلت : اللي يهلي مايولي,على طول سألته تعرف هالايميلات .... قال: ايه هذولي لي اانا والصبايا بعد
قلت: طيب طيب وشلونك اليوم ... قال : والله احسن من امس بكثير.... قلت: صحيح وش قصة امس وراك مأتشة معك امس؟؟!! .... قال: امس واحد زلابة من هالفلسطينين نتف له 10 من ربعنا الله لايوفقه ماادري وش يبون منّا هالجحلط الفلسطينين غاثينّا غث ولايهونون اللي مسوين لهم فزعة العرب من اولهم الى آخرهم زلايب والله ((طاح وجهي ))مادروا ان امريكا واطيتن على خشتهم وانا حاطها تحت أبطاي
قلت : عسى ماهم متضايقين من صنتك ..... قال: تستخف دمك انت وجهك اللي تسنه سعودي يدور وظيفة بعد الثانوية!!
قلت : من زينك انت ياالرخمة ماتتقيوى الا على الموتى اما هالبزارين ماتقوى تجيهم ولاّ نسيت سالفة الشهيدة اللي مثّلت في جثتها؟؟ ..... قال : سون اوف الحوطية !! اثاريك منتب هين يا باراك..... قلت: حاقه زي كذا ... قال: والله ودك من كفخ على جبهتك بالماوس خلاها تسوي حركة السيفتي عليها ... قلت: بالله شف آذانيك تقول تسنها مغارف لبن ولايهون خشمك تقول تحويلة خط سوريا من اول .... قال : ماودك تتلايط وتسوي تعرف تذب وخلني اكمل لك سالفة هالزلابة.... قلت: اسلم .... قال : ومن قال بعد ...هالفلسطينين شكلهم ماهم راكدين الا لين احوس بهم الارض مع ريسهم ابو كفرات قسمن بالله ذبحني بكثر التبويس!!
ياعليه براطم تقول شفاطات ... قلت : البلا منك لو انك جايبن خبره من اول كان ارتحت وريحت العرب بعد،هما العرب مايبونه.... قال: اصلن متعمد انا مانتفته وان زعلت عليه حرمته من التبويس لمدة اسبوع!! بس انا تاركه كذا متعمد علشان انا ممشيه زيّ الالف ولاهوب قادر يروح يمين ولا يسار ولاهو ماهنا اسهل من تطيير رويسه ... قلت: الله يرحم فيصل بس!! ... قال: وشو وش فيصل هذا وش تقصد؟؟!! .... قلت: لا ابد معاي واحد سعودي مقلقني وكله يسب فيك يابعدي ويقول ان شارون مااذرق من احد هو مع وجه تقول دفتر ابو متين ممزوعن جلدته
قال: اها بس قسمن بالله لا اللحين احوسه هو وجهازه ... عاد تصدق ان هالسعوديين مقلقين حياتي ودي اشغلهم بشيء غير سالفة ضرب العراق!! بس يقهروني انهم يدفعون لها الارهابين بالملايين والواحد منهم ماهوب لاقين عشاه ولاهوب قادر حتى يسدد فواتير الكهرب و التلفون!! .... انا: هههههههههههههه قوية
طالت السوالف معاه اخذ وعطاء وذب على بعض وعلى هالعرب وسوالفهم حتى صار الوقت متأخر وقلت له انا طالع بروح انام وراي شغل مع هالصبحية ... قال : انا بنتظر رفيزتي تدخل وبعدها بروح انوم ... قلت: اوكيه تشاو (( في نفسي قلت الله لايحفظك يالفقمة))


بعد 3 اشهر من مقابل شارون على الماسنجر والسوالف معاه لقيته على الماسنجر
قال لي : هلا بولدنا المغترب .... قلت: اللي ميولي يهلي (( فؤاد نتنياهو!!)) قال:انا بطلع لجنوب لبنان ابي اربّع في مزارعهم ولازم تجيني هناك على الاقل اتعرف عليك ونشوف بعض انا ارتحت لك من جد ولا مرّ علي واحدن مثلك وودي انك تجينا في ذا ونعرف بعض اكثر. عاد انا سويت ثقيل وقلت :صعبة ماأقدر اخاف ربعك يسوون لي شيء وانا ماعمري رحتااا لم يهودي في حياتي ولااعرف لسلمكم ... قال: يارجال ربعنا نسوا علوم المراجل مثل العرب والقبايل يوم نسوا سلمهم وعلومهم!!وانت مالك واحد يقدر يزبنك ويخلي تعدي الحدود ولا احدن يقدر يقول لك وين انت رايح الله مكثر ربعكم حقين البخشيش وتقوطر سعابيلهم لامنهم شافوا الكاش ماني!! بس قل قدّام ولا عليك ... عاد قلت زين انه جت منه ولا جت مني وقلت : اوكيه قدّام اصلن انا فاصل الريوس .... قال: خلاص بعد يومين جهز عمرك وجب معك ملابسك وشنطتك والباقي محفول مكفول وترى الوعد عند حدود مزارع شبعا هناك بتلقى عسكري لبناني راكب له شاص اول ماتجيه قول له كلمة السر (( اتفق العرب على الا يتفقوا !!)) وهو بينقزك الجيب وبيسهل امورك كلها اللين يوصلك عندي .

- الشجاع على الحدود -

قابلت الظابط اللبناني (( قهرفيه هالرتبة!!)) وانا وياه في الطريق سألني رفيزنا
قال: انتاا اسرائيلي؟ قلت : لاعربي حالي حالك
قال: طيب شو تشتغل؟؟!! قلت : ابد جاسوس على العرب لاسرائيل <<==== فك السحبة
قال: افاااا!! ياحيف هيك على الرجال بس....بتخون وطنك لهالخنزير دراكولا اللي أتل الصبايا والعجز والزغار والكبار .... بالله عليّك لشو اللي بتسويه؟!! ايش استفدت؟!!
قلت : ابد مصريات زيادة وبالدولار اعدل فيها دخلي لان الراتب في السعودية مايمديك تلحقه الا كل شي ماصعك من عند شركة الاتصالات والا الكهرب والا الموية وووو(( كني شطّحت عن الموضوع شوي!!))
سألته انا على طول اجل وش تسمي اللي انت تسويه هذا ماهيب خيانة؟؟
قال: لأه... انا لوأتلتك كان بتؤم أميركا وبتستنكر انه عسكري لبناني أتل مواطن اسرائيلي بدوه يزور (( أرضه !!!)) وأنا حسبتها اني اخد عمولة من اللي بدوهم يزوروا بلدهم اسرائيل (( مزارع شبعا!!))
اخذتنا السوالف وغيرنا الموضوع يمين يسار ومريّنا على اهل لبنان حتى وصلنا الى مخيم الظاطور شارون.

- الشجاع في ضيافة شارون -

ياهلا وغلا باللي جاء ياهلا بولدنا باراك انا اشهد انك ولد حمولة والا يطمر عليّ ويحضني وهو يطبطب على ظهري بغى يذبحني (( عليه ريحة تقول جيفة عنز مطلقة!<<=== لاعمرك تشبه ثاني مرة!! ))
ويقلطني الرجال عندهم ويجيب لي القهوة المحموسة مع هاظاك الربيع يوم شفته ويطق قلبي ويذكرني بالصفري اللي لاعبن في حسبتنا
ويسوي لي عشاء ماهوب صاحي بس قبل ماأكل قلت: تحلف ان العشاء ماهوب خنزير خبر انا ما أكل خنزير ولا عمري ذقته .... قال: كيف ؟ وشلون (( حسيت انه شك اني مانيب اسرائيلي واني العب عليه)) قلت : ماقلت لك اني عايشن في الريف السوري طول عمري ولا عندنا في ذاك خنازير ولا غيره .... قال : اهاااااا (( بدون نفس)) يايوحنّا رح جيب له ماك تشكن من ماكدونالدز وخله يطقطق عليه هالليلة!! ... انا على طرف لساني لأ انا مقاطع هالمطاعم بس رديتها في الأخير .... قلت : طيب الشكوى لله نعلف في هالوجبة خل هالليلة تعدي على خير ..... وهو طول هالليل ماغير يناظرني ويناظر تحركاتي وخاصة هالطاقية اللي حاطها على راسي اللي تقول انها صحن (( تبسي )) عجم انا من زود دلاختي جايب وحدة لونها خضراء وهو مستغرب هاللون بالمرة على راسي ولا بغى يسألني عنها مسوي مكرمني في اول ليلة.

- الشجاع في الفندق -
وصلني الحرس للفندق وماصدقت اني وصلت لغرفتي وعلى طول نطلت ملابسي ووينك يالتلفون وكانت الساعة 1:30 بالليل وادق على الظابط حقنا في السعودية الا وجواله مفصول!! وادق بعدها على وزارة الداخلية رد علي مسج يقول راجعنا بكرة!! في الاخير خربتها وادق على الوزير بكبره ويوم رد
الا اللي يضحك هههههههههههههههههااااااااااااااااااااي ههههههههههههههههاااااااااااااي
7
7
7
7
7
7
7

توقعوا مين ؟؟؟ طلع شارون يقول :



صادووووووووووه

*****************************


مايستفاد من القصة/
1 - ياكثر احلامنا يالسعودين!!
2- ابن امه اللي يدخل الامنية بدون واسطة لو معدله وشو!!
3- لا احد يدخل النت وهو ماتغدى زين.
4- (( مساحة اعلانية ))
5- سؤال من عندي استخرج مايستفاد من القصة؟؟
للمعلومية ووزن فُــــــعَــــــــلْ
منقولة
بتصرف