[الاسلمي]

الاستراحات وماادراك ما الاستراحات هل انت تؤيد من هم عندهم استرحات ام لا وارجو من كل مصوت ان يذكر السبب ..وهل هي صحيح بأنها ام الجريمة والمشاكل الاسرية.

[بريده احلا]

السلام عليكم...
انا مع الطلعات للأستراحات لأنها ترويح للنفس وتغيير جو عن البيوت
تحياتي لك..

[ابو شرين]

ناس كثير تحب الاستراحات
سابقا كنت احب الاستراحات البر البحر الطلعات عموما

الحين انطحن الحب خلاص لكن هذا لايعني الرفض

[ابويسرى]

الاستراحه زينه وتضف الشباب ولكن اذا سلمو من العرابجه والدشير ؟؟؟

[بولوهي]

الاستراحه اسم على مسمى فهي راحه للنفس من هموم الدنيا وانا مؤيد اللي عنده استراحه وخاصه اذا صارت ملكه

[الزرياب]

انا من المويدين الخروج الى الاستراحات بمعنى بدون دخول اي محضور شرعي ...

مكانه افضل الساحه المفتوحه..

ومشكور اخوي الاسلمي ..

[ديآر بلآ وطن]

ان كنت تقصد بالاستراحه ((الحوش)) < بلغتنا العاميه
ففيها الصالح واالطالح ومو كل من راح استراحه طلع داشر
>> ومن ناحيتي مااروح ..!

[أبو رزان]

اقتباس المشاركة الأساسية كتبها الاسلمي الاستراحات وماادراك ما الاستراحات هل انت تؤيد من هم عندهم استرحات ام لا وارجو من كل مصوت ان يذكر السبب ..وهل هي صحيح بأنها ام الجريمة والمشاكل الاسرية.

ما أدري وش قصدك بالضبط

يعني تقصد الشباب أو العوايل أو من ؟؟

أرجو الإيضاح أخوي الأسلمي !!


..

[ياسمين القصيم]

بصراحه الاستراحات للعوائل ترويح عن النفس وكسر للروتين اذا كانت في المكان والوقت المناسب،،،،
وكمان للشباب افضل تدرون ليه؟؟؟؟؟ عشان الاب يعرف وين ولده جالس اسهل عليه يراقبه!!!!!

[loquacious]

ماشاء الله عليكم يالشباب ترويح للنفس الاستراحات هاه بس لما تطلعون والا تسافرون مع اهليكم ماتصير ترويح للنفس تصير احتكار للنفس ....

.. الحين الولد حاط بيته زي الفندق يجي ينام ويآكل ويغير ويهاوش >>> ويطلع ..

انا معارضه بقوه على الاستراحات اللي زي النوع هذا لانه يجلس فيها اكثر مما هو جالس ببيته ..

بالاسبوع مرتين تمشي اذا كان متزوج واربع مرات اذا كان عزابي ..

وياشين السهر شينــــــــــــــــــــاه >> بالاستراحه .. حدك وحده ثنتين

وبعد فيه ناس ينامون فيها <<<< حالتهم مستعصيه مساكين

[ابو عبودي1]

والله انا اقول الطلعه للاستراحه مهمه بس مو بشكل يومي ويتجاهل البيت

[الاسلمي]

اقتباس المشاركة الأساسية كتبها أبورزان ما أدري وش قصدك بالضبط يعني تقصد الشباب أو العوايل أو من ؟؟ أرجو الإيضاح أخوي الأسلمي !! ..

الشباب يا الغالي

[الحنونk]

انا مع الاستراحات وبقوة بصراحه ترويح للنفس انا الصراحه دايم هناك مااطلع وبشكل يومي والله ياهي فله خاصه اذا كانوا ربعك صح رجاجيل وعلوم توسع الصدر

[لسـ المواطن ـان]

يتوفر في الاستراحات ما لا يتوفر في البيوت أو ما لا يصح في البيوت .. و الباقي عليكم