موضوع بالعامية .. لعيون أبو خرشة و أبو رُبا ..[ يازين أيام أول ]

**الـصـمـصـام** · 30-06-2009, 12:00 AM

بسم الله الرحمن الرحيم

يازين أيام أول .. هالكلمة أزعجونا فيها شيباننا ( الله يخليهم و يحفظهم ) و الله مع كثرة ما يرددونها صرت أتمنى إني عشت معهم و لحقت عليهم و على القرية الصغيرة و بيوت الطين و الصلاة بالخلوة و قومة الصبح و شغل الفلاحة و الكد و صفاوة القلوب و اجتماع الشمل و التكاتف و الصراحة و .....

و الحين مع إن الواحد توه ما بعد صار من الشيبان لكن صار يردد مثلهم ( يازين أيام أول ) يوم (التيم) و بسكوت (أبو ميزان) و مطامر الجدران و لعبة الكيرم ..

بس ما ندري شوقنا للماضي هل هو شي طبيعي عند كل جيل ولا الماضي فعلا كان مميز لنا و للكبارين اللي كليوم يرددون ( يازين أيام أول ) ..!

يعني بالعربي .. يمكن يجي يوم و نقول : ( يازين أيام أول ) و نقصد أيامنا ذي اللي حنا فيها الحين ..!
الله يستر .. يعني إننا بنعيش مستقبل يخلينا نشتاق لأيامنا ذي اللي فيها تعقيد و تكلف زايد و قطيعة و و ... إلخ ..

هنا تعرف قيمة المقولة اللي تقول : قديمك نديمك ...!

[MEDIA]http://www.buraydahcity.org/smsam-nor/up/3944608.mp3[/MEDIA]

أخوكم / عبدالله .. (عبودي) منول <=== قديمك نديمك .

**دعبل نجد** · 30-06-2009, 12:16 AM

والله انك صادز يا عبودي يمكن حنا نعيش الحين بها الايام وحنا متضايقين همن يجي يوم ونقول اثرنا أحسن شي

الهرجة عامي بعامي

الحنونk · 30-06-2009, 12:19 AM

واللة يا اخيي مااااااظن اننا بنقول يازين زمان اول على زماننا هذا لأنه مافيه شي زين الله على زمان اول الصدقي قبل 15 سنه ياسلام اذا تذكرته مدري وشو الشعور اللي احس به ماله وصف حنين او حزن اومدري وشو

**الصباخ** · 30-06-2009, 12:27 AM

ههههههههههههههههه لهالدرجة أثّر عليك أبوربــــــا

..
أخبرك قوي ولا يهمك أحد

..
ويازين أيام أوّل

..

GIVENCHY · 30-06-2009, 12:36 AM

يعني وش قصدك أن أبو ربــا كبيـر

<=== من شر مايوجس

هو كبير بس ناقصــة شي وااحد أقوله أو علئ الخااص

..!

خوي السرور · 30-06-2009, 12:39 AM

شف ..

دايماً نشتاق للماضي ونتمنى الرجوع له ..

بس لو رجعنا .. نتمنى أننا مارجعنا ..

اسأل مجرب <<<<

سـهـام · 30-06-2009, 12:43 AM

فديت الاولين وايامه

غنوجة نجد · 30-06-2009, 12:54 AM

يؤؤؤؤؤؤؤؤؤؤؤؤؤؤه اوما قواطي البيبسي ,, شي ,,
كح كح غباررر,,

كل الازمان شقى الاول والحين >> يالله من الشكوى لك > حرنا بك ,,

موضوعك تحووفه سلمت الصمصام ,,

الـدعساوي · 30-06-2009, 12:54 AM

.

ينقل لسواليف كشكولية
هالحين كل ذا تعصب ماحطيته بذاك
لو تهرج تسلمتين بالعامية حذف الرد كله << وهالرد يبي يلحقهن

على العموم انا اقول بعد يازين ايام أول
منب اقصد عهد شيباننا
لا لا , اقصد اللي انا لحقت عليه
والله من صفاوة النفوس , تهاوش مع خويك وبعد شوي
تسنه ماصار شيء , وش تبي اكثر من هيك

شكرا صمصام << كم مرة قلت لك ياصعب اسمك

.

شغالة الجيران · 30-06-2009, 01:17 AM

ايوا الله مستئان زمن اول تهول خلس مافي يرزع

الميزان الذهبي · 30-06-2009, 07:30 AM

يازين زمان اول مافي حسد ولازعل
بعد المغرب يسيرون على بعض يشربون قهوه ويسلفون وكل واحد يسال من جاره
اليوم عسى بحسن الخاتمه يالله يسال االخ عن اخوه

رُوَاءَالرُّوح · 30-06-2009, 07:41 AM

,
,
أنـام الليـل مـن بـدري
وأصحـى أول الفجـري
وعلى فطـورنـا الصحـي
ألاقـي أهـلي مجتمعيـن
أمـي بحـضنـه تحطنـي
تـوكـلني وتـشـربنـي
وأبـوي بخـدي يقبصـني
يـارب تحـفظ هالعينيـن
أروح لـبنت جـيـرانـي
بـدميـه وبعـض ألعـابي
وننشـد صـباح الخـير ياجاري
ونـرجـع كـلنا راضـيـن
كبرت شوي وصرت ادرس
بـمبدأ أزرع وأغــرس
معـلـمـتي تفهـمـني
لالا مـو بـس تـلقـين
تـنشئ عـقيدة بـديني
هـو وحـده يشـفـيني
ويطـعـمـني ويسقيـني
وبالجنـه تـرى يجـازيـن
في قـلبي رقـه ورحـمه
وبعقـلي ذكـاء وفطـنـه
اخـاف الظـن وإثـمـه
لاجـل افـوز بالـداريـن
عـليَ يغار اخـوي خالـد
يشـك انـي احب ماجـد <<< كابتن
اصيح اصـارخ اشاهـق
يـقـول الا لاتـكذبـين
عـيب نحـب فلـم كرتون
نخاف ينقـال ماتستحـون
آه آه لـــــو تـدرون
مـسـن وشـاة وفنـانين
تـغـيـرنا وتـطـورنـا
زمـان فيـه تـحـولنـا
تـشرقـنا وتـغـربنـا
نـعـايش قـرننا العشـرين
تـبـعـيـه كـسـبنـهـا
وعـقـولنـا سـكـرنـاهـا
حـيـاتـنا دهـورنـهـا
بـقـمـة وهْـم مـرتـفعين
الـوالـد جـالس لحـالـه
والام تـقـرا بالصـالـه
والبـنت تـدردش بجـهازه
والعيـال بـرا سهـرانـين
الـرجال غِـيبة شـمـسـه
ما يـعـرف يومـه من امسه
بـقـى مثـلي واشكالـي
بالكيبورد نـصـبح طموحـين

اخي الصمصام والله ما ينلام
اجدادنا
اذا حنا اللي اعمارنا اوائل العشرين
اشتغلت القريحه والتوليف
بطاري ايام زمان اجل اصحاب الثلاثين والاربعين
وش يقولون؟؟
الشهر اللي راح ازين من اللي حنا به

طبعا الكلمات بدون ترتيب
والخط لك عليه مايل
وكثرت الضروره الشعريه
عشان نتذكر ايام زمان قبل التنسيق
والتوليف خلال عشر دقايق
ولا اعرف للشعر رجاء بدون تحطيم

زرزور · 30-06-2009, 08:08 AM

كلام جميل

اتوقع سبب الحنين الى الماضي كثرة المشاغل الحاليه .

ايه يزمان اول

أم عبدالله · 30-06-2009, 08:19 AM

^ ^

رآآآئعه ..

آآه يآزمن اول لآهم ولآغم إن فكرنآ بشي فهو بألعآبنآآآ!!
ولآندري بشي ..
نشوف أهلنآ ونجتمع مع عمومتنآ وخوآلنآ وجيرآننآآ ..وأكثر الوقت معآهم..
والحين الله يخلف علينآ يالله بالعيد!!!
وأول مآفيه تفآخر بشي والحين مآفي شي الآ يفتخرون فيه حتى لو كآن شي سييء..!!

يآ الله الجنه ..

موضوع في الصميم ..
لك كل الشكر اخي الفآضل ..

دمت بنقآء ..

30-06-2009, 12:00 AM	#1
الـصـمـصـام عبدالله تاريخ التسجيل: Jun 2004 البلد: . المشاركات: 9,705	موضوع بالعامية .. لعيون أبو خرشة و أبو رُبا ..[ يازين أيام أول ] بسم الله الرحمن الرحيم يازين أيام أول .. هالكلمة أزعجونا فيها شيباننا ( الله يخليهم و يحفظهم ) و الله مع كثرة ما يرددونها صرت أتمنى إني عشت معهم و لحقت عليهم و على القرية الصغيرة و بيوت الطين و الصلاة بالخلوة و قومة الصبح و شغل الفلاحة و الكد و صفاوة القلوب و اجتماع الشمل و التكاتف و الصراحة و ..... و الحين مع إن الواحد توه ما بعد صار من الشيبان لكن صار يردد مثلهم ( يازين أيام أول ) يوم (التيم) و بسكوت (أبو ميزان) و مطامر الجدران و لعبة الكيرم .. بس ما ندري شوقنا للماضي هل هو شي طبيعي عند كل جيل ولا الماضي فعلا كان مميز لنا و للكبارين اللي كليوم يرددون ( يازين أيام أول ) ..! يعني بالعربي .. يمكن يجي يوم و نقول : ( يازين أيام أول ) و نقصد أيامنا ذي اللي حنا فيها الحين ..! الله يستر .. يعني إننا بنعيش مستقبل يخلينا نشتاق لأيامنا ذي اللي فيها تعقيد و تكلف زايد و قطيعة و و ... إلخ .. هنا تعرف قيمة المقولة اللي تقول : قديمك نديمك ...! [MEDIA]http://www.buraydahcity.org/smsam-nor/up/3944608.mp3[/MEDIA] أخوكم / عبدالله .. (عبودي) منول <=== قديمك نديمك . __________________ ياربي ..افتح على قلبي .. و طمئنه بالإيمان و الثبات و السلوة بقربك .. [عبدالله] من مواضيعي : آية الحجاب من سورة الأحزاب ( أحكام و إشراقات ) ::: كيف نقاوم التشويه ضد الإسلام و ضد بلادنا:::(مداخلتي في ساعة حوار مكتوبة و مشاهدة) آخر من قام بالتعديل الـصـمـصـام; بتاريخ 12-07-2009 الساعة 01:12 AM.

30-06-2009, 12:16 AM	#2
دعبل نجد عـضـو تاريخ التسجيل: Aug 2007 البلد: !!! المشاركات: 2,024	والله انك صادز يا عبودي يمكن حنا نعيش الحين بها الايام وحنا متضايقين همن يجي يوم ونقول اثرنا أحسن شي الهرجة عامي بعامي __________________ مَـنْ يـُعَـمّـَرْ يـَجِـدْ أَحِـبّـَاءَهُ فِـيْ الأَرْضِ أَوْفـَى مِمَّنْ عَـلَيْـهَا وَأَحْـنَـى ..!

30-06-2009, 12:19 AM	#3
الحنونk عـضـو تاريخ التسجيل: Mar 2009 البلد: في الاستراحة المشاركات: 79	واللة يا اخيي مااااااظن اننا بنقول يازين زمان اول على زماننا هذا لأنه مافيه شي زين الله على زمان اول الصدقي قبل 15 سنه ياسلام اذا تذكرته مدري وشو الشعور اللي احس به ماله وصف حنين او حزن اومدري وشو __________________

30-06-2009, 12:27 AM	#4
الصباخ هوية صامتة تاريخ التسجيل: May 2003 البلد: Buraydah City المشاركات: 12,458	ههههههههههههههههه لهالدرجة أثّر عليك أبوربــــــا .. أخبرك قوي ولا يهمك أحد .. ويازين أيام أوّل .. __________________ الصباخ \| Buraydah City

30-06-2009, 12:36 AM	#5
GIVENCHY عـضـو تاريخ التسجيل: Aug 2007 البلد: حَيثُ أكُونْ .. ! المشاركات: 7,119	يعني وش قصدك أن أبو ربــا كبيـر <=== من شر مايوجس هو كبير بس ناقصــة شي وااحد أقوله أو علئ الخااص ..! __________________ http://www.buraydahcity.net/vb/member.php?u=25706 فَقْدُكَ مُوْجِعٌ يَ طيّب القلب : ( ! غفر لك يـ عبدالرحمن وأسكنك فسيح جناته .. : )

30-06-2009, 12:39 AM	#6
خوي السرور عـضـو تاريخ التسجيل: Jan 2005 البلد: بريدة ـ الاسكان 4 شرق مسجد كعب الإحبار <<< ييزي ؟ المشاركات: 8,848	شف .. دايماً نشتاق للماضي ونتمنى الرجوع له .. بس لو رجعنا .. نتمنى أننا مارجعنا .. اسأل مجرب <<<< __________________ في بريدة ستي .. كانت لنا أيام : http://www.buraydahcity.net/vb/showthread.php?t=262111 ( قلب حب 1 )

30-06-2009, 12:43 AM	#7
سـهـام عـضـو تاريخ التسجيل: Jun 2009 البلد: بريدة المشاركات: 936	فديت الاولين وايامه __________________ لكل حرف عزف ولكل عزف صدى يردد أنغام العزف هنا صدى لضجيج حروفي : http://wwwseham.blogspot.com/ .

30-06-2009, 12:54 AM	#8
غنوجة نجد عـضـو تاريخ التسجيل: Feb 2008 البلد: بقلب حبــــي B المشاركات: 1,456	يؤؤؤؤؤؤؤؤؤؤؤؤؤؤه اوما قواطي البيبسي ,, شي ,, كح كح غباررر,, كل الازمان شقى الاول والحين >> يالله من الشكوى لك > حرنا بك ,, موضوعك تحووفه سلمت الصمصام ,, __________________

30-06-2009, 12:54 AM	#9
الـدعساوي أبتاه ، فقدك آلمني ..! تاريخ التسجيل: Jan 2008 البلد: لا إلى هؤلاء ولا إلى هؤلاء المشاركات: 5,958	. ينقل لسواليف كشكولية هالحين كل ذا تعصب ماحطيته بذاك لو تهرج تسلمتين بالعامية حذف الرد كله << وهالرد يبي يلحقهن على العموم انا اقول بعد يازين ايام أول منب اقصد عهد شيباننا لا لا , اقصد اللي انا لحقت عليه والله من صفاوة النفوس , تهاوش مع خويك وبعد شوي تسنه ماصار شيء , وش تبي اكثر من هيك شكرا صمصام << كم مرة قلت لك ياصعب اسمك . __________________ . . . جديد :. رحـلة العـليم .: \|والبيتزاء السريعة بوسط النفود الكبير \| . .

30-06-2009, 01:17 AM	#10
شغالة الجيران عـضـو تاريخ التسجيل: Jun 2009 البلد: خنفشاري هههههههههههه المشاركات: 68	ايوا الله مستئان زمن اول تهول خلس مافي يرزع __________________ كله قلـــــب نفر مشتاق أنتـــــه.. كله مكـــــان مافيه إنته مافيه كويـــــس!! دنيا كـــــل مافي كويـــــس.. مـــــره فرق مـــــره جمع.. هـــــذا دنيا كربان..

30-06-2009, 07:30 AM	#11
الميزان الذهبي عـضـو تاريخ التسجيل: May 2009 المشاركات: 13	يازين زمان اول مافي حسد ولازعل بعد المغرب يسيرون على بعض يشربون قهوه ويسلفون وكل واحد يسال من جاره اليوم عسى بحسن الخاتمه يالله يسال االخ عن اخوه

30-06-2009, 07:41 AM	#12
رُوَاءَالرُّوح حرف راقي تاريخ التسجيل: Mar 2009 البلد: قاب قوسين أو أدنى ! المشاركات: 2,248	, , أنـام الليـل مـن بـدري وأصحـى أول الفجـري وعلى فطـورنـا الصحـي ألاقـي أهـلي مجتمعيـن أمـي بحـضنـه تحطنـي تـوكـلني وتـشـربنـي وأبـوي بخـدي يقبصـني يـارب تحـفظ هالعينيـن أروح لـبنت جـيـرانـي بـدميـه وبعـض ألعـابي وننشـد صـباح الخـير ياجاري ونـرجـع كـلنا راضـيـن كبرت شوي وصرت ادرس بـمبدأ أزرع وأغــرس معـلـمـتي تفهـمـني لالا مـو بـس تـلقـين تـنشئ عـقيدة بـديني هـو وحـده يشـفـيني ويطـعـمـني ويسقيـني وبالجنـه تـرى يجـازيـن في قـلبي رقـه ورحـمه وبعقـلي ذكـاء وفطـنـه اخـاف الظـن وإثـمـه لاجـل افـوز بالـداريـن عـليَ يغار اخـوي خالـد يشـك انـي احب ماجـد <<< كابتن اصيح اصـارخ اشاهـق يـقـول الا لاتـكذبـين عـيب نحـب فلـم كرتون نخاف ينقـال ماتستحـون آه آه لـــــو تـدرون مـسـن وشـاة وفنـانين تـغـيـرنا وتـطـورنـا زمـان فيـه تـحـولنـا تـشرقـنا وتـغـربنـا نـعـايش قـرننا العشـرين تـبـعـيـه كـسـبنـهـا وعـقـولنـا سـكـرنـاهـا حـيـاتـنا دهـورنـهـا بـقـمـة وهْـم مـرتـفعين الـوالـد جـالس لحـالـه والام تـقـرا بالصـالـه والبـنت تـدردش بجـهازه والعيـال بـرا سهـرانـين الـرجال غِـيبة شـمـسـه ما يـعـرف يومـه من امسه بـقـى مثـلي واشكالـي بالكيبورد نـصـبح طموحـين اخي الصمصام والله ما ينلام اجدادنا اذا حنا اللي اعمارنا اوائل العشرين اشتغلت القريحه والتوليف بطاري ايام زمان اجل اصحاب الثلاثين والاربعين وش يقولون؟؟ الشهر اللي راح ازين من اللي حنا به طبعا الكلمات بدون ترتيب والخط لك عليه مايل وكثرت الضروره الشعريه عشان نتذكر ايام زمان قبل التنسيق والتوليف خلال عشر دقايق ولا اعرف للشعر رجاء بدون تحطيم __________________ وغام بِيَ الدَّمعُ حتَّى احتبَسْ

30-06-2009, 08:08 AM	#13
زرزور عـضـو تاريخ التسجيل: Mar 2007 المشاركات: 1,428	كلام جميل اتوقع سبب الحنين الى الماضي كثرة المشاغل الحاليه . ايه يزمان اول __________________ (فائدة جليلة) في قصة يوسف فائدة قوله تعالى عن يوسف نبيه أنه قال: { أنت ولي في الدنيا والآخرة توفني مسلما والحقني بالصالحين} جمعت هذه الدعوة الإقرار بالتوحيد والاستسلام للرب وإظهار الافتقار إليه والبراءة من موالاة غيره سبحانه وكون الوفاة على الإسلام اجل غايات العبد وان ذلك بيد الله لا بيد العبد والاعتراف بالمعاد وطلب مرافقة السعداء.

30-06-2009, 08:19 AM	#14
أم عبدالله عـضـو تاريخ التسجيل: Jul 2008 البلد: حَيثُ .. أكوٍن ْ المشاركات: 152	^ ^ رآآآئعه .. آآه يآزمن اول لآهم ولآغم إن فكرنآ بشي فهو بألعآبنآآآ!! ولآندري بشي .. نشوف أهلنآ ونجتمع مع عمومتنآ وخوآلنآ وجيرآننآآ ..وأكثر الوقت معآهم.. والحين الله يخلف علينآ يالله بالعيد!!! وأول مآفيه تفآخر بشي والحين مآفي شي الآ يفتخرون فيه حتى لو كآن شي سييء..!! يآ الله الجنه .. موضوع في الصميم .. لك كل الشكر اخي الفآضل .. دمت بنقآء .. __________________ إصبــــــــــر..! إحتسب في صبرك على مصيبتك أن ينصرك الله ويجبر كسرك وأن تكون العاقبة لك..!