[د.هيثم]

سلام ابو شرين
انا ماشتركت الا بعد الموضوع وصدق ولد البكيريه
يالولد البكيريه تراني كل يوم اقرا مشاركاتك بمنتدى عنيزه ويبين من اسلوبك تفتن بين بريده وعنيزه
اي موضوع يتعلق ببريده لازم يشارك ولد البكيريه ويسب بريده معهم ولا جاي هنا وبعد تسبب فتن
ولا نسيت موضوع صاله التزلج يوم يكتبون عنها ويقلون ان الحكير نقلها لبريده وانت تقول ليه وش السبب هاذا قهر انقاص من حق عنيزه كله بسبب انك تبغى تفتن بينهم
ويابو شرين قلت لك عيب ارتقى باسلوبك تراك كبر ابوي ورب البيت
ويابو شرين ولا جيب لي موضوع كتبته انت ماجبت طاري عنيزه ومدحته انت طموح الي بشباب عنيزه
ولاتقول لا
واذا صدق من بريده شف ولد البكيريه وش كاتب عنكم يابريده بمنتديات عنيزه سب وبغض لكم
وهنا يظهر لكم انه برىء وعلى نياته
المشكله اكتب والقليل يفهمني لاني ارا اطفال كثير هنا يابو شرين وياولد البكيريه
يعني لازم ماكتب باسلوب مترفع عنكم المشكله اني ماقدر انزل اسلوبي لمستواكم هاذي المشكله
ابو شرين اتمنى اتمنى اتمنى انك ماتجيب المواضيع عن عنيزه هنا مره اخرا
وياولد البكيريه ليه ماترد الا على المواضيع الي فيها طاري عنيزه كله عشان تشبها وتزيدها



وللمعلوميه اهل عنيزه اهلنا وحبايبنا واليت مايجي احد مثلك يابو شرين وانت يالود البكيريه وتسببون الفتن
اتمنى من المراقبين والمشرفين انهم يدققون في ردود الاثنين لانهم سبب لاحياء العنصريه
ادري يابو شرين انك ماراح تفهم شي لانك وربي جاااااااااااهل واعرف ردك اتوقع انك تقرا اول سطر وبعدين ينسخ ويكتب يازينك ساكت
وبعدين فيه واحد رد يقول ان واحد من الزلفي يقول اذا بغيت تقهر بريداوي امدح عنيزه
وانا معاي بكليه الطب البشري ناس من عنيزه فيهم عنصريه وتعصب وكره لبريده كأن اهل بريده قتلو ابوانهم واجدادهم مو الكل الاغلبيه يعني 90% وهذولا بكليه الطب يعني اطباء المستقبل فما بالك بالجهال الي مثلك
الان اكتشفت ان اهل عنيزه كثير مسجلين هنا

[احلى كتكوته]

انا مو من بريــــده ومو من عنيــــزه لكن انا احــــــب بريده قـــــوه
وكمان عنيزه لكن افضل بريــــــده
وعن الفعاليات انا مارحت لعنيزه مشان اشوف يعني الفرق بالتنظيم اللي الكثير يذكره
ومهما كاان كلنا اهل احد يقول رايه بدون سب ونخلي العلاقات ولا احسن
وشكرااا عالموضوع

[BUK - KSA]

اقتباس المشاركة الأساسية كتبها د.هيثم سلام ابو شرين انا ماشتركت الا بعد الموضوع وصدق ولد البكيريه يالولد البكيريه تراني كل يوم اقرا مشاركاتك بمنتدى عنيزه ويبين من اسلوبك تفتن بين بريده وعنيزه اي موضوع يتعلق ببريده لازم يشارك ولد البكيريه ويسب بريده معهم ولا جاي هنا وبعد تسبب فتن ولا نسيت موضوع صاله التزلج يوم يكتبون عنها ويقلون ان الحكير نقلها لبريده وانت تقول ليه وش السبب هاذا قهر انقاص من حق عنيزه كله بسبب انك تبغى تفتن بينهم ويابو شرين قلت لك عيب ارتقى باسلوبك تراك كبر ابوي ورب البيت ويابو شرين ولا جيب لي موضوع كتبته انت ماجبت طاري عنيزه ومدحته انت طموح الي بشباب عنيزه ولاتقول لا واذا صدق من بريده شف ولد البكيريه وش كاتب عنكم يابريده بمنتديات عنيزه سب وبغض لكم وهنا يظهر لكم انه برىء وعلى نياته المشكله اكتب والقليل يفهمني لاني ارا اطفال كثير هنا يابو شرين وياولد البكيريه يعني لازم ماكتب باسلوب مترفع عنكم المشكله اني ماقدر انزل اسلوبي لمستواكم هاذي المشكله ابو شرين اتمنى اتمنى اتمنى انك ماتجيب المواضيع عن عنيزه هنا مره اخرا وياولد البكيريه ليه ماترد الا على المواضيع الي فيها طاري عنيزه كله عشان تشبها وتزيدها وللمعلوميه اهل عنيزه اهلنا وحبايبنا واليت مايجي احد مثلك يابو شرين وانت يالود البكيريه وتسببون الفتن اتمنى من المراقبين والمشرفين انهم يدققون في ردود الاثنين لانهم سبب لاحياء العنصريه ادري يابو شرين انك ماراح تفهم شي لانك وربي جاااااااااااهل واعرف ردك اتوقع انك تقرا اول سطر وبعدين ينسخ ويكتب يازينك ساكت وبعدين فيه واحد رد يقول ان واحد من الزلفي يقول اذا بغيت تقهر بريداوي امدح عنيزه وانا معاي بكليه الطب البشري ناس من عنيزه فيهم عنصريه وتعصب وكره لبريده كأن اهل بريده قتلو ابوانهم واجدادهم مو الكل الاغلبيه يعني 90% وهذولا بكليه الطب يعني اطباء المستقبل فما بالك بالجهال الي مثلك الان اكتشفت ان اهل عنيزه كثير مسجلين هنا

هههههههههه
كل هالكلام علشاني كشفتك؟؟
--------------------------------
اجل انا ماارد الا بالمواضيع اللي عن بريدة وعنيزة؟؟؟
اولا: احب ابين انك كاذب.. ابحث عن المواضيع اللي انا مشارك فيها وتعرف انك كاذب

ثانيا: ابدا بنفسك.. انت مسجل امس وعدد مشاركاتك 2 وكلهن هنا.. من اللي صار يفتن الحين؟؟

ثالثا: اللي انا قلته عن الحكير صحيح تماما ((((بعطيك معلومة ماكد قلتها لاحد.. الحكير كان بيفتح االنخيل بعنيزة.. ولكن هناك بعض المسؤولين((واعرف من هم تماما )) رفضو ان يزاول تجارته بالقصيم قبل افتتاح نشاط تجاري ببريدة اولا.. فاظطر الى ان يفتحه هنا)))

رابعا:بريدة وعنيزة ماقدر استغني عن اي وحدة فيهم ابدا.. انا شخصيا اجي لبريدة وعنيزه 4 ايام بالاسبوع على(( الاقل))

خامسا:لي اقارب واصدقاء في بريدة وفي عنيزة.. وانا ادرس بحداهن والوالد موظف بحداهن
ويشهد ربي علي اني مااكره ولا وحده فيهم

سادسا: هذا الموضوع يتكلم عن تخصيص منظقة معينه للترفيه والسياحة.. وجيت انت وبعض الاشخاص وقلبتوها حلبة مصارعة.. وانا لم افعل مثلك انت واشكالك ((ربما لانكم تحبون الفتنة بين الديرتين.. ههههه وتتهمني انا باشعال الفتنة))

[رعد3]

اتمنى للجميع مهرجانات ناجحة

[الغواص]

اصلا رجال بريدة مايحبون يطلعون باي مكان في بريدة ويحبون يرحون لاماكن غيرديرتهم مايبون احد يعرفهم

[من زمان]

عنيزه ونعم بهم والله أخلاق ومدينه مرتبه وفعاليات نساء ورجال وندوات دينيه نسائيه وملاهي لللأطفال وتوعيه ومينه تحس صدق أنك بصيفيه

[مستشفى سعودمقبرة]

اقتباس المشاركة الأساسية كتبها ابو شرين من مطالعاتي بالمنتدى ماتعبت روحي ورحت امس مع العيال لعنيزة ايش هالاستقبال منطقة كاملة ليازر واماكن مفتوحة وملاهي عائلية والمهم الاخلاق وانت داخل هذيك المنطقة يجيك احساس انك رايح لمكان سياحي فعلا وش هالذرابة ياعنيزة وش شين النفس يابريدة ليش يا امانة بريدة للاسف لست مسرورا بذلك فانا اعشق بريدة واتمنى ان اراها افضل من هذا الحال

الف الف الف الف الف الف شكر عنيزة منوره بأهل بريدة هلا وغلا



ان ماشالتكم الارض تشيلكم عيوننا

[ابراهيم الفهد]

^
^
^
انت راس الحيه ..! مع احترامي الشديد لك

[259]

ياحبيبي عنيزه كله اذا طقت بوزه ماتجي كبر الاسكان اوالموطأ عشان كذا على قواك ناجح مهرجانهم اما بريده العكس تماما

[ابو شرين]

اقتباس المشاركة الأساسية كتبها ابراهيم الفهد ابو شرين انت مشاركاتك 500 كلهن بهالموضوع ماكد شفتك ياخوي ..: (

اشكر لك مداخلتك وقد اعطيتني فرصة بهذه المداخلة
تقول مشاركاتي 500 وكلها بهذا الموضوع

اولا كامل المداخلات يعني مداخلاتي ومداخلات الاعضاء في حدود التسعين
يعني تتكلم باحصائيات خطأ اذن الرد في غير مكانه وخطأ

ثانيا اخوي تقول ما قد شفتك ايضا تكرر الخطأ بامكانك الضغط على معرفي وتجد ايقونه لايجاد مشاركات العضو بامكانك المتابعة ستجد مواضيع كثيرة ومداخلات كثيرة في الصميم وخاصة ببريدة

ثالثا اكرر الشكر على المداخلة وارجو ان تتحرى الحقيقة قبل الرد

[ابو شرين]

اقتباس المشاركة الأساسية كتبها ابراهيم الفهد خلك عند دوار الساعه وجاي يا (بيي )

اتوقع ان تكون مداخلتك في صلب الموضوع وهو تخصيص منطقة سياحية خارج بريدة بدلا من حشر سكانها في وسطها اشكر لك المداخلة

[ابو شرين]

اقتباس المشاركة الأساسية كتبها 259 ياحبيبي عنيزه كله اذا طقت بوزه ماتجي كبر الاسكان اوالموطأ عشان كذا على قواك ناجح مهرجانهم اما بريده العكس تماما

اشكر لك مداخلتك ولكنها خارج الموضوع اخي الكريم
انا لا اتكلم عن المهرجان ولا عن الفعاليات وقد كررت ذلك مرارا
ولن يضير التذكير كي لا تسبق الكتابة التفكير
الموضوع خاص بتخصيص منطقة سياحية في بريدة كما فعلت امانة عنيزة بدلا من وضع الفعاليات بالاسواق

والموضوع ليس مقارنة بين البلدين فعنيزة اصغر بدون نقاش وبريدة هي العاصمة الادارية في النظام وارجو ان يفهم البعض ما اتكلم عنه وان يكون ذلك قطعا للشك باليقين فيمن يشكك

اجو ان لا ياخذ الموضوع منحى آخر

[ابو شرين]

بعض المداخلات فيها كلمات بذيئة اترفع عن الرد عليها

فكاتبها قد نضح من قلمه لب فكره
وهم يحاولون عنوة لحاجة في انفسهم الالتفاف على الموضوع ويحاولون اشعال الفتنة

وانا لا شان لي بهم او بمن يرد عليهم وما انا عليكم بوكيل


رجاء من الاخوة من لديه مداخلة في صلب الموضوع ليتفضل بها مشكورا

فهل يؤيد الاعضاء بقاء الحال كما هو عليه بتشتيت الفعاليات وجعل بعضها في وسط البلد
ام ان يكون هناك منطقة مخصصة لذلك على احد الدائريين

بل اني سبق ان اقترحت في رد آخر ان تكون منطقة سياحية واحدة بين بريدة وعنيزة كي لا تتشتت الجهود بين الامانات

اذا كان هناك حزازية وعنصرية بين بعض سكان البلدتين فانا خارج هذه اللعبة ولا اؤيدها باي شكل من الاشكال

طيب خلوها منطقة سياحة على الدائري ستكون ملتقى لمعظم المدن البكيرية الخبراء البدائع رياض الخبراء بريدة عنيزة اتمنى ان تصل الفكرة للمسؤولين
وان لا يحاول احد الاخذ بالموضوع الى اتجاه خاطيء يكون فيه عصبية او تجريح شخصي

لوحة المفاتيح امامي واستطيع ان اسطر اقسى من الكلمات التي وردت في الردود
ولكن انزه نفسي والمنتدى واعضاءه عن الانحطاط بعقولنا الى هذه المستويات
ولكني اتمنى من الادارة حذف هذه المشاركات البذيئة شرط عدم ايقاف اصحابها الا اذا تكرر ذلك باصرار

والله من وراء القصد

لايفوتني ان اشكر الاخ ابو ربا على جهود

[ميميات]

اقتباس المشاركة الأساسية كتبها من زمان عنيزه ونعم بهم والله أخلاق ومدينه مرتبه وفعاليات نساء ورجال وندوات دينيه نسائيه وملاهي لللأطفال وتوعيه ومينه تحس صدق أنك بصيفيه

وبـــــــــــريـــــــده بــــعـــــــد