[ولد دلع]

امى تسلم عليكم‏

--------------------------------------------------------------------------------


حين طرق باب بيتنا ... يقول لى ولد الجيران

امى تسلم عليكم وتقول عندكم .... طماط....!!

ابتسمت من قلب ....

وقلت له عندنا ... ولو ماعندنا زرعنا لكم بحوش بيتنا..

هلا بالجار الصغير ....

منذ متى لم يطرق بابكم احد الجيران لطلب

طماط او بصل او خبز ... !!!

ربما يقال اننا بخير ونعمة ولم يعد الطلب من الجيران

له ضروره ... ولكن لا اعتقد

فقدنا الطلبات الصغيرة بين الجيران

فقدنا طعم الجيرة ...

كان الجار يطلب من جاره بصل

وبعدها يرسل له قليل من الطبخة

عيش وملح

الان تعد الطلبات بين الجيران عيب وقلة ذووق ... !!

وقد تستغرب ان يطرق جارك بيتك بدون موعد واذن مسبق واتصال

وقد يتهم الجار بالجنون حين يطلب طماط

زمان لم تكن الحالة الاقتصادية مثل الآن

اليوم فواتير وديون واقساط واسعار مواد غذائية عالية

وعيب نطلب وندق باب الجيران...

زمان حياة بسيطة وقلوب ابسط ,,, وصغار الجيران

وجملة .... امى تسلم عليكم وتقول عندكم بصل

جميلة هذه العبارة

بجمال البساطة

وجمال المحبة

وجمال روح الجيران الوحده

كنا بيت واحد

وطبخة وحدة

اخبرتنى جدتى

ان الاسر قديما تشعر بمدى حاجة جارها

وترسل له من غير طلب

واذا راعى البيت قضى لبيته ماينسى جيرانه ...

واذا بقى شي من العشاء... يرسل للجيران( غريفه)

واليوم يزعل الجار من بقايا العشاء باعتبرها فضله....

ليست المسألة بمجرد الطلب..

وليست عبارة امى تسلم عليكم وتقول عندكم طماط هى المحك

لا ....

ولكن العلاقة نفسها فقدت طعمها

فقدت دفئها

فقدت الجيره

لم تعد الحياة لها طعم بعد الاستغناء عن بصل وطمام وخبز الجيران

وحين نعطى الصغير طلبه ... نتنتظر عودته بطبق من عشاءهم ...

ليتها تعود تلك الأيام... رغم إني لم أعشها حقيقة..

ولكن أحياناً أتمنى عودة أيام ماضيةٍ بزمنٍ جميل

وجيران ترسل وتسأل وتطلب

بدون قيود حياةٍ مملة ورسميات قاتلة

أحضرت الطماط لولد الجيران .... ووصلت لنهاية كلامي

قول لماما أمي تسلم عليكم وتقول .. إذا بغيتوا شي لايردكم إلا لسانكم

وخرج الصغير ولسان حالي يقول:

شكرا لك عشت معك لحظات أصبحت مفقودة .... بزمن لم يعد الجار يعرف جاره


وأمى تسلم عليكم وتقول ... ألا ليت الزمان يعودُ يوماً لأخبره ما فعلت الأيام بالناس !!

[النسر الأزرق]

والله انك صادق
مشكور أخوي على الموضوع

[::خـزان الأحـزان::]

كلام من درر..

الله يطيك العافية أخوي..

[راقيه باخلاقي]

الله يذكر ايام زمان
بابنا مايوقف من الطق
ومثل ماقلت امي تسلم عليكم وتقول عندكم ابره وخيط والا عندكم خبز وكراث
والحين الله المستعان ماتدري ولا وش اسم جارك

[ضايق الصدر]

.
.
لي جار من سنوات و لا اعرف اسمه
.
.

[أبو إياس]

كفوا والله ...!

وش الكلام ...!

فعلا هذه العادة تكاد تندثر ..

جزاك الله خير ..

[عيون الإحساس]

الله يرحم الحال ؟؟؟

أنا مرة طقيت باب الجيران أبي أتعرف عليهم ورفضوا يفتحون الباب ..

الله يخلف ؟؟؟؟؟؟؟؟؟؟؟؟

[بلبل الغابة]

لاهنت اخوي شكرا لك

[بوعلاوي بريداوي]

زمااااااااااااان أول تحوووووووووووووول.

الحين لو تتطلب من جارك تحصله بكرى يقول ولد فلان جانا وعطيناه طماط.

[الاشهب ابوشنب]

انا سكن عندي جار ويوم جبت له القهوة والتمر والشاهي طقيت عليه وطلع ولده وقلت وين الوالد قال:أبوي طالع وبعد نصف ساعه طلعت اصلى واشوفهن عند الباب ماشربن ماأدرى وش السببلكن الله يرحم الحال الحين الجيران مايعرفوا بعض لا زيارة ولاأتصال

[عبدالرحمن بريده]

وين هذا أول




يجيك ولد الجيران يقول نبي طاحونه


ويقول عندنا اليوم عزيمه نبي زمزميات وبيالات





الله يرحم ايام زمان



الاول تحول

[جبل شمر]

ذكرتنا بالأيام الحلوه ..
انا عزمت جاري اول ماسكنت قال لي وش المناسبه؟؟؟؟(( بغيت اعضه من القهر خخخخخخ))
قلت جاري وابي اقهويك ... المهم اعتذر الرجل ..
ِ

[الوساااام]

لازل طلب الطماطم والبصل موجود حتى هذا الوقت ..!!

[..احساس..]

أما نحن

فالوضع لدينا مختلف ..
فلدينا جيران لو وزنوا بالذهب لكانوا أثمن منه ..

نطلب منهم ماشئنا متى شئنا وهم كذلك


ويذكر والدي أنه عندما أشترى منزلنا هذا من صاحبه قال له صاحب المنزل :

[ ماتحسفت على شيء بهذا البيت ألا الجيران ]

وصدق والله