 |
|
|
|
|
|
||
| ســاحـة مــفــتــوحـــة المواضيع الجادة ، والنقاشات الهادفة -- يمنع المنقول |
 |
|
|
أدوات الموضوع | طريقة العرض |
20-07-2009, 08:45 PM
|
#1 |
|
عـضـو
تاريخ التسجيل: Feb 2008
المشاركات: 441
|
هذا قراري يامنتدى بريدة ستي !!
السلام عليكم ورحمة الله وبركاته مدخل وين ما أطقها عوية ,,, مالي إلا أشرب سطل بوية مثلكم عارفين بالإجازة أنواع وأشكال الملل والكسل وتشليق البصل والمشكلة أيام الدراسة ننتظر الإجازة على أحر من الجمر , ويوم شرفت الإجازة كل العالم طفش وما أخفيكم إني أشكي أحيانا من الطفش والمشكلة إني مدري وش السبب ؟ لكن قلت مالك إلا تروح لمؤذن مسجدكم لأنه يذكر بالخير وهو اللي راح يفيدن ويشوف علتي ! وفعلا قررت أروح وقابلته ولكن بعد معاناة قسم بالله كأني أبقابل مسؤول كبير بالدولة وكل ماجيت أصلي ما أحصله موجود بالمسجد والسبب مجهووووووووووووول ويوم تشرفت بمقابلته قالي : وش فيك ؟ قلت : لو أدري وش فيني كان ماقابلتك ( يمون ) لكنه قالي كلمة والحقيقة إنه مازالت ترن بإذني يقول مطوعنا ( كل ماقربت لربك كل ماراح عنك الطفش , والعكس صحيح ) وبعد مقابلتي مع الشيخ تقريبا أسبوع مازال الطفش موجود رغم كلمته اللي ترن بإذني وماني قادر أنساها كنت نايم بالغرفة وقت المغرب ( أحد ينام المغرب ؟ ولكنه الطفش )! اتصل علي أبو ريان وقالي : تكفى نخيتك تعال لمي لأن كفر سيارتي مبنشر عند المضمار لأن أبو ريان له عادة يروح بعد صلاة المغرب للمضمار ويلبس البدلة ويجري لحد يتليقف ويسألن ليش ماتجري معه عشان يروح الطفش اللي موجود عندك ؟ لأني بالفعل اقترح علي أبو ريان إني أجري معه , عاد أنا ماصدقت خبر من بكرى رحت أشري بدلة للجري , لأن ماعندي ولا بدلة , اللوك دايم ثوب وشماغ وأخر بدلة شريته يوم كنت بأولى متوسط لأن مدرس البدنية قال : اللي مايجيب بدلة راح يعطيه المدير فلكة عاد قلت : مالك ومال الفلكة , والله وأشري بدلة المنتخب لأن الوطنية ذيك الأيام بالفطرة ! عموما شريت البدلة بتاعة الجري وجزمات للجري واتفقنا أنا وأبو ريان بعد المغرب يمرن بالبيت ونروح للمضمار ونجري أول يوم مرني ولقاني جاهز ولابس البدلة أنتظره , ثاني يوم اتصل علي مارديت لأني كنت نايم ثالث يوم رحت للمضمار بثوب , الأسبوع اللي بعده حطيت البدلة والكنادر بشنطة السيارة وحتى الأن موجودات بالشنطة وإلى ساعة كتابة الموضوع عاد أبو ريان يو ضاقت به الوسيعة قالي : أبمرك الحين وخلك جاهز ومسافة الطريق ونا عندك ويوم أخذني بسيارته مسوي فيها بيسحرني بأسلوبه وقبل مايقولي وش عنده قالي : عازمك على عصير يحبه قلبك وراح يبرد عليك , قلت : أنت كريم ونا أستاهل عاد وحنا بالطريق لمحل العصائر حدث ولا حرج من اللامبالاة من اللي يسوقون السيارات قسم بالله شئ لايوصف , أنواع وأشكال الهمجية والجهل يوم كنا عند الإشارة اللي عند المحل مثلكم عارفين يكون فيه ثلاث مسارات عند الإشارة عاد شوفوا السيارات اللي بالمسارات !!! اللي بالمسار الأيمن يبي يلف يسار , والمسار الأوسط يبي يديور , والمسار الأيسر يبي يطول ! وتقولون بعد ليش مايحطون سينما ؟ ( يازينك ساكت ومكمل سالفتك ) يوم وصلنا بالسلامة لمحل العصائر وطلبنا عصير جلس أبو ريان يسولف علي ويعطينا من النصائح يقول ترى الطفش اللي منك أنا عارف السبب بتاعه تراه من جلستك الطويلة على النت ! يقول أبو ريان : قسم بالله لو ينفخ عليك العبيدي لين يخلص نفسه ماراح يروح الطفش اللي عندك لازم تنتبه لنفسك , ترى لنفسك عليك حق , ولأهلك عليك حق ! وفعلا أقنعني أبو ريان بكلماته الذهبية وماهي غريبة عليه وبالفعل جلست أتأمل بكلمات أبو ريان وحاولت أطبق كلامه والحمد لله راح عن الطفش ودحين عايش مبسوط وعسى الله يديمها على الجميع خلاصة الكلام : انتبهوا لأنفسكم ولايصير كل وقتكم مقابلة النت ( علّم نفسك ) همسة : القصة من نسج الخيال ولاتمت لواقعي بأية صلة أرق التحايا والتقدير مجنون بريدة |
|
|
20-07-2009, 09:03 PM
|
#2 |
|
^^^ ربي زدني علماً ^^^
تاريخ التسجيل: Jul 2009
البلد: &&& عـاصمة القصيم &&&
المشاركات: 2,776
|
الغالي مجنون بريده :
الحقيقة لستُ مستعد ان اقرأ قصص اي موضوع ولكن مواضيعك ((اسبشل) فأنت رهيب جداً وعطاك الله سرد الأسلوب والتفنن بالقصة حتى توحي للمرء وكأنه مع المشهد ..تسلم والله ياطيب بريدة . والأستفغار والقرآن ضمهما مع نصائح أبو ريان المؤقر . تقبل تحياتي العطره,,
__________________
[FLASH="http://dc09.arabsh.com/i/01245/y7bqw6wkcek0.swf"]width=399 height=214 t=0[/FLASH] |
|
|
|
20-07-2009, 10:32 PM
|
#3 |
|
عـضـو
تاريخ التسجيل: Jun 2009
البلد: رُوحِي فِي بُرَيْدَة .. وَجَسَدِي مَعَ إِخْوَانِي هُناَكْ ..
المشاركات: 203
|
ههههه .. أضحك الله سنك .. فعلا طرح رائع ..
أخي أنا في السابق كنت في مثل حالك .. ففي سائر اليوم أحس بفراغ قاتل .. حتى ولله الحمد وجدت لي عمل .. وأخذ من وقتي الكثير .. ولي الآن أربع سنوات لم أجد فراغا أبدا .. ولله الحمد .. حتى أني بدأت أذهب للدوام يوم الأربعاء والخميس والجمعه .. رغم أني في إجازة في تلك الأيام .. لكني أحببت ذلك العمل .. وأصبح من الصعب مفارقته فضلا عن مفارقة الشباب العاملين فيه .. فأنصحك بالعمل .. خاصة الذي يكون في جو إجتماعي .. وفقك الله لما تحب .
__________________
للأسف : لا أستطيع إكمال التصاميم المطلوبة .. وذلك لغيابي عن المنتدى لأيام معدودة .. سأقضيها في السفر .. أكرر أسفي . [RAMV]http://tarek.myuae88.net/video/nasheed/Graa7_Omma/Graa7_Omma.rm[/RAMV] جـــــــراح .. أمّــــــــــــــة
|
|
|
|
21-07-2009, 08:31 AM
|
#4 |
|
عـضـو
تاريخ التسجيل: Jun 2008
البلد: الأحساء & بريدة
المشاركات: 622
|
رائع جداً ..
حقيقتاً اكثر الناس يقولون لي طفش ملل .. !! غريبه < آيقاله مب طفشآن
__________________
[flash=http://www.herosh.com/up/73952/752725530.swf]width=400 height=350[/flash] { سنآيدي .... snaydy~ |
|
|
|
21-07-2009, 09:40 AM
|
#5 |
|
عـضـو
تاريخ التسجيل: Jul 2009
البلد: المللكه العربيه السعوديه
المشاركات: 10
|
عندي فكره وراك ماتبيع جح
__________________
[IMG]http://wh-em.com/mt7f-7r/data/media/42/by_Olga_Gerasimova7.jpg[/IMG إمرأه من حديد |
|
|
|
21-07-2009, 09:54 AM
|
#6 |
|
عـضـو
تاريخ التسجيل: Jul 2009
البلد: حيث يوجد مسرهجين
المشاركات: 351
|
أسباب الطفش :
-الجلوس على النت بكثرة .. خاصة كثرة التنقل مع كل ماهب ودب - سماع الأنااشيد بكثرة ، يموّت الحيل ، ويضيق الخلق ، ويورث حزن -تغيير شيء من النمط الديني ، والتنازل عن المباديء ، يقلل من الاحترام للذات ، ويذبححححح - العصبية لأي موقف ،مع الخطأ على الناس ، ينقص من فرص السعادة موضوعك رايق والشــــــــــــــكر
__________________
مدونتي مراجل أنثى... بثوبها الجديد أشكر كل من مر وعلق وأفادني
|
|
|
|
21-07-2009, 10:27 AM
|
#7 |
|
عـضـو
تاريخ التسجيل: Mar 2007
المشاركات: 1,428
|
السلام عليكم ورحمة الله وبركاته
اهلين وسهلين اخوي كلام جميل جدا فاتمنى لك التوفيق من اسباب الطفش والملل وضيقه الخلق الروتين لابد من كسر الروتين في الحياة اليوميه حوال تغير نمط العيشه الي انت عايشه ادخل مركز ادخل صاله رياضية سافر اكشت سوى شي جديد في حياتك بهاذي الطريقه تكون كسرت الروتين والطفش اسال مجرب ولا تسال طبيب اخوك / ابو ريماس
__________________
(فائدة جليلة)
في قصة يوسف فائدة قوله تعالى عن يوسف نبيه أنه قال: { أنت ولي في الدنيا والآخرة توفني مسلما والحقني بالصالحين} جمعت هذه الدعوة الإقرار بالتوحيد والاستسلام للرب وإظهار الافتقار إليه والبراءة من موالاة غيره سبحانه وكون الوفاة على الإسلام اجل غايات العبد وان ذلك بيد الله لا بيد العبد والاعتراف بالمعاد وطلب مرافقة السعداء. |
|
|
|
21-07-2009, 11:25 AM
|
#8 |
|
عـضـو
تاريخ التسجيل: May 2009
البلد: ناقد بدون رحمه
المشاركات: 5,371
|
الله يكون بعونك
__________________
التوقيع مخالف |
|
|
|
21-07-2009, 11:32 AM
|
#9 |
|
Registered User
تاريخ التسجيل: May 2009
البلد: .......
المشاركات: 73
|
قصه جميله.
بس القصص الي كتبتهن سابقا رووووووووعه .يعطيك العافيه... |
|
|
|
21-07-2009, 01:13 PM
|
#10 |
|
عـضـو
تاريخ التسجيل: May 2008
البلد: بريدة
المشاركات: 1,225
|
والله الطفش عرفته قبل ما أعمل ومن بعد الوظيفه لا طفش ولا شيء
بس بعض الأيام ما يكون عندي عمل أشغل وقتي بجلسات الأهل لأن غالب وقتي بالعمل أما النت فكان قبل ساحرني أجلس عليه بالساعات ومع ذلك أشعر بملل فضيع لكن الحين الحمد لله قليله جلساتي عليه يعني باليوم 3 أو 4 ساعات وقبل كان يوصل 12 ساعه
__________________
توكلتُ في رزقي على اللهِ خالقي وأيقنتُ أنَّ اللهَ لا شكَّ رازقي وما يكُ منْ رزقي فليسَ يفوتني ولو كانَ في قاعِ البحارِ العوامقِ سيأتي بهِ اللهُ العظيمُ بفضلهِ ولوْ لمْ يكنْ مني اللسانُ بناطقِ ففي أي شيئٍ تذهبُ النفسُ حسرةً وقدْ قسمَ الرحمنُ رزقَ الخلائقِ آخر من قام بالتعديل نـــNAــونا; بتاريخ 21-07-2009 الساعة 01:24 PM. |
|
|
|
21-07-2009, 01:59 PM
|
#11 |
|
عـضـو
تاريخ التسجيل: Sep 2008
البلد: المؤمن كالسراج اينما وضع اضاء..}
المشاركات: 974
|
مجنون بريده اشكرك على الموضوع
والله يخليلك ابوريان الخيالي ههههههههههه
__________________
قل ماشــئت في مسبتي ,,.. فالصمت عن اللئــيم جواب,,ْ لست عديم الجواب ولــ:ــكن.’’مامن اسد يجيب ع ــن الكلاب..}
|
|
|
|
21-07-2009, 04:11 PM
|
#12 |
|
عـضـو
تاريخ التسجيل: May 2009
المشاركات: 131
|
موضوع رائع
جزاك الله خيرا |
|
|
|
21-07-2009, 04:24 PM
|
#13 |
|
عـضـو
تاريخ التسجيل: Jun 2009
البلد: بريدة
المشاركات: 3
|
يابعد قلبي والله .. طفشان ولاتقولي؟؟عيب عند العربان تبي انت امي منيرة تنقد علي؟؟
المهم ياخلفهم طق الثوب والشماغ ورسم عندي لك مشوار بعد العشاء ..يبي يروح عنك كل الطفش ها اعتمد خوي؟   نسيت اقولك الافكار عندك غير مرتبة ..يعني بالاول تكلمت عن المؤذن وادخلت الجانب الديني بالموضوع .. ثم تكلمت عن الرياضة وانك ماتفضلها وتنام باوقات غير مناسبة بس ماتمارسها ثم تطرقت للسيارات وسواقة العالم ثم بالاخير كثرة الجلوس على النت ونصيحة ابوريان لك .. قلم لابأس لكن تحتاج لوضع فكرتك الاساسية ومن ثم ترتيب الاحداث والسرد المناسب ولاتنسى وضع مايستفاد بنهاية موضوعك(قلب) |
|
|
|
27-07-2009, 12:43 PM
|
#14 |
|
عـضـو
تاريخ التسجيل: Feb 2008
المشاركات: 441
|
مشكورين على مروركم الكريم
وأتمنى الفائدة للجميع |
|
|
|
| الإشارات المرجعية |
|
|
النمط المتتابع
