[عندليب كو]

هذي القصة حصلت لي مع مستشفى بريده العالمي الخدوم الانساني التخصصي !!!!!! اليوم بعد الفجر ...................... جاني اتصال بعد الصلاة مباشرة من كريمتي تقول :
( إلحق البنت حرارتها مرتفعه وعطيتها علاجات وسويت اللازم وما نفع معاها وش السوات ؟) قلتلها تجهزي ويالّه للمستشفى .............. والله وآخذها وبنتها اللي عمرها 3 سنوات , وطيران لطواري التخصصي ........طبعاً لأنه الأقرب .............ثم دخلت وآخذ البنت بإيدي وأقول للي بالاستقبال ..........الحقنا البنت درجة حرارتها وصل 40ّ والله وأنا صادق والبنت ترتجف وكأنها في أحد الأقطاب المتجمدة............. شوفلها الدكتور تكفى بسرعة ........... والله ويردها لي وبكل بروووووووده .......الاطفال مو عندنا رح مستشفى الأطفال...!!!!!!!!!!!!!!!!!
هالحين أنا ما صدقت خبر أني وصلتلكم , وتقولي هالكلام ؟؟ يا خي ودها عند أطرف دكتور لأن الدعوه سخونه ماهي عمليه وثاني شي إرحم الطفله............إلتفت وبكل !.........! وقال للرجال اللي بجمبي وش بغيت !!!!!!!!!!!!!

طبعاً الضروره خلتني آخذ الأهل وأطير لمستشفى الأطفال اللي قاموا بواجبهم بأخير وجه ............ والحمد لله رب العالمين

لكن أنا أقول إلى متى وإلى أي وقت نعاني من هالمستشفى المحترم!يعني ما في أمل تتغير الهوايل اللي فيه ومتى ؟؟؟؟؟؟؟ السؤال صعب لكن أين الجواب .

[اخو دريحم]

من زمان مستشفى الملك فهد التخصصي لايستقبل الحالات الاسعافيه

للاطفال لكن كيف طافت عليك والحرار أمرها سهل كما علمنا رسولنا

صلى الله عليه وسلم (( إن الحمى من فيح جهنم فأبردوها بالماء ))

رواه البخاري

سبح البنت بالماء البارد جدا ولا يضرها مادام ان حرارتها مرتفعة

درجة واحدة فوق المعدل الطبيعى

[يالبى حويلان]

من زمااااااااان والتخصصى ماتقبل اطفال تقبل الوضع اخوى الكل يجووووووووون ويلمونناا مع ان هذا نظام التخصصى لان مشتشفى النساء والولادة واالطفال فيها اطباء اطفال متخصصون موطبيب عام



حاول تفهم الوضع .,,,,,,,,,, والحمد الله على سلامتها

[في داخلي قلب طفلة]

اللي اعرفه ان مستشفى الملك فهد التخصصي لايستقبل الحالات الاسعافيه للاطفال

[ليلة شتاء]

ياخوان كيف يعني مايستقبل أجل سموه طوارئ ليش يعني ؟؟؟

الدولة ممثلة" بالوزير,,,,,أي وزير الصحة ,,,,تشدد على المستشفيات سواء الحكومية أو الأهلية

بعدم رد أي حالة طوارئ ولا أعتقد فيه حالة طوارئ مثل اللي في هالطفلة المسكينة درجة حرارتها واصلة

فوق المعدل الطبيعي بثلاث درجات يعني هي هنا قريبة من التشنج والذي من مضاعفاته لا قدر الله

إما التأثير بالنطق أو السمع أو البصر ,,,أو حتى التفكير والإدراك ,,,,,وقد رأيناهم في مدارس التربية

الفكرية فقدوا هذه الحواس أو ضعفت هذه الحواس عندهم ,,,,وبعدين الأب يقول ذهبت للتخصصي

لأنه الأقرب والحالة لا يمكن الإنتظار عليها ,,,,,,يطلعلك واحد من الردود يقول سو لها ترويشه بالماء

وكل شي يصير زين,,,,,ما أقول إلا الله المستعان بس ؟؟؟؟ نصيحتي لا تعدي الموضوع شكوى على طووووول

ولو بالفاكس لمدير الشؤون الصحية فإن لم ينفع فعلى مكتب الوزير رأسا" .....؟؟؟؟

[أبو رُبـــــى]

أنا أعلم بأن هذا المستشفى .. ( التخرصي ) من زمان وهو لا يستقبل الأطفال .. !!


ولكن كان من المفترض على مدير عام الشؤون الصحية بالقصيم د / الخراز أن ينظر للوضع ويضع عيادة واحدة ودكتور واحد كل ليلة للحالات الطارئة فقط مثل حالة أخينا صاحب الموضوع ..

والله لا يحيجنا إلا لوجهه الكريم !!!




الحمد لله على سلامة إبنتكم ..

[BRHOOM]

...

مافي مستشفى بالعالم كله

مايستقبل الطوارئ .. لازم يستقبل اي حالة طارئة من الاطفال او غيرة

فكيف مستشفى حكومي كبير مايستقبل حالة طارئة !!!

...

[$$القائد$$]

والله ودي أقول من مبطي مايستقبل أطفال بس مايحتاج الشباب كل واحد يرد ويكتب

اقتباس أنا أعلم بأن هذا المستشفى .. ( التخرصي ) من زمان وهو لا يستقبل الأطفال .. !!

اقتباس اللي اعرفه ان مستشفى الملك فهد التخصصي لايستقبل الحالات الاسعافيه للاطفال

اقتباس من زمااااااااان والتخصصى ماتقبل اطفال

اقتباس من زمان مستشفى الملك فهد التخصصي لايستقبل الحالات الاسعافيه للاطفال

[جيل 2009 صااااايع]

يا خوي اشتكـ عليه اجل يسفهك ويكلم الثاني والله لونه انا والله لالفه بمخمس عشان يدري انا الله حق



مشتشفى االتخصصي فااااااااااااااااااااااااااااااااااااااااااااااااا اااااااااشل في الاكل و النظافه ........الخ )))ووسخ

[ابو شرين]

ماقريت بس عارف السالفة مادام الدعوى فيها تخصصي يعني من الآخر قهر واحباط ينتج عنه حقد دفين خخخخ

صدقني لو كنت مسؤول كان ما اكتفي بحكم واحد تطهير لهالبشر اللي مسؤولين عن الصحة
كان كل بداية اسبوع جلد علشان يداومون باقي الاسبوع وهم زي الالف بدل ماهم قاعدين يلعبون باعصاب ناس مرضى تخيلوا مريض ويرفعون ضغطه اي اهتمام بالصحة المفروض يكونون هم اول ناس يهتمون بضغط المريض خخخخخ

[**ابو علي**]

انت خبل التخصصي معروف مايستقبل البزارين

[ملقوفه لكن محبوبه]

الحـــــــــــــــــــمد للــــــــــــــــــــــــــه علـــــــــــــــــى سلامــــــــــــــــــــــــــته بـــس وعسااااااااه اشــــــــــــوت الحــــــــــــين

[نور عيوني]

شنو مايستقبل الطلفه اقل شي يعطونها مسكن او الى ان تخف حراراتها

من جد غريب هالمستشفى وانا قبل شوي نزلت موضوع عنهم

وعلى قولت الاخت عساها اشوت << يعني طابت من المرض ^_^ ههه

[غرك زمانك؟]

اقتباس المشاركة الأساسية كتبها ليلة شتاء ياخوان كيف يعني مايستقبل أجل سموه طوارئ ليش يعني ؟؟؟ الدولة ممثلة" بالوزير,,,,,أي وزير الصحة ,,,,تشدد على المستشفيات سواء الحكومية أو الأهلية بعدم رد أي حالة طوارئ ولا أعتقد فيه حالة طوارئ مثل اللي في هالطفلة المسكينة درجة حرارتها واصلة فوق المعدل الطبيعي بثلاث درجات يعني هي هنا قريبة من التشنج والذي من مضاعفاته لا قدر الله إما التأثير بالنطق أو السمع أو البصر ,,,أو حتى التفكير والإدراك ,,,,,وقد رأيناهم في مدارس التربية الفكرية فقدوا هذه الحواس أو ضعفت هذه الحواس عندهم ,,,,وبعدين الأب يقول ذهبت للتخصصي لأنه الأقرب والحالة لا يمكن الإنتظار عليها ,,,,,,يطلعلك واحد من الردود يقول سو لها ترويشه بالماء وكل شي يصير زين,,,,,ما أقول إلا الله المستعان بس ؟؟؟؟ نصيحتي لا تعدي الموضوع شكوى على طووووول ولو بالفاكس لمدير الشؤون الصحية فإن لم ينفع فعلى مكتب الوزير رأسا" .....؟؟؟؟