[مهندس بريدة]

بسم الله الرحمن الرحــيم

أسعـد الله مساء المـواطنين الشرفاء , من تهمهم مصلحة مجتمهم و شعبهم , للإسف الفسـاد في السعودية بإزياد و في هذا الموضوع سـ أخص منطقتي و حبيبتي القصيم و بالتحديد بريدة

» |[ ,, مدخل
•• ..

طلعت اليوم لأحد محـلات الرسيرفرات و اخذت اللي ابيه و ركبت الفنـي وصلنا المكان المطلوب ركبنا كل شيء و كنت أدردش مع البنقالي المهذب و حنا راجعين فمن ضمن الأسئلة كنت اسأله هل عندك شغل ثاني و ... ,


فا جآني يوم قال إن البنقالي اللي موجود بالمحل الآن هو كفيلي و كفيله شخص ( بـ حفر الباطن ) و كل شهر هالكفيل يعطي كفيله السعودي 300 ريال ,,
سآلته انت بس و الا كل المحلات نفس النظام , قال إيه كل المحلات اللي شفتها قبل شوي كلها نفس النظام و اكثر من 5 محلات كفيلها هو نفسه الشخـص حق حفر البــاطن مع استخدامه لأسماء أقرباءه ..!!
ذكر البنقالي المؤدب إنه اذا ما أعجبه الشغل ببريدة وحس ان راتبه قليل ينتقل لـ الرياض و الا لجده يعني على كفيفه و لا فيه أحد ماسكه ..!!!!

أعـلم أن هذه المشكلة هي جديدة قديمة و لكنها للإسف بإزديــاد رهــيب و رهيـب جداً , لكـ انت تصدق أن أكـثر من 80% من محلات الحـلاقه التركيه أصحابها الحقيـقيون هم تركيين ..!

الظـاهره بإنتشار رهيب و هذا و الله أعلم ينبئنا بفسـاد كبير لإن العمالة ستكون بإزدياد رهيب و لا حسيب لها ولا رقيب بعد أن ( خــان المـواطنين ) مجتمعهم المسلم المحافظ

أعلـم أن لي صديق و قريب ربما مارسوا هذه الطريقة المفيده و التي تدر أربااح عآااليه جداً جداً لإنهم طمعوا بمئات الريالات اللي سينجنوها نهاية كل شهر وهم نايمين ببيوتهم

فبعد ان أصبحت حرمت المجتمع تهان من قبلنا فكان حري بأعلى سلطة في الدولة بالوقف امام هذه الـظاهره الرهيبه الخطـيره التي تهدد مجتمعنا

بريدة كلها محلات و محلات كثيره جداً شبابنا العـاطل لو فكر يفتح له مشروع راح يلقى بريدة مليانه من جميع النواحي لكن العجيب و الغريب ان كل هذه المداخيل ستذهب لأبناء بنغلادش و تركيا و باكستان و ...

أقسم بالله أتكلم بحرقه لإني اعتقـد ان الوضع خطير جداً ,
انقلوا الموضوع بدون ذكر المصدر
اتمنى ان نستمع أخبار مفرحه بخصوص هذه العمالة السائبة

عندي القدرة على ذكر اكثر من 50 محل يملكها بنغلادشيين و باكستيانيين و مصريين و ... فالموضوع عند هالعماله أصبح غير سري و يقولون قديماً من امن العقوبه ما خاف من أحد

و السلام عليكم ورحمة الله وبركاته

[مخاوية الليل]

بصرااااحه ما فهمت شيء
بس مشكــــــــــــــــــــــــور

[الاسلمي]

المطلوب شنو
لا تعليق
مشكوورر

[California]

الجوزاات نهب وسلب وهذا حال جميع الدوائر

[ياسر الخريف]

كلام صحيح وهذا الواقع ولكن مالحيله

[عاشق بريدهـ]

الشكوهـ لله...

[المحتـــرم]

كلامك صحيح
طيب ليش مانستفيد من تجربة الدول التي سبقتنا في هذا المجال
فكل دولة في العالم لديها عمالة اجنبية خاصة الغنية منها
بهذه الطريقة نوفر على انفسنا عناء اختراع العجلة من جديد

[متصفحة]

أخي الكريم ..

ليس الملوم هنا الكفيل السعودي .. لأنه يريد الربح كما ذكرت ..

وأعتقد أن اللوم كل اللوم على المتسبب الأول في الفقر ..

أخي .. أنا أعرف رجل ليس لديه شهادة تؤله على العلم من خبرته الواسعة في المقاولات .. ولكن ماأرى أن خبرته نفعته وأغنته عن المسألة ..
وبعد فترة من فتور عمله وتقارب وضعه للهلاك أخرج تأشيرات وبدأ بعمل هذا الكفيل .. ولأن الحمدلله حاله شبه ميسورة ..

الشاهد هنا أخي الكريم .. أنه لطالما ذهبت فرص التوظيف وضيق على الشعب بالرزق لطالما كانت هذه النتائج .. وأردى منها ..

شكرًا لك على هذا الحرص .. ولكن الكثير الأن يفكر بهذا التفكير

[صمت النار]

ياحبيبي

أكثر المحلات بكل اشكالها للعامل .. والكفيل يآخذ المقسوم كل شهر ونايم في بيته ..

فيه محل ( بدون ذكر تفاصيل ) ماسكينه بنقاليين .. كنت متوقع إنه لهم ويعطون كفيلهم مبلغ شهري ..
قبل يومين كنت في الرياض وعند واحد تركي في محلة ونفس النشاط .. فكان فيه يماني ويتكلم معه عن نوعيه من البضاعة وبكم يبيعونها في خميس مشيط الخ ..
بعد ماطلع اليماني ,, اخبرني التركي عنه وانه له محل في بريده وماسكة بنقالي ..
طلع نفس المحل اللي قلته اول وكنت متوقع انه للبنقالين ..

الطامة الكبرى .. ان البنقالي يعطيه اليماني نسبة .. وبعد ماحسبناها انا والتركي .. لقيت البنقالي يكسب بشكل يومي مبلغ لايقل عن 200 ريال .. واليماني يكسب من هالمحل بسس مبلغ لايقل عن 400 ريال

وتصدق فكرة المشروع تكلف مابين 50000 الف إلى 100000 ريال ..

خلها على ربك ..

مكتب العمل رايح فيها ..

[السمو الروحي]

هناك من البشر من يقدّس المال وان كان على حساب الامانه والدين قبل الوطن

[غريب احساس]

ما فية شي يمنع ان الأجنبي يمتلك محل

[boaod]

اقتباس المشاركة الأساسية كتبها مخاوية الليل بصرااااحه ما فهمت شيء بس مشكــــــــــــــــــــــــور

طيب اذا ما فهمت شي لاترد لو سمحت ..

اقتباس المشاركة الأساسية كتبها الاسلمي المطلوب شنو لا تعليق مشكوورر

المطلوب فرقاك ,, الاخ لو شوي يشرح ولا فهمت لهالدرجة اغبياء دولا ..؟


يعطيك العافية اخوي كلامك صحيح

بحاول اسوي مثلهم و افتح لي كم محل ,,,,<<| فهم موضوعك خطأ

[صعب المنــ2ــال]

ياخي إذا كان السعوديين على الأقل في القصيم نصف شبابهم همهم نصب و خرابيط

و نصفهم الأخر في الدراسة

من الي تبيه يسوي محلات من الي تبيه يقوم بشغل مثل البنغالية و الأجانب الموجودين

صدقني انت كلامك جميل جدا و انا حقيقة متضرر من هذا الشيء ودي ابدأ بمشروع لكن كثرة المنافسين تسبب صعوبة كبيرة تتشكل برأس المال المرتفع الي لازم احصله قبل اي مشروع و احتمالية الفشل واردة جدا لان المنافسين يعتبر مصدر حياة لهم هذا الشغل

لكن يا عزيزي بغض النظر من هذا الفكر التجاري و بغض النظر عني و عن السعوديين الي يبون شغل
إذا كان الشباب السعوديين ما يشتغلون وقليل ما يفكرون بالمستقبل كيف تبي تكون محلات الخدمات موجودة في انحاء شوارع بريدة !!

ياخي خل البنغالية الي هنا ناظر اليمناء الي محتلين الأسوق إحتلال

اعتقد بعد كم سنة الأسواق السعودية تبي تغير اسمها إلى اسواق صنعاء المحدودة

يعني المحلات البسيطة , , رسيفرات حلاقة نجارة كهرباء إلخ من المحلات البسيطة هذي ما راح تحصل سعودي يقوم فيها و بالأصل المشاريع التجارية الي اكبر منها بشوي ما حصلت لها سعوديين يقومون فيها

اكيد فيه لكن نبغى الكل نبغى سوق سعودي بشكل كامل

يعني سعودي مطعم بعمال اجانب لهم الشغل اليسير اما يكون المحل كله اجنبي مشكلة كبيرة و انت في موضوعك تناظر الجانب الضيق من المشكلة

[مراقب امن]

ليس لة علاقة بالفساد
ياحبيبي العلة بنا وفينا والايقدر راعي المحل يعطية سعودي ويعطية المقصود كل شهر لاكن موفاضي يشتغل الا من قل
لان الاغلبية يبي يستانس ويسهر ويتفرج ويحط يد على يد بعد ماينضج عقلة ويقول ياريت مع ان الاغلبية بحاجة للفلوس بس الدلع مسيطر عليهم