[Hi Saudi]

أوضح مدير ادارة مرور منطقة القصيم العميد عبدالعزيز الخلف أن ظاهرة الاستعراض بالسيارات في الميادين والطرق والشوارع العامة ببريدة والمعروفة ب(نصب السيارات) أثرت على الحركة المرورية في بعض المواقع وأحدثت إزعاجا لبعض سكان الأحياء.

وقال الخلف في تصريح ل(الرياض) ان إدارته تقوم حاليا بتركيب لوحات (لمنع الوقوف) ببعض الطرق التي تزداد بها هذه الظاهرة كطريقي النهضة والقناة ببريدة موضحا أن الدوريات المرورية ستخالف السيارات المتوقفة بمواقع المنع بعد التأكد أن وقوفها لغرض (استعراضي) فقط واشار مدير مرور القصيم إلى أن دوافع هذا الاجراء التنظيمي والذي اقر بعد تنسيق متكامل مع شرطة القصيم هو منع وقوف (الاستعراضي) والذي تضاعف ممارسوها خلال الفترة الماضية وختم مدير مرور القصيم تصريحه مفيدا أن التعامل مع هذه الظاهرة سيطبق ببريدة وبقية محافظات القصيم التي ترصد بها الظاهرة حاثا الشباب للعمل فيما يعود عليهم وعلى وطنهم بالنفع.

المصدر - الرياض

[Mr.Ges]

الله يقلعه هو وقراراته ..

كل شوي قرار ..

وبعدين وش الي ازعاج ,,
ازعاج والسياره واقفه .. ومطفيه بعد ..


وينك يابوعجلاااااااااااااااااااااااان << وهـ بس ..

[أبو عقرب]

مشكور

[Total ransom eyes]

قال ايش قال ازعاج وهي واقفه
ياغبي تاقف احسن من انه تتحرك
اقول بس ابعد وخلي غيرك يجلس بمكانك

[لآتولع آلنورٌ‘ ..!]

هههههههههههههههههههههههه


وربي فشيله لما شخص من برى منطقة القصيم يقرآ العنوان في الجريده ..!

شباب القصيم جدآ مظلوووم ..!

[غريب احساس]

سلملي على الخلف واحسن قرار اتخذه بحق صغار السن

[C R Λ S H]

يا شيــن الطآفيــن صدق ..

يبي يثبت وجودهـ علطول ..والله شكله عجول !!!

ما بلانا إلا الجرآيد وخاصة خلف ملفي اللي ( شهر ) بهالظاهرة ولا لها سنتين ولا احد درى عنهــآ ..

بس جآن خلف ملفي والعنزي وطقتهم وشهروا بهالظاهرة .. وخلوا هالمرور ينتبهون لها زيادة .. بعد ما روؤا المرور

ردود افعـآل النـآس والجرآيد .. ليتنا بلياكم يالصحافة .. انتم تظرون ما عمركم نفعتوا !!!

وش فيها لا نصبنا ... شباب القصيم والله مظلوم وش ذنبه

[حربي القصيم]

طيب حط لهــم سـآحه وخلهم ينصبون فــيهـآ حتى لو بالدآئري
مــوب تعميهـآ وتخلي الشباب دوران بالشوآرع وطرد موآكب تفحـيط
آقسم بالله آني آعرف نـآس يجون من الزلفي لـ بريدهـ علشـآن ينصبـون,
هوآيه حلوهـ ولآ ورآهـآ مشـآكل زي التفحيط والتطعيس

[وطني فخور]

ماهي سلبيات النصب؟؟؟خصوصا اذا الطريق واسع
ثم اذا فيه سلبيات يوعون الطلاب في المدارس بخطورتها ويقنعوهم
والذي أراه ان النصب يحافظ على البيئة ويقلل الحوادث والله اعلم

[لآتولع آلنورٌ‘ ..!]

اقتباس المشاركة الأساسية كتبها عبدالله الخالدي يا شيــن الطآفيــن صدق .. يبي يثبت وجودهـ علطول ..والله شكله عجول !!! ما بلانا إلا الجرآيد وخاصة خلف ملفي اللي ( شهر ) بهالظاهرة ولا لها سنتين ولا احد درى عنهــآ .. بس جآن خلف ملفي والعنزي وطقتهم وشهروا بهالظاهرة .. وخلوا هالمرور ينتبهون لها زيادة .. بعد ما روؤا المرور ردود افعـآل النـآس والجرآيد .. ليتنا بلياكم يالصحافة .. انتم تظرون ما عمركم نفعتوا !!! وش فيها لا نصبنا ... شباب القصيم والله مظلوم وش ذنبه

ههههههههههه ..
ياحبيبي خلف ملفي هذا رئيس تحرير مجلة "جووول اون لآين " الرياضيه ..! فـ ماله دخل


عوافي حبيبي ..!

[بولوهي]

قله هناك بس
لو منع النصب راح يكون فيه شي اعضم واشين
خل الشباب براحته ادامه ما سوى شي غلط .. اجل مأثر على حركة السير .. عساو للسير اللي ....!

[سلطان علي الوهيبي]

قرار جيد وقد يكون منطقي ؛

وسؤالي للمعارضين :

ماالفائدة من ذلك...؟

ومن يقول أن هذه هواية ، هل ترون أنها في محلها ؟

أنا لن أؤيد القرار إذا كانت السيارات المنصوبة سيارات تستحق النصب مثل: السيارات

الرياضية ، والسيارات العجيبة، والسيارات المرهمة . . .

أما إذا كانت هايلكس"ونيت نقل" ، وجيب ربع"مصندق".

في هذه الحالة فالقرار في محله.. والله من وراء القصد

لكم مني أطيب تحية*

[عاشق ركوني]

قهر انك مدير المرور الحين اذا وقفه ازعجتوه واذا مشا قلتو لاتدور ياجماعه ترقبو منع التطعيس

[الثنعشري]

اقتباس قرار جيد وقد يكون منطقي ؛ وسؤالي للمعارضين : ماالفائدة من ذلك...؟ ومن يقول أن هذه هواية ، هل ترون أنها في محلها ؟ أنا لن أؤيد القرار إذا كانت السيارات المنصوبة سيارات تستحق النصب مثل: السيارات الرياضية ، والسيارات العجيبة، والسيارات المرهمة . . . أما إذا كانت هايلكس"ونيت نقل" ، وجيب ربع"مصندق". في هذه الحالة فالقرار في محله.. والله من وراء القصد لكم مني أطيب تحية*

يعني المشكله عندك بس بنوع السياره ..!!!


والله غريب امركم ..اذا فحطنا قلتوا مايصلح ..واذا رحنا لكوفي قلتوا مايصيييير ..واذا دورنا لنا مكان يضفنا قلتوا شباب طايش ..واذا بغينا السوق قلتوا دشير

وصلت لهواية بريئه تبون تقتلونه ارحمونا رحمكم الله ..