[المكشات]

بسم الله الرحمن الحيم
المكشات يعاود الضهور مجددا بعد انقطاع عن المنتدى دام اسبوع وذالك بسبب اعطال فنيه بالجهاز
او ماحد درا عني انقطعت اومانقطعت كلها عندكم واحد """
هههههههههههههههههههههههههههههههههههه

المهم ندخل الموضوع

ابي اقولكم عن حقيقة الماركات العالميه بالمحلات الفاخره مثل الي بالنخيل او العثيم البضاعه الي عندهم مثلها مثل الي باسوق الداخلي لاكن الي بالعثيم او بانخيل يدبلون السعر بحجت انها ماركه عالميه وهي لاماركه ولا شي وحريمنا لك الله تجي وتطش الصرافه حتا ماتسئل كم السعر


انا اعرف واحد مدير معرض بالنخيل جيت لمه بالمعرض
قالي تبي تعرف وش كثر غبا حريمنا قلت ايه جاب نضاره من المعرض سعرها 70 ريال وثم مسك يدي ودخلنا المستودع وثم طلع نضاره نفس الشكل قالي هاذي مابعد طبعنا السعارنا عليها تصورو كم سعرها ماتصدقون 10 ريال يعني يجوبون بضاعه
سعرها 10 او 20 ريال وغيرون الغلاف ويطبعون عليها 80 او 100 ريال وثم ياخذون مده ويحطون اعلانات خصم تصل الى
50 بالميه ويبيعونها 40 او 50 ريال وحريمنا على نياتهن
انها خصومات يجن ويشترن

صدقوني شي شفته بعيني

رساله الى حريمنا يرحون لم السوق الداخلي او الحسون سنتر
او اي شي بس غير هالنصابين يجبون بضاعتهم من اسواق شعبيه برا السعوديه بسعر رخيص وعندنا يبوعنها انها ماركات عالميه وبسعر غالي









وتقبلو تحياتي

[الصباخ]

ههههههههههههه هو من ناحيه محد درى عنك فهذي أنت صادق فيها .
وأما من ناحيه البضاعه واللعب فيها فهذي كثيره جداً، وخويك هذا صادق وأنت صادق وأنا مصدقك << الدعوى كلها تصديق .
أنا أعرف واحد اشترى جاكيتات من دبي بعشرين ريال وباعها بمحله بفوق مئتين ريال ولا باع ولا حبه بأقل من هالسعر ولا جلست عنده البضاعه ولا حتى شهر واحد.
شفت كيف التجاره مربحه؟؟

[خواطر مكسوره]

لا....
حريمنا مو غبيات بس التعبير خانك...
عن نفس أعرف وحدة قريبة لي حيل نظاراتها والله العضيم تشريهم من أبو ريالين..))من غير تعليق((مو لأنها كبيره في العمر..بس
لأنها ببساطة ماتصدق المحلات

[متصفحة]

أخي الكريم ..

أما عن البضائع وأنها كالتي بالحسون أو السوق الداخلي فهذا غير مصدق ..

نحنُ النساء لدينا مدارك وهبنا الله أياها .. معلم عن البضائع الرخيصة والغالية من نظرتها ..

وأنا عن نفسي .. إشتريت من كلآ البضاعتين الرخيص والنفيس .. وبعد تجربة أتضح أن البضاعة الرخيصة الثمن تبيد وتنتهي بسرعه .. حتى أن الشخص يخجل أن يعطيها لغيره بعد أن أنتهى منها .. أما البضائع الغالية الثمن فهي لاتتلف بسرعة .. وتستطيع أن تعطيها من يستفيد منها .. وأنت مطمئن

والبضائع نعلم أنها تأتي رخيصة ولا تكلف على أصحابها الشيء الكثير .. وأن مردودها عشرات الأضعاف على مستوردها .. ولكن هل لنا مداخل أخرى نستطيع أن نشتريها ..
وإذا كانت هذه البضائع تكلفهم عشر ريالات للقطعه فإن بضائع السوق الداخلي والحسون لاتكلفه ريال واحد .. وقال لي قريب بعد زيارته لإندونيسيا أن التي شيرت هناك لايكلف ريااااال واحد .. فمابالك بالنظارة ..

واخيرًا .. هل تعلم أن السيارات إذا إستردتها من الخارج يسقط عنك مبلغ محترم ..يقدر بثلث سعرها هنا ..

للأسف كل شيء هنا غالي .. (( والزين بثمنه )) كما قالت أمي - حفظها الله -

[MooN 17]

مشكور اخي على هذا الموضوع الجميل

[loquacious]

اللي يقهر بعض الماركات تكون غالية ولما تشوف صناعتها صينية ..
يعني الجودة لك عليها لكن الموديل يبقى طاغيا ً لترغيب البضاعة .. !

[صوت من الألم]

مشكوووووور المكشات على الموضوع
بس أنا مع راي أختي متصفحه
وفيه شي تحس انه مايستاهل ولا انه يكون عند ابو ريالين مو عاد الماركات
وفيه شي تدفع بالقطعه مبلغ كبير بس تستفيد منه وتحلله وتكرف ابوه اللي جابه
وبالنسبه انهم يجيبون بأسعار زهيده
هاااااذي عارفينه من زمان
بس الشكوى لله وش أنسوووي
مضطــــــــرين

[ربـــع الدنيـــا]

اقتباس المشاركة الأساسية كتبها المكشات انا اعرف واحد مدير معرض بالنخيل جيت لمه بالمعرض قالي تبي تعرف وش كثر غبا حريمنا قلت ايه جاب نضاره من المعرض سعرها 70 ريال وثم مسك يدي ودخلنا المستودع وثم طلع نضاره نفس الشكل قالي هاذي مابعد طبعنا السعارنا عليها تصورو كم سعرها ماتصدقون 10 ريال يعني يجوبون بضاعه سعرها 10 او 20 ريال وغيرون الغلاف ويطبعون عليها 80 او 100 ريال وثم ياخذون مده ويحطون اعلانات خصم تصل الى 50 بالميه ويبيعونها 40 او 50 ريال وحريمنا على نياتهن انها خصومات يجن ويشترن صدقوني شي شفته بعيني وتقبلو تحياتي

.....{ًُِّ"

وهل في علم الغيب ما أوحى الله لنا حتى نعلـم معشر النساء خداع صاحبك وتزوير

حقيقة البضاعة ..

ليحترم صاحبك عقول النساء ويخاف الله في البيع ولا نقع في ذلك يأخي الفاضل المكشات ..

[الـعـابـر]

والله يا انت استخدمت الفاظ لا تُقبل
اصبر شوي يبي ياصلك تقارير انه لم يستطع احد ان يغش نسائنا
الغباء موجود وما يحتاج لف و دوران او احتيال

[الشمالي]

معه حق يحط السعر اللي يبي
واللي مايبي يشري يروح للسوق الداخلي وقبه رشيد ويشري منها

لانه باختصار كم سعر اجار المحل بالمولات وكم سعراجار المحل في السوق الداخلي
اضافه الى اختلاف الديكورات يعني باختصار كل شي بحقه

ايضا انت يالزبون فرق بين انك تتسوق في جمال السوق الداخلي وروعه قبه رشيد وبين انك تتسوق في المول

باختصار تبي الرفاهيه لها حقها ..

[اكحيلان333]

شكرا على النصيحة
صااااااااااااااااااااااادق

[امس]

موضوع جميل


ما ودي أقولك وش تبي من هالموضوع بالضبط

لكن قسم البضايع اللي نشتريها من الماركات لا تقارن بغيرها

وأبي
أزيدك من السطر سطرتين أقصد سطرين
أفضل مكان للتسوق النخيل والعثيم ثم الحسون الحسون الحسون (( والحمد لله إن ربي عطاني عقل أفكر فيه يوم اقارن
قسم إن بعض البلايز سعرها 90 ريال هههه طيب وش خليت يالحسون فرق سعر بينك وبين مانجو& زارا ))

الشئ الثاني اننا ملعوب علينا من كل الإتجاهات حتى أنت ملعوب عليك وأنت تدري وما تسوي شئ لا تضع المجهر

[ابوولعf]

هذاي سالفة واحد من اعيال يقول راح هو وزوجته لنخيل اهم شي المره شفة بلوزه او تنوره مدري وشي اهم كم السعر قال 280 ريال تعرفون ماركه اهم صارة عزيمه عند أهله تجمعن الحريم ومره تشوف زوجه اخوه الثاني لابسه نفس اللي معه بظبط سألته كم شريته قالت 70 ريالا والله ويطيح وجه بلأرض هههههههههههههههه شفتو وشلون النصب ماركه وماركه وابويمن يلعب على الحريم خخخخخخخخخخخ

[المميز666]

اقتباس المشاركة الأساسية كتبها خواطر مكسوره لا.... حريمنا مو غبيات بس التعبير خانك... عن نفس أعرف وحدة قريبة لي حيل نظاراتها والله العضيم تشريهم من أبو ريالين..))من غير تعليق((مو لأنها كبيره في العمر..بس لأنها ببساطة ماتصدق المحلات

:060: