[الصباخ]

اقتباس المشاركة الأساسية كتبها loquacious~~ العطالة بتسوي هوووايل . ! وإنت لسى بأول المشوار ... وش بقيّت حاجة ماطـــالبت فيها .. يمدحون جمعية حقوق السهـــر !!

البحث عن الحق وقوله، طريق صعب للغاية.
وأما جمعية حقوق السهر، فالفكرة مش بطالة.
قد نلتفت إليها فيما بعد.
ولكن لكل شيء أولويات..

اقتباس المشاركة الأساسية كتبها ياحبيلتس يانا ان شاء الله ان جمعيات المجتمع المدني في فنزويلا مهب مخلينكم يبون ياقفون معكم ....بالتوفيق وليتنا بليا السياسه>الشيشان

أبد جمعيات حقوق المستهلك، ماراح تقصر معنا.
ياهلا فيكِ.

اقتباس المشاركة الأساسية كتبها مستنكره نت فكرة حلوة بس من يبى يدعمكـ اذا لم يسمعو للأنثى الضعيفة والغالية عليهم يسمعون لذكر القوى>>المستقوى على انثاه الحمد لله حقوقنا كامسلميين محفوضة وبذات المرأة اما على الرجل.. فأهل مكة ادرى بشعابها

الجمعية هدفها خدمة الرجال بالدرجة الأولى.
وهذا سبب رئيسي لإنشائها، وهدفها نبيل وسامي للغاية.
ياأهلاً فيكِ.

اقتباس المشاركة الأساسية كتبها ليت الجروح قصاص أنا بشتكي على أمي قالت جب ملابسي من الخياط ونسيت وسألتني عنهن وقلت لها نسيت وقامت عطتني كف فر وجهي أربع مرررررررات وخنقتني بشيلتها إلى من المشتكى ؟؟؟؟؟

ميخالف عادي هذي أمك، لازم تتقبل منها أي شيء.
لو تعطيك كف ويفر راسك عشر مرات، قلها بآخر شيء سمي ياميمتي!
أمك ثم أمك ثم أمك.
لا تنسى هالشيء أبداً!!!

[RSLAN]

,,


لا تنسى الموقع الرسمي للجمعية ..!

وبعدين لازم يكون لك إعلام في المجتمع ..

وبامكانك أنت تستقطب كُتّاب من هنا وهناك حتى وإن كانوا غير مؤيدين لتلك الجمعيه .. فقط أعطهم ما يريدونه لزيادة الرصيد في آخر الشهر لا أكثر !
وسيطالبون معك بحقوق الرجل .. وسيخرجون في القنوات وفي الصحف والمجلات وحتى في المساجد !
لا تعجب فهم يعرفون كيف يزعجون الناس ويحصلون على ما يريدون .. رضيت أم لم ترضى ,

بعد ذلك ستستجيب الحكومة لمُطالبات الشعب ..!
وستكون أنت رجل التغيير ..


,

[الصباخ]

اقتباس المشاركة الأساسية كتبها *خفايا الروح* اي والله إنتبهوا يا الرقاجيل من تالي الحريم صايلات بها الحقوق كيدهن يهد جبل موب عاد رجال الله يكفينا شرهن انا ياربي لك الحمد ما ابي إلا اهلي وبيتنا وإلا الحقوق وماحقوق تاركتهن للناقصات اللي يدورن الكمال ياربي لك الحمد

عاد لا جينا للصدق، الرجل مستحيل يستغني عن المرأة، والمرأة كذلك مستحيل تستغني عن الرجل.
كلاً مكمل للآخر، لكن كثرت المطالبات من أجل لا شيء.
مشكله عويصة وتحتاج إلى وقفةٍ جادة.
شكراً لكِ.

اقتباس المشاركة الأساسية كتبها مدحت شوقي بريده عااااااااااااشت اياااااامك يالصبااااااااخ .. اجل تبي جمعية حقوق الرجل .. همن باتسر يطلعون لك ويطالبون بتوظيف المرأة بهالجمعية .. تعرف يالبي على بالهم انه من حقه انه تتوظف باللي يعنيه واللي مايعنيه .. مايدرون انهم يحشرونه احياناً بأشياء لا ناقة له ولا جمل به .. يالبي ارفق .. ترى الرجل والمرأة كلهم مآخذين حقوقهم وازود .. بعدين يالبي انا قريت الموضوع كله .. ادور اظطهاد او هضم حقوق مالقيت .. او تبي جمعية علشان تصير انت رئيسة وتآخذ لك راتب 30.000 ريال وكل يومين رازن شظافك بالجريدة لقاءات واستضافات .. حبيب البي .. وش رآيك تعطينا الحقوق المهضومة للرجال اللي تبي تطالب به .. انا يالبي ماني مع جمعية حقوق المرأة ولا جمعية حقوق الرجل .. كلن مآخذن حقه وزود .. سي يو ..

ياحبيبي أنت يابوابراهيم، تصدق غابت عن بالي عمل المرأة داخل الجمعية.
بكره يقولون لازم وضروري يكون للرئيس سكرتيره ومن الجنس الناعم.
ياولد، الحريم ورانا ورانا يعني؟
بعدين أحلى مافي الموضوع الميزانية الضخمة اللي تبي تصير للجميعة مع الرواتب المجزية، هذي تخليك فعلاً تشتغل وبأمانة .
ولا تنسى عاد التزز بالصحف والمجلات والتلفزيونات، ويمكن بكرة أصير بطل قومي.
من يدري!

منوّر يا ألبي .

اقتباس المشاركة الأساسية كتبها تـهاني وين محفوظة ؟؟ حتى حاجاتنا بالدوائر الحكومية ما تنقضي الا بشي اسمه محرم حتى الاقسا م الخاصة بالنساء ما صارت تفعل بشكل جدي في قسم نسائي في احد الدوائر لكن التقدين عند المدير الرجل لازم ندخل قدام كل الرجال عشان يقابلنا المدير ( تراها ظيفة حكومية ) نجاح جمعيتك دليل فوزنا

محفوظة بقدر كاتم طال عمرك.
ياهلا فيكِ، والله يعيننا وإياكم، وكلن على همه سرى.

اقتباس المشاركة الأساسية كتبها لسـ المواطن ـان اخوي " الصباخ " أنا جاي بسجل معكم بالجمعية .. وعشان تتأكد .. سويت مثل هالصورة بالعقال حستهم بالبيت وجيت انضم معكم .

هههههههههههه كفو والله، أجل أنت تبي تصير النائب معي.
وبعطيك رواتب ومحفزات لا تخاف .
وبس أنت ماعليك خلك شديد، ومؤمن بآراء الجمعية .
وإياكَ والتراجع أو التناقض أو التزعزع، فيجب أن تؤمن بهذه المبادئ حتى الموت.
منوّر يالغالي.

[|• هَبْ العِطِرْ]

..
مآشآء الله الرجآل مآ يحتآجلهم جمعية لحقوقهم

مآخذينهآ وزيآآدة بعد

[قُنصـل ~]

//




بمجرد قرائتي للعنوان ابتسمتُ كثيراً!
فهذي جملة الوالد - حفظه الله -
توقعي بانضمام الوالد عما قريب !

[الـعـاصـفـة]

صدقت أخوي .. الصباخ ..

قال حقوق المرأه قال !!

الرّجال يطلع من فجر الله .. ويشتغل ويكرف .. ويرجع بالقوايل "تافلن العافيه" وبهالزّحمات .. .. من شان يكدّ على المرأه .. والمرأه نايمة .. ويقولون حقوق المرأه !!


الرّجال يودي المرأه لأي مكان تبي .. أسواق .. حدايق ..أهله .. صديقاته .. وهي أكلف ماعليه أنه بس تركب .. وهو اللي يسوق به ويكره عمره من الزّحمات ..
"مشتغلن سوّاق" .. ويقولون حقوق المرأه !!


الرّجال يعطي المرأه فلوس .. طالعتن بتعب وعرق جبين .. وهي تجيها الفلوس باردة مبرّده .. ويقولون حقوق المرأه !!



يعني باختصار .. المرأه .. عنده واحدن يكدّ عليه .. وسوّاق .. وسبّاك .. ونجّار .. وكل شيّ يسوّيه .. ويقولون حقوق المرأه !!



أين حقوق الرّجل .. لماذا حقوق الرّجل مهضومه ؟؟

قال الرّجل آخذن حقوقه كامله قال ..

عشان إبريق شاهي .. أو لقمة رزّ .. تسويهن وهي واقفه ..ولا يكلفنّه شي.. تقولون الرّجل آخذن حقوقه كامله ؟؟ !! < ياللهول >

أنا أرحب وأشجّع هالجمعيّه .. وسر أيها الصباخ ونحن معك .. << متحمّس

مشكور أخوي الصباخ .. على الموضوع ..


أخوك ..


الـعـاصـفـة

..

[متصفحة]

لآتنسى أن تحجز مكانًا بزوايا الصحف اليوميه ..

ستخدمك كثيرًا ..

وذيل طرف حديثك بالمرأة .. هي كذلك ستقدم لك الكثير بهذا الإسم

[ديما - - -]

أٌقووول احلف بس

[الــنــهــيــم]

اقتباس المشاركة الأساسية كتبها أبو محمد النجدي هذا أردى لك يا أخي صبوخ يطيح كرتك كذا إذا جاء شامي أو أروبي حمرن عطرن أما أنا أُطالب برجال من كينيا والكاميرون على الأقل إذا شافتني المعزبة تحمد ربها على هالوسيم أجل تبي من أوكرانيا تبي تخرب بيوتنا الظاهر !! إلا في حالة واحدة نجيب شغالات من ذات البلد

ههههههههههههههههه
هههههههههههههههههههههه
ههههههههههههههههههههههههههههههههه

بايعة النجدي

[الصباخ]

اقتباس المشاركة الأساسية كتبها دعبل نجد الصباخ . . امض ونحن معك

أهلاً بالدعبل، شرّفت ياحلو.

اقتباس المشاركة الأساسية كتبها ابوولعf والله قهر الغرب والعالميين سيطرو على السعوديه

ههههههههه والله قهر .

اقتباس المشاركة الأساسية كتبها راقيه باخلاقي وسأطالب بأن يأخذ الرجال إجازة أمومة وأن يأخذوا إجازة حمل وولادة!!!! بما أننا رأينا في زمن العجايب رجال حملو وولدو فمن حقهم أن ينعمو بهذه الاجازه جزاء تعبهم وارهاقهم تسعة اشهر

ليس المقصد منه الحمل، ولكن المقصد منه التربية.
الموضوع ساخر وفيه عدة رسائل، أتمنى أنها وصلت لكِ ولغيرك.

اقتباس المشاركة الأساسية كتبها الـدعساوي الصبآخ , أقول كيف الحآال

بخير، شلونك أنت؟

اقتباس المشاركة الأساسية كتبها أرسلان ربما كثرة الفراغ آلت بك إلى التفكير بعمق بصراحة الصورة اهباااال ههههههه لكن يبدو أن المتزوجين أبخص بهذه الأمور محب رؤية الرحمن

هههههههههه البحث عن الحق هو ما آل بي لهذا المآل .
ويمكن الدجه ومهناش شسمه ذاك بحكم العطالة .
كل شيء وارد بهالوقت ياعزيزي.
منوّر يالغالي .

[الخفاش]

اقتباس إلا أنني أبشركم أنني لن أتنازل ولن أتراجع قيد أنمله، وسأعلنها مدويّةً وصرخةً قوية بأن لنا حقوقاً يجب أن نأخذها ومطالب يجب أن تنفذ!!!.

الله أكبر !
لله دركـ من شهم هُمآم


أجل تبي خدم رجآآل يهالفآآهر

[آفــاق]

السلام عليكم...

جميعة سامية بأهداف نبيلة !!

أقدم عزائي لكم معشر الرجال
فبعد تلك الجميعة لن يهنئ لكم بال
ولن تقر لكم عين

ستشعرون
بالظلـم..بالاضطهاد..بالعنصرية..

وتكرهون عيشتكم..
الله يعينكم..


مقال مثير.. بأسلوب ساخر..
شكرا لك..

[كاره الظلم]

بسم الله الرحمن الرحيم

تصدق! إني فكرت بنفس فكرتك .. لكن المشكلة لا أمتلك نفس أسلوبك

آليت أن لا أمر بدون أن أترك أثر .. فصاحب الموضوع يستحق كل الشكر .. لأن موضوعه حوى في طياته الكثير من العبر

[فتى المدينه]

والله العضيم والا جعلني للموت الاحمر اذا كذبت بحرف واحد ...<<متحمس الاخ .

يوم كنت اكلم الصحفي عن موضوع الاخت اللي في الكليه التقنيه <<<<كان موضوعها هنا.

انه قال لي بالحرف الواحد ..خل نتكلم عن الفتيات لان لو تكلمنا عن الشباب بيقولون المسوولين وين بيروحون الشباب بالاجازه ...هذا اكبر دليل على هضم حقوق الرجل ..

لي تعليق اخر بنفس المسار لكن اتحفظ عليه لحاجه في نفسي ..اراك على خير